Post: #1
Title: بسبب بلاغ من سوداني في المملكة السفارة السعودية بالخرطوم توقف الزيارات العائلية وتفتح تحقيق في ادخ
Author: زهير عثمان حمد
Date: 03-18-2021, 01:29 AM
01:29 AM March, 17 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
اوقفت السفارة السعودية بالخرطوم إجراءات الزيارات العائلية واخطرة مكاتب الاستقدام بعدم استلام اي معاملات وذلك حتى يتم الانتهاء من التحقيقات في السعوديه بعد بلاغ من مقيم سوداني افاد فيه بانه قد تم إدخال عدد ستة (6) سيدات سودانيات على كفالته الى المملكة دون علمه
وعلى حسب مصادر ان شبكة تنشط في الخرطوم تقوم بتسفير النساء للسعودية والتلاعب في البيانات واستخراج قسائم زواج واورق رسمية
وتتولى السلطات السعودية الان التحقيق لمعرفة الشبكة التي تتلاعب بالبيانات
https://www.0zz0.com
|
Post: #2
Title: Re: بسبب بلاغ من سوداني في المملكة السفارة ال
Author: Abureesh
Date: 03-18-2021, 01:53 AM
Parent: #1
يا استاذ زهير بالله قوام قوام شيل صورة الوثيقة بسرعة.. فيها معلومات شخصية جدا وخطرة قد تؤدى الى القتل
|
Post: #3
Title: Re: بسبب بلاغ من سوداني في المملكة السفارة ال
Author: يحي قباني
Date: 03-18-2021, 02:06 AM
Parent: #2
يا شيخ زهير
اول شي كلام محمد عثمان .. استر على العالم
تاني شي الوثيقة تاريخها شهر ٤ هجري و احنا شهر ٨ هجري .. يعني عمرها ٤ شهور
الداعي شنو الان و هي ليست ذات اهمية بعد الفتره دي
|
Post: #4
Title: Re: بسبب بلاغ من سوداني في المملكة السفارة ال
Author: زهير عثمان حمد
Date: 03-18-2021, 02:25 AM
Parent: #3
الاخوان الكرام
قباني ومحمد عثمان
هذه المستند نشر علي تسعة مواقع أخبارية سودانية موجود بنفس الصورة التي بها هو هنا
الامر لماذا الان لأن السفارة السعودية أقفت التأشيرات العائلية بسبب هذا البلاغ وبدأ تحقيق في الخرطوم
والامر الاخير والعجيب أن هذه الاسماء غير حقيقة لحاملات الجوازات المذكورة وهذا تزوير أخر
مع صادق تقديري لكما
|
Post: #5
Title: Re: بسبب بلاغ من سوداني في المملكة السفارة ال
Author: عمر نملة
Date: 03-18-2021, 03:15 AM
Parent: #4
هذه المستند نشر علي تسعة مواقع أخبارية سودانية موجود بنفس الصورة التي بها هو هنا
So what طالما في طور التحقيق و حتى لو تم اثبات التزوير...لا يحق ل زهير
ولا السلطات السعودية نشر الاسماء...
|
Post: #6
Title: Re: بسبب بلاغ من سوداني في المملكة السفارة ال
Author: adil amin
Date: 03-18-2021, 03:24 AM
Parent: #5
بالله يا زهير جهجهت باكاتهم
شوف الترهاات والصول ليها ناس الانتقالية
قلنا ليهم ما ممكن تقيم دولة محترمة في عفن الانقاذ
لازال هناك الالاف يحملون الرقم الوطني والجواز الالكتروني السوداني عبر العالم ما سودانيين وما محترمين
قالو شنو ترامب مرقنا من قائمة الارهاب
الجرائيم لا تسقط بي التقادم ابدا 4 شهور اولي دخول الاتراك والمصريين السودان 1821 ولي مجزؤررة القيادة تظل قائمة لحدي ما يجو سودانيين يحكمو السودان
ووجود لعب زي ده بورط السودان في الارهاب
انشر طوالي
اللف والدوران حول المخازي دي ما بنفع
منو الكان بتصور وزارة الداخلية تنحط للمستوي ده في السودان
|
Post: #7
Title: Re: بسبب بلاغ من سوداني في المملكة السفارة ال
Author: أحمد محمد عمر
Date: 03-18-2021, 03:28 AM
Parent: #5
صورة البلاغ منتشرة ليها كم يوم على فيسبوك وواتساب
وفعلاً تم إيقاف الزيارات العائلية من اسبوع وما معروف تفتح متين
الحاصل إنه السعودية خففت القيود على الزيارات بقت أقرب للإمارات بشكل غير معلن
يعني زمان ما بتقدر تجيب إلا أبوك أمك ولدك بنتك والد زوجتك ولا أمها .. لكن أختك ممنوع
هسة بقوا يقبلوا أي طلبات وبعرف واحد جاب بت عمه زيارة عادي
فالحصل إنه تم استغلال الموضع استغلال سئ ودخلت كمية من الأوراق المزور السفارة وفي النهاية قفلوها في وش السودانيين المحتاجينها حوجة حقيقية
|
Post: #8
Title: Re: بسبب بلاغ من سوداني في المملكة السفارة ال
Author: ترهاقا
Date: 03-18-2021, 05:57 AM
Parent: #7
المعلومات صحيحة مية في في المية ، حصل تلاعب سخيف
وانا وأخي الاصغر اللي طلب زيارة للوالدة يديها العافية ، دفعنا التمن ،
نحن وصلنا الدرك الاسفل من الفساد
|
Post: #9
Title: Re: بسبب بلاغ من سوداني في المملكة السفارة ال
Author: Abureesh
Date: 03-18-2021, 06:49 AM
Parent: #8
يا استاذ زهير انت صحفى وتعلم ان قرار نشر اسماء ووثائق شخصية هى قيد التحرى يتخذه قاضى وليست صحف او مواقع واتساب وفيسبوك.
ما فى صحيفة سواء ورقية او رقمية لها سلطة رفع السرية عن وثائق قضية ما زالت معروضة أمام النيابة او القضاء.
لو مية صحيفة نشرت الخبر.. هل ستنشره الإعتماد عليهم؟!!
شيئ غريب والله. لو النسوان ديل عندهم محامى ال 8 صحف ديل كلهم يمشوا السجن.
|
Post: #10
Title: Re: بسبب بلاغ من سوداني في المملكة السفارة ال
Author: Asim Ali
Date: 03-18-2021, 10:54 AM
Parent: #9
السلام عليكم
شبكات ومكاتب الاستقدام مفرتكون تحت مجهر التحقي .
قبل شهور راكب فى المواصلات واحده راكبه فى الكرسى قدامى تتكلم مع الزول الراكب معاها مره ومرات فى الموبايل وكلام باعلى صوت تتكلم عن زول طالب منها نسزان للشغل فى مصر ويكونو نضاف وشادات حيلهم وظاهر من كلامها انها وسيط بتجيب للمكاتب وتاخد سمسرتها .
صراحهاستغربت انو واحده تتكلم بوضوحدون خجل بل وصووت هالى كانها تعمل اعلان حتى للناس الراكبه فى العربيه.
شغله زى دى مش برضو حصلت لسمسره اللحم الابيض وتصديرهم للامارات ؟؟
|
Post: #11
Title: Re: بسبب بلاغ من سوداني في المملكة السفارة ال
Author: بابكر قدور
Date: 03-18-2021, 12:00 PM
Parent: #9
Quote: وبدأ تحقيق في الخرطوم
والامر الاخير والعجيب أن هذه الاسماء غير حقيقة لحاملات الجوازات المذكورة وهذا تزوير أخر |
أخي زهير
لك كل التقدير والثناء على هذا النشر .. وأتمنى أن يكون خبر التحقيق في الخرطوم صحيح
وهذا مايثلج صدورنا وفعلاً جال بخاطري أن يكون هناك تحقيق موازي يتم في الخرطوم
فكونه أن الإجراءات الموازية قد تمت فعلاً فهذا أمر يثلج الصدر وليأخذ كل من تورط في
هذا الفعل المشين جزاءه بناءً على ماتسفر عنه تلك الإجراءات المشروع فيها .. أكرر لك
شكري وثنائي أخي زهير ووفقك الله دائماً.
|
Post: #12
Title: Re: بسبب بلاغ من سوداني في المملكة السفارة ال
Author: منتصر صلاح
Date: 03-18-2021, 12:57 PM
Parent: #11
الحقيقة انحنا ما بنستاهل اي خدمة ، تخفيف السلطات السعودية عن القيود في الاجراءات استخدمناها بصورة سيئة جدا جدا ، والناس دي ما بتلعب .
بالرغم من الاضرار للمحتاجين فعلا ولكن يجب منع الزيارات نهائيا حتي مراجعة السلطات السودانية لاجراءاتها .
المتميز زهير شكرا للخبر وللوضوح وتحية لضيوفك
|
Post: #13
Title: Re: بسبب بلاغ من سوداني في المملكة السفارة ال
Author: عمر نملة
Date: 03-18-2021, 01:12 PM
Parent: #12
شيئ غريب والله. لو النسوان ديل عندهم محامى ال 8 صحف
ديل كلهم يمشوا السجن
و معاهم زهير و الزول البشجع فيهو دا
|
Post: #14
Title: Re: بسبب بلاغ من سوداني في المملكة السفارة ال
Author: زهير عثمان حمد
Date: 03-18-2021, 01:36 PM
Parent: #13
يا عمر تحياتي
مالك علي تدويني السجن أنا ناقل وليس بكافر والاسماء نشرت بواسطة السلطات السعودية
كمان انت الشيء اللي ما واضح ليك هو أنو الاسماء دي برضو ما حقيقية فعلا طلعت بيها جوازات لكين دي ما الاسماء الحقيقة ليهم
المهم المؤلم في الامر أنو في جهات رسمية مشاركة في الجريمة
|
Post: #15
Title: Re: بسبب بلاغ من سوداني في المملكة السفارة ال
Author: أحمد محمد عمر
Date: 03-18-2021, 02:06 PM
Parent: #14
قوووووول حقيقية :)
يمشن يشتكن يقولن شنو؟
نحن زورنا ورق زيارة مشينا بيه السعودية قام في واحد نشر أسماءنا ؟ 
|
Post: #16
Title: Re: بسبب بلاغ من سوداني في المملكة السفارة ال
Author: منتصر صلاح
Date: 03-18-2021, 05:43 PM
Parent: #13
هنالك تجاوزات ومخالفات حدثت فعلا وبسببها اوقفت السلطات السعودية الزيارات العائلية وتناقلتها
الصوشيال ميديا ( المعلومات القدامنا دي ) .
علي ( نملة ) القراءة ب عينيه مش بي ركبو
قال الزول البشجع فيهو قال
|
Post: #17
Title: Re: بسبب بلاغ من سوداني في المملكة السفارة ال
Author: بابكر قدور
Date: 03-18-2021, 06:55 PM
Parent: #16
Quote: هنالك تجاوزات ومخالفات حدثت فعلا وبسببها اوقفت السلطات السعودية الزيارات العائلية وتناقلتها
الصوشيال ميديا ( المعلومات القدامنا دي ) . |
وأزيدك من الشعر بيت يامنتصر .... أن الحكومة السعودية ممثلة في سفارتها
بالخرطوم قد فتحت الزيارة ماعدا فئتين هما الزوجات الغير والدات أي اللائي
ليس لديهن أطفال والفئة الثانية هن أمهات الزوجات وبقراءة ذلك بالعقل الواعي
يستشف أن التلاعب الذي تم .. تم في الزوجات الغير والدات وفي أمهات الزوجات
مما يعني معه أن هناك جهات عديدة داخل السودان سيتضح تورطها جلياً وبما لا
يدع مجالاً للشك .. فالموضوع ياصديقي يحتاج للقراءة بالعقل مثلما تفضلت ....
|
|