🌹❤️🌹يا الله ❤️🌹❤️

04:17 PM April, 03 2021

سودانيز اون لاين
وضاحة-اقيم فى قلوب الأنقياء الطاهرين من ابناء وطنى السودان المحبين لعمل الخير
مكتبتى
رابط مختصر

سودانيز اون لاين🥰❤️🌹
يستريح ويسكن في ظلال قلبها كل نهر الطيبه والسماح والجمال والنقاء
مملوة الروح عز وشموخ مكتملة الأدب والحسب والأصل الطيب
تمتلك ناصية الاحساس النبيل وكل ما هو جميل في الكون هي المنبع له

انها السودان❤️
تجبرنا للعودة مهما اخدتنا مشاغل وظروف الحياة
وزي ما بتقول جدتى امى امنة العمرابية رحمة الله عليها
العرجة لي مراحة 😂😂😂😂😂
وووين يااااااا😂😂😂😂
ثم مشتاقين وكدة ❤️😂

Quote: العرجة لي مراحة 😂😂😂😂😂 وووين يااااااا😂😂😂😂 ثم مشتاقين وكدة

على كيفك تفوت..
على كيفك تعاال
و ادخل برااحاات البيوت..
فى العتمة او نصت نهاار ..

ازيك يا بتنا ... :)

يحي❤️
والله مشتاقة كتير وحشتنى عديل كدة🌹
الصحة والامور عساكم عافية❤️
وكيف الدنيا معاكم😂

عودا حميداً الابنة وضاحة
كنا منتظرين تكوني ضمن الوزارة
كانت أيام جميلة مع بق بق رغم الاختلاف
ولكن كانت بوستات فيها اخوانيات
كنت اتابع تلك البوستات حرف حرف
واستغرب من كمية الاخوة التسامح بينكم رغم الاختلافت

حياتي المناضلة وضاحة

علي عبد الوهاب الرجل الرائع المهذب مشتاقين والله
حكومة نص كم 😂
كم كيزان وكم همباتة 😂
نحن بنجى قدام لما تنظف التركة 🥰
بق بق اخوا اخوان رغم الاختلاف 😂
كل الود سعيدة بي مرورك🌹

Quote: يحي❤️ والله مشتاقة كتير وحشتنى عديل كدة🌹 الصحة والامور عساكم عافية❤️ وكيف الدنيا معاكم😂

اختفيتي وين ؟ لا "صوت" لا صوره .. :)

وضاحة الغالية بنت الغالين
شوقنا ليكي بحور
حتى اسالي العنبة الرامية فوق بيتنا

حباب وضاحة المرأة اللماحة نورت الساحة نفسك كلها سماحة بس جيتى فى ظرف السودان فى المرجاحة غايتو علينا
براحة بعد الاطاحة عودا حميدا يا وضاحة

عياذ بالله .. محمد معانا ما تغشانا!

بريمة

الجميلة وضاحة
سلام
وحبابك . والجابك يجيب اخواتك.

هلا وغلا

حيدر الزين😂
الشوووووق🥰

حباب عثمان موسي 🌹
وحباب السلام والله ليكم وحشة❤️
ان شاء الله ربنا يرجع الاقلام الرائعه
ويعود سودانيز كما كان ملي بالنشاط والحيوية 😂
ابو صلعة دا لكن طفش الناس وما بشجع 😂🏃‍♀️🏃‍♀️🏃‍♀️🏃‍♀️🏃‍♀️

صديق مهدي
كيفك بالله وصحتك ان شاء الله بخير 😂
تشكرال علي الكلمات الطيبة
حميرتي مصيرو للزوال لابد ان اي اليل ان يجلى ويظهر شعاع النور
ويزول الشتاء والجفاف ويتبدل بالربيع علينا بالصبر
فهو مفتاح الفرج🌹

امتثال الجميلة والله العظيم مشتاقة وحشتينى بالجد❤️
كيف الحبيبة بسمات واميرة ان شاء الله بخير🥰

هلا يحي ❤️
مشاغل الحياة والكرونة الوباء الحير العالم
طمئني عليك وعلي اسرتك
ان شاء الله كلكم بخير 🌹

أمسينا بالله .




سلآم ...

معاااوية 😂
جيب قلدة ياخي الشوق لحدي عندك ياخي❤️🌹
ماعندكم عشرة ما تقول البنية دي وين يا مخرف😂🏃‍♀️🏃‍♀️🏃‍♀️🏃‍♀️

الدهباية

حبيب قلبي انا يا الزبير الختمى 😂
وين ياخال مشتاااقين😂🥰
ابو صناح قال الخرطوم حقت منو😂😂😂
الخرطوم خرطومنا والنيل نيلنا
والبلد بلدنا نمشي فيها بي راحتنا
واي قرد يشوف جبلو
زي ما قالت امي امنه
عاش ابو هاشم
يلا جيب الشعر😂😂😂😂

و طلّت فجر المشارق و هلّت
يا الف مرحب بى عودتك

مراحب بالعودة
وعقبال الغايبين

هلا بيك اخوي محمد الشيخ
ان شاء الله لي تسلم🌹

جلال مشتاقين والله 🥰
تسلم يا حبيب وحشتونى والله 🌹
ان شاء الله انت واسرتك الكريمة بخير وصحة وعافية❤️
اسعدني حضورك❤️

بنت اختي شرفت و نورت

جيدا جيت ياوضاحة

علاء سلامات ومشتاقين ❤️
الله يسعدك ويخليك يا رب🌹

النور نورك يا خال 🥰

هلت بشاير العيد
وضاحة أكيد المنبر بوجودك بتزيد حيويتو وجمالو

Quote: ابو صناح قال الخرطوم حقت منو

قسماً بنات الفلاتة البعرفهن تختهن في الجرح يبري !!

بريمة

بريمه سلامات والتحية والتقدير ل شعب الفلاتة العظيم
حساسيتك تجاه العنصريه يجب ان تكون عادله ومتوزانه
الكلمه التى وردت فى ذم حميدتى الرجل المجرم من اسوء مفردات العنصرية المستخدمه فى السودان
الحل لن يكون ب عنصريه مضاده ولا إقصاء بل بذل مزيد من الوعى والتواصل مع الاخر لإزاله مخاوفه وتنميطه عدا ذلك لن نخرج من دائره الشر والتخلف وحروب عبثية....

مكرر

الغالية صباح مشتاقين والله وليكم وحشة🌹
بي وجودكم المنبر عندو معنى وحيا❤️
اسعدنى حضورك وكلماتك❤️
ودي واشتياقي🌹

الأخ العزيز عبد الرحيم محمد صالح
لك التحيه والاحترام❤️
الاحساس بالعنصرية والدونية دايماً بكون نتيجة مركب نقص وعقد نفسيه
عند الانسان الغير مصالح مع نفسو وغير راضي بي اصلو علشان كده
الشخصيه الزي دي بتفسر اي كلام انو فيهو احتقار ليها
عكس الشخصيه العارفه عزها بتكون واثقه من نفسها وما بتشوف انو عندها
فضل نتاج اصل أو في ناس أقل منها
وبتضع الناس حسب كسبهم
علي قول امى امنة العمرابية رحمة الله عليها
العارف عزو كلام الناس ما بهزو😂
والعارف عزو مستريح🤣🤣🤣🤣

التحيه لشعب الفلاته
وخاصه للشاعره نانا أسماء بنت الشيخ عثمان دانفوديو
تحياتي اسعدنى حضورك🌹

الاخت الكريمه وضاحه
اشكرك على الترحيب والتقدير
العنصريه من اعقد مشاكل السودان وبسببها تفجرت حروبات وسالت دماء وماتزال
جزء من المشكله كنا تفضلت احساس ب الدونيه كرد فعل نفسى وإجتماعى حسب رأى لان هناك فرد او مجموعه ولاسباب مختلفه فيها الإقتصادى والاجتماعى والبيلوجى استأثرت لنفسها حق التمييز والاستعلاء كضروره حياتيه فى مرحله ما من تطور المجتمعات اخضعت من خلالها جماعات اخرى تحت سيطرتها والامثله على مدار تاريخ الانسان كثيره....تاريخ العنصريه افرز مفاهيم خاصه تسللت الى اللاوعى بل وخلقت لغه خاصه بها تتجاوز إطار العباره الى مفرده تكفى ان تشير الى (اصل)المخاطب وليس ب الضروره مدح بل اشد انواع الذم والتحقير كما ذكرت انت فى معرض ردك على الاخ بريمه وهو راجل لايخلو من عنصريه بحسب متابعتى لكتاباته لكن العنصريه لاتواجه ب عنصريه مضاده لانها ببساطه لاتبرر ابدا ومن هنا كان اعتراضى على استخدامك لتلك المفرده الثقيله التى لم اكتبها لثقل معناها على نفسى وعلى الكيبورد
حمديتى او شقيقه كلاهما من المجرمين والعنصريين والتصدى لهما لايكون ب عنصريه تفقد الانسان سلامه الرؤيه والحس
رجاء وليس امر الاعتذار عن تلك الكلمه التى وردت بفعل الغضب او الاستفزاز وهناك تفسير علمى بسيط لها ولكن ليس هذا مجاله
مع تقديرى واحترامى

بت ياوضاحة
فرحنا كتير بي جيتك ....

Quote: علي قول امى امنة العمرابية رحمة الله عليها العارف عزو كلام الناس ما بهزو😂 والعارف عزو مستريح🤣🤣🤣🤣 التحيه لشعب الفلاته وخاصه للشاعره نانا أسماء بنت الشيخ عثمان دانفوديو

الكضب حدو قصير .. يحلنا معاك ال DNA .. تضعي النتيجة هنا في البورد ..!

ألمي دخل الحوش ..

وجاييك للعنصرية بتاعتك ..

بريمة

اوووو بكري مشتااااقين 😂
وانا كمان فرحت بي وجودك يا اصيل❤️🌹
حضورك كا الربيع اعطاء البوست ريحة الياسمين 😂🥰

الاخ العزيز عبد الرحيم
حميرتي ليس سوداني بل هو مرتزقة همباتة مجرم قاطع طريق مطلوب


* قبل ان يكون جاهلاً او أمياً فهو لا ينتمي إلينا وليس منّا.
* لا جذور لهُ في كيان المليون ميل مربع سابقاً،
لم يحصد التمر في ديار الشايقية
و لم يزرع الصمغ العربي في عروس الرمال
و لم يرقص مع الدينكا رقصة الحصاد
لأنهُ ببساطة ليس دينكاوي،
و لا يضع الخُلال في سقف رأسه فهو ليس هدندوي
و لا من الجزيرة و لا من ديار الشكرية و لا دارفوري
ولا من النوبة الشمالية .

* يحمل رتبة عسكرية و هو ليس (جياشي)، و لا دُفعة له.!

* لم يفرح او يحزن لأنه نجح أو رسب في امتحان الشهادة الثانوية
و لم يقدّم في جامعة جوبا او الخرطوم او النيلين او الجزيرة
و لم يوثّق شهاداته ليسافر للدراسة في الهند او سوريا او روسيا او المغرب او مصر.!

* لم يكن كوز يحمل السيخ ضد من يظنهم شيوعية و لم يكن شيوعياً و يحمل كُتبا و يجنّد البرالمة،
لم يمتنع عن التصويت في الاتحاد و لم يصوّت من اساسه، و لم يساهر أرقاً قبل انتخابات الاتحاد
و لم يقاطع الكيزان اجتماعياً، و لم يقف في اركان النقاش مستمعاً او مخاطباً..

*لم يحمل ملاحقاً و لم ينجح بـ بي بلس ولم يتخرّج و لم يترك الدراسة، لم يقدم في وظيفة
و لم يدخل معاينة و لم يتأمل اول ماهية، لم يشتغل و لم يكن عاطلاً..

*لم يقرأ موسم الهجرة الي الشمال و لم يسمع بالطيب صالح من اصله
و لم يقرأ البنت التي طارت عصافيرها و لم ينتظر تداعيات يحي فضل الله بفارغ الصبر،
لم يسمع حميد و لم تبهره قصائد عاطف خيري و لم يسمع لمصطفى سيد احمد
و لم يغني خلف عقد الجلاد في المسرح و لم يصرخ طرباً مع ابو عركي في مسرح النشاط
و لم يذوب طرباً مع الحوت..

* جاء من الفراغ، من عوالم لا علاقة لها بثقافات السودانيين من نمولي إلي حلفا،
و لم نسمع زميلاً له يتكلم عنه و لا هو حكى عن زميل له..!

* هوإنسان ميت بلا تاريخ ولا حاضر يحلم ان يتحكم في شعب له تاريخ وحضارة و بكامل الحياة و الحيوية..!!

*كسرة :
إنه كال(Covid-19)،ظهر فجأة،وتمدد !
إنه حميدتي !
المجرم القاتل😡😡😡😡😡

Quote: معاااوية 😂 جيب قلدة ياخي الشوق لحدي عندك ياخي❤️🌹 ماعندكم عشرة ما تقول البنية دي وين يا مخرف😂🏃‍♀️🏃‍♀️🏃‍♀️🏃‍♀️

يا فجرهِن لحدهِن،
والله الشوق بحوّر ما ليها حد ما ليها قيّف أعبر بحر يمتدّ تاني
بحر جديد وأحتار !!!، أقيف !!!، سنين العُشرة والأيام وحاتك
ما هانو لكن الخرف والصلعة أصبحو صابنها .
ولدنا خليناهو ليك أمانة في تولآتِك تفكيهو لخالآت ديانا
الممحوقات، عآد الختيتيها رقدت ...

تحياتي وضاحة

المنبر، وخاصة للذين في دول الاغتراب هو عالم يستدعي منافذ عدة تطل على الوطن

دمتم

الاخت الفاضله وضاحه
حميدتى الجنجويدى السابق والحالى سودانى كامل الدسم صنعه من يفوقه فسادا واجراما وبكل اسف تنطبق عليه شروط السودانيه بحسب تعريفك اعلاه ورغم ذلك لم تشفع له ولم تعصمه ان يولغ فى دماء الابرياء ويسرق من مال عام دون تحرج اخلاقى وبنى امبراطورية فساد شملت معظم اهله وفيهم من قرأ البنت التي طارت عصافيرها وهام مع ابوعركى و الحوت وكثير مما يجمل المظهر لكن الشاهد والواقع ان الجريمه تظل سلوك إنسانى لا علاقه له ب تركيب جينى او اثنيه تنسب لها مكارم الأخلاق
حميدتى مكانه الى جانب من اخرجه من قارورة السحر وطلق يده بالبطش على ابرياء توزعت دمائهم فى كل السودان ونالت دارفور نصيب وافر وماتزال تنزف

بنت اخوى مرحب بعودتك نورت حوش الباش بكرى