Post: #1
Title: منتجو البان يذبحون ابقارهم المنتجة لسوء الاوضاع
Author: Asim Ali
Date: 03-10-2021, 08:10 PM
07:10 PM March, 10 2021 سودانيز اون لاين
Asim Ali-
مكتبتى
رابط مختصر
Quote:
منتجو البان يذبحون ابقارهم المنتجة لسوء الاوضاع
`10 مارس 2021
الخرطوم: هنادي النور
اعلنت غرفة الالبان ان القطاع مهدد بالانهيار .
وكشف رئيس الغرفة محمد عثمان عوض الكريم كردي فى تعميم صحفي عن وجود أوضاع محزنة يعاني منها القطاع وتزايد مستمر لارتفاع تكلفة إنتاج الألبان بالمزارع مما أدى الى خروج عدد من المنتجين بشكل شبه يومي عن الاستثمار فى المجال والقيام البعض منهم بعملية ذبح الأبقار المنتجة .وقال ان تكلفة علف البقرة الواحدة في اليوم تقدر بحوالي 2.270 جنيه. واشار كردي الى ان انتاج رطل اللبن من المزرعة يكلف المنتج خسارة تصل الى 30%، وقال إن التكلفة الفعلية للرطل من المزرعة تُقدر بـ”113.5″ جنيه وسعر بيعه من المزرعة بـ”75″ جنيها بخسارة للمنتج تصل فى الرطل الواحد الى “38.5” جنيها .
|
|
Post: #2
Title: Re: منتجو البان يذبحون ابقارهم المنتجة لسوء ا
Author: Abureesh
Date: 03-10-2021, 08:23 PM
Parent: #1
ليه ما يسرحوا بالبقر؟ هو فى أكثر علف من البطانة أو جنوب النيل الأبيض.. عاوين يقعدوا فى الخرطوم ويأكلوا البقر الأعلاف المعلبة ويمكن كمان البسكويت.
زمان كان عندنا مراح بقر.. فى الصيف يطلعوا القاش وفى الخريف فى شهر سبتمبر الرعاة ينزلوا البحر الأحمر.. اللبن كان يكفى الحلة ويزيد.. والله أذكر كانوا
يملوا كل مواعين البيت حتى القربة والسعن والكورية والقدح.. وبعد دا يفكوا العجول وتشبع.. مرض العاصمة دا يعالجوه بشنو؟
|
Post: #3
Title: Re: منتجو البان يذبحون ابقارهم المنتجة لسوء ا
Author: سيف اليزل سعد عمر
Date: 03-10-2021, 08:54 PM
Parent: #2
| Quote: تزايد مستمر لارتفاع تكلفة إنتاج الألبان بالمزارع مما أدى الى خروج عدد من المنتجين بشكل شبه يومي عن الاستثمار فى المجال والقيام البعض منهم بعملية ذبح الأبقار المنتجة |
مؤسف جدا والله
|
Post: #4
Title: Re: منتجو البان يذبحون ابقارهم المنتجة لسوء ا
Author: Hafiz Bashir
Date: 03-10-2021, 10:48 PM
Parent: #3
| Quote: ليه ما يسرحوا بالبقر؟ هو فى أكثر علف من البطانة أو جنوب النيل الأبيض.. عاوين يقعدوا فى الخرطوم ويأكلوا البقر الأعلاف المعلبة ويمكن كمان البسكويت |
إنت جادي يا أبو الريش في سؤالك دا؟
لأنو ببساطة في البطانة وفي جنوب النيل الأبيض اللبن متوفر ولا يوجد من يشتريه.
والحاجة التانية البقر البتربى في مزارع الخرطوم لا يحتمل السرحة في البطانة وجنوب النيل الأبيض لأنه مهجن ولا يتحمل بيئة السرحة وفي مقابل ذلك يتميز بإنتاج عالي للألبان.
مرض العاصمة مشكلة لكن كمان ما تدخلوا في أي حاجة تلاقيك.
|
Post: #5
Title: Re: منتجو البان يذبحون ابقارهم المنتجة لسوء ا
Author: Mahjob Abdalla
Date: 03-10-2021, 11:22 PM
Parent: #4
Quote: زمان كان عندنا مراح بقر.. فى الصيف يطلعوا القاش وفى الخريف فى شهر سبتمبر الرعاة ينزلوا البحر الأحمر.. اللبن كان يكفى الحلة ويزيد.. والله أذكر كانوا
يملوا كل مواعين البيت حتى القربة والسعن والكورية والقدح.. وبعد دا يفكوا العجول وتشبع.. مرض العاصمة دا يعالجوه بشنو؟ |
ابو الريش
دائما بترجعنا للزمن الجميل
زمان برضو كان عندنا خور اللبن. الناس بجمعو اللبن و يروبوه عشان يطلعو السمن و بعد داك بدفقو الروب لانو فائض و لا حاجة له.
|
Post: #6
Title: Re: منتجو البان يذبحون ابقارهم المنتجة لسوء ا
Author: Asim Ali
Date: 03-10-2021, 11:46 PM
Parent: #2
Quote:
ليه ما يسرحوا بالبقر؟ هو فى أكثر علف من البطانة أو جنوب النيل الأبيض.. عاوين يقعدوا فى الخرطوم ويأكلوا البقر الأعلاف المعلبة ويمكن كمان البسكويت.
|
اضافه لكلام الاخ حافظ
برضو الناس ديل راسمال (جبان حسب وصف الاقتصاد) وقطاع خاص يبحث عن جعل الانتاج -وصناعه منتجات حيوانيه مشتقه بكميه اقتصاديهمنافسه - قرب اسواق الاستهلاك - لو بقى البقر كلو فى الخلا جمع وترجيل الانتاج للاسواق حيكون مكلف ويعرض المنتج للتلف .
الهجره العكسيه وتنميه الاطراف يكون بمبادرات فرديه او جماعيه (نقد عملى وبناء لظاهره تركز الانتاج والصناعه حول المدن الكبيره خاصه العاصمه )
|
|