Post: #2
Title: Re: تقدم لها اكثر من خمسة الف خاطب لوشي المبار
Author: صباح حسين طه
Date: 04-04-2021, 06:51 PM
Parent: #1
سلام أستاذ زهير
لو أي شابة
طلبت الزواج أونلاين لوصلتها كثير من الطلبات وربما كان نصفها ممن تزوجوا قبل ذلك
دعك من إعلامية حسناء وميسورة
هذه الخطوة ربما تعني أن الفتيات أصبحن يمتلكن قدراً أعلى من الحرية
في الخيارات التي كانت تملى عليهن في كثير من الاحوال
وأيضاً تلفت النظر لتعامل المجتمع ممثلاً في متعلميه مثل الصحفيين
مع قفزات زي دي تمارس فيها الفتاة بكل حرية وأريحية إختياراتها
مسألة أنها تريد فقط العودة للأضواء التي فقدتها
هو كلام منبعه الظن ويفتقد للدليل فلماذا لا تكون جادة في طلبها
حتى لو جاء مغلفاً بعبارة رشحوا لي والتي هي أقل حرجاً من عاوزة لي عريس
|
Post: #3
Title: Re: تقدم لها اكثر من خمسة الف خاطب لوشي المبار
Author: زهير عثمان حمد
Date: 04-04-2021, 07:24 PM
Parent: #2
الاخت صباح
تحياتي
أيضا نشرهو هنا من باب الاريحية وتغيير مود المسرح العام للمنبر
المهم لها مطلق الحرية في خياراتها ونتمني لها حياة كما تحلم بها
/B]
|
Post: #4
Title: Re: تقدم لها اكثر من خمسة الف خاطب لوشي المبار
Author: طلحة عبدالله
Date: 04-04-2021, 08:02 PM
Parent: #3
السلام عليكم الأخ زهير المحترم
مع زيادة احترام وتقدير كبير ممكن ياخ
ترحمنا من الأخبار الزي حفلات القونات دي ؟؟
دا رجاء وليس أمر وأنت حر .
|
Post: #5
Title: Re: تقدم لها اكثر من خمسة الف خاطب لوشي المبار
Author: abdulhalim altilib
Date: 04-05-2021, 08:30 AM
Parent: #4
تعظيم سلام وتحية ليك أخونا طلحة وأ×ونا زهير ..
يا أخوي مالك على أخونا زهير .. خلي يتحفنا بمثل هذه الأخبار
امكن يعتر لينا فيها خبر ويكون لنا فيهو نصيب .. زي خبر لوشي ده مثلاً !؟
بعدين .. إنت فاكر الناس كلها فاضية عشان تشوف زي الخبر ده في الفيس؟!
نعم إنت متزوج وأنا كذلك ، ولكن هذا لا يمنع من التفكير في الثانية أو الثالثة
(طبعا إذا توفرت الضحاكات في العروسة الباحثة عن عريس حتى ولو كان متزوج !!؟؟ )
اللهم إلا إن كنت خايف او خواف ، وعامل بمقولة (الخواف ربا عيالوا .. !؟) زي حضرتنا .. ههههههههههههه .
مودتي ،،
( ليمو )
|
Post: #6
Title: Re: تقدم لها اكثر من خمسة الف خاطب لوشي المبار
Author: عمر التاج
Date: 04-05-2021, 08:59 AM
Parent: #5
Quote: ممكن ياخ
ترحمنا من الأخبار الزي حفلات القونات دي ؟ |
مع احترامي لرجاءك يا اخي الكريم الجميل العفيف طلحة
لكن رجاءك ما في محله ..
المنبر هنا عام .. يعني بيحتمل ثقافة وسياسة وفن وتفاهة ..الخ
وكل واحد يعرض مايحلو له ..
اسه انا من متابعي أخبار لوشي الحبيبة
وخبر زهير ده عجبني وسر بالي
#شكرا زهروك
وناوي أقدم أوراق اعتمادي من بوست صديقي زهير ده
تجي انت تقول ما في داعي ؟
|
Post: #7
Title: Re: تقدم لها اكثر من خمسة الف خاطب لوشي المبار
Author: muntasir
Date: 04-05-2021, 09:31 AM
Parent: #6
ياخ لوشي دي بقت سوو 2020 ما شفت بتاعة ملاح الشربوت ؟
|
Post: #8
Title: Re: تقدم لها اكثر من خمسة الف خاطب لوشي المبار
Author: ABUHUSSEIN
Date: 04-05-2021, 11:11 AM
Parent: #7
إنت كنت رقم كم يا أبو الزهور ....؟؟؟؟؟؟
|
Post: #9
Title: Re: تقدم لها اكثر من خمسة الف خاطب لوشي المبار
Author: طلحة عبدالله
Date: 04-05-2021, 11:38 AM
Parent: #8
يا ليمو خواف منو ولشنو ؟؟؟؟؟
على الطلاغ بالتلاتة كان عايز
اعرس هسة دي اعرس أنا حر
لكن ما عايز ياخ
ممكن اجكس ساي خخخخخخخ.
يا عمروف (المدلساتي) قوم لف كدا واللا كدا
أو
أذهب فقاتل العلمانيين وسيبك من الرومانسيات
وفقدان الحنان دا خخخخخخخ
.................
لله درك الست لوشي آسرة القلوب
الجماعة قربوا يجاهدوا فيني
خخخخخخخ
|
|
