ما تزعجنا اكثر صار لدينا رب الفور ( نمرود العصر الحديث ) والمرتزق حميدتي والشحاذ
جاءت الحزينة تفرح .....
Post: #3 Title: Re: حمدوك .... خيبة امل Author: adil amin Date: 03-12-2021, 05:12 AM Parent: #2
يا د اخلاص سلام فارات شكراحمدوك ديل ما بقدرو يواجهو فشلو صنم عجوة صنعو ليهم البشير وطارو بيه السما تذكري قصة صنم العجوة في جاهلية عمر بن الخطاب انا قلت الزول ده لو فيه خير ما يباري بعاعيت مايو وشلة المرزعة السعيدةيمسك درب جون قرنق منصور خالد طوالي ويعمل المستشارين د منصور خالد د ابراهيم منعم منصور علي محمود حسنين وكلهم حضرو ثورة الشباب وماتو في ظروف غامضة شوفي مباري منو وشنو ويهطرق معاهم لحدي هسة شنو ازح المؤتمر الوطني ورموزه واجيب بعاعيت مايو احذية المخابرات المصرية وايتام الترابي في الشعبي المقاطيع ومحور قطر تركيا الحركة الشعبية اخر مشروع وطني نظيف ومؤسس دستوريا وبوصل انتخابات بقليل من عمليات التجميل من دستور 1973 وقوانين 1974 ودستور 2005 والمحكمة الدستورية ختينا ليه في تويتر حقو وتوتير التافهين البحل ويربط فيهم خارطة طريق تحول ديمقراطي فدرالي حقيقي والشعب مصدر السلطات عامل نايم ولافي في نفس الدول الغبية الازلت الشعب السوداني والافق المسدود بتاع الخدم والانقاذ وقالو شنو شكرا حمدوك قلنا يمشي الجنوب للتكامل الاقتصادي مشا مصر ملعونة والديها والشركة القابضة قلنا يمشي الصين وطريق الحرير مشا امريكا وترامب باع ليه الترام وفات وختانا تحت جرعات البنك الدولي واخرتا جرتو الامارت التافهة للتطبيع مع نتنياهو مش اسرائيل استغلو السودان للدعاية الانتخابية الرخيصة السودان دولة وحضارة مش بقعة جغرافية من الاساس لتفاهات العرب والصهيونية وهسة نتنايهو الساقط بركب الظلط في الانتخابات وينهار التطبيع المخذول وتنهار ايضا كنتونات الخليج ايتام ترامب ونشوف قحت دي بتمشي وين تاني وتنهض الحضارات في المنطقة ونحن في متاهة شعب اسود ونرفس في الحبشة بكل وقاحة دي يا د اخلاص ملخص الكذبة الكبيرة الاسما شكرا حمدوك لا هو لا الجابو ولا الجابهم قدمو حاجة حتي الان مفيدة الوضع قدامك ظاهر والدولة مؤسسات وليس اشخاص من الاساس
صدقت دكتور عادل امين بالحق يعرف الرجال. الاستاذ علي محمود حسنين مات في ظرف نحن احوج ما نكون اليه ولا زلت اشك في ظرف وفاته . لو وما زحينا من حزم مخابرات مصر لا امل في نهضة ولا بناء دولة حديثة محترمة
سلام دكتورة اخلاص قبل ما تحكمي على حمدوك و تسيئ الظن فيهو شوفي المكون العسكري بتاع النظام البائد وجهي سهام نقدك التوجيه الصحيح ودا على حسب تقديرك و وعيك بالمرحلة
اهلاً باش م Abureesh حمدوك في القاهرة مفترض يشدد علي سودانية مثلث حلايب وشلاتين وابو رماد. الحدود ما شئ يناقش مع اكاديميين او اعلاميين ، الاعلام المصري حير الزيارة لمصلحته. وبالنسبة لسد النهضة الان السودان هو المتصدر للرفض ، ما فعله حمدوك عمل شين ولا وصف محترم له.
Post: #8 Title: Re: حمدوك .... خيبة امل Author: adil amin Date: 03-12-2021, 06:09 AM Parent: #5
Quote: صدقت دكتور عادل امين بالحق يعرف الرجال. الاستاذ علي محمود حسنين مات في ظرف نحن احوج ما نكون اليه ولا زلت اشك في ظرف وفاته . لو وما زحينا من حزم مخابرات مصر لا امل في نهضة ولا بناء دولة حديثة محترمة
يا د اخلاص الواضح ما فاضح الا للمختل الوعي والشعور الكلام القالو علي حسنين في الساحة وفي سودانية 24موثق وااضح قال حوار مع اللجنة الامنية مافي تتشكل الحكومة في الساحة وقال تفعيل المحكمة الدستورية في ش البلدية لحماية الثورة والفترة الانتقالية وصمم علم الاستقلال مع ثلاثة نجمات للثورة حمراء وقال ترمز للثلاث ثورات ومات فعلا بطريقة غامضة ونجاسة المخابرات المصرية وادواتا في السودان معروفة من ايام الصاغ صلاح سالم ولحدي الليلة وهم من ادخل الحثالة والخساسة في السياسة في المشهد السياسي السوداني بعد الاستقلال ولازلو عشان مشروع المخابرات المصرية والشركة القابضة يستمر مع الاعلان الدستوري الفطير الانتهازي والمحاصصة والاستهبال وبجيك لي د ابراهيم منعم منصور ايضا في الحلقة القادمة رسالة ابراهيم منعم منصور اوضح من الشمس ولم تعتذر مصر للسودانيين عن مخازيها مع نظام الانقاذ
مسألة حلايب إذا لم تتم معالجتها عبر محكمة العدل الدولية ستظل عائقا لعلاقات محترمة بين السودان ومصر. ما في حاجة إسمها أن نجعلها منطقة تكامل والاستهبال دا.
اهلاً خضر ده كان ال حاصل ام اهاجمه الا حينما تجاوز خط الكرامة زيارات لا تفيد وتوظف لمصالح اخرين برهان رب الفور النمرود الفطيس لم اوفره حميدتي المرتزق وكل مجلس امن البشير هم دمي بأيدي المحاور ومصر الان أتم حمدوك الناقصة
حلايب وشلاتين وابو رماد ما امر اكاديمي ده امر سيادي ، احتلال ، لا يناقش . في المؤتمر مع الروساء امام العدسات يثار ده احتلال ما ينفع في بروتكول ، حتي يشعر المصري علي مستوي الشارع والمسئول بأهمية الامر
غير كده ح يكون زيو وزي اسوان ، اسوان دي كانت حدود السودان.
الزيارة خاطئة خاطئة خاطئة . حمدوك اقتصادي واظن المالية كانت انسب له وقد طمع الثوار في عقليين اقتصاديين ( البدوي وحمدوك ) والان لم نحصل علي السياسي ولا الاقتصادي
دي زي اشتمك في جمع ويعتذر لك من دون شهود ، كل القنوات الان تتحدث عن موقف السودان من سد النهضة وان السودان يرفض السد ومصر تؤيد موقف السودان، السودان حسب الاعلام الدولي هو الذي يعترض ، لا اثر لحلايب
حلايب وشلاتين بقت زي حجوة ام ضبيبينه ، رائي الشخصي : لا حلايب ولا سد النهضة ، ولاغيره من المواضيع التي ياخذ حلها وقتا طويلا .تهمنا . الاولويات ، هو الشئ المفقود في برنامج الحكومة الحالية ، واهمها الانتاج ،ثم الانتاج . يجب انشاء مشاريع صغيرة لتشغيل ملايين العطالة " عطالة غصبا عنهم لعدم وجود عمل " ، تبدأ مثلا بمشروع نظافه العاصمة ، التي اصبحت مكب نفايات كبير ، الاحياء العشؤائية ، وحتي ارقي الاحياء ، التي لايوجد فرق بينهم سوي الاسم . يتم رصد ميزانية لخطه طويلة الامد ( مش موضوع عرض واستعراض ، يوم يومين وتنتهي القصة ) . متابعه لصيقة ، وقبل ذلك عمل دراسة عن اماكن دفن او تدوير النفايات،( مع يقيني التام ، بعد وجود شئ صالح للتدوير ) . حملات مكثفه علي الاسواق ، ومحاكمات فورية ، عقوبتها الغرامة فقط ، لمن لايلتزم بالاسعار ( ايضا تحتاج متابعه لصيقه ، واستمرارية في الحملات ). حتي يستقر السوق ، الذي اصحب هاجسا للجميع . بالتوازي حملات لتشجير ، وتنظيف الطرقات ( خصوصا الاسفلت الذي اختفي تحت الرمال )، ردم الحفر في الشوارع ، ويمكن اعادة سفلتتها لاحقا. تجفيف البرك ، ورش المدن لمكافحه الذباب والباعوض ، لتص البيئة مؤقتا .
هذا هو مايهم المواطن حاليا اما حلايب والفشقه وسد النهضة فهذا لايعنينا في شى ، فهي مواضيع تضيع الزمن في الفاضي ، وليست لها فوائد تمس حياة المواطن مباشرة . اقول قولي هذا ، وانا علي قناعه انه لن يتم تنفيذ ٠% منه . السودان يتجاذبه العسكر ، والحركات المسلحه ، والمكون المدني . فالكل يعمل ضد الكل ، والهدف اقصاء الاخر وافشاله ، ليظهر هو بمظهر المنقذ ، وساعتها لن يجد من يصفق له بفوزه ونجاحه . فالجميع يكون قد هلوس ، وحي كالميت ، وتملكه الاحباط ، وقنع من خيرا فيها .
ماذا فعل كل المسئولين والذين زاروا مصر بعد الثورة :
- البرهان وتحيته المُذلّة للسيسى ولعنة الله عليه وعلى السيسى وعلى تحيته المُذلة ببركة الجمعة الجامعة . - حميدتى و دون ان يطالب باعادة قوش الى السودان لمحاكمته قام باجراء لقاء معه فى مبنى المخابرات العامة فى مصر ما يعنى ان الاثنان طابخين شئ . - ومريم المنصورة ما قامت به فاقت الاولين والآخرين فى الذُّل والمهانة .
- حمدوك اذا لم يفعل اي شئ خلال زيارته الاخيرة لمصر يكفيه شرف أنه طالب بفتح الملفات المسكوت عنها ومن اهمها موضوع حلايب .
واللعنة على البرهان والسيسى لان السيسى خطط والبرهان قام بتنفيذ مجزرة القيادة الالعنة لعنة الله عليكم الا لعنة الله عليكم الا لعنة الله عليكم ببركة الجمة الجامعة والله لن نسامحكم .
اهلاً يا ود البشرى في السياسة في طرق معروفة للمطالبة بالحق ندوة شنو ال بطالب فيها بحق ؟!!! انت رئيس وزراء مفروض تتخذ موقف ، لا تزور من اساسو و هناك احتلال وتعتذر مبيناً السبب اما لو مشيت فده ضعف ولما تتحدث في ندوة ما بيان رسمي يبقي الموضوع في اخذ ورد مفروض في بيانك امام الوزير الاول وده اضعف الايمان حتي ولو الوضع تفجر ويستحسن يتكهرب
الصاح لا يزور مصر من اساسو حتي يكون واضح ان هناك رفض للاحتلال ، لو في شئ يندم عليها السودان انه ما استغل هزيمتهم مرتين من اسرائيل .
اهلاً يا علاء الزول ده مفترض يمثل ارادة التغيير في المنطقة هناك سايكس بيكو جديد او ما قادر يفهم دي يمشي بيتهم احسن الجميع اخذ منه ما يريد ، من اراد شعبية وفك عزلة ومن اراد دعم موقفه من سد النهضة. الزول ده ما واعي بالتغييرات
Post: #22 Title: Re: حمدوك .... خيبة امل Author: محمد البشرى الخضر Date: 03-12-2021, 08:42 AM Parent: #20
اوكي يا دكتورة دا رايك و العديل راي و الاعوج كذلك، و الحمدلله انك لست في موقع مسؤولية والا كان علينا تحمل تبعات رأيك. طيب ما سبب وصفك له بالشحاد؟
كاروري كيفك مداخلة شحمانة نبدأ من الاول الانتاج محتاج معينات تدريب كوادر ( الوضع سئ من الناحية دي واسأل كل من عمل بالمنظمات او الخارج) جو العمل معنويات العاملين كلو كلو ، محتاج رأسمال غير مشروط وان يصب في مصلحة الجميع ، سد النهضة مهم لان هناك مشاريع مثل توطين الرحل ( مشروع قديم ) ، الحد من استنزاف الموارد البشرية والموارد الطبيعية والثروة الحيوانية وده ما بان الا بوقفة ضد ما يفعله الجار و المحاور. اسع في شخصيات مهمة غير سودانية ولا مصرية ولا اثيوبية متداخلة وبشدة في سد النهضة ، ودافعهم العنصرية البغيضة وعقد النقص تجاه تفوق السمر . لا بد من نظرة واقعية وعدم اهدار مواردنا واما القول حلايب ما مهمة ف دي فضيحة عدييييل . بكرة تبكوا عليها
رأي يا ود البشرى وزي ما قلت ( اللهم ارحم كانتونا كباشي الصافي)ويشاركني في كثيرين. البترول اتباع بدولار وبالسالب وصفوف البنزين والجازولين من الطلمبة تجي 10 كيلو ، ما فكر يوفر ثمن سفينة ويشوف يخزن حق ثلاثة شهور. وصل 17بالتخزين
يا ست اخلاص اعتقد أن حمدوك أول مسؤول سوداني يتكلم عن المسكوت عنه في قضية حلايب وشلاتين ومن داخل عرين النظام المصري. ذهول الأخ هاني ارسلان مدير مركز الاهرام الذي استضافه كان دليل واضح على الهزة القوية اللى عملها فخامة رئيس الوزراء وهو يتحدث عن هذا الأمر. ................. ما أظنك تقصدي أن يعلن حمدوك الحرب على مصر .
يا طلحة اخوي كده هو اعلن الحرب علي اثيوبيا، العالم احول ومرات اعمي عديل صدقني زيارته بتقرأ كده ، حلايب دي حقتنا لو نحن مشينا زرنا المحتل يبقي الاخرين دخلهم شنو، انتو كلكم اعلاميين مفروض تقرأوا المشهد صاح. سد النهضة هو بؤرة التوتر ( حتي ترامب تدخل في )
والله أزعم أنى قاري المشهد صاح زي ما قروه السياسيين والدبلوماسيين والعسكريين لكن ربما أنت قرايتك للمشهد أفضل منا جميعا. فاذا كان ذلك كذلك فأتمنى والله أن يكون لك مكانا بارزا في دفة حكم السودان عسى ولعل تأتى بما لم تأت به الأوائل والسودان يبقى دولة عظمى خخخخخ ................
هههه يا طلحة اخوي انا ما زولة حكم دي ما من طموحاتي وبعدين ال زي ده بس بقول الشلبيفو ، ما قاصدة استهزأ والله ما تقرأني هذأ ، بس الجار الشمالي مشكلة وكذلك المحاور. وبرضو شكراً علي كلامك اكان طيب ولا ما طيب ما عارفه 😹😹😹
ههههههه لا أبدا والله كلامي لا طيب ولا ما طيب فقط مجرد رد واثراء النقاش عسى أن نستفيد إن لم نفد ................. عارفة يا ست اخلاص احتجاجك على زيارة حمدوك للمحتل المفروض يتبعها طوالي احتجاج على وجود السفراء في البلدين والناس تطالب باغلاق السفارات وبعدها اغلاق الحدود والمعابر وطرد الجاليات هنا وهنا الخ الخ الخ .. مش محتل ؟؟
أنا شايف تبادل الزيارات مع أية دولة لمصلحة السودان بعد كدا ضد منو واللا مع منو دي حاجات دبلوماسية بعرفوها الكبار.. المهم زحزحة بلدي من الحتة الواقف فيها من زمن حفروا البحر دي. ................... يا اخلاص فرضنا أنو الزيارة دي زي ما بتقولي انتي القصد منها الوقوف مع مصر ضد سد النهضة كدا أسالك سؤال اذا كان سد النهضة بضر بمصالح السودان فهل معنى كدا نؤيده عشان بس موقفنا ما يكون مع مصر؟؟ بعبارة أخرى .. هل نفرط في أمننا القومي لتحاشى أن يكون موقفنا مشابه لموقف ( المحتل) مثلا ؟؟ يعنى نسدها بى هنا ونقدها بى هناك واللا كيف ؟ ................... تعديل لتقعيد السؤال لأنو ما كان واضح على ما اعتقد
مصر عندها مخزون 174 مليارمترمن المياه مخزن في بحيرة السد ، ملء سد النهضة في 7 سنين ما ح يأثر فيها ، اما مريومة ال قالت مهددين بالموت عطشاً ف كاااااذبة وسمحت بأن تنحر ، مشروع السددقديم وكان في دراسات بتحويل الرعاة من الغرب او شق نهر ، مصر رفضت ربط نهر الكنغو والان عادت له ( مشروع من سنة 1904 ) مصر ما عندها مشكلة مياه عندها مشكلة اراضي . نحن مشكلتنا في استغلال الموجود ، ولو تعاوننا مع دول المنطقة ( ج السودان واثيوبيا بالذات ) ممكن ننهض مصر نظرتها مدمرة وغير مساعدة في النهضة ( تركيبة عقلية تنزع للاستعمار وقد استعمرتنا مرتين ). السودانيين محتاجين ينهضوا والا لن تكون هناك دولة
تمام يا ست اخلاص وحلو اللوز جدا كلامك دا بغض النظر عن دقته او عدمها فهو رأي مقبول ودلو في القضية لو كان بمعزل عن تخوين حمدوك واتهامو بالانحناء والركوع لمجرد زيارة قام بها كما قام بمثلها لدول اخرى غير مصر، مع ملاحظة أن منطق احتجاجك على الزيارة لأنها لمحتل غريب جدا إن لم يكن مضحك. .............. دام الود
هل نستفيد من السد ؟ اجابتي هي نعم هل هناك مخاطر للسد نعم هل اكثر من غيرها ومن باقي السدود اجابتي لا الكلام ده متخصصين في ناس سلمان محمد سلمان مهندس كتب كثير ، الان ناسنا قالو مشكلتهم اخطارهم بمواعيد الملء وهي معلنة ، وطالبوا بالتنسيق ثم ( طوروا الموقف ) .
Post: #42 Title: Re: حمدوك .... خيبة امل Author: Asim Ali Date: 03-12-2021, 11:48 AM Parent: #37
سلام عليكم فى حقائق اتكلمت عنها فى نقاشات قبل كدا فى المنبر اولا لابد نتعرض ليها انو السودان ومصر دول متجاوره وبالضروره بسبب التجاور ومايفرضو من تفاعل سياسى واجتماعى واقتصادى ... شىء لايمكن الهروب منو او لايمكن هوله تشيل عزالها ورحل من جنب التانيه يعنى لازم نتعامل مع الواقع لكن بشروط واضحه مبنيهعلى تماسك داخلى ومؤسيه الدوله المدنيه (المنشوده). كلام حمدوك فى الندوه اتظرق لنقاط ثلاثه الصوره النمطيه المتبادله التاريخ (بكل مافيه) قضيه حلايب ودا باختصار تلخيص واقعى مفروض نعترف بيهو تفاعل وعلاقات مع عدم التنازل عن الحقوق وحسم امرها .لكن يظل التساؤل والطلب هو( الوحده الداخليه ) كخطوه اولى لاستراد الحقوق المسلوبه . . بغض النظر عن الفشقه وحلايب فامصر واثيوبيا دول تفوقنا عدد وبسياسه ملء الفراغ فالسودان بامكانتو امتداد محتمل ليهم باحدث ازاحه واحتلال ديموغرافي (دا حاصل من الحبش حاليا باشكال مختلفه) بخلاف الاسلوب الاستحبارى(حرائق الخيل فى الشماليه) وقضيه زى دى لازم نضع خط احمر لكل دول الجوار حتى لانتعرض لاحتلال ديمغرافى مدعوم بالعمل الاستخبارى . زياره حمدوك كانت معلنه بنهايه زياره السيسى للسودان لمتابعه مخرجات الزياره من (ناحيه تنفيذيه) لانو الزياره وحسب تصريحات الناطق الرسمى لرئاسه الجمهوريه(الجانب المصرى) انو السيسى التقى برهان للمباحثات الاستراتيجيه والتقى حمدوك للمباحثات حول الجوانب العلاقات والاتفاقات والتعاون (كمسئول تنفيذى) والتقى حميدتى للمباحثات ذات البعد الامنى والاستخبارى.(دا براهو بيدى صوره لكيف ومن يحكم السودان فعليا) . الى جانب انو الدعوه للحرب لاسترداد حلايب فى الظرف الحالى غير واقعيه داخليا واقليميا وكشف ظهر للسودان فالحرب لاجل الفشقه فيها اثيوبيا تعانى داخليا ومثقله بجراح الصراعاترغم ماتحاول ان تبديه من استئساد فى شان النهضه او الفشقه بخلاف مصر من ناحيه تفوق عسكرى وحاله استقرار واى حرب معها ربما تكون لصالح الحكم فى مصر ودعم استقرارو سيااسيا بتوحيد الجبهه الداخليه المصريه حكومه ومعارضه (مابعيد حتى كيزانهم يدعموا السيسى لحظتها)
اهلاً عاصم ما طلبنا منو يحارب بس يقعد في محله ما في داعي للزيارة الان ، يعتذر باي ظرف. من ناحية توغل المصريين في الاراضي السودانية وبناء قاعدة عسكرية في حلايب دي صارت واقع لازم يتغير ، وبعدين المخابرات المصرية متوغلة في السودان ونحن تبع الداخلية المصرية مش الخارجية. فض الاعتصام تم بايعاز منهم وما تفعله مصر في السودان يحتاج لوقفة. كل المعارضات تجد لها مكان بمصر وتسمح لها بالعمل ، اتفهم ان تأويها ولكن لا تسمح لها بالعمل المعارض هذه اصول الجوار.
حمدوك ذكر حلايب في ندوة للأكاديمين وأنها من المواضيع المسكوت عنها والتي يجب فتحها للحديث عنها وتعريضها للبحث والحوار مثلها مثل الصورة النمطية للشعبين بعضهما لبعض والرؤية لتاريخ الدولتين. وأشار لإمكانية الوصول لمعالجة هذا الأمر ولم يشر لآلية المعالجة والمعروف أن مصر هي التي ترفض التحكيم. أستغرق حديثه عن حلايب 18 ثانية. تحدث حمدوك عن مشكلة الحدود مع أثيوبيا وأشار بوضوح إلى أنها الحدود الوحيدة من بين حدود السودان مع جيرانه السبعة الممركة في الخرطة وفي الأرض والنزاع فيها محسوم بإتفاقيات مسبقة. إستغرق حديثة عن أزمة الحدود مع إثيوبيا 33 ثانية.
حمدوك في ملخصه لرؤيته للعلاقة مع مصر دعا للتفكير في المشاريع الكبيرة وعدم الإنصراف لصغائر الامور
حلايب هي رأس جبل الجليد، الجبل يحتوي علي عدم اعترافهم بالسودان دولة مستقلة ولذلك العلاقات تخضع للداخلية وليس الخارجية وقد تعرض عمرو موسي لهذا الامر وذكر انه طلب ان تتبع السودان والصومال لوزارته . وبها المعارضة والسماح لها طوال العهود بالعمل ضد السودان من داخل مصر وبها الميزان التجاري المختل وبها تسببهم في محاصرة السودان وبها التهريب المنظم لكل ما لدينا وبها مشاكل المعدنيين والاستيلاء علي ادواتهم وبها الزوارق ، ومذبحة ميدان مصطفي محمود لو عدينا ما ح نخلص
طالما في رايك زيارة حمدوك كمسئول سوداني خاطئه (بالتلاتة) ما شفتك قلتي زيارة مريم خاطئة ؟
و لا شنو ؟
Post: #48 Title: Re: حمدوك .... خيبة امل Author: كمال عباس Date: 03-12-2021, 08:28 PM Parent: #47
سلام أخ يحي ,,,
Quote: سلام اخلاص ..
طالما في رايك زيارة حمدوك كمسئول سوداني خاطئه (بالتلاتة) ما شفتك قلتي زيارة مريم خاطئة ؟
و لا شنو ؟
والمرحوم ـ وهو سياسي ورئيس حزب كان يهوي الإستقرار بمصر أما الجد الأكبر عبد الرحمن المهدي فقد زار دولة المستعمر إنجلترا مهنئيا ومقدما فروض الطاعة ومسلما سيف والده المهدي لملك إنجلترا ـ في رمزية دالة وناطقة ... ------- نجي للأهم حمدوك وحاضنته السياسية فشلوا حتي الان في تحقيق أهداف الثورة ـ أما زيارته لمصر ـ فلاتعتبر فشلا أومسبة ـ فزعماء الناتو حلف الناتو وحلف وارسو كانو يتزاورون ـ وتحسين العلاقة مع الصين بدأ بزيارة ومبارة رياضية أيام نيكسون -- - ملف حلايب تركة فشل وتفريط في السيادة الوطنية ـ فشل موروث ويجب حسم الملف ـ أو علي الأقل جعله ساخنا ـ حسم الملف ممكن أن يكون بالتفاوض والطرق الدبلوماسية -والمنظمات الدولية وكل هذه الوسائل تتطلب تزاور وإتصالات -هذا بالإضافة لمتابعةالمصالح المشتركة الأخري - كان البشير يزور مصر يتواصل معها ولم نكن نعترض علي مبدأ الزيارة وإنما علي منحه الالاف الدولارات وعشرات السيارات للعيبة منتخب مصر وتقديم الف رأس من الماشية لمصر الرسمية ومنح الالاف الأفدنة شمال أرقين لها - + هذه ما توجب قوله ولكن هذا لايعني براءة حمدوك من بعض أوجه النقد في السياسة الخارجية -ويبرز في هذا الإتجاه تعيين السيدة مريم المهدي كوزير خارجية وهي لاتعرف كوعها من بوعها في هذا المضمار وتصريحاتها الكارثية خير دليل
Quote: ما طلبنا منو يحارب بس يقعد في محله ما في داعي للزيارة الان ، يعتذر باي ظرف. من ناحية توغل المصريين في الاراضي السودانية وبناء قاعدة عسكرية في حلايب دي صارت واقع لازم يتغير ، وبعدين المخابرات المصرية متوغلة في السودان ونحن تبع الداخلية المصرية مش الخارجية. فض الاعتصام تم بايعاز منهم وما تفعله مصر في السودان يحتاج لوقفة. كل المعارضات تجد لها مكان بمصر وتسمح لها بالعمل ، اتفهم ان تأويها ولكن لا تسمح لها بالعمل المعارض هذه اصول الجوار.
الخيارات اما الحرب الساخنه او الحرب البارده (بكل ادواتها حسب معطيات الالفيه التالته) . الان المصالحه االخليجيه (مافى شىء اتغير يذكر) وتركيا بعد تطورات ليبيا وصراع الغاز الان تعازل مصر وتمد حبال التواصل (برضو مافى تغيير ياهو اردوغاالكوز واطماعو مقابل حاكم اذاق الاخوان الامرين ...) وتركيا دى زيها وزى مصر شوكه فى خاصره الساحل السودانى ومصالح متعدده بالداخل والجميع صامت -لانو شغالين بسياسه رد الفعل وبعد الفاس يقع فى الراس نبدا فى الكلام عن الموضع لكن يستمر العجز عن احداث تغيير فى الواقع). لذلك التعاطى باسلوب الحرب البارده بدل التصعيد(مش الحرب الساخنه) لانو السودان اذا بدا فى موضوع الارضى المحتله ومختلف عليها حيفتح جبهات كتير مع الجيران . المهم النخبه والقوى الناعمه بكل شراجها تكون فى الخط الاول للحرب البارده لغايه الوصول لشط حكومه منتخبه ونتخلص من العسكر (كان ما لقو ليهم درب فى ما بعد الانتقال) المهم الان وحده جبهه داخليه وانعاش اقتصاد واعاده تشكيل جيش بعقيده جديده وكذلك سياستنا الخارجيه تحتاج لعقيده وملامح واضحه وثقل اقليمى على الاقل كحطوه اولى لحسمكتير من القضايا الاقليميه والخارجيه اللى بتمس سيادتنا واستقلالنا
ملاحظة حول الفيديو حيث تحدث حمدوك. الصورة بالكاد واضحة, والصوت سيئ جدا. هل هذا فيديو على مستوى رئيس وزراء؟ هل يعجز وفد السودان أن ينقل تغطية لكلام حمدوك في مركز الأهرام بشكل جيد؟ دي تعتبر أساسيات. وشينة في حق السودان بصراحة.
وكيف يمكن لوم الإعلام المصري إذا غابت عننا أساسيات. الجالية السودانية بأمريكا احتفلوا بحمدوك بنفس الطريقة: جايين مستثمرين وآخر لبس وكلام كبار. والفيديو المعمول يا الله تقدر تسمع الناس دي بتقول في شنو بما فيهم حمدوك.
المضيف لما يكون مصري اعملوا زيه هم حتي عربات مصفحة يجيبوها معاهم ومستعدين لان مخابراتهم هي التي تدير المؤامرات . الطيبة ما بتنفع مع المصريين .
Post: #52 Title: Re: حمدوك .... خيبة امل Author: adil amin Date: 03-13-2021, 04:23 AM Parent: #51
طبعا افيون حمدوك مستمر ونكتة اول مسؤل عمل واول مسؤل قال اولا العمل الاعلان الدستوري ده قعدنا تحت جذم المصريين والدول الناهبة للسودان وفضحا ابرايهم منعم منصور وما طلعنا من فلك الانقاذ ووضع السودان المشين في العالم العربي وشعار قحت اصلا يدل علي حدود وعيهم يا د اخلاص جون قرنق زار مصر وعمل العجب وزيارته حايمة في الواتس مشا لي عقدة مصر الاصلية الاهرامات وقال ليهم ديل جدودي البنو الاهرامات واداهم محاضرة مجانية عن حضارة السودان والاسرة 25 مصر لا تحترم حضارة السودان ولا فكر ولاثقافة السودان بسس اقليات مشوهة في السودان وتعرف لو السودانيين لقو نفسهم بتنتهي متلازمة مصر ام الدنيا والدنيا عملت فحص دي ان ايه ولقت مصر مش امها الصورة النمطية للاعلام المصري هي السيئة ولازالت قلنا الثورة الحقيقية تزحنا من الدول المجرمة الدعمت نظام الانقاذ كلها ونمشي لي جنوب السودان النفط مقابل الغذاء والصين الذهب قصاد التنمية الحقيقة السكة الحديد والسدود والجامعات والمستشفيات ال300 طن ذهب البتنهبا مصر والامارات عبر العصور لو اديناها الصين كان السودان ده حصل ماليززيا زماااااان لكن ذى حميدتي وحمدوك وبرهان وقحت ديل ما عندهم ثورة لا حامل فكري ولا مشروع واضح هسة لمن عبود غرق حلفا ومعاها الاثار و3 مليون نخلة وهجر الحلفاويين استفدنا من السد العالي شنو ولا فولت واحد ما ادونا هسة نعمل شنو بي الشبك الكهربي مع مصر سد مروي ده ديكور مثلا ؟؟ انا من الاقليم الشمالي واعتز بذلك اتفاقيات مع مصر مذلة ما تلزمني ولم انتخب لا البرهان ولا حميدتي ولا حمدوك عايز اتفاقيات مفيدة مع جنوب السودان والصين فقط محاصصة كلاب الحر دي ما تلزمني والواضح ما فاضح عايزين اقوال حمدوك تتحول لافعال حاسمة وفقا لصلاحيات حمدوك الدستورية قلنا ليه احرس نفسك بي المحكمة الدستورية والمراجع العام من 2018 ورجع الاقاليم وخلي كل اقليم يعمرو ناسو لافي لينا مع ساطع وسنهوري والمزرعة السعيدة ويضيع في الزمن والاعلان الدستوري لحق امات طه وجونا ايتام الترابي بي الشباك\ لتفعيل محور قطر تركيا ماليا والشحدة مستمرة وتبدد كسور وبواقي في الخرتوم بس في شكل مرتبات وامتيزات مع ناس شالو السيدة وخلو حرم سد النهضة لا يضر السودان اطلاقا والغرق السودان 2020 المطرة والبلادة وضيق الافق المستمر لحدي الليلة والولولة مع المصريين
عارف كيفك يا صاحب كانت حرب معلنة ومفاوضات سرية وكالعادة بدأت الحرب مصر ولم تك ارضهامحتلة ( كالعادة تدفع من جيب غيرها ). ما في نسبة ، ديجول قال لعبدالناصر واجبك ان تحارب
اهلاً باش م يحي قلت عليها shock and awe عارف رأي في العلاقة بين مصر والسودان وانها مختلة. وحتي ذهاب المعارضين لمصر رأئي في واضح من يمارس عمل ضد السودان من مصر يعتبر عمل عدائي من مصر تجاه الدولة السودانية، يمكن ان يلجأ لها ولا يمارس نشاط معادي وهذا ما اصطلحت عليه الدول في تعاملاتها.
ذهب الي السعودية وقبل مغادرته ارجع صادر الماشية ولم نري انفراجة لم نعلم علي ماذا وقع وما هي شروط الاستثمار ومن المستثمر وكم مدته . علي ماذا وقع وزير الزراعة وباقي الوزراء . ولماذا الاستعجال قبل المجلس التشريعي.
ذهب الي مصر وخال يومين و سمعنا بالمنطقة الصناعية ، الكارثة الجديدة .
لو قعد في مكتبه كان احسن
Post: #57 Title: Re: حمدوك .... خيبة امل Author: علي عبدالوهاب عثمان Date: 03-13-2021, 10:20 PM Parent: #56
دكتورة تحياتي انا الذي يهمني هذه الايام سعر القمح والتسعيرة المحبطة 13 الف وفي السوق 7 الف وتهديد المزراعين بعشرة سنوات سجن مقطع من مقال سهير عبدالرحيم شكرا لها وهي تناصر الغلابا
عنوان المقال (( بعد سنتين )) الجزء الذي يخصني
Quote: حسناً كم تدفع الحكومة سعراً لجوال القمح …؟؟ الحكومة تدفع (١٣) ألف جنيه..؟ وكم سعر جوال القمح في السوق…؟ سعر الجوال في السوق عشرين الف جنيه..؟ أي أن الحكومة تريد من المزارع أن يخسر في كل جوال مبلغ سبعه ألف جنيه..؟
حسناً دعكم من كل هذا …؟ ماذا قدمت الحكومة لهذا المزارع والذي تطالبه بالبيع لها فقط …؟
هل قدمت له تقاوى …؟؟ لا هل قدمت له سماد ….؟؟ لا هل قدمت له وقود مدعوم …؟؟ لا هل قدمت له تمويلاً وإعفاءات وآليات …؟ لا .. هل تكفلت بالعمليات الإنتاجية …؟ لا
حسناً كيف تلزم الحكومة و تجبر المزارع للبيع لها بسعر زهيد وهي لم تساهم معه بمقدار ضربة فأس في أرضه .
هم يحاربون المزارع وكل منتج سوداني ويشجعوا العربان والمصاروة لانهم فاسدين و جزء مرتشي ما تسمع استثمار ، ده استثمار غير شفاف . لما يعجز ابن السودان بعد ان توفر له مستلزمات الانتاج حتي يبدأ الاستثمار ، هم يطفشوا المزارع لمصلحة جيوبهم زيهم وزي حرامية الانقاذ ، يسرقوا عرق المزارعوتعبه ويكيلون بديون البنوك والتقاوي الفاسدة ، مفروض تعاونيات تدعم وتوفر لها الالات الضخمة والحاصدات و الطلمبات.
ده شنو؟!!!! السكة حديد مشيتو وقعتو مع المصريين شنو عارفين الكوميسا ؟ غايتو مؤاني السودان بدل تنتعش انتم اسهمتم في الركود والاغلاق لها . من متين ساعدونا في السكة حديد ، الان كل تجارة افريقيا ستعبر و لن تمر بالمؤاني البحرية السودانية
السكة حديد والربط لمصلحة غيرنا وبالضد من مصلحة ميناء بورتسودان .
الجيش واضع يده في السكة حديد وقع اتفاق ، الجيش استولي علي كل شئ وبموافقة رئيس وزراء الثورة، بالاتفاقيات الجديد يكون قد اتم السيطرة ولمصلحة عساكر البلدين
اسقط مشروع السودان الحر المستقل و شنت الحروب علي اثيوبيا واستبعد الحلو وعبدالواحد لمصلحة الدولة الاسلاموعروبية . و اعيد انتاج المركز بعد ان استولي عسكر البشير علي السلطة واطاعهم الشق المدني . العز للسودان المجد للشهداء والتجلة لامهات الشهدا
Post: #64 Title: Re: حمدوك .... خيبة امل Author: adil amin Date: 03-14-2021, 04:41 AM Parent: #63
نجيك بي الواضح ما فاضح مشكلة السودان مع مصر لا سياسية ولا اقتصادية مشكلة نفسية اجتماعية تخص الاقليات المشوهة في المركز عبر العصور
من علي عبداللطيف الجن بسبب صفاقة المصريين لحدي الليلة وزمن البرهان ودمبلاب وساطع وسنهوري وصديق يوسف متلازمة مصر ام الدنيا والنخب السياسية والثقافية المشوهة العندها احساس متاصل بالدونية حيال مصر وتراهاتا واتنكب حزب الامة ايضا في ذلك ذى كلامك ده ما بيعوهو الهرولة لي مصر والعرب مرض نفسي ما عمل سياسي والعمل الاعلان الدستوري اعاد تدوير الدولة المركزية وفرض المشوهين حول حمدوك بالمحاصصة واالسودان يدار بالمخابرات المصرية\مدنيين وعسكريين وفضحهم ابراهم منهم منصور ذى ما قلت ليك هسة اليعملو استفتاء الحريات الاربعة والتكامل الاقتصادي مع مصر ام دولة جنوب السودان عشان نشوف راي الشعب السوداني ومعاك سلامة الوعي التراكمي لحدي 2021 يدل اننا ماشين في جحر الضب الخرب فعلا وايتام ترامب وتراهات البشير ذاتا
لا يريدون انتخابات ولا مجلس تشريعي ولا مسالة وزير التجارة يمضي علي اتفاقات بيع الماشية ويطلب منهم ( الا يحتكروا الصادر ) قالو للحرامي احلف قال جالك الفرج.
دكتورة اخلاص سلام.. قبل سنة كتبت هنا انه حمدوك وقف (ستارة) غطي علي افعال العسكر من عيون الشارع.. بعد تسليمه لكل ملفات الوثيقة للعسكر من سلام واقتصاد و سياسة خارجية وتكتلات (حلف البحر الاحمر) وضح تماما انه بقي كبري لتمرير اجندة محور الامارات. ثورة وضاعت.. الله يرحم الشهداء ويعوض شبابهم الجنة. تحياتي..
اهلاً استاذ Mutasim Idris فعلاً انت كتبت وود المدير برضو طلع كلامكم صاح. ( انا انتقدوا طبعاً من دون اسأة شخصية واعتذر لو انا اسئت له من غير قصد بشئ فهم كقدح شخصي ).
