Post: #1
Title: دي شركتنا الجديدة بسوق ليبيا
Author: Osman Musa
Date: 04-06-2021, 06:30 AM
06:30 AM April, 06 2021 سودانيز اون لاين
Osman Musa-
مكتبتى
رابط مختصر
اسمها
ZEDAB FOR ALL KINDS OF CARPETS AND RUGS
افتتحناها بحمد الله
بسوق ليبيا .
بعد خبرة 3 ألف سنة بين اليمن وشرق لندن ومكسبكو سيتي واسطمبول و مانهاتن
افتتحناها بحمد لله والزول على أعتاب تسليم الراية .
عشان كدي' عاملين تنزيلات لعموم زملاء الخربشة على جدران سودانيز الجميلة.
والتنزيلات تشمل الأخ عميد أسرة سودانيز الأخ بكرى .
الصور ح تنزل يوم الجمعة انشاء الله .
لكم جميعا التحية .
ونرجو من الجميع الدعوات بالتوفيق . والصبر على زلابية سوق ليبيا بعد
بعد صباحيات زلابية البرودوي .
|
Post: #2
Title: Re: دي شركتنا الجديدة بسوق ليبيا
Author: Osman Musa
Date: 04-06-2021, 08:20 AM
Parent: #1
جودة عالية .
وبجميع المقاسات .
|
Post: #3
Title: Re: دي شركتنا الجديدة بسوق ليبيا
Author: ياسر السر
Date: 04-06-2021, 10:23 AM
Parent: #2
الف الف مبروك يا حبيب وربنا يوفقك ويكتب ليك الخير والنجاح ان شاء الله ,,,
خبر جميل ... غايتو في الاجازة بنجي نشيل لينا اي شي ان شاء الله مصلاية ههههههههههههههههه
تحياتي : ياسر العيلفون .....
|
Post: #4
Title: Re: دي شركتنا الجديدة بسوق ليبيا
Author: Osman Musa
Date: 04-06-2021, 11:18 AM
Parent: #3
أخينا ياسر العيلفون
سلام
ما ها صدفة انك تكون أول أخ يزور بوست الشركة .
ولا كانت صدفة انو يجوا 3 أخوان دفعة واحدة من منطقة الدبيبة والعيلفون
مكلفين بالبحث عن سجاد مساجد .
والحمد لله كانوا أول المشترين للمساجد التلاتة.
الف شكر .
عان.
شغلنا سيد خليفة في يوم الافتتاح ( يا الخرطوم يا العندي جمالك جنة رضوان )
|
Post: #5
Title: Re: دي شركتنا الجديدة بسوق ليبيا
Author: Biraima M Adam
Date: 04-06-2021, 11:34 AM
Parent: #4
ول أبا عثمان
ألف مبروك .. وح نزوركم في أول زيارة للسودان ..
متمنين ليكم رمضان كريم .. ورشة موية باردة علي رملة الدكان في العصرية .. وأفطارات علي مشاوي لحم الناقة في سوق ليبيا.
ألف مبروك بلا حدود
بريمة
|
Post: #6
Title: Re: دي شركتنا الجديدة بسوق ليبيا
Author: خضر الطيب
Date: 04-06-2021, 11:43 AM
Parent: #5
ألف مبروك حبيبنا الفنان ود موسى و موفقين بإذن الله
بعدين يا فنان مرسل لي ألف صورة ياخ معقول ههههههههه
لكن حقي باخدو منك ان شاء الله مصلاية صلاة
لكن ما شاء الله شغلكم سمح بالحيل
https://www.0zz0.com
https://www.0zz0.com
https://www.0zz0.com
|
Post: #7
Title: Re: دي شركتنا الجديدة بسوق ليبيا
Author: خضر الطيب
Date: 04-06-2021, 12:11 PM
Parent: #6
https://www.0zz0.com
|
Post: #8
Title: Re: دي شركتنا الجديدة بسوق ليبيا
Author: Osman Musa
Date: 04-06-2021, 12:25 PM
Parent: #5
أخونا المهندس بريمة
سلام
تعال بس .
عارفك مدكن الدولارات من زمن جورج واشنطن.
كان كاش بنشريك. وكان كريديت . نردمك كريديت لامن تقول بس .
و كمان الاميركان اكسبريس حيشتغل.
..
دعواتك
|
Post: #9
Title: Re: دي شركتنا الجديدة بسوق ليبيا
Author: خضر الطيب
Date: 04-06-2021, 07:04 PM
Parent: #8
https://www.0zz0.com
https://www.0zz0.com
https://www.0zz0.com
شغل رائع يا فنان .. جايينك تب ابقى مارق دسكاونت 99% ههههههه
الله يوفقك يا طيب القلب
|
Post: #10
Title: Re: دي شركتنا الجديدة بسوق ليبيا
Author: خضر الطيب
Date: 04-07-2021, 05:09 AM
Parent: #9
https://www.0zz0.com
https://www.0zz0.com
|
Post: #11
Title: Re: دي شركتنا الجديدة بسوق ليبيا
Author: Osman Musa
Date: 04-07-2021, 07:14 AM
Parent: #10
الأخ خضر
سلامات
ومشكور كتير جد على تشتيت السكر .
نقلك للصور بديع .
اشتغلنا زمن طويل لليهود وحقيقة هم أهل الابتكارات والأفكار في التصنيع عامة.
علمونا فنون البيع و طريقة العرض والتخزين والشراء والشحن .
والإدارة .
واخلصنا لهم في الإدارة واخلصوا لنا في الحقوق .
وارجو ان نجد الإنصاف وان نجد حقوقنا من كبسيبة إدارة النفايات في بلدنا والضرائب
..
الف شكر يا أخ خضر
..
|
Post: #12
Title: Re: دي شركتنا الجديدة بسوق ليبيا
Author: خضر الطيب
Date: 04-07-2021, 07:24 AM
Parent: #11
على الرحب و السعة الحبيب الفنان ود موسى
انت تستاهل كل خير يا طيب القلب و موفق بإذن الله
و انحنا تحت الخدمة مهما بعدت المسافات
يكفيني تقارب القلوب
و بعمل ليك شغل كبير في بكانات تانية
و حيكتمل خلال الأيام الجاية
كون بخير
|
Post: #13
Title: Re: دي شركتنا الجديدة بسوق ليبيا
Author: النصرى أمين
Date: 04-07-2021, 10:12 AM
Parent: #12
بالتوفيق اخونا عثمان
السودان فيهو قوة شرائية هائلة...
اديك فكرة بزنس انا عندى فيها خبرة و حاولت انفذها فى السودان لكن لم افعل و ليها علاقة بشغلك ده...
بحانب بيع السجادات و المفارش تعمل خدمات لنظافتها (غسيلها)
تشترى مكنة او اثنين من نوع Ninja و معاهم كل الخراطيش و ال accessories.
الزبون يجى المحل ينزل المفارش و يرجع اخر اليوم يستلمهم نظيفات يلمعوا ....
انا عندى مكنتين هنا و شغال بيهم عشرين سنة ..حاجة قوية جدا و فعالة .
دى صورة مكنة النينجا
https://ibb.co/rGN6T5Z
كده يكون عندك بيع و خدمة
Sales and service
|
Post: #14
Title: Re: دي شركتنا الجديدة بسوق ليبيا
Author: Osman Musa
Date: 04-07-2021, 10:56 AM
Parent: #13
الأخ النصرى
سلامات
ومشكور كتير على المرور الكريم والدعم .
بخصوص الغسيل .
دا بيزنس صعب جدا في بلد قطوعات الكهرباء فيها 22ساعة من 24 ساعة في اليوم .
يعني الكهرباء بتشتغل ساعتين في اليوم . اها الساعتين ديل تشتغل فيهن غسيل CARPETS
ولا تشحن فيهن بطارية تلفونك؟
السودان يا أخ النصرى لسع متمرد على سيستم التجارة العالمية ولسع شغال ب حنك اليوم بليوم.
هنا تبيع وتستعجب وتسكت بس .
تحياتي
|
Post: #15
Title: Re: دي شركتنا الجديدة بسوق ليبيا
Author: Osman Musa
Date: 04-07-2021, 01:19 PM
Parent: #14
الشركة تقوم بخدمات التوصيل للعناوين.
والانستليشن للمساجد والمكاتب والمنازل ولدينا أجود أنواع الفلين وأجود أنواع النكرين.
|
Post: #16
Title: Re: دي شركتنا الجديدة بسوق ليبيا
Author: Osman Musa
Date: 04-08-2021, 06:49 AM
Parent: #10
والشكر الجزيل للأخ المصور الفنان الزبير حامد سليمان
والأخ الزبير هو صاحب فكرة التصوير والنشر في الفيس بوك .
له الشكر
والشكر لعموم الإخوان المشاطرين في حفل الافتتاح البسيط.
|
Post: #17
Title: Re: دي شركتنا الجديدة بسوق ليبيا
Author: النذير بيرو
Date: 04-08-2021, 07:27 AM
Parent: #1
عثمان موسي
الف مبروك
نتمني لكم مزيدا من النجاحات
طالبك زلابية في سوق ليبيا
بما أنني امدرماني سأكون قريبا
من تلكم النواحي
مودتي
النزير
|
Post: #18
Title: Re: دي شركتنا الجديدة بسوق ليبيا
Author: Osman Musa
Date: 04-11-2021, 11:23 AM
Parent: #17
الأخ النذير
سلامات يا جارنا الامدرماني العزيز .
مرحب حبابك في وطن الزلابية و المشاوي والكهرباء المقطوعة والناس الموجوعة.
الف شكر
|
Post: #19
Title: Re: دي شركتنا الجديدة بسوق ليبيا
Author: أبوذر بابكر
Date: 04-11-2021, 12:24 PM
Parent: #1
حبيبنا ابو عفان
قريب باذن الله تلقاني مطفر عليك
جهز لي شاي سادة بالقرنفل
وكيس تمباك من كجبر
|
Post: #20
Title: Re: دي شركتنا الجديدة بسوق ليبيا
Author: Osman Musa
Date: 04-17-2021, 12:24 PM
Parent: #19
يا مراحب أستاذ ابوذر بابكر
سلامات
ورمضان كريم .
قبل يومين مشينا فرشنا مسجد عند اهلكم في بطانة اب سن .
ضبحولنا حاشي . والله ناس ماشاءالله عليهم يعرضوا في افتتاح المسجد .
الزول الكان معانا قال لينا الناس هنا أصلهم بيعرضوا في الافراح وفي الاتراح.
شوف صور المسجد .
|
Post: #21
Title: Re: دي شركتنا الجديدة بسوق ليبيا
Author: أحمد الشايقي
Date: 04-17-2021, 12:44 PM
Parent: #20
ألف مبروك أستاذ عثمان
لو عايزين وكلاء أو فروع جاهزين
ليكم كل تحية
أحمد الشايقي
|
Post: #22
Title: Re: دي شركتنا الجديدة بسوق ليبيا
Author: ترهاقا
Date: 04-17-2021, 05:34 PM
Parent: #21
الف مبروك استاذ عثمان وخطوة شجاعة ،
كان الله قدر وجيت السودان إن شاء الله والنية موجودة
حأمر عليك ، اصلا أنا في كل زيارة لازم
أمشي سوق ليبيا ولو مرة،
بالتوفيق إن شاء الله
|
Post: #24
Title: Re: دي شركتنا الجديدة بسوق ليبيا
Author: Osman Musa
Date: 04-24-2021, 11:01 AM
Parent: #22
أخونا الفنان ترهاقا
سلامات
ورمضان كريم
تشرف ياخ وليك خصم 35% بس وانت جاي وتناول ليك نص ربع
قنديلة من حروف صواردة .
قنديل الجنة .
|
Post: #23
Title: Re: دي شركتنا الجديدة بسوق ليبيا
Author: Osman Musa
Date: 04-20-2021, 08:21 PM
Parent: #21
أخونا أحمد الشايقي .
سلام
والف شكر على المرور الكريم .
نشوفك في ليبيا
|
Post: #25
Title: Re: دي شركتنا الجديدة بسوق ليبيا
Author: الشيخ سيد أحمد
Date: 04-24-2021, 01:50 PM
Parent: #23
عثمان موسى
مبارك عليك الشهر الكريم.
ألف مبروك - ربنا يوفقكم إن شاء الله.
ناس الطب والمستشفيات عندهم حاجة اسمها Mobile Clinic بيمشوا
مناطق غير المنطقة الموجود فيها مبنى المستشفى - بيقدمو الخدمة وفي نفس الوقت بيعملو ترويج للمستشفى بالصورة دي.
انت محتاج تتعب شوية :)- حاول امشي سوق 6 في الحاجوسف واجدع ليك كم Sample
وحاول امشي الأسواق الإسبوعية زي سوق الجريف وسوق الثلاثاء.
بعد فترة ح تلقى انك بقيت مركز توزيع للمنتج اكتر من انك بتعرض في منتج.
أسأل الله تعالى أن يكتب لك التوفيق.
|
Post: #26
Title: Re: دي شركتنا الجديدة بسوق ليبيا
Author: عبد اللطيف بكري أحمد
Date: 04-25-2021, 10:51 PM
Parent: #25
ياسلام با عثمان يا طيب القلب
ألف مبروك ومزيد من التوفيق والنجاح
ياريت تنزل رابط الصفحة في الفيسبوك
|
Post: #27
Title: Re: دي شركتنا الجديدة بسوق ليبيا
Author: Osman Musa
Date: 05-08-2021, 11:12 AM
Parent: #26
الأخ الكريم عبداللطيف
الرجل اللطيف
سلام
ومشكور على المرور بشارع الشركة.
|
Post: #28
Title: Re: دي شركتنا الجديدة بسوق ليبيا
Author: الشيخ سيد أحمد
Date: 05-08-2021, 03:15 PM
Parent: #27
مع قبايل العيد والايام المباركة دي
اتمنى ليكم التوفيق ان شاء الله.
|
Post: #29
Title: Re: دي شركتنا الجديدة بسوق ليبيا
Author: Osman Musa
Date: 05-29-2021, 08:38 AM
Parent: #28
أخونا الشيخ
سلام
والف شكر على التشجيع والدعوات.
|
Post: #30
Title: Re: دي شركتنا الجديدة بسوق ليبيا
Author: عبيد الطيب
Date: 05-29-2021, 09:02 AM
Parent: #29
التوفيق حليفكم وربنا يعمّر بكم البلد
مع سلامنا وتحياتنا
|
Post: #31
Title: Re: دي شركتنا الجديدة بسوق ليبيا
Author: Deng
Date: 05-29-2021, 02:12 PM
Parent: #30
الف الف مبروك اخونا عثمان موسى
أتمنى لكم كل التوفيق
لكن لازم يكون عندكم معرض في الخرطوم ايضا.
|
Post: #34
Title: Re: دي شركتنا الجديدة بسوق ليبيا
Author: Osman Musa
Date: 05-30-2021, 08:39 AM
Parent: #31
الأخ الكريم دينق
سلامات
يا الخرطوم يا العندي جمالك .. جنة رضوان .
زبون الخرطوم يا أخ دينق كان زبون جملة كان زبون قطاعي .
كلهم مهمين للبزينس .
والخرطوم قوة شرائية مافي ليها مثيل في المدن السودانية .
ياريت الأمور تتعدل ونقدر نعمل للشركة برانش في الخرطوم .
تحياتي
|
Post: #32
Title: Re: دي شركتنا الجديدة بسوق ليبيا
Author: Osman Musa
Date: 05-30-2021, 02:44 AM
Parent: #30
الأخ عبيد الطيب
سلام
والف شكر على المرور الكريم و الاهتمام .
تحياتي
|
Post: #33
Title: Re: دي شركتنا الجديدة بسوق ليبيا
Author: Abureesh
Date: 05-30-2021, 06:10 AM
Parent: #32
مبروك البزنس الجديد وأدعو الله ان يوسع الرزق.. عندكم إيرانى؟ هذا إقتراح وليس سؤال.
|
Post: #35
Title: Re: دي شركتنا الجديدة بسوق ليبيا
Author: Osman Musa
Date: 05-30-2021, 05:30 PM
Parent: #33
الأخ ابوالريش
سلامات
إيران فقدت 65 في المية من سوق المنسوجات.
و تكنلوجيا صناعة السجاد انتقلت من إيران بعد المقاطعات.
..
مشكور على المرور
|
Post: #36
Title: Re: دي شركتنا الجديدة بسوق ليبيا
Author: Osman Musa
Date: 05-31-2021, 04:36 PM
Parent: #32
الشركة حتبتدي خدمة التوصيل لزبون الجملة و المساجد وصالات الافراح .
|
Post: #37
Title: Re: دي شركتنا الجديدة بسوق ليبيا
Author: بلدى يا حبوب
Date: 05-31-2021, 09:48 PM
Parent: #36
الف مبروك.
خلي كثير التلج لبكري أبوبكري
رسل ليه قروش الاعلام دعم لمساحة.تخزين المنبر في الشبكة العنكبوتية.
تحياتي
|
Post: #38
Title: Re: دي شركتنا الجديدة بسوق ليبيا
Author: بلدى يا حبوب
Date: 05-31-2021, 09:49 PM
Parent: #36
الف مبروك.
خلي كثير التلج لبكري أبوبكري
رسل ليه قروش الاعلام دعم لمساحة.تخزين المنبر في الشبكة العنكبوتية.
تحياتي
|
Post: #39
Title: Re: دي شركتنا الجديدة بسوق ليبيا
Author: Osman Musa
Date: 06-01-2021, 09:59 AM
Parent: #38
أخونا بلدي يا حبوب
سلام
أخونا بكرى أبوبكر هو الخير والبركة . وحصل ساعدنا زمان
في الإعلان في بدايات عمل شركة زيداب في 2007 في مانهاتن
وشارلوت نورث كارولاينا.
وساعد كتير من الأعمال السودانية التجارية والأدبية في الانتشار .
له واسرتو التحية .
ولو رجع السودان ممكن نهدي ليه مصلاية فخمة .
|
Post: #40
Title: Re: دي شركتنا الجديدة بسوق ليبيا
Author: صلاح الدين ابراهيم الفضل
Date: 06-01-2021, 01:33 PM
Parent: #39
أخونا عثمان موسى
1000 مبروك وحاجة جميلة وتفتح وشنا مع الأجانب ..
نتمنى ليكم التوفيق واوصيكم بعدم الإستعجال فى جنى الأرباح وارجو التركيز فى التوسع وكسب مزيد من الزبائن..
#كسرة
انا من قدامى الجمركيين وعندى مكتب تخليص فى الحاويات سوبا وبرضو بنخلص فى بورتسودان ومطار الخرطوم
ومن دواعى سرورنا أن تكونو من زبائننا المميزين فى تخليص وارداتهم عبر مكتبنا
|
Post: #41
Title: Re: دي شركتنا الجديدة بسوق ليبيا
Author: Osman Musa
Date: 06-02-2021, 07:35 PM
Parent: #40
فوووووووق
|
Post: #42
Title: Re: دي شركتنا الجديدة بسوق ليبيا
Author: محمد المرتضى حامد
Date: 06-03-2021, 10:26 AM
Parent: #41
| Quote: الصور ح تنزل يوم الجمعة انشاء الله . |
هي ح تنزل في منبر مسجد؟
بدون مجاملة أشهد على سجاد (زيداب) من حيث النوعية،
تكرم الأخ عثمان ود موسى بإهداء قطعة لمنزل الوالد ، أراها تحفة فنية ، وذلك عند زيارته للوالد العام الماضي بمعية أخي د. أحمد القرشي،
فله شكر من بحر الوافر كما يقول أخونا بشرى الفاضل ..
يا عثمان، عاين، بشهادتي دي نكون حبايب، وأحمد القرشي شال واحده و (قشَ خشمو) ، مفروض يجي هنا يعمل تيستموني زي حقتي وتكونوا حبايب..
|
Post: #43
Title: Re: دي شركتنا الجديدة بسوق ليبيا
Author: Osman Musa
Date: 06-04-2021, 06:06 AM
Parent: #41
جنابو الأخ صلاح الدين
سلام
والف شكر على المرور الكريم ومشكور
على الترحيب والاستعداد لتقديم الخدمات للشركة .
تحياتي
|
Post: #44
Title: Re: دي شركتنا الجديدة بسوق ليبيا
Author: خضر الطيب
Date: 06-04-2021, 06:12 AM
Parent: #43
شاعرنا الجميل ود موسى
شغلك دا محتاج لإعلام و انتشار في السوشيال ميديا و على أوسع نطاق
في لوحات الشوارع و في التلفزيون و مبالغ بسيطة بتجيب ليك مكاسب كبيرة
انا ما عندي مشكلة اساهم في الموضوع دا
|
Post: #45
Title: Re: دي شركتنا الجديدة بسوق ليبيا
Author: Osman Musa
Date: 08-07-2022, 05:40 PM
Parent: #44
الأخ الفنان خضر
سلامات
والف شكر على التشجيع
|
Post: #46
Title: Re: دي شركتنا الجديدة بسوق ليبيا
Author: شمس الدين ساتى
Date: 08-07-2022, 10:09 PM
Parent: #45
بالتوفيق الأخ عثمان. ارجو تحديد الموقع .انا بالخرطوم بحرى
ومفكر اشترى سجاد للغرف. تحياتى..
شمس الدين ساتى
|
|