عادة دخيلة على المنبر اتمنى ان تزول

01:19 PM April, 09 2021

سودانيز اون لاين
بلدى يا حبوب-kahrtoum
مكتبتى
رابط مختصر

دلفناالي المنبر العام منذ بواكره فكنا كالجسد الواحد نتعاضد نتبادل السلام ونتسارع في كسب الاحترام كانت الاجتماعيات مبتغانا ولكن للأسف الشديد أصبح المنبر جماعات وشلليات حتى عندما يكتب الناعي خبر وفاة احد العضوية أصبح كثيرا منا لا يكترث حتى بالترحم عليه الا بعد ثبوت معرفته او كان من شللته
هل يعقل اكثر من مئات العضوية ومن يتدخلون في المنبر لا يتجاوز ال ٥٠ عضوا
نحن في حضرة شهر كريم ورحمة ادعو الله ان يزيل عنا هذه الماساة لتعود نترحم على من فقدناهم كما كان في أيام المنبر الاولي بصفحات لا أرقام
تحياتي

مرحبتين بالمحارب القديم الزميل بسودان نت وسودانيز أونلاين
تسلم يا صديقي
أـفق معك ظهور شلليات وتكتلات محدودة، لكنني لا أكترث لها كثيرا، ربما لأنني غير مداوم على الكتابة بالمنبر كما السابق!
أنا من ضمن القدامى ومن ضمن الذين لا يتداخلون كثيرا
لا أريد التبرير لنفسي، لكن يبدو أن الحياة غيرت الكثير من المفاهيم، خاصة الظروف الخاصة بالأعضاء.
رمضان كريم وكل عام والجميع متآلفين ومتحدين، ونرجو أن يعود للمنبر رونقه وجماله
______
الحليلة

الموضوع ابعد من محدوديه الشلليات فى تفاعلهم بل تعدت انك تجد من يدخل عندك البوست وموضوعو ويتدلخا بكلام هامشى واحياننا بتعالى يقيم البوست بتاعك انو (غير موفق) وكان اثاره اى موضوع يجب ان تكون ضمن خط رضا شله ما او يتم تصنيفك واغتيالك معنويا اما بتجاهل حديثك او المداخله وتهميشالموضوع
دا حال السودان كلو طبع وناسو
عشان كدا صعب نتقدم طالما انو صاحب الصوت العالى او الشله /الجهه /القبيله /السلطه اكبر يفرض ويختار للاخرين باساليب مختلفه مايجب ان يكونو عليه او يذهبو الى (الخور)

سلام يا أحباب
المشاغل والهموم كترت كما كترت كذلك
وسائل التواصل الأخرى فيس وتويتر وسناب شات
وانستغرام وغير ذلك من المنابر وخصوصا الواتس
حيث القروبات والذي منو .
بالنسبة لي ما قاعد اشتغل كتير بعدد المداخلات في
البوست بتاعي المهم عندي عدد القراء وخلاص
فما بالضرورة الناس تشيل وتدي معاك في أية حاجة
اذا تداخل زول ولقيت انو بحتاج رد عليهو
برد ليهو و البوست البفتحو لو نزل
تحت ما برفعو تاني حتى لو كان مهم إلا ما ندر
البركة في الموجودين.
بعدين كترت أو قلة المداخلات ليس دليلا على أهمية أو عدم
أهمية موضوع البوست في كل الأحوال.
المنبر هنا زي الفيس الواحد هناك يطرح موضوع بالغ
الأهمية وعدد المتداخلين تلقاهو قليل جدا وفي ناس
تانين خصوصا الحسناوات الواحدة تفتح بوست
تنكلم فيهو عن تسريحة شعرها أو منكيرا تلقى الاعمى
شايل المكسر لا وكمان يشاركوا البوست خخخخخخ
...........
ما كل البوستات تستوجب المداخلة والرد إلا للمجاملة
وشخصيا ما بعرف كدا والله .