Post: #2
Title: Re: مطعم المفراكة السوداني ابوظبي ..
Author: يحي قباني
Date: 03-18-2021, 10:54 PM
Parent: #1
حلاة كلماتنا في لسانها
|
Post: #3
Title: Re: مطعم المفراكة السوداني ابوظبي ..
Author: يحي قباني
Date: 03-18-2021, 11:17 PM
و البامية دي كان ما باتت و باتت معاها الكسره
الفايده شنو ؟
و الباسطرمة حقة الارمن .. ماليها علاقة بينا
اما سلطة (الدقوة) ..
ههههههه
|
Post: #4
Title: Re: مطعم المفراكة السوداني ابوظبي ..
Author: يحي قباني
Date: 03-18-2021, 11:40 PM
Parent: #3
بالله البعرف ناس المفراكة يسالهم
اكل الطعمية مع المش دي قصتها شنو ؟
|
Post: #5
Title: Re: مطعم المفراكة السوداني ابوظبي ..
Author: Shinteer
Date: 03-19-2021, 00:11 AM
Parent: #4
بالله يا سوادنة بتفطروا بالحاجات دي؟ أولاد الذين آمنوا وعملوا الصالحات. وكمان بتشكوا من الجوع والمجاعات والصفوف!!! مفترين يا مفترين.
قالت فطور سوداني. إن شاء الله تبقى حال السودان بعد ها الحال.
عن نفسي ... حتى الآن ما بفطر نهائي ... ولو فطرت، يومي كلو بكون عصيب: حيرقان وتبلُّد في المخ وزهج راسو عديل. قنعت من خيراً في الفطور. شن جابر على الحش والملود الحار.
الشوام ديل الله خلقهم للأكل وفنون الاكل ... جنس طعامة هي!!!! الحمد لله زول مطعم المفراكة دا سوّالو حاجات سمحة سترتنا مع الضيفة. لكن فطور في السودان ... نهي نهي. العالم دي بتفطر الساعة خمسة صباحاً ... وأنا في رمضان ما حصل اتسحّرت. الله يكفينا شر أكل الليل أب كراعاً برّة.
كيف حالك يا ود قباني؟ ما بعرف ليه كل ما أقرأ اسمك بفتكر أني بعرفك.
|
Post: #6
Title: Re: مطعم المفراكة السوداني ابوظبي ..
Author: ترهاقا
Date: 03-19-2021, 03:16 AM
Parent: #5
الاسم زاتو جميل ، المفراكة
|
Post: #7
Title: Re: مطعم المفراكة السوداني ابوظبي ..
Author: Abureesh
Date: 03-19-2021, 05:07 AM
Parent: #6
شكرا يحيى ولكن خاب ظنى.. لا الفطور ولا الغداء أكلات سودانية.. هذه كلها أكلات تركية تعلمناها من الاتراك,,
الأكلات السودانية هى الكسرة والقراصـة والعصيدة.. والرقاق.. والملوخية والمفروكة.. بعض السودانيين عندهم مشكلة يقة فى النفس.. ومان كنت أسوق 50 كيلومتر لمطعم حبشى يبيع الإنجيرا
ولو ما جيت بدرى ما تلقى كرسى.. والزبائن 90% امريكان بيض نساء ورجال.
|
Post: #8
Title: Re: مطعم المفراكة السوداني ابوظبي ..
Author: علاء سيداحمد
Date: 03-19-2021, 07:29 AM
Parent: #7
المفروكة ..
وسرها فى المفراكة
من الاكلات التى احبها جداً بالكسرة والشطة بالدكوة .
|
Post: #9
Title: Re: مطعم المفراكة السوداني ابوظبي ..
Author: يحي قباني
Date: 03-19-2021, 01:28 PM
Parent: #8
| Quote: كيف حالك يا ود قباني؟ ما بعرف ليه كل ما أقرأ اسمك بفتكر أني بعرفك. |
تمام يا غالي .. مشكور على مداخلتك و على سؤالك ..
اما المعرفه .. فياخي لي الشرف و الله ..
انا قريت في عدة مدارس ثم معمار في جامعة الخرطوم 78-83 .. و سكنت في عدة مدن .. وبعد الخرطوم اشتغلت فترة بسيطة في الرياض و بعدها كندا من 94 ..
و انا رجل ستيني كما ينعتني احد الاخوة المتعصبين للبيت الذي بناه الجاك .. فلو انت دخلت عقدك السابع .. فهناك احتمالية المعرفه :)
|
|