المرة دى ابحث عن رقم جوال مبارك اردول

02:02 AM April, 03 2021

سودانيز اون لاين
النصرى أمين-كالغرى, كندا
مكتبتى
رابط مختصر

يلا يا شباب محتاج رقم مبارك اردول المدير العام للشركة السودانية للموارد المعدنية .

المرة الفاتت لميت فى رقم جوال مكين تيراب ، راسلته ما اشتغل بى هههههه
سفهنى زى ما بقولو ههههه
لكن ما مشكلة ....الدنيا دواره ...
المهم داير تلفون اردول ضرورى ..

و للمعلومية
البوست الجاى داير رقم جوال وكيل وزارة الزراعة .

و بهذه المناسبة الجليلة ليه موظفين حكومتنا صعب التواصل معاهم ..
لو ما نحن (الشعب) كان كل واحد منهم مضطهب زينا كده ..يتلبت من ضل لضل
قامت الثورة و استشهد الشباب و سقطت الإنقاذ وجاء هؤلاء لقوها بارده
ليه يعنى يصنعوا حاجز بينهم وبين الشعب ..
اى مواطن عادى من حقه التواصل مع اى قيادى فى الحكومة دى ابتداءا بحكومة الذى يتستر بواقى فولازى من الجمهور ، عامل فريق من المستشارين يمنعونه التواصل المباشر مع الناس.

أكره تعديل البوست.
الجملة الاخيرة من المداخلة السابقة المقصود حمدوك

وللامانه اتابع مبارك اردول فى تويتر ، فوجئت انه فاتح خاصية استقبال الرسائل الخاصة فى حسابه.
عادة معظم الناس يعطل هذه الخاصية (انا واحد منهم)
حركة شجاعة منه ، وغالبا يتلقى عشرات الرسائل كل يوم من الساخطين غير ناس بعشوم و ودامبعلو و غيرهم من أشباح الانترنت ناس قوش.

طبعا ما صدفه انى من زمان من الداعمين لاردول من المشبوهين خاصة جماعة الإمارات الذين تفرغوا للهجوم عليه و تركوا كل شي و مشكلتهم بقت اردول المسكين.

يا ريت احصل على رقم مبارك اردول الخاص
ارجو المراسلة على الايميل
[email protected]

مبارك.اردول ده ذاته ما دام منصبه مدير عام ما حيشتغل بيك الشغلة...الا اذا قلت ليه في رسالتك انك لقيت
جعاز جديد بيكشف الذهب تحت اعماق الارض ومن على بعد كيلومتر وانك عاوز تقسم ليه من ارباحك الحتكون
بملايين الدولارات،،في الحالة حيرد ليك في نفس اللحظة،،،،
وهكذا هم المسؤولين ، او قل كل من احتل منصبا هاما في الحكومة فانه لا يفكر في مصلحة الوطن والمواطن ولكن
فقط يفكر في نفسه،،،،

Quote: يا ريت احصل على رقم مبارك اردول الخاص

هو عضو معانا هنا ، بس قول ليهو يا حرامي ، حيرد عليك طوالي

قاعد في الفيسبوك 24 ساعة يرد على ناس بشرى

اهلا يا امتثال
ودى مشكلة افراد الحكومة.
فى البداية كانت الاتهامات تنحصر فى عدم الكفاءة و عدم المهنية و ضعف القدرات.
آخر حاجة يحتاج لها حمدوك ان تتهم حكومته بالفساد.

انا شخصيا لم اصل لمرحلة الاتهام بعد ، سبب رئيسي بالنسبة لى ان الاتهامات تصدر من جهات مشبوهة مدفوعة باغراض مبهمة .

بالنسبة لعردول انا حتى هذه اللحظة اثق فى نزاهته و يتفق معى حمدوك (بدليل انه ما زال فى منصبه).


بالنسبة لافتراضك عن جهاز يكشف الذهب ،قربت من الحقيقة ، ايه رايك فى انظمة ساتلايت متكاملة تخدم قطاع التعدين !!!

يا ترهاقا ياخ حتى اولاد قوش ما قالوا عليه حرامى ..
اتهموه بسوء استخدام صلاحياته..

اتخايل لى وصف حرامى ده كتير شوية .


برضه من المهم معرفة دوافع اصحاب الاتهامات

هناك عشرات العردول فى حكومة حمدوك فى وزارة الصناعة و التجارة ؛ فى قطاع النفط فى الإستثمار
فى كل مفاصل حكومة حمدوك هناك اردول ،اولاد قوش اتخصصوه في مبارك !!! ليه ؟
اكيد هناك سبب .
المشكلة ان عندهم insiders داخل الوزارة ، يسربوا معلومات يفترض تكون confidential

اهلا محمد عمر
ودى غلطة من اردول..
يفترض كان يتجاهلهم
زى ما تجاهلني مكين

الروووب

سلام يا النصرى
حكايه المسؤول يتواصل مع الشعب دون وسيط(لوجستى) سكرتاريه إعلام او ماشابه مستحيله وتعطيل عن العمل حتى سكرتاريه المسؤول ما ممكن تكون شغاله كل يوم للتواصل مع افراد الشعب الكريم لانها غير عمليه وزمنيا صعب تحقيقها حتى لو اتفرغوا للفيس بوك واخوانه الزمن لن يكفى
الممكن ومفيد بين فتره واخرى يتفرغ المسؤول شخصيا للتواصل مع الجمهور واخذ عينه إحصائيه من اسئلتهم تختارها سكرتاريه مكتبه ليرد عليها المسؤول المعنى
فيما يتعلق ب فساد مبارك اردول غير كلام هنا وهناك فى وسط مليان ل عينو غرض ومرض مافى نجيضه ظاهره وياريت الزرزه تشمل كل الساده اصحاب المناصب عشان يترسخ مبدأ المحاسبه بدون حساسيه والناس تفهم ان المسؤول هو خادم للشعب
فيما عدا ذلك اتابع مواضيعك العجيبه والمتفرده ب عجب وإعجاب

الحمدلله اخ كريم قام بإرسال رقم اردول

ممكن نقرض على كده بعد نرد على مداخلة الاخ عبدالرحيم

اهلا و سهلا عبدالرحيم...
مشكلة تواصل المسؤلين الحكوميين مع افراد الشعب عندى ليها حل رهيب.

طبعا هناك عطالة فظيعة وسط الشباب الجامعيين، فى نفس الوقت خزينة الدولة مفلسة.
اقتراحى ..انو كل وزارة او مصلحة او هيئة حكومية تعمل إدارة جديدة بغرض واحد فقط هو التواصل مع الجمهور من ناحية مقترحات او شكاوى .

مثلا ..
الشركة السودانية للموارد المعدنية تعمل الإدارة دى من خمسة الى عشرة موظفين من الخريجين الجدد.
مهمة الشباب ديل التواصل المباشر مع الجمهور و العملاء بالتلفون او الايميل او وسائل التواصل الاجتماعي.
مثلا ..هناك محموعة من المعدنين الاهليين فى منطقة معينة لديهم اقتراح او شكوى ..يتواصلوا مع الإدارة دى..و بعد البحث يمكن رفع الامر للإدارة الاعلى .

كده نضمن انه اى مواطن عنده الفرصة يوصل صوته للجهات المسئولة و فى نفس الوقت قدرنا نخلق وظائف جديدة .




لو كل مصلحة عملت كده ممكن نحصل على مئات او آلاف الوظائف وفى نفس الوقت قدرنا نحسن من مستوى الخدمات الحكومية....


مقترح رهيب موش بالله

بس ورينا النتيجة...
اذا رد عليك فسوف ارسل لك ٥٠٠ دولار...
واذا لم يرد عليك ترسل لي فقط ١٠٠ دولار...
وهو مبلغ بكفيني coffee من ستاربكس لفترة ٤٥ يوم
Small size على اعتبار كل يوم دولارين و٢٠ سنت..

يا النصرى
المقترح عملى لكن ناسنا ح يكونوا ليه لجنه ودراسه جدوى:)
معظم اصحاب المناصب بحكم السن تنقصهم مهارات التعامل مع الكومبيوتر وآلياته
درب الثوره طويل ب الحيل.....
لكن كويس انت نفسك طويل وتقدم مقترحات نوعيه وعمليه واحرف مافى المقترح ان يكون رقابه لصيقه ممكن تمنع الفساد وإغراء المنصب