خلونا من قيبوناتشي، شنو علاقة السجائر والموبايل بالـ

06:54 AM March, 23 2021

سودانيز اون لاين
احمد عمر محمد-
مكتبتى
رابط مختصر

مرحاض.
والذي لاحظت في المكتب انه كلما ما اختفى
احدهم داخل بيت الادب اخذ معه جواله، واصبح
شغل احدهم دورة المياه مدة غير معتادة في كل
عملية وصول.
منذ فترة ليست بالقصيرة لاحظت ان بيت يضم عدد خمسة
اشخاص، ان احدى الساكنات بالمنزل كلما ذهبت دورة المياه
عادت ورائحة التبغ تملاها، ولما استفسر عرفت ان تدخينها
داخل المرحاض وتحت عين اهل البيت وداخل دورة المياه
ارحم من ان تدخن السيجار خارج البيت ودون علمهم ,
برغم ان المدخن يدرك تماما انه صاحب الجرم،
الا انه يظن ان لا احد سيكتشفه وكانه يقول:بلسان حاله
انا المدخن انا المدخن.
برغم ان بيت الادب هو من اقذر الاماكن التي يدخلها الانسان
مضطرا لقضاء حاجته, الا انه المكان المفضل للمدخنين
لتنازل سيجارة داخل المطار او القطار او المطاعم التي بها
دورات مياه والمولات وما شابه، وحتى داخل المنزل تجد
ان احد افراد الاسرة متى ما احس برغبة في تناول
سيجارة في حال وجود ضيف بالمنزل فانه ينسحب
الى دورة المياه ليستمتع بسيجارة كان من السهل ان
يتناولها في الصالون اما الضيف او ان يخرج الى
الهواء الطلق منفردا او ان يدعو معه الضيف
لكنه يذهب الى المرحاض ويخلف رجلا على رجلا لاحل
ان يتناول سيكارته المعتقة.

والان لحق الجوال بالسيجارة فاصبح افضل الاماكن لمتابعة الاحداث
او تلقي تفحص الجوال وتجده ملازما لصاحبه خاصة في المكاتب
كما ذكرت فلا تجد موظفا ذاهبا الى المرحاض الا وانه يتأبط
جواله بيده وهناك ربما طالت فترة المكوث واخر احدهم راغب في قضاء حاجته.

من اين جاءت هذه العلاقة وكيف استلذ هولاء القوم هذا الفعل في ذاك المحل.

تسليك وتسليك

وكذلك سيجارة ب ا وبعدين قيبوناتشي ده منو حقيقة ما عرفته مشيت قوقلت زي ابوحسين لقيت فيبوناتشي بي فا فرس

معقولة يا muntasir ما عرفت فيبوناتشي منو وانت حاتل
مع الجماعة المنجذبين و استاذ حافظ ما قصر يشرح ليكم
في النظريات.
انا غايتو فيبوناتشي قابلتوا كنظرية في بعض دروس البرمجة
لتطبيق النظرية وكنت كاره النظرية كمان لعلمك
و بالنسبة للتسليك و التسليك دي صراحة ما وقع لي
بس فهمت واحد من التسليكين بمعنى الزوغان من جو العمل و المسوؤلية

زمان يا أحمد عمر ونحن برالمة كان عندي صاحبي يربطنا حب الرياضيات والبحث عن المسائل المعقدة.
أها صاحبي دا لما مسألة تغلبنا بقول لي خليني لما أمشي دورة المياه بعدين وأمخمخها وأنا قاعد
وكتير كانت بتصادف معاهو.
عشان كدا ما تستبعد يكون فيبوناتشي ذاتو جاتو متتالية تكاثر الأرانب وهو في دورة المياه.😀

وزي ما فال ليك منص السجارة بتفتح الفونية.
وبكلام علمي النيكوتين يزيد حركة القولون عن طريق تحفيزه للجهاز العصبي التلقائي.
والإمساك واحد من الآثار الجانبية لترك التدخين.

سلام أحمد

التدخين مكانه الشارع، ليس الحمام وليس ، بالتأكيد، الصالون. ضرر التدخين السلبى (استنشاق دخان المدخنين) أكبر من ضرر التدخين على المدخن الأصلى. أنه يخرج معه
من الرئة مصايب تانية أقلها ثانى أكسيد الكربون.
الان فى نيويورك وكتير من المدن الأمريكية والأوروبية ممنوع التدخين فى الأماكن العامة.. كل مقاهى ومطاعم أمريكا وطبعا المكاتب، ممنوع فيها التدخين. الموظفين والموظفات وقت الغدا ينزلوا من ناطحات السحاب
للشارع.. تلقاهم واقفين تحت عمارتهم فى الشارع زى العواطلية.. يشربوا سجارتهم ويطلعوا تانى.

يا حافظ اذا كان القولون في الجزء السفلي
والسيكار حدها الرئتين ما ظنيت يكون مشاكل
القولون والامساك هو ترك التدخين
لكن بما ان المدخنين اقل شهية فبالتالي فرصة
يكون عندهم امساك مع التدخين واردة والسبب
انهم يصابوا بالامساك مجرد الاقلاع يكون القولون
عندهم ما مهيئ لتغير الغذاء عندهم ورجوع الشهية
لطبيعتها وبالتالي ربما امتلاء المعدة عندهم يجعل
الامساك وتأثر القولون امر وارد وده مجرد تنظير مني.

زعلكم بتاع تنزل الحلول المعقدة عنده شكله
كان فترة المرحاض عنده فترة خلوة ويقضي فيها
وقت اطول ووقتها لا جولات وصاحبك غير مدخن
عشان كده كان يبدع في المسائل المعقدة

كمدمن تدخين سابق سبب ادمان السجاير مع الحمام وغيره انك بتربط السيجارة بي مواقف بعد الغدا بعد ال في الحمام فبمرور السنين الحاجات دي بتربط بالتدخين ، اما للتلفون فاعتقد قريت قبل فترة انه بيسبب بواسير لأنك بتقعد في الحمام أطول من الفترة المحتاج ليها

Quote: ده مجرد تنظير مني

أيوا فعلاً مجرد تنظير منك
لا يختلف من ننظير اللُقا مرة حمبرة قباض الطير في آلية تكون الثقوب السوداء.
ولا يختلف من تنظير أبوالريش في أن ضرر التدخين السلبى (استنشاق دخان المدخنين) أكبر من ضرر التدخين على المدخن الأصلى.
😂😂😂

تنظير ابو الريش اعتقد انه كلام شائع وفي ابسط
صوره ان المشارك للمدخن في مساحة مغلقة يتاثر
بنسبة ما ليست قليل بما ينفثه المدخن والسيارة
وليس كالمدخن وانما ضرر بسيط.
اما تنظير الوهمي بنيته على العلاقة العكسية بين القولون
والروتين

يا منتصر اجمل حمام زي حمامات مطار سنغافورة
العاصمة الواحد يتمنى يطلع منه ان يدخل اليه نظرا
لارتباط المرحاض بالقذارة فما عارف كيف يستدعي المدخن
في هذا المكان هذه التجليات.
ده كله يوريك ان التدخين فعل وهمي وما يرتبط به
اكثر وهما.
اما حكاية الموبايل والجلوس المفرط سبب بواسير
دي ما ادونا ليها والواحد يلحق يكتب في جدار دورة
المياه انتبه استخدام الموبايل في الحمام يسبب البواسير
وياريت الأخوة المترجمين يقترحو لينا ترجمة للعبارة

غايتو حسب خبرة منص الممتدة
القعاد فى الحمام لمدة ظويلة بيعمل تنميل فى الكرعين
و بمرور الايام و الكبر بيعمل ارتباك فى الخطو
اى رترتة
___
ماتت فى السبعين من عمرها بمرض سرطان الرئة مع انها لم تكن من المدخنات
""" المخدنات دى بكسر الخاء ....
و برضو السرطان نتج عن التدخين لأن زوجها كان مدمن تدخين

يا جلالدونا تنميل ده في الافرنجي ولا العربي
ويقال ان البلدي رياضي واختبار تحمل
والافرنجي هو البيعلم الركلسة وكسر الركب

يا أحمد عمر ضرر التدخين السلبي ليس إعتقاد شائع فقط بل حقيقة علمية لا ينتطح فيها حتى جلالدونا مع أي غفير في شفخانة عدمانة حبوب السلفا.
لكن حكاية ثاني أكسيد الكربون دي إلا نشوف ليها مباصرة مع الإحتباس الحراري.

زمن الإحترام كثير من المدخنين بفتكروا إن الحمام أو المرحاض مكان آمن من العكشه ...

وبتكون واصلت معاهم العادة ...

ما بخافوا من إستخدام الجوال في الأدبخانه او المستراح او ال دبليو سي إنه إلم فيه شيطان إلفحه إعوج خشمه

يا سيدي الحسن من محن الزمن



الزبير الختمي

يا عمرنا التنميلة دى بيجبا الافرنجى
وشى مضر اخر حنية الضهر فى الافرنجى برضو
خليك مع البلدى تسلم
____يا مولانا شغل الندح ده ما مطلوق ساكت كده
بى مقاماتو ياخ
هسى مش قاعداناطحك كتير
و طيب

محمد حمزة
لكن دي ما عادة دي مرضة عديل كده
بعدين الواحد هو ركب راسو وبقى بيسجر تاني
الاحترام لي منو ولزومو شنو.
وفي النهاية اقلاها يتوارى عن الانظار لكن يجعل الحمام مسكنه
وخد في بالك السيجارة ليس ادمان يستمعل في اليوم مرة واحدة
بل يصل احيانا ان تتكرر فوق الثلاثصين مرة احيانا لو صاحبنا
قضى منها 30 في المائة حمامات على قول الزبير ده بيكون
خلق علاقة مع شياطين الحمامات ده لو ما بيكون خلاهم ادمنوا على
السيجارة بسببوا و بيكونوا هم البجرجروه للحمامت عشان يفك ليهم الولف

الزبير هو الجوال براهو ده تلقى السيجارة دخاخينها فوق
و بعدين السماعة البلوتوث برضو تكون صحبة الجوال
و بتم جلسات استماع و تدخين و تسجيل صوتيات يعني مكتبة
متحركة.
وتقدر تقول مرحاض مكتبي خاصة النت في الحمامات دي
بيكون ما عليه اي فواتير لاته بيكون حق خدمة المكتب
و استخدام نوع من الرفاهية

العربي و لا البلدي كمان ما حنان
بعدين الافرنجي ممكن يكون استخدامه لمحة ومرقة
الخوق في المدخنين على قارعة المراحيض، ديل الواحد
يمرقها في الحمام متأبطا سيجارته وجواله
و ما بطلعوا الا انتهاء السيجار او انتها خدمة الانترنت المجانية
ده مشى انحناء في الظهر ده بكون منتهي بعد وقت من الزمن

Quote: ويقال ان البلدي رياضي واختبار تحمل

تمرين تسعه استعد ههههه
البلدى صعبللزول الاتعودعلى الافرنجى
بيقولو انو البلدى افضل من الافرنجى فى تسريع العمليه بشكل جيد
.
بالمناسبه الموبايل دا امتداد للمجلات والجرائد زمان .بتذكر قريبناكان عندو حمامو افرنجى وكان ثابت تلقى مجله افرنجيه ممعلقه فى سله جنب المقعد .
.

Quote: بى مقاماتو ياخ

لذلك لم أقل لا ينتطح فيها جلالدونان

سبب إدماني الصعوط كان الامساك
تديها سفة تحس بإنسيابية الحاجات بسلاسة
عشان كدة التمبكجية أهم حاجة عندهم سفة ما قبل الحمام
ولما تخلي الصعوط بجيك امساك من يومين لي 5 يوم قدر ما تقعد ما تعمل أي حاجة

يا أحمد القصة دي شوف حافظ بتاع حساب المثلثات يمكن يكون عنده ليها تحليل فرويدي

وانا الحاسب الشغلة موبايل وسيكارة
الموضوع جاب جرائد ومجلات ووارد الفاشر
شكلوا الموضوع اتغير شديد ودخلوا
منافسين جدد في الشغلانة

ها زول فرويد البدخلو الحمام شنو؟
فرويد ود ناس .. بتاع غرف نوم ما بتاع حمامات :)

Quote: فرويد ود ناس .. بتاع غرف نوم ما بتاع حمامات :)

ههه
فرويد قال غرف النوم دي حقت ناس كبار لكن الحمام بيبدأ معاك من زمن الطفولة😁
ومن ناحية تطور بيجي بعد الرضاعة طوالي.

المحيرني أحمد عمر محمد
أبى كلو كلو يقتنع بعلاقة بين الرئة والفونية
لكن أبداً ما ما إعترض على العلاقة بين الشلوفة والفونية.
يخيل لي المسألة دي دايرة تفسير فرويدي.