Post: #1
Title: عموماً ده رقم تلفوني و ولدي بيحب ملاح التقلية و القراصة بالعسل !!
Author: يحي قباني
Date: 03-18-2021, 05:16 PM
05:16 PM March, 18 2021 سودانيز اون لاين
يحي قباني-فى الدنيا العجيبة
مكتبتى
رابط مختصر
واحده قالت:
قاعدة في بيت عرس جاتني حاجّة كده قعدت اتونست معاي، قامت قالت لي:
بنفتش عروس دكتورة لي ولدي، و الصراحة عجبتيني، رأيك شنو؟
قلت ليها: والله يا خالتو أنا رافضة المؤسسة بي تراتبيتها الحالية و رؤيتي لعلاقة الأنا بالآخر نسبية خاضعة للشك و الإحتمال و ما نفسي أدخل ولدك معاي في متاهات العبثية و فقدان الذات و علاقتنا توؤل إلى التشظّي و التفتت و إحتمالات الصدام !
قالت لي: عموماً ده رقم تلفوني و ولدي بيحب ملاح التقلية و القراصة بالعسل ، شغال سواق بي إقامة حرة في السعودية. !
و فاتت خلتني أعيد النظر في مفهومي للبراغماتية والسيريالية
________________________________________________________________________________________
اللغة ده مالها بتشبه لي تنظير ناس كتار في زمن الثوره ..ههههههههههههههههه
|
Post: #2
Title: Re: عموماً ده رقم تلفوني و ولدي بيحب ملاح التق
Author: ABUHUSSEIN
Date: 03-18-2021, 05:25 PM
Parent: #1
الحاجة مالها و مال الفلفسة الكتيرة اختصرت الموضوع .... 😂😂
|
Post: #3
Title: Re: عموماً ده رقم تلفوني و ولدي بيحب ملاح التق
Author: امتثال عبدالله
Date: 03-18-2021, 05:59 PM
Parent: #2
والله يا ود قباني لمن قريت العنوان افتكرت ان ولدك انت البحب ملاح التقلية وقلنا
ندخل البوست ونقدم اوراق الاعتماد،،،لاني سمعت ان الناس البيحبوا ملاح التقلية
ناس طيبين وقلوبهم صافية وبيحبوا بعشق واذا كرهوا لا يكرهون بلؤم،،،،
...لكن الدكتورة دي فلسفتها عالية وصعبة الفهم....الله يكون في عونها وعون شريك حياتها
المرتقب ههههههههههه
|
Post: #4
Title: Re: عموماً ده رقم تلفوني و ولدي بيحب ملاح التق
Author: يحي قباني
Date: 03-18-2021, 06:51 PM
Parent: #3
| Quote: الحاجة مالها و مال الفلفسة الكتيرة اختصرت الموضوع .. 😂😂 |
جابت ليها من الاخر .. ههههه
هسي كان خلوا تقعير الكلام و ختو الكوره واطه .. مش حانجيب من الاخر ؟
|
Post: #5
Title: Re: عموماً ده رقم تلفوني و ولدي بيحب ملاح التق
Author: يحي قباني
Date: 03-18-2021, 07:02 PM
Parent: #4
Quote: والله يا ود قباني لمن قريت العنوان افتكرت ان ولدك انت البحب ملاح التقلية وقلنا
ندخل البوست ونقدم اوراق الاعتماد،،،لاني سمعت ان الناس البيحبوا ملاح التقلية
ناس طيبين وقلوبهم صافية وبيحبوا بعشق واذا كرهوا لا يكرهون بلؤم،،،،
...لكن الدكتورة دي فلسفتها عالية وصعبة الفهم....الله يكون في عونها وعون شريك حياتها
المرتقب ههههههههههه |
حاضرين يا بتنا ..ههه
ولدي شغال في بلدكم اصلا ..
و طبعا لازم يكون طيب و قلبه صافي لانه ولدي .. :)
|
Post: #6
Title: Re: عموماً ده رقم تلفوني و ولدي بيحب ملاح التق
Author: NEWSUDANI
Date: 03-18-2021, 09:06 PM
Parent: #5
والله ياصديقي كنت في القاهرة لأسبوع ومن سؤ حظي الوفد السوداني جاء سكن في نفس الهوتيل ،،،،،،،
الكورة ما ح تنزل واطة قريب الناس ديل ناس دافوري ساااااااااكت
|
Post: #7
Title: Re: عموماً ده رقم تلفوني و ولدي بيحب ملاح التق
Author: جلالدونا
Date: 03-19-2021, 03:16 AM
Parent: #6
غايتو انا ما فهمت اى حاجة
الكلام ده الا يجى يشرحو لى اخونا ود المشرّف و بالعدم اخونا ابسن
هسى يا ابوحسين يعنى جيت رميت مداخلة كده
يعنى عاوز تقول فهمت الموضوع
غايتو عليك جنس فهموفوبيا ما عادية
|
Post: #8
Title: Re: عموماً ده رقم تلفوني و ولدي بيحب ملاح التق
Author: Elsanosi Badr
Date: 03-19-2021, 08:51 AM
Parent: #7
هلا يا باشمهندس قباني
القصة دي ذكرتني واحد من ناس الاذاعة بيحكي قصة مذيع جديد مع الفنان القامة بادي محمد الطيب؛
قال:
عندنا واحد صاحبنا اسمه يحيى، قصيروني كدا، ونضام. كلامه كله في الثقافة، من التناص والبنيوية ولي فوق.
جاء اشتغل في الاذاعة في الثمانيات، متطوع ومتدرب، مع ناس يحيى فضل الله.
اول لقاء ليه كان تسجيل مع الفنان بادي محمد الطيب. جهز اسئلته، ودخل الاستديو مع بادي، وناس يحيى والمخرج، متابعين من خلف زجاج الاستديو .
بدأ بسال في بادي اسئلة معقدة كدا😳
- يا استاذ بادي، دايرنك تعمل لينا مقاربة نقدية بين اغنية الحقيبة واغنية الحداثة، على ضوء مدارس النقد البنيوية الحديثة، خاصة منهج فوكو في التحليل النقدي ؟
- بادي كان بستمع مخلوع، رد قال ليه: يا ود انت ود عِلق وللا شنو؟ 😅😅
|
Post: #9
Title: Re: عموماً ده رقم تلفوني و ولدي بيحب ملاح التق
Author: ذواليد سليمان مصطفى
Date: 03-19-2021, 10:47 AM
Parent: #8
كنت عازمك ملاح ام تقشو وفرندو في الفطور والعشاء ملاح مرس وكمونية ومرجقيس
|
Post: #10
Title: Re: عموماً ده رقم تلفوني و ولدي بيحب ملاح التق
Author: يحي قباني
Date: 03-19-2021, 01:22 PM
Parent: #9
Quote: والله ياصديقي كنت في القاهرة لأسبوع ومن سؤ حظي الوفد السوداني جاء سكن في نفس الهوتيل ،،،،،،،
الكورة ما ح تنزل واطة قريب الناس ديل ناس دافوري ساااااااااكت |
حمدا لله على السلامة يا حبيب ..
و الله يا صديقي ما زلت على امل ..
العوارض كبيره و كثيره .. ربك يهونها بس ..
حاتصل بيك قريب للتحية .. :)
|
Post: #11
Title: Re: عموماً ده رقم تلفوني و ولدي بيحب ملاح التق
Author: عزيز عيسى
Date: 03-19-2021, 01:44 PM
Parent: #10
يا قباني..
دي أسمها الفلقصة ولا الفلفسة على قول أبوحسين..
الست دي جابوا ليها عريس في محلها وهي جالسة..
أها تاني خليها تلقى ليها عريس.
أيام الزمن الجميل مرة كنا راكبين بص ماشين رحلة شباب أولاد وبنات..
واحدة من أخواتنا الظريفات وقفت قالت لواحد أخونا ظريف:
يا تتي أنا ياخ منتظراك للعرس..
قال ليها: منتظراني أنا؟
قالت ليهو: هو في غيرك؟!
قال ليها: والله لو منتظراني الترابة في خشمك..
|
Post: #12
Title: Re: عموماً ده رقم تلفوني و ولدي بيحب ملاح التق
Author: يحي قباني
Date: 03-19-2021, 01:53 PM
Parent: #11
البوست الجاب السنوسي و عزيز عيسى بعد الغياب ..
مشتاقين يا حلوين :)
|
Post: #13
Title: Re: عموماً ده رقم تلفوني و ولدي بيحب ملاح التق
Author: BAKTASH
Date: 03-20-2021, 03:50 AM
Parent: #12
والله انا خشيت البوست بوصفة في راسي .... لكن طارت تب و لقيت الكلام كتر..
|
Post: #14
Title: Re: عموماً ده رقم تلفوني و ولدي بيحب ملاح التق
Author: يحي قباني
Date: 03-20-2021, 04:27 AM
Parent: #13
Quote: غايتو انا ما فهمت اى حاجة
الكلام ده الا يجى يشرحو لى اخونا ود المشرّف و بالعدم اخونا ابسن |
عارفوا صعب عليك ..
عليك بي مد ..
|
Post: #15
Title: Re: عموماً ده رقم تلفوني و ولدي بيحب ملاح التق
Author: يحي قباني
Date: 03-20-2021, 05:01 AM
Parent: #14
| Quote: - بادي كان بستمع مخلوع، رد قال ليه: يا ود انت ود عِلق وللا شنو؟ |
هههههههههه
و الله يا بروف ليو الف حق ..
الفلسفة ما حبابها ..
قتلي قال ليها الليلة حنقضي امسية رومانسية !!!
|
Post: #16
Title: Re: عموماً ده رقم تلفوني و ولدي بيحب ملاح التق
Author: Ahmed Yassin
Date: 03-20-2021, 05:11 AM
Parent: #14
واحد اخونا كان عنده امتحانات تخرج قسم (مسرح)
وقال اجي احضر .. وانا طبعا الاشياء دي بستمتع بيها جدا جدا
قمتا سوقت معاي ود عمنا جاي من البلد .. وكان رافض لكن انا اصريت عليهو
وقلت ليهو حتنبسط شديد .. المهم مشينا .. وحضرنا عمل اوعملين قبل اداء اخونا
اها جاء داخل وبعد البداية والتقديم دخل في الموضوع مباشرة من نوع
(إنها التراجيديا بل انها الكوميديا العبثية (الفارس) والإلهية وووو
وابن عمي قاعد يتململ وسامعه بى تحت تحت بقول .. الله لاكسبكم .. دا شنو دا؟
وانا الكز فيهو باشارة اسكت واقفل خشمك .. وهو يجي جنب اضاني ويقول .. والله ماعندك موضوع
هسييي كان ......وانا ازج اضاني منو
صاحبنا قال حاقدم جزء من (ماكبث) ود عمي قال لي (ماكبس) دا كمان شنو ؟
وصاحبنا قال (شد الانفجار ، أو كروب الجنة
عند سعاة الهواء غير المنظورين ،
يجب أن تهب الفعل الفظيع في كل عين
هذه الدموع تغرق الريح ليس لدي حافز
لخداع جوانب نيتى ، ولكن فقط
طموح القفز ، الذي يعبّر عن نفسه ،
ويقع على الطرف الآخر .......)
ود عمي وقف على حيلو وبى صوت عال قال لي (علي الايمان انا بعد دا دقيقة مابقعد ليك
اديني حق المواصلات.. وانا بجرو من يده عشان يقعد لانه الوضع بقى محرج
فك يده وقال ي ( الهي يكبس فيك ابو الكباس) اديني حق العربية (المواصلات)
|
|