Post: #1
Title: السفارة السودانية بالرياض ..احتراماتى
Author: محمد بدرالدين
Date: 03-13-2021, 09:48 AM
08:48 AM March, 13 2021 سودانيز اون لاين
محمد بدرالدين-السعودية-الرياض
مكتبتى
رابط مختصر
احساس غامر بالفرحة
و انت تتنسم رائحة السودان من دخولك للسفارة
تشعر بانشراح ..كأنك داحل بيتك او بيت ابوك
و ان امورك مقضية
انفراج و انبساط ف وجوه كل الزائرين
طُلب منى صورة للجواز ..ذهبت لاحدهم و امامه جهاز تصوير
و كالعادة و تلقائيا ادخلت يدى ف جيبى .. رد الشخص باقتضاب التصوير مجانى !!!
ان اسات به الظن اقول : الزول زعلان ... و ان احسنت الظن ..اقول : ما عارف
.. جلست و عاينت للجدران و الحيط سواء كان بره بالحوش او المكاتب
لا اجد اى رسومات .. او ما يجعل السفارة و حيطانها و جدرانها تتزين و تغنى فرحا بمقدم ابنائها
يا كاف البلا ..
ياخى حتى معظم المكاتب تخلو من صور رموزنا
صورة رئيس المجلس الانتقالى ... او رئيس الوزراء
تستشف كانهم قاعدين ف عزا .. او حزنانين .. او تغليظا زى المرة القاعدة ف الحبس ........ ( هذا من سوء ظن احساسى )
..سؤال جوهرى : وضع صور رئيس الدولة هل واجب او ضرورى او لازم فى مكاتب المسئولين مثل السفير او القنصل و بقية المكاتب
.. ياخى على الاقل زيّن الجدران بصور الوطن الحبيب.. مناظر من مناطقنا المحتلفة .. و بتراثياتنا ..و مجسمات
ياخى خلى السفارة منطقة تعريف بالسودان .. ع الاقل اولادنا يعرفوا حاجة عن بلدهم .. خليك من الاجانب البخشوا و يطلعو كأنهم داخلين بيت عزا
... كـأنما الجدران مليانة دموع ..
.. يجب ان تكون السفارات جاذبة .. و تعكس السودان بكل تفاصيله او معظمه ( و لاحمد خير راى جميل ف دور السفارات و السفراء)
..
كيف حال بقية سفاراتنا فى دول مهاجرنا .......سؤال لكل زملاء المهاجر
... اما رسوم تجديد الجواز 530 ريال .. و الزوجة 430 ريال ..الطالب 305 ..و الطفل 210 ريال.( الطفل جيجيب من وين ؟)......ز خليه ف سرك ..و لا نسال عنه الحبيب مكين
.. شهدانا ما ماتو عايشين مع الثوار
..
و مودتى و تقديرى
|
Post: #2
Title: Re: السفارة السودانية بالرياض ..احتراماتى
Author: muntasir
Date: 03-13-2021, 09:52 AM
Parent: #1
انا اعتقد السبب ليس لأنك تنسمت رائحة السودان بل لأنك لم تتنسم رائحة الفول المعتت من بوفيه الحبرتجي ودالباوقة لذلك كل من يدخل السفارة ويفاجئه حسن التعامل أن يقول الحمدلله الذي أذهب عنا الأذي وعافانا
|
Post: #3
Title: Re: السفارة السودانية بالرياض ..احتراماتى
Author: محمد بدرالدين
Date: 03-13-2021, 10:13 AM
Parent: #2
اهلين حبيبنا منتصر
... الشهادة لله .. البوفيه زمان كان عااامر ....هههههه
حسع م بطال .... ربما للاحترازات و كدة
غايتو بعدما فكوا او قللوا الاحترازات و خصوصا ف المطاعم
يمكن نشوف بوفيه عامر لمان نمشى نستلم الجواز
... و تحياتنا للغالى ود الباوقة
..
مودتى و تقديرى
|
Post: #4
Title: Re: السفارة السودانية بالرياض ..احتراماتى
Author: اخلاص عبدالرحمن المشرف
Date: 03-13-2021, 10:19 AM
Parent: #3
السلام عليكم
شالو قروشك واكلت فول وفرحان انت ملك😹😹😹
|
Post: #5
Title: Re: السفارة السودانية بالرياض ..احتراماتى
Author: محمد بدرالدين
Date: 03-13-2021, 10:37 AM
Parent: #4
مرحب دكتورة
زمان ناكل فول قهر ..او توجس خيفة
من معاملتك تكون ما انتهت او يقولو ناقص حاجة
والله الكانو بيجوا من حوالين الرياض
كانوا بيتعبوا
.. المهم حسع مع سندوتش الفول
راحة و طمانينة و الامور مقضية
..مودتى و تقديرى
|
Post: #6
Title: Re: السفارة السودانية بالرياض ..احتراماتى
Author: محمد بدرالدين
Date: 03-14-2021, 05:54 AM
Parent: #1
صباح الاسئلة للمعرفة
| Quote: ..سؤال جوهرى : وضع صور رئيس الدولة هل واجب او ضرورى او لازم فى مكاتب المسئولين مثل السفير او القنصل و بقية المكاتب |
و التحايا النواضر
|
Post: #7
Title: Re: السفارة السودانية بالرياض ..احتراماتى
Author: الزبير بشير
Date: 03-14-2021, 10:52 AM
Parent: #1
الاخ محمد
لك التحيه
ياخي هي سفارة و له روضة اطفال ، حكاية صور و تراث .
امشي شوف السفارة الالمانية او الامريكية او الهندية ، جدران بيضاء ، لا تاج محل ، لا بوينج ، لا ايربص .
ركزي علي العملي فيه النجاح ، مرات النظري بجلي ( في امتحانات كليات الطب ) .
الزبير الختمي
|
Post: #8
Title: Re: السفارة السودانية بالرياض ..احتراماتى
Author: محمد بدرالدين
Date: 03-14-2021, 11:18 AM
Parent: #7
شيخنا الختمى
بارك الله فيك
و شكرا للافادة .. و لوجهة النظر التى نحترمتها جدا
... مقصد البوست هو ازالة التمكين و المفاهيم
هل سفاراتنا كما كانت ام هناك تغيير للافضل
و استشعار بالوطن و المواطن ..
..
مودتى و تقديرى
|
Post: #9
Title: Re: السفارة السودانية بالرياض ..احتراماتى
Author: محمد بدرالدين
Date: 03-14-2021, 11:21 AM
Parent: #8
و مرحب بالجميع
| Quote: كيف حال بقية سفاراتنا فى دول مهاجرنا .......سؤال لكل زملاء المهاجر |
00..
و لكم التقدير
|
Post: #10
Title: Re: السفارة السودانية بالرياض ..احتراماتى
Author: علي عبدالوهاب عثمان
Date: 03-14-2021, 09:32 PM
Parent: #9
تحياتي الحبيب محمد ..
أنا كنت في القنصلية في جدة قبل يومين
يا سلام آخر اناقة او مرة اشوف بدلة كاملة في السفارة
استقبال رائع شباب ما شاء الله
المشكلة فقط المراجعين لا يتقيدوا الاحترازات لا تباعد لا كمامات
صحيح في تغيير نحو الافضل
تحياتي الحبيب محمد .. يستاهلوا الشكر
فقط عليهم مراجعة الرسوم لأن وضع المغتربين الكورونا
ليس كما كان ..
|
Post: #11
Title: Re: السفارة السودانية بالرياض ..احتراماتى
Author: محمد بدرالدين
Date: 03-15-2021, 07:01 AM
Parent: #10
الحمد لله
يعنى شهداءنا م ماتو
و ان شاءالله الخير يتدفق
كما تدفق دمائهم الطاهرة تروى تراب الوطن .. و ممثلياته ف انحاء الدنيا
و تنبت خضرة و حرية و ديمقراطية
و نكون فعلا اولاد بلد نقوم و نقعد ع كيفنا
..
جميل انت يا شيخ على
و انت تبشرنا بجماليات ممثليتنا ف جدة ( غير)
و اتمنى ان تكون كل سفاراتنا كذلك ملجأ و متكى
و راحة و واحة للجميع
تشكراتى و تقديرى شيخى على
...
صباح الامل و التفاؤل و السعد
|
Post: #12
Title: Re: السفارة السودانية بالرياض ..احتراماتى
Author: الزبير بشير
Date: 03-15-2021, 07:13 AM
Parent: #8
كلامك صح
يا ريت الخدمات تنقل لداخل الرياض مثل بعض السفارات .
الان تقدم كل السفارات الاوربية و الاسترالية خدماتها عبر مركز التاشيرة الموحد في ام الحمام
حقيقه نحن نحتاج لقوانين و اعادة هيكله التواصل بين المواطن خارج بلده و ما يحتاج له لانه في خلل كبير في التركيبه البنوية في علاقة المواطن و الدولة .
الاستاذ مكين كان مغترب مفروض اعمل علي تحسين قنوات التواصل ، الحكاية ما غنايم .
|
Post: #13
Title: Re: السفارة السودانية بالرياض ..احتراماتى
Author: علي عبدالوهاب عثمان
Date: 03-15-2021, 09:46 AM
Parent: #12
| Quote: الاستاذ مكين كان مغترب مفروض اعمل علي تحسين قنوات التواصل ، الحكاية ما غنايم |
شخينا الزبير الختمي .. تحياتي
الظاهر نهاية تاريخ النضال عندنا ((((( الكرسي ))))
كمان للنضال والتضحية غنائم !!!!!!!!! كما كانت في الغزوات في فجر الاسلام
لدينا مشكلة الصراخ والعويل والوصول ( وكفى)
لم يكن احد يتصور تكرار شخصية حبيبنا كرار تهامي بتفاصيله الدقيقة
الختمي الجميل .. يبدو أننا كلنا في طينة واحدة .. لا استثني نفسي ..
تحياتي محمد بدرالدين اننقا
|
Post: #15
Title: Re: السفارة السودانية بالرياض ..احتراماتى
Author: طاهر بدر
Date: 03-15-2021, 02:12 PM
Parent: #13
على
ابننقا ... المصريين عندهم مثل بقول "ايش تعمل الماشطة في الوش العكر" ... (كراسي) الانتقالية لو اتعاملت معاها بي ثورية اكرم بتتفورولو اتعاملت فيها بي صمت وتشتغل شغلك بدون ضوضاء بتبقى وتواصل زي نصر الدين ...مكين اختار انو يشتغل في صمت ...بس (الوش العكر) استعصى على الفسخ والجلخ يا قول القونات ...على ذلك فان الجهاز نفسه ولد مشوهاً ولا يصلح فيه اي تحسين اللهم الا ان يعاد هيكلته بالكامل وحوكمته اضافة الى الصلاحيات التي يجب ان تمنح له وتوافق وتنسيق مع الجهات ذات الصلة بما يتعلق بشئون دياسبورا السودان حتى لا تحدث اشكاليات في الصلاحيات مثلما الحال في حوافز التحويلات ...
|
Post: #14
Title: Re: السفارة السودانية بالرياض ..احتراماتى
Author: طاهر بدر
Date: 03-15-2021, 11:22 AM
Parent: #1
بدر البدور ...
عساك عافي
حاجة كويسة انو نقول ان احسن الناس نقول احسنو ...دا في العموم
بس دا برضو ما يمنع انو لما نجي نقارن ما نقارن بي الكان منمط ...
بعد المقارنة تكون مع الاقران وحول النواقص العديدة التي يمكن ان تتحول السفارة بجهود بسيطة
الى ما يجب ان تكون عليه ...
مثلا موضوع رسوم الجواز بعد الثورة وتوحيد سعر الصرف ما دايرا ليها مؤتمر والناس تقوم وتقعد وتلوك ام "الآلية" وما الى ذلك
قرار بتوحيد الرسوم بسعر الصرف المحدد ونقطة سطر جديد
بس البركة في النفاجات الزي كدا اي زول يجي يدلو بي دلوه ...والحال بيتحسن والكمال لله
|
|