حمدوك شيوعي وما بصلى

12:12 PM March, 11 2021

سودانيز اون لاين
طلحة عبدالله-
مكتبتى
رابط مختصر

دي لبانة المتأسلمين المنافقين الفجار
أكتر عبارة قاعدة تعمل لي كاروشة ثم تضرسني
قبل أن تقلب بطني .
قد يتبع والله أعلم ...
...............
أدرى أنهم أجهل من أبي جهل الكريه عندما
كان في عنفوان عداوته لدعوة النبي الكريم قبل
أن يغرس ( رويعي الغنم) عبدالله إبن أبي مسعود
سيفه المسنون في صدره المتقيح بالشرك والجهل

يا طلحه

نسال الله السلامه المنافين في الدرك الاسفل من النار


بعدين مافي زول بحكم علي زول بكفر لانها من الكبائر

غايتو الكيزان حيروا الما بتحير

لك مودتي

يا صفوة ..

هم الصلّوا 30 سنة عملوا شنو غير نهبونا و كنزوها في ماليزيا و تركيا و الامارات !!

سلام يا طلحة
كلام لا يصدر ال من زول جاهل بالدين
ياخى التكفير ده حاجة كبيرة عند الله لو كانوا يعلمون

الحبرتجي الأكبر عبدالحي الني بصلي وبيصوم لكن كتل ملف بي ٥ مليون دولار البشير وفتلها في السوق الأسود وعمل إنسحاب تكتيكي في إسطنبول ، فيا ليت اللحى كانت حشيشاً لتعلفها خيول المسلمين

الموضوع ثوريا كان ممكن يتحسم بواسطه الراى العام البواجه اعلام الكيزان بانو الناس تخطت خدعه الرئيس المدين امير المؤمنين وهو يقتل ويذبح ابرياء بلا سبب كما اعترف فى احد خطاباتو
الان دوله مدنيه تدار شئونها ولامكان لمن نصبوا نفسهم كوكلاء لله على الارض واعطوا نفسهم حق منح صكوك الايمان والغفران واحكام التكفير لخلق الله
زمان الكيزان فى انتخابات الطلاب شابكننا (القوى الامين) وشفنا امانتهم وقوتهم 30 سنه ومازال رجسهم لم يزول كليه .
من يحكم ينجض شغلو وماعندنا شغله بيهو طالما كان امورو الشخصيه ل(اتتداخل/ تتقاطع) مع وظيفتو كمسئول فى الدوله

سلام عليكم أجمعين
والذي نفسي بيده هذا الشيوعي ( الما بصلى ) عندي
اكرم وأنزه وأنظف وأنقى سيرة وسريرة
وأجزم أنه أقرب منزلة الى الله من جلابة
الدين نسل يهود المدينة المنافقين من صلب ابليس اللعين
أنهم ليس فقط يحدثون فيكذبون ويؤتمنون فيخونون
ويقولون ما لا يفعلون .. بل يمعنون في الاجرام والمكر
باسم الدين فيسرقون وينهبون ويقتلون ويزنون
ولا يتركون من الموبقات شاردة أو واردة إلا وتعاطوها
سرا وعلنا .
لعنة الله عليهم بعدد خلقه .
....................
واحد كتب قال عمرة حمدوك أغاظت المتأسلمين أكتر
من ابليس هيم سيلف .. خخخخخخخخ

...................
ساعود بعد حين للرد على الأحباب

Quote: الذين يروجون لعمرة حمدوك، ويعتبرونها محمدة، هم ذاتهم المعادل الموضوعي للذين يروجون لعدم صلاة وصيام حمدوك... البشير كان يحج كل عام، ويعمر كل شهر ويقتلنا كل يوم، ويفسد كل ساعة.. عموما دي سخافات نخليها،، ... عاوزين لقمة ساهلة، وموية نضيفة، وعلاج قريب، ومقعد لطالب وطالبة في التعليم العام، والعالي بمنافسات شريفة... وفوق هذا وبعده وقبله عاوزين حرية.. سلام .. وعدالة،، #نفس_الزول

الكيزان أصبحوا كالسنج في الميزان بتاع الموز لان في ميزان إلكتروني حل محل الميزان ابو سنج
نوقع منهم الكثير
نعلهم الله أين ما حلوا
و حمدوك موفق بإذن الله
تحياتي

ده خطاب السبعينات
لكن اظن ان الحركة الاسلامية شاخت
ووصلت مرحلة الزهايمر والطفولة
ولا تملك جديد

ما خصانا طالما عشة الجبلية معانا

الصلاة له وبينه وبين ربه
هو منحني وراكع وما بعرف يقول لا

سلام يا دكتورة
شايف عندك بوست مجاور فيهو نفس
فكرة المداخلة بتاعتك دي ..
أظن والله أعلم أنتي ما موفقة أبدا هناك وهنا
أو ربما ما مركزة ياخ ..
وعلى أية حال شاكر جدا لمرورك الكريم .
...............
غايتو حكاية منحنى دي قلبتي فيها هوبة .. خخخخخ

يا زول عامل غاغة مالك من الصباح الدنيا جمعة و الامة مجتمعة!
قاليك ناس السفارة جايبين بعثة جوازات من السودان ح تشتغل في الاندية السودانية

- الزبير يا حبيب، يا ريت لو بقت على كبيرة التكفير بس،
ديل كبائرهم عظيمة ياخ.
- يحيى يا صفوة، نفاقهم غير مسبوق ولا ملحوق.
- جلالدونا، هم يعلمون ولكنهم يحسبونها لعب وفاكرين
أن الموت لن يدركهم في قصورهم المشيدة .
- يا منتصر، عبد الحي كلامه بالليل يمحوه كلامه بالصباح
عائش الدنيا طول وعرض ويتحدث عن الزهد والتصوف
الاسلامي، يشتم في العلمانية من قلب بلاد العلمانية التى
هرب اليها دون أن يرف له جفن خجل .. ما في أردأ من كدا ياخ.
- يا عاصم، بعض متأسلمين هذا الزمان البئيس يخاطبون
الناس من على صهوة الحصان وهم يلوحون بالسيف والرمح.
- عبد المنعم يا حبيب، مقتبسك كافي ووافي والله.
- بلدي يا حبوب، بالتوفيق لحمدوك وأخوانه في الانتقالية وربك كبير.
- يا جعفر بشير، خطاب التسعينات المتناسل من خطاب عصر حرب الأديان

النعمي بصلي لله يركع ويسجد
اما البلد فهو لم يحسن القيادة