Post: #2 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 08:30 PM Parent: #1
فكرة المسلسل
توأم لقيط ..مؤمن ومهيمن
بتفارقوا في عمر ٧ سنوات
Post: #3 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 08:32 PM
مؤمن بربيهو زول ميكانيكي
وببقي مكانيكي شاطر
ومن خلال الاحداث
بحب دكتورة جاتو في المحل لصيانة العربيه
Post: #4 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 08:34 PM Parent: #3
الدكتوره مربيها ابوها علي المثل والقيم وعدم التميز بين البشر
Post: #5 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 08:35 PM Parent: #4
Post: #6 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 08:38 PM Parent: #5
مهيمن اتربي مع شرزمه
وبقي زول بتاع تجارة مشبوه وعند مال وعربات
وساكن في افخم حته
ومأجر ليه ((ام وابو))
كشكل اجتماعي
Post: #7 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 08:42 PM Parent: #6
بطولة
ابوبكر فيصل
ساره حمدون ...
Post: #8 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-23-2021, 09:03 PM Parent: #7
المسلسل
حيبث علي اليوتيوب
اول يوم في رمضان
Post: #9 Title: Re: حافة الطريق مسلسل يبث في رمضان من اخراج ال Author: أحمد محمد عمر Date: 03-24-2021, 04:51 AM Parent: #8
أبوبكر فيصل مبدع شديد في التمثيل ما فيه ولا نص كلمة بس عندو أزمة نصوص وفريق تمثيل (قصة وسيناريو وحوار) دي ما ريحتني كلو كلو .. لو ركز في التمثيل بس وخلى المهام دي للمتخصصين فيها بكون أفضل الممثلين المعاهو حالياً تعبانين ما متفائل نهائياً بالقصة الهندية دي لكن كعاشق للدراما السودانية حأتابع المسلسل لايف ولو عجبني بدق ليه خيمة هنا في الاونلاين نلم فيها المتابعين كلهم
Post: #10 Title: Re: حافة الطريق مسلسل يبث في رمضان من اخراج ال Author: سامى عتبانى Date: 03-24-2021, 05:36 AM Parent: #9
اخوي احمد عمر شكرا لمرورك الانيق فعلا ابوبكر ممثل ممتاز يلا مشكله الدراما عندنا. مافي زول بدق صدرو وينجر عمل درامي متكامل زي المصريين. مثلا. بتلقي مقدمه التتر. تلخم من كتره. الناس شي تاليف وسيناريو وووو لكن. عندنا في السودان. معظمهم عندهم الافكار بس بخافو الفشل فدائما بتلقي. في واحد من الممثلين ناجر القصه او مقتبسه من فلم ويختار ليهو كذا ممثل وينفذو العمل ابوبكر فيصل مثالا زول مجتهد واعتقد عملو ورشه عمل كبيره حقيقي الشغل قبل المونتاج شغل جميل جدا خاصه انو المُخرج رجل درامي وزول خبره في المجال الاضاءه الصوت كلو والله شغل جميل وفي رمضان ما حتندم انك شاهدته دراما سودانيه
Post: #11 Title: Re: حافة الطريق مسلسل يبث في رمضان من اخراج ال Author: أحمد محمد عمر Date: 03-24-2021, 06:10 AM Parent: #10
لا لا أنا الدراما السودانية زولها شديد واتوقعت لي جلواك وابوبكر فيصل مستقبل مشرق من برنامج حنك زمان أحلى دراما سودانية رمضانية .. دقيقتين بس يومياًأحلى دراما سودانية رمضانية .. دقيقتين بس يومياً جلواك مشى أكتر ومسلسله الأخير الجزء دغوتات كان شيق جداً مسلسل دغوتات للنجم جلواك .. وحينئذٍ جاطتمسلسل دغوتات للنجم جلواك .. وحينئذٍ جاطت وأعتقد السبب المباشر هو استعانته بكاتب متخصص على عكس اعتماده في الجزء الأول على الممثل غسان النعمة الكتاب الدراميين موجودين بكثرة بس الموضوع محتاج شغل تسويق أكتر من دراما .. يعني الاعتماد على الشركات في الرعاية أو القنوات الكبيرة في الانتاج ممكن يوفر الميزانية المطلوبة لإنجاز عمل درامي محترف .. شوف الانتاج الضخم لسلسلة زواويل مثلاً في سلسلة ابوبكر فيصل الموجودة في قناته سوسيوة وخبر عزو .. يعني .. ما بطالين .. لكن باقي الطاقم بالكامل ما عندهم علاقة بالتمثيل برضو عندنا مشكلة أي ممثل كويس عاوز يبقى بطل مطلق ويلم حوالينه ناس أقل منه .. التقول بتعقدو من فكرة البطل المساعد دي رغم إنه عندها جائزة اوسكار عديل بإسمها هسة في السينما المصرية شوف ممثلين شباك كبار زي حسن حسني وبيومي فؤاد وماجد الكدواني ما بكونوا الأبطال لكن رغم كدة الجمهور بيجي العرض عشانهم
Post: #12 Title: Re: حافة الطريق مسلسل يبث في رمضان من اخراج ال Author: أحمد محمد عمر Date: 04-13-2021, 11:36 PM Parent: #11
التمثيل كويس .. لحدي هسة مستورين الإخراج ممتاز شديد دور مهيمن غريب وجديد على أبوبكر فيصل وأبدع فيه، وغفر ليه دور مؤمن اللي هو القالب الحصر نفسه فيه من زمن
احتمال يتفوق غلى دغوتات
Post: #13 Title: Re: حافة الطريق مسلسل يبث في رمضان من اخراج ال Author: أحمد محمد عمر Date: 04-13-2021, 11:38 PM Parent: #12
أنا انجليزيني حبة لكن ما اعتقد حافة الطريق ترجمتها road's end بحسب شوية الانجليزي العندي حافة ترجمتها edge و end نهاية
Post: #14 Title: Re: حافة الطريق مسلسل يبث في رمضان من اخراج ال Author: أحمد محمد عمر Date: 04-15-2021, 01:02 AM Parent: #13
ما كعب لحدي هسة مستور ورغم قصته الهندية المكررة لكن واضح إنه متعوب عليه
Post: #15 Title: Re: حافة الطريق مسلسل يبث في رمضان من اخراج ال Author: أحمد محمد عمر Date: 04-15-2021, 01:06 AM Parent: #14
كنت عاوز افتح بوست عن عودة مسلسل عشم بالجزء التاني لكن أحبطني ما مبشر كلو كلو واضح إنه سلمى ما ممثلة وحتى أختها استبدلوها بواحدة تانية عملوها بايخة شديد جايبين واحدة دوبلير لي سلمى من وراء وحتى في العربية بتكلموا معها وهي مافيشة .. بصراحة حركة ما احترافية نهائي كلام عن الكيزان وتمهيد لإقحام المسلسل في الثورة غايتو لحدي هسة ما مبشر نهائي
