Post: #1
Title: تواصلي مع الجميع
Author: زهير عثمان حمد
Date: 03-20-2021, 01:55 AM
Parent: #0
01:55 AM March, 19 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
لكل الاهل والاصدقاء والاحباب والزملاء
فقدت اليوم هاتفي ومعه جهاز اللاتوب في زحمة القطار الصباح لذلك سوف أغيب عن التواصل مع الجميع
لحين وجود هاتف وجهاز كمبيوتر
وأحمد الله أني بخير وعافية
وعسي ان اعود قريبا
|
Post: #2
Title: Re: تواصلي مع الجميع
Author: Abureesh
Date: 03-20-2021, 02:02 AM
Parent: #1
الجاتك فى تلفونك ولابتوبك سامحتك.. وأهنأك أنك ما زلت متماسك.. شخصيا لو فقدت حاجات زى دى أقرب أجن.
أول شئ غير كل كلمات السـر.. البنك الإيميل.. مواقع التواصل الإجتماعى..الخ.
كفــارة
|
Post: #3
Title: Re: تواصلي مع الجميع
Author: منتصر صلاح
Date: 03-20-2021, 02:28 AM
انا فقدت ( واتسابي ) والدنيا مضلمة معاي وعايش ومش عايش
ف كيف اذا فقدت الممتلكات الثمينة دي !!
صراحة .. الله يعينك ابو الزهور .
ربنا يعوضك بأفضل منها .
|
Post: #4
Title: Re: تواصلي مع الجميع
Author: امتثال عبدالله
Date: 03-20-2021, 04:28 AM
Parent: #3
مفروض يا ابو الزهور يكون عندك تطبيق Find my phone ولمن تلفونك
يضيع تدخل في اي كمبيوتر وتدخل user name و Password والتطبيق
يوريك بالضبط تلفونك محله وين؟؟ وكمان في حاجات.جديدة طلعت ،،،واول
ما تفقد تلفونك تدوس على جهاز صغير بيكون مبرمج مع التلفون وفجاة تلفونك
بيطلع منه اصوات وصفافير اقوى من ازعاج عربات المطافئ،،،وتعرف السارق
اذا كان قريب منك...
وان شاء الله تلم في تلفونك سربع...لاني عارفة سرقة التلفون بتفقع المرارة بالجد
|
Post: #5
Title: Re: تواصلي مع الجميع
Author: خضر الطيب
Date: 03-20-2021, 06:07 AM
Parent: #4
كفارة حبيبنا ابو الزوز
عرفت من صديق هنا يعمل في البحث الجنائي انه من السهل على ادارة البحث الجنائي تحديد مكان الموبايل من خلال الشريحة
و حتى لو عندك السيريال نمبر حق الجهاز و دا بكون في صندوق الجهاز لو موجود برضو بحددو مكانو
في بريطانيا شركة القطارات عندها مكتب لحفظ المتعلقات التي يتركها اصحابها و اتوقع كذلك في ماليزيا
اتمنى انك تلقاهم
|
Post: #6
Title: Re: تواصلي مع الجميع
Author: بابكر قدور
Date: 03-20-2021, 10:53 AM
Parent: #5
| Quote: وأحمد الله أني بخير وعافية |
كفارة أخي زهير
والحمد والشكر لله أنك بخير وعافية ونسأل الله أن
يعوضك بخير منهما ويمدك بالمزيد من الخير والعافية.
|
Post: #7
Title: Re: تواصلي مع الجميع
Author: Biraima M Adam
Date: 03-20-2021, 11:15 AM
Parent: #6
ههههاي!! قالوا نوم الكافر عبادة .. وسرقة لاب توب الكافر وموبايله دي حولية ذكر عدييل!
Quote: فقدت اليوم هاتفي ومعه جهاز اللاتوب في زحمة القطار الصباح لذلك سوف أغيب عن التواصل مع الجميع
لحين وجود هاتف وجهاز كمبيوتر
وأحمد الله أني بخير وعافية |
ود الخواجية أها شفته عمايلك المنيّلة .. مريسة الرز بايته معاك .. !!
أنا قلت ليك وقف تبقي أسيوي .. وأبقي أفريقي .. أقع الكنجيمورو .. فيها ميزة سطلة عند اللزوم .. أول ما تغسل وشك وراسك تفك ..
النوبة أخوالي في الجبال .. يسقوها حتى الأطفال لكي يجدوا هم متسع للزراعة والحصاد .. نهاية اليوم يدو الطفل حمام ماء بارد .. يصحي زي ما كان سكران كنجميورو ..!
وصفة زي دي غالباك .. تمشي تقع في حاجة ليس من إيدام أجدادك .. أنت من يوم شفت الأسويات أتمسخت ..
-----------------------------------------
في الختام هاك الوصية دي .. أمشي موقع "علي بابا" .. وفتش عن الشركات التي تبيع الكمبيوترات المستعملة .. تشتري 3 كمبيوتر برخص التراب .. وكذلك تشتري مع كل كمبيوتر "حارد دسك" خارجي وتعمل "باك أب" لحاجاتك في إحد هذه الكمبيوترات ..
وأحتفظ بالثالث أحتياطي ..
بريمة
|
Post: #8
Title: Re: تواصلي مع الجميع
Author: زهير عثمان حمد
Date: 03-21-2021, 06:11 PM
Parent: #7
أشكر كل خواني وأحبابي
المهندس أوالريش
منتصر صلاح
خضر الطيب
العزيزة أمتثال
بابكر قدور أرجو شالكر مراحعة الماسنجر مع ودي
بيما الوهم كتر خيرك
|
Post: #9
Title: Re: تواصلي مع الجميع
Author: امتثال عبدالله
Date: 03-21-2021, 10:12 PM
Parent: #8
بالله ابو الزهور مقيم في ماليزيا!!؟! ونحن كنا بنفتكر انه مقيم في السودان
الوطن الحبيب!!؟؟
وامال هو بجيب اخبار السودان ده كله من وين وهو بعيد عن عاصمة الوطن!!؟؟
وبالله هو في حرامية في ماليزيا....!!؟؟
بالتاكيد تلونك ما اتسرق يا ابو الزهور ،،لكن تكون ضيعته في مكان ما...
اذهب لمكتب المفقودات في محطة القطارات زي ما قال ليك خضر وحتلقى تلفونك هناك
وبتلقى مكتوب فيه Lost and found
|
|