Post: #1
Title: جاءنا الربيع الطلق يختال ضاحكا .. أشهر مواقع سياحة موسم الربيع في أمريكا
Author: Biraima M Adam
Date: 03-20-2021, 09:16 PM
09:16 PM March, 20 2021 سودانيز اون لاين
Biraima M Adam-أمريكا الشمالية
مكتبتى
رابط مختصر
اليوم 20 مارس 2021 .. أول أيام الربيع .. في أمريكا
زيارة موقع ال Cherry Blossom .. في واشنطن دي سي ..
بريمة
|
Post: #2
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-20-2021, 09:21 PM
Parent: #1
الكنغرس الأمريكي .. يتوشح الزهور ..
بريمة
|
Post: #3
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-20-2021, 09:30 PM
Parent: #2
Six Flags
البتاعه دي مرة ركبت فيها .. تدور بيك لما تدوخ وما تعرف السماء من الارض .. وبعدين وقفونا في وضع نكون مثل الوطاويط ومرات نعاين للسماء
وبحسب الدوخة أنا شايف حفرة ما ليها حد وغير مستوعب للحاصل، أفتكرت نفسي أتملصت وطايح في الجو ما عارف ماشي علي وين ..
تذكرت المدام وصحبتها كانوا راكبين معاي .. سألتها يا مدام أنت وين ووضعكم شنو؟ .. قالت لي أسكت .. يبدو أتملصنا لكن ما عارفه طايرين علي وين .. لكن شكلنا ما واقعين علي الوطاة ..!!
هههههاي .. زمن جاهليتنا في أمريكا ..
بريمة
|
Post: #4
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-20-2021, 09:39 PM
Parent: #3
في البتاعة الفوق دي .. والله طارت من جيبي قروش .. ممكن تكون ميتين دولار .. وحاولت أقابضها في الجو فوق .. الموبايل بتاعي .. في زمن ناس قليلين عندهم موبايلات .. طاح لليوم ..
والله المصارعة والتعب الذي تعبته فيها .. لليوم تاني لم أركب فيها ..
بريمة
|
Post: #5
Title: Re: جاءنا الربيع الطلق يختال ضاحكا .. أشهر موا�
Author: Abureesh
Date: 03-20-2021, 09:42 PM
Parent: #3
شوف بوكا راتون (الفأر الصغير) لن تندم
|
Post: #6
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-20-2021, 09:52 PM
Parent: #5
الباشمهندس
يبدو عليها غالية .. ولم أجد فيها مواقع عامة .. مثل الناشونال موول في واشنطن دي
بريمة
|
Post: #7
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-20-2021, 10:01 PM
Parent: #6
الخازوق .. بتاع واشنطن دي سي ..
الخازوق دا .. لما تركب فوقه .. تشوف واشنطن دي سي .. كلها ..
ههههاي .. أسم الخازوق ... من نجر صاحبنا نوبي .. يقول ليك أمريكا خوزقتنا ..
بريمة
|
Post: #8
Title: Re: جاءنا الربيع الطلق يختال ضاحكا .. أشهر موا�
Author: Abureesh
Date: 03-20-2021, 10:14 PM
Parent: #7
ناشونال مول فيه شنو يا هندسة، غير الزحمة الفيها الرحمة.. ما شبعت من أسمنت واشنطون؟ نجيلة بس فى نهايتها مسلة عالية والنهاية التانية عمارة الكونجرس.. زى حدائق مايو فى نهايته قاعة الصداقة.
بوكا راتون من أجمل بقاع أمريكا، وكنا ساكنين قريبين منها فى مدينة ويست بالم بيتش أو كما يطلق عليها (بفرلى هلز الشرق). الشاطئ الرملى يمتد لعدة أميال.. وانت من كردفان تستمتع بالرمال البيضاء.
|
Post: #9
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-20-2021, 10:24 PM
Parent: #8
الباشمهندس ..
واشنطن .. لها مساحات واسعة .. تحس فيها بالراحة ... ما زي مدن العالم الأخري .. أنظر الأحتفال بالرئيس بايدن ..
بريمة
|
Post: #10
Title: Re: جاءنا الربيع الطلق يختال ضاحكا .. أشهر موا�
Author: Deng
Date: 03-21-2021, 00:31 AM
Parent: #9
العبار بريمة بلل
بطل بخل وسوق الأولاد لي ديزني لاند أورلاندو فلوريدا. رحلة بتستحق الإجازة والصرف عليها.
لو عاوز مغامرات جد جد بتلقاها هناك.
|
Post: #11
Title: Re: جاءنا الربيع الطلق يختال ضاحكا .. أشهر موا�
Author: Deng
Date: 03-21-2021, 00:36 AM
Parent: #10
أبو الريش
يا سلام عليك ياخ.
أنا قضيت سنتين في القيادة الجنوبية في ميامي فلوريدا، وكانت من أمتع الأوقات التي قضيتها في حياتي. خصوصا لمن أمشي بوكا راتون (Boca Raton)وفيها تجمع كبير للجالية البرازيلية وهم أحرف من يمارس رياضة الكرة الطائرة في الصالات المغلقة وفي الشواطي أيضا.
|
Post: #12
Title: Re: جاءنا الربيع الطلق يختال ضاحكا .. أشهر موا�
Author: امتثال عبدالله
Date: 03-21-2021, 00:50 AM
Parent: #11
ول ابا بريمة
وين السياحة في وقت الكرونا ..الناس ما قادرة تطلع من بيوتها للشارع..
..لكن مرة في الصيف في سنوات سابقة قبل الكرونا مشينا كوني ايلاند في بروكلين
على المحيط الاطلسي وطبعا هناك في العاب مختلفة زي الوريتنا ليها دي..
لكن جربنا حاجة اسمها hell fire hole..وفعلا هي حفرة من حفر الجحيم وكاتبين تحذير
العنده مرض قلب ما ينزل الحفرة دي...ونزلنا ويا ريت كان ما نزلنا...الحفرة بتدور بينا
بسرعة الصاروخ وافتكرنا نفسنا خلاص متنا...وشوف الكواريك والجرسة ..وقف ..وقف..
ولغاية الان لمن اتذكر الحفرة دي راسي بيدوش....واظن لغوها الحفرة دي لانه احتمال يكون
في ناس ماتت جوه الحفرة بالسكتات القلبية...
|
Post: #13
Title: Re: جاءنا الربيع الطلق يختال ضاحكا .. أشهر موا�
Author: Abureesh
Date: 03-21-2021, 01:53 AM
Parent: #12
| Quote: كن مرة في الصيف في سنوات سابقة قبل الكرونا مشينا كوني ايلاند في بروكلين |
مساكين ناس نيويورك.. مهمشين! ما يسمعك دينق.. زول دغرى ما بيجامل زيى
|
Post: #14
Title: Re: جاءنا الربيع الطلق يختال ضاحكا .. أشهر موا�
Author: امتثال عبدالله
Date: 03-21-2021, 02:01 AM
Parent: #13
ابو الريش
كيفن تقول ناس نيويورك مهمشين...ونيويورك عاصمة العالم...
والما عاش في نيويورك كأنه ما عاش في هذه الدنيا،،،،
فاذا ناس نيويورك مهمشين فسكان العالم كلهم مهمشين...
|
Post: #15
Title: Re: جاءنا الربيع الطلق يختال ضاحكا .. أشهر موا�
Author: Abureesh
Date: 03-21-2021, 02:02 AM
Parent: #13
هلا دينق
فعلا وأنا زاتى قضيت أجمل أيام فى أمريكا فى ويست بالم بيتش WPB، من 1999 الى أول 2000. كنت شغال فى وظيفة QA Engineer فى شركة IBM Speech Unit
أول مرة أشوف أشجار النخيل فى أمريكا، على شاطئ المحيط الأطلسى وعلى جوانب الشوارع. كنت contractor ما IBMer , ولما انتهى المشروع أنتهى عهدى بالولاية. وإلا
لما غادرتها.
|
Post: #16
Title: Re: جاءنا الربيع الطلق يختال ضاحكا .. أشهر موا�
Author: يحي قباني
Date: 03-21-2021, 03:49 AM
Parent: #15
Quote: العبار بريمة بلل
بطل بخل وسوق الأولاد لي ديزني لاند أورلاندو فلوريدا. رحلة بتستحق الإجازة والصرف عليها.
لو عاوز مغامرات جد جد بتلقاها هناك. |
شيخ العرب بريمه
اسمع كلام دينق ده ..
انا قضيت اسبوعين في ديزني سنة ٢٠٠٤ استمتعت اكتر من الشفع
ديزني اورلاندو هي الحج الاصغر .. لابد من زيارتها مره في العمر ...
|
Post: #17
Title: Re: جاءنا الربيع الطلق يختال ضاحكا .. أشهر موا�
Author: Abureesh
Date: 03-21-2021, 04:12 AM
Parent: #15
لا أطيق نيويورك مع انى ساكن على الضفة الغربية من نهر هدسـون.. فركة كعب.. محطة واحدة بالمترو.. ومنذ مايو العام الماضى زرتها مرات قليلة.. واحدة منهم كنت ماشى مدينة بروكلين وما نزلت من القطر.. ومرتين تلاتة لزيارة صديق
فى أبتاون شارع 135 .. المدينة كلها زلط وأسمنت.. زمان بدرى قطعت تذكرة من تايمز اسكوير لمسرحية فى لنكولن سنتــر.. المسرحية إنجليزية إسمها King Lear كاتبها مولانا شكسبيــر. الأداء كان ليس بطال ولكن لا يرقى لأداء
الأروبيين وكنت قد شاهدت نفس المسرحية فى Frankfurt Theater فى المانيا (الغربية حينها) عام 1980. والذى يشاهد الفنون المسرحية الأوروبية والفرق الموسيقية (فيلهارمونيك) الأوربية، تمسـخ عليه الأداء الأمريكى.
أما قطارات مترو نيويورك فلا أتحدث عنها.. الحديث سيكون politically incorrect هههههه
لكن برضو أقول حب الناس مذاهب.
|
Post: #18
Title: Re: جاءنا الربيع الطلق يختال ضاحكا .. أشهر موا�
Author: Ahmed Yassin
Date: 03-21-2021, 05:30 AM
Parent: #17
بريمة وشركاه للسفر والسياحة
زمــن الـربـیــع حـــلا ......... فتح الزھر بسام
بى طیب شذاهو الفاح ........ يـتـجــول النسام
دا عربون محبة من مصطفى بطران
| Quote: طارو مني في الجو حوالي 200 دولار |
انت ما قلت لي بعضمة لسانك لمن كنت في الشقلبانية طارت منك فكة باقي العشرة دولار ؟!
ولغاية هسي مسخنة معاك ؟ قال ليك بطل بخل وطلع قريشاتك المدكنهم في البورصات
امشي ودي الاولاد( بيغورن فالي) في مونتانا
وليك علي ارجع ليك الـ (تلاتة دولارات واربعين سنت) الطارو منك
|
Post: #19
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-21-2021, 06:01 AM
Parent: #18
العبار دينق ..
Quote: العبار بريمة بلل
بطل بخل وسوق الأولاد لي ديزني لاند أورلاندو فلوريدا. رحلة بتستحق الإجازة والصرف عليها.
لو عاوز مغامرات جد جد بتلقاها هناك. |
قال بخل قال؟
زمن أنا عرفت السياحة .. أنت كنت بتعرف منتزه المقرن بس ...
في أوروبا .. مرة شققت ليك بأولاد العرب من التوانسة والمغاربة واللبنانين .. جبال جزيرة كريت .. من الشمال حتى مرقت بهم في الشق الجنوبي .. 17 كليومترات ..
لما مرقت بيهم بغادي .. ما فضل فيهم إلا أثنين واقفين .. شيخ إيمان الحجّار من لبنان .. والأخ سامي خلف الله (نلقبوه "بجاه ربي") من تونس .. وكانوا علي إستعداد للعودة علي الأرجل ..
نحن قرابة ال 12 طالب .. ضطرينا نركب الباخرة من الجزء الجنوبي للجزيرة إلي شمالها ثم قفلنا بالجانب الشمالي .. إلي الغرب مرة أخري ..
هنا بعض المناظر لأخدود "سماريا قورج" .. طبعاً الواحد يتخيل ليهو 17 كليو .. أي كلام .. لكن والله من الصبح .. لما مرقنا بغادي يمكن ما بين الظهر والعصر .. الليل كله قضيته أمشي الحمام أضع أرجلي في ماء ساخن ..
الكلام دا كان ربيع عام 1991م ..
بريمة
|
Post: #20
Title: Re: جاءنا الربيع الطلق يختال ضاحكا .. أشهر موا�
Author: muntasir
Date: 03-21-2021, 06:08 AM
Parent: #19
يا بريمة اوصف ليك حتة أقرب وانت جاي من ليسبرغ بايك من بيتك لف شمال في ال123 ولحدي نهايته في شلالات صغيرة نسيت إسمها وخاصة في نهايات الخريف لمن تتغير الوان اوراق الشجر سبح ربك بس وبرضو فيها وايت وتر بتاعت الكاياك لكن انت ما زول ألمي حدك الفولة والبوطة بتغرق هناك 😂
|
Post: #21
Title: Re: جاءنا الربيع الطلق يختال ضاحكا .. أشهر موا�
Author: muntasir
Date: 03-21-2021, 06:22 AM
Parent: #19
يا بريمة اوصف ليك حتة أقرب وانت جاي من ليسبرغ بايك من بيتك لف شمال في ال123 ولحدي نهايته في شلالات صغيرة نسيت إسمها وخاصة في نهايات الخريف لمن تتغير الوان اوراق الشجر سبح ربك بس وبرضو فيها وايت وتر بتاعت الكاياك لكن انت ما زول ألمي حدك الفولة والبوطة بتغرق هناك 😂
|
Post: #22
Title: Re: جاءنا الربيع الطلق يختال ضاحكا .. أشهر موا�
Author: Deng
Date: 03-21-2021, 07:42 AM
Parent: #21
| Quote: يا بريمة اوصف ليك حتة أقرب وانت جاي من ليسبرغ بايك من بيتك لف شمال في ال123 ولحدي نهايته في شلالات صغيرة نسيت إسمها وخاصة في نهايات الخريف لمن تتغير الوان اوراق الشجر سبح ربك بس وبرضو فيها وايت وتر بتاعت الكاياك لكن انت ما زول ألمي حدك الفولة والبوطة بتغرق هناك |
أوعك تمشي هنالك يا عبار، أظن منتصر قاصد شالالات (Great Falls) أعمل حسابك يا عبار الحتة ديك خطرة جدا وفيها موت كتير بالإضافة الى أنها قريبة من مكاتب المخابرات المركزية وبيوت السفير السعودي السابق بندر بن سلطان وزمان أولاد شاه إيران كان بيتهم في نفس المنطقة. يعني منطقة ملغومة وشرطة حراسة الحدائق الفيدرالية ما بتديك نفس.
|
Post: #23
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-21-2021, 09:38 AM
Parent: #22
منتصر،
Quote: يا بريمة اوصف ليك حتة أقرب وانت جاي من ليسبرغ بايك من بيتك لف شمال في ال123 ولحدي نهايته في شلالات صغيرة نسيت إسمها وخاصة في نهايات الخريف لمن تتغير الوان اوراق الشجر سبح ربك بس وبرضو فيها وايت وتر بتاعت الكاياك لكن انت ما زول ألمي حدك الفولة والبوطة بتغرق هناك
|
ال "قريت فوولس" بعرفها كويس .. لكن سؤالي ليه بديت وصفك من ليسبرغ وجاd .. أظنك تقصد ال 15 نورث ..
المناطق دي بعرفها زي جوع البطن .. مرة في كتاباتي في بوستات الكاوبوي البقاري ذكرتها .. دي المنطقة الوقعت فيها بالصدفة في سوق خضار شعبي .. في معمعة عصابة ال أم ب 13 .. يا زول، جريت منها جري بعد أنفضاض الضرب .. عربيتي مخلفة وراءها غبار مثل حق السودان .. منذ عا م 1999 م لليوم ما رجعت بهناك .. دي ما منطقة سياحية .. دي منطقة فيها قبائل ألكوكيان .. أشرس قبائل الهنود الحمر ..
أمريكا، مرات تقع في محلات متوحشة عديل .. أفضل لينا العاصمة والمحلات المكشوفة.
بريمة
|
Post: #24
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-21-2021, 09:46 AM
Parent: #23
| Quote: أوعك تمشي هنالك يا عبار |
والله أنا ذاتي قلت كده .. وبالذات مع العمر الماشي دا .. ما في قدرة للمعافرة والجري ..
أنت عارف منتصر عامل مثل "طيور بيدرو" .. طيور جماعية تلقاها في خلاء جنوب كردفان .. طيور بتاعت شمارات عديل .. تقوم توغ وغ ليك وترقص .. وأنت تطمع فيها تقول حسي أنيش منها واحدة .. وهى تطير وترك وترقص رقص جماعي ..
أنت عارف هى عارفة محلة .. فيها حاجة لها فيها مصلحة وما قادرة تصلها .. وغالباً ما يكون مكان ماء وجاء رقد فيه أسد أو حلوف .. أو مكان نحل هائح نشل منه الغراب برش عسل .. وهى سايقاك تورطك .. فأنت تتابعها بحذر .. تفعّل كل حواسك الخمسة بالذات حساستي الشم والسمع والبصر ..
دا منتصر ..
بريمة
|
Post: #25
Title: Re: جاءنا الربيع الطلق يختال ضاحكا .. أشهر موا�
Author: Biraima M Adam
Date: 03-21-2021, 10:17 AM
Parent: #24
بت أبا أمتثال،
Quote: مشينا كوني ايلاند في بروكلين
على المحيط الاطلسي وطبعا هناك في العاب مختلفة زي الوريتنا ليها دي..
لكن جربنا حاجة اسمها hell fire hole..وفعلا هي حفرة من حفر الجحيم وكاتبين تحذير
العنده مرض قلب ما ينزل الحفرة دي...ونزلنا ويا ريت كان ما نزلنا...الحفرة بتدور بينا
بسرعة الصاروخ وافتكرنا نفسنا خلاص متنا...وشوف الكواريك والجرسة ..وقف ..وقف..
ولغاية الان لمن اتذكر الحفرة دي راسي بيدوش |
هههاي! .. مرة مشيت محلة الناس تطير في الهواء .. قلت أجرب أطير معهم .. دخلت لبسوني "سوت" ذي بتاع الصورة .. وطرت ..
وبعدين الشباب خفاف .. يكون عاملين زي العائمين في الهواء .. لما الواحد يجئ نهاية الشبكة الكبيرة التى أنتم بداخلها طايرين .. يقوموا يلفوا زي السمكة في الماء ..
أنا كو ما قدرت علي اللفة وتووش في الشبكة مسكت بأيديني فيها .. قام الهواء رفع ليك رجلينى وبقيت منكس عمودي .. أب سايد دوان .. وما مشكلة تكون في أي وضع .. لكن أخوك عربي خلي، مسكت اليدين هى المشكلة .. قالوا لي فك فك ..
فكت إيديني لقت الهواء وداني السقف .. ورجليني شبكوا الشبكة .. وأنا رقدت ليكم .. "هلب مي .." هم بقولوا لي kick kick وأنا حيلي مات . ما عندي قدرة أعمل أي "كيك" .. علي بال ما جابوا سلم وطلع زول وفكاني أنا قربت نطرش مصاريني ..
لكن الميزة في اللعبة دي .. تطلع وأنت ساعة خفيييف .. كأنك فاقد للوزن ..
بريمة
|
Post: #26
Title: Re: جاءنا الربيع الطلق يختال ضاحكا .. أشهر موا�
Author: Deng
Date: 03-21-2021, 10:45 PM
Parent: #25
| Quote: زمن أنا عرفت السياحة .. أنت كنت بتعرف منتزه المقرن بس ... |
العبار بريمة بلل
طبعا أنت أول مرة خرجت من السودان كان في التسعينيات!
هههههههههه
ما بقدر اقول لك الزمن داك أنا كنت وين وبعمل في شنو.
بعدين يا عبار أنت قبل كده كتبت وقلت أنك أكتشفت الانجيرة السرة الحبشية سنة 1995
أها بعد كلامك ده مفروض تعمل نايم ساكت.
|
|