Post: #1
Title: مليار ونصف ايجار صالة أفراح-وبت الزين المتفوقة ما لاقية جامعةتقبلا!
Author: زهير عثمان حمد
Date: 03-22-2021, 09:17 AM
09:17 AM March, 22 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
بعد عودة صالات الافراح للعمل بعد قرار اغلاقها لاكثر مم نصف عام عمل مديروها على مضاعفة الاجر لتعويض للخسائر التي منيوا بها خلال فترة الايقاف بسبب قرار والي الخرطوم نمر.
وقال متعهد حفلات شهير ان ايجار المسارح المفتوحة قفز من 20 الفا الى 100 الف جنيه و تراوح سعر الصالات محدودة العدد بين 200 الى 350 الف جنيه والصالات المصنفة درجة ممتازة اقلها مليار جنيه و كشف ان صالة شهيرة تقع بشارع رئيس بالخرطوم بلغت كلفة ايجارها المسائية مليار ونصف من الجنيهات ولحفل زفاف نهاري مليار و 300 الف جنيه.
------------------------------
أخت أخوان وشيالة تقيلة وصاحبة احساس وواجب كتبت:-
أي حد بعرف معلومه عن كاتب القصيدة وست القصيدة نور الزين يدينا عنوانه وانا متكفله ب اجراءات سفرها لاي دولة تطلبها ( منحة دراسية تقرا فيها الطب)عليكم الله شير في الخير
قصيدة سطرها والد طالبة لم تحظى بالقبول رغم احرازها 92 %
مليار من ووين ياحمدووك
*مليار من وين يا بت الزّين؟*
مليار من وين ؟
لقروش الطب …
وبيتنا الطين
لمبة جاز وجاز من وين ؟
شمعة تضوي هي نور العين
(ونور ) بتّي نوري الزّين
ثلاثة صباحا شايفك انت
تكابسي الشنطة
والناس نايمين
لون اقلامك ..
صوت احلامك
وتكتبي انت..
يارب طب .. يارب ناجحين
ضو الشمعة بيرقص ليك
وانت بتقري ما شفتك نمتي
ما شفت عيونك ديل قافلين
أمك سهرانه في صف العيش
ناوية تقابلك باللقمة دغيش
عشان تحشيلك بالطعمية
لقيمة زادك مع الميتين
وانا بأتمني اشوف بتي
بالسماعة وابرول ابيض
خريجة الطب .. وملاك طيبين
سهر ليلاتك
دعوات اماتك
وصبر ابواتك
وفرح اخواتك
بنتيجة الجامعة الفوق تسعين
وجات النمرة الفوق تسعين
وفوق التسعة زايده اتنين
رضاء ابواتك وفرح اماتك
وابرول ابيض
لكن من وين ؟
مليار من وين ؟
مليون من وين ؟
دمعة في خدك
وقُصّة في حلقك
وحسرة في قلبك
في التسعين
وفوق الحسرة
كسرة عين
وفوق الطب
مليار من وين ؟
يا حمدوك يا بت الزين ؟
يا ظُلام المقهورين ؟
يا كاتلين احلام اولادنا
ويا سارقين عرق اولادنا
ويا كاسرين قلوب اولادنا
ويا حاقدين علي الناجحين
ديل من وين ؟
جابوا عدالة
وديل من وين
عرفوا غلابة ؟
وديل من وين
عرفوا الزين ؟
ديل من وين ؟
قحّطوا لينا الفرح الباقي.
و كسروا قلوبنا العين ما تلاقي
وبهدلوا حال المستورين
ديل من وين ؟
كملوا زادنا
وقلّ رقادنا
ومحقوا الباقي
عايشين بالدين
ديل من وين ؟
بدلوا حال الناس بالشفقة
وحتّوا الشجر عدموه الصّفقة
وطردوا الفقراء وشالوا النبقة
وحتي احلامنا ربطوها بعقبة
وشالوا مننا نور العين
ديل بالله جوا من وين ؟
|
Post: #2
Title: Re: مليار ونصف ايجار صالة أفراح-وبت الزين الم�
Author: علي عبدالوهاب عثمان
Date: 03-22-2021, 10:01 AM
Parent: #1
يا سلام يا زهير .. جزاك الله خيراً
جميل أن تدخلنا في دائرة هذا الحزن النبيل
احساس الاب بأبنته .. صدمة بالغة جداً
اكثر عبارة توقفت عندها هي :
Quote: وحتّوا الشجر عدموه الصّفقة
وطردوا الفقراء وشالوا النبقة |
هذا المقطع يكاد يكون تماماً مثل احساس حميد رحمه الله
اغروقت عيناي يا زهير .. وكأنها ابنتي تماماً .. يا اخي لو ولد معليش ممكن يتحمل
وصف بليغ بإحساس الاب ..
تحياتي الحبيبب زهير
|
Post: #3
Title: Re: مليار ونصف ايجار صالة أفراح-وبت الزين الم�
Author: Nasr
Date: 03-22-2021, 05:39 PM
Parent: #2
مؤثر جدا
المفارقة يا زهير
إنه بت الزين دي يجازفوا ليها ملايين يقروها
بعدين يصرفوا عليها المليارات
تتخرج عاطلة
ويصبح مبلغ أخلامها
أن يتعمل ليها عرس في صالة ب"دشليون"
ومن شهر العسل للمنزل
ربة له
وبمزاج
|
|