Post: #1
Title: إلغاء رسوم إيجار عداد الكهرباء بالقطاع السكني
Author: زهير عثمان حمد
Date: 03-13-2021, 00:27 AM
Parent: #0
11:27 PM March, 12 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم: باج نيوز
أصدر وكيل قطاع الكهرباء المهندس خيري عبدالرحمن أحمد، قراراً بإلغاء رسوم إيجار عدادات الكهرباء بالقطاع السكني.
وأكد قرار ممهور بتوقيع خيري إلغاء رسوم الإيجار الشهري لعدادات القطاع السكني، على أن تتحمل الشركة السودانية للتوزيع تكاليف إصلاح أو إستبدال العداد الخارجي.
وأوضح القرار أن شركة التوزيع تتحمل تكاليف إصلاح أو إستبدال العداد الداخلي إلا إذا ثبُت بالفحص الفني أن هنالك خلل تسبب فيه الزبون، على أن يتم ذلك بشهادة فحص صادرة من مركز الرقابة، ونبه إلى أن الزبون يتحمل تكلفة إستبدال الشاشة الداخلية للعداد في حال عطلها.
وطالب القرار الجهات المعنية بقطاع الكهرباء وضعه قيد التنفيذ منذ تاريخ صدوره في الرابع من مارس 2021م.
|
Post: #2
Title: Re: إلغاء رسوم إيجار عداد الكهرباء بالقطاع ال
Author: Asim Ali
Date: 03-13-2021, 02:10 AM
ايجار العداد قيمه بسيطه (الدرجه التانيه 10جنيه ونص) وفى الوقت نفسو فى مشاكل تانيه مسئوليه شركه/شكات الكهرباء .
قبل اسبوع العداد الشاشه طفت ووالسبب انو علبه توزيع اسلاك العداد فى العمود صغيره على عدد العدادات الموصوله منها وباب علبه التوزيع مفتوح وكل مره تحصل مشكله فصل السلك واطفاء الشاشه.
الفنى اللى جا عالج المشكله قلت لهو ياخى ما تغيروالعلب بعلب اكبر عشان تفادى المشكله .
قال لى نحنا كل مانطلع اى بلاغ بنكتب ضمن التقرير باعو توصيات بمعالجات زى ملاحظتك دى لكن الجهه المفروض تراجع وتتابع وين ؟
وماكل كتيره مافى متابعه ليها رغم خطورتها زى الاشجار البتنمو وتتشابكفروعها مع الاسلاك (فى مناطق الاسلاك مكسيه عازل) لكن المشكله فى المناطق اللى اسلاكها غير مكسيه اوالمشاكل فى حاله الهواء الشديد وسقوط فروع ضخمه متشابكه مع الاسلاك
|
Post: #3
Title: Re: إلغاء رسوم إيجار عداد الكهرباء بالقطاع ال
Author: Hasheem Karouri
Date: 03-13-2021, 12:34 PM
Parent: #2
كلو من راس مكاوي .
الله لايوفقو
|
Post: #4
Title: Re: إلغاء رسوم إيجار عداد الكهرباء بالقطاع ال
Author: Amira Hussien
Date: 03-13-2021, 01:00 PM
هو الايجار ذاتو ليه نحن مش دفعنا تمن العداد ؟ ولا الدفعنا زمان كان شنو
|
Post: #5
Title: Re: إلغاء رسوم إيجار عداد الكهرباء بالقطاع ال
Author: Asim Ali
Date: 03-13-2021, 06:07 PM
Parent: #4
Quote:
هو الايجار ذاتو ليه نحن مش دفعنا تمن العداد ؟ ولا الدفعنا زمان كان شنو
|
منو البقدر يقول البغله فى الابريق
الايجار هين .هسى الناس فى المناطق اتلجديده يجبروا الناس تشترى الاعمده عشان يجروا الخط من اقرب نقطه امداد.
هسى بعد الويادات ووزبر الطاقه يصرح انو القطوعات حنتستمر فى الصيف ورمضان (قال بمستوى اقل لكن نصريحات المسئولين دى مافى ثقه دايرين بيان بالعمل)
|
Post: #6
Title: Re: إلغاء رسوم إيجار عداد الكهرباء بالقطاع ال
Author: Al Sunda
Date: 03-14-2021, 08:18 AM
Parent: #5
Quote: منو البقدر يقول البغله فى الابريق
الايجار هين .هسى الناس فى المناطق اتلجديده يجبروا الناس تشترى الاعمده عشان يجروا الخط من اقرب نقطه امداد. |
نعم من غرائب الاشياء ان يسهم المستهلك في البنية التحتية لهيئة خدمية وفق شروط إذعان .
إذا كانت الهيئة لا تملك سيولة كافية لتنفيذ التوصيلات ما في مانع لمشاركة الشعب ولكن على الهيئة معالجة مسالة مساهمات المستهلك والتي تتم عبر دفع قيمة ( الاعمدة ، العداد ، الاسلاك...... الخ )
وذلك بخصم جملة المساهمات المدفوعة مقدما من قيمة فاتورة الاستهلاك عبر جدولة لفترة زمنية معينة ومن ثم يمكنها الادعاء بأنها صاحبة الاعمدة والاسلاك والعداد
|
Post: #7
Title: Re: إلغاء رسوم إيجار عداد الكهرباء بالقطاع ال
Author: محمد حمزة الحسين
Date: 03-16-2021, 12:52 PM
Parent: #6
Quote:
كلو من راس مكاوي .
الله لايوفقو |
يا كاروري صاح الالقانون بتاع الكهرباء مجحف لكنه اقدم من كاروري ...
إتخيل أنا مشرف علي مشروع زراعي دفعت كل ال High tension assist
, low tension , all transformers and numerator Gage + add external transformer main supplier to the small village gate connection
شوفتا كيف ...
وبعد داك قمت بالتوقيع علي عقد توصيل الكهرباء بالتنازل من كل هذه الأصول لصالح الهئية لتمدني بالكهرباء من خلالها...
وبعد دالحدي يوم 15 من الشهر لو ما دفعت بجو ينزعوا الفيوزات ويعملوا لي Blackout.
موش كدا وبس كما اي مشروع عايز يوصل كهرباء من خطي دا دفعوها رسوم شبكة 
يا ابو الزوز بالله شوف لينا في طريقه بتاعت مطالبات بي أثر رجعي فواتيرنا بتاعت المشتروات قاعدة ...
نسيت اضيف إنو كل ال assist الفوق دا اشتريناهو منهم وتم الإستلام بإذونات من مخازنهم الرئيسيه بالولاية ...
|
|