|
Re: سلام, آناس البيت. أنا جيت (Re: مازن سخاروف)
|
= Quote: إنت ما بتسلموا مالكم؟ ضيفونا إن شالله بي نبقة :) |
أهلاً مازن لقبك الروسي شحمان وشديد الامتلاء واسمك السوداني معبأ بالمزن والغيوم ويعد بأن يهطل ويملأ حوش بكري مطراً ونبقاً ونخلاً ورُطب وقد يُنذر بأن يملأه نوراً وناراً و شواظ من لهب.
حبابك .... .. .
| |
|
|
|
|
|
|
Re: سلام, آناس البيت. أنا جيت (Re: الصادق عبدالله الحسن)
|
Quote: أبو حسين,
أفوووووو. كيف جيت من وين. لفيت بالحلة لقيت بشاشة الباب وشجر اللبلاب. حوش أهلنا المرشوش طيبة.. بكان الغنا السمح والقلب النضيف.
سلم ياخ. ما تبقى جلدة :) |
ما جاوبتني برضو .... جيت من وين ؟؟؟ نسلم عليك بعد ما نعرف جيت من وين .. ؟؟؟؟
| |
|
|
|
|
|
|
Re: سلام, آناس البيت. أنا جيت (Re: علاء سيداحمد)
|
Quote: : علاء سيد أحمد يا مراحب يا سخاروف واقامة طيبة فى الحوش خليك سخاروف اسماً ومعنى ورش بطرف كالروس تماماً .
|
هلا بعلاء. تشكرات. يطيب خاطرك ياخ.
أكيد, أكيد.. فنحن النشامى, هدوءً تسامى وفألُ الأمل
وفينا الوفاء وزندُ الإباء بوهج المقل
ألا حيّ روسيا سلاما مقاما وهلا وهل
لسودان حورسَ من مقلة فداها بطل
وضربُ الهِزَبْر, أنينُ الحديد وضربٌ قتل
| |
|
|
|
|
|
|
Re: سلام, آناس البيت. أنا جيت (Re: عماد الدين الطيب عمر)
|
Quote: : عماد الدين الطيب عمر ترحيب حار بالحبيب مازن زخاروف قلم معروف اخونا عاصم لك التحية ايضا الان عرفت من هو Ana mnkom الف شكر
|
أهلين بالعماد, وصل يا غالي. باقة من تحايا و ألفة في العشيات, لما تصفا.
كسرة: عبد القادر, الشريف وأحمد يسن, أرد ليكم بكرة كان الله مد في العمر.
تصبحون على خير.
| |
|
|
|
|
|
|
Re: سلام, آناس البيت. أنا جيت (Re: Arif Nashed)
|
Quote: : Arif Nashed هلا اخونا سخاروف أخوك الفقير لله Ana mnkom
|
أوووووووووووووووو, أنا منا. وين يا فردة.
زارتنا البركة الليلة. جيب شاي ولقيمات لي عمك يا الفي المطبخ!! ومعاو سندة شاورمة بي باقي الليل ده.
| |
|
|
|
|
|
|
Re: سلام, آناس البيت. أنا جيت (Re: عمر أبوعاقلة)
|
Quote: : عمر أبو عاقلة مرحب حباب مازن ، منوّر المكان ياخ شكلك دخلت وما سميت
مودتي
|
مساء الأنوار يا أبا عاقلة
منوّر بأهله يا بلدينا.
شكرا على اللفتة. والله يمكن. المرة الجاي بسجلها: عشان ضمان نربط الشواطين والعوارض في مسيرة البروليتاريا. خلاص, إنت مشروع مستشار :)
| |
|
|
|
|
|
|
Re: سلام, آناس البيت. أنا جيت (Re: خضر الطيب)
|
Quote: : خضر الطيب مرحب اخ مازن ساخروف اضافة نوعية لسودانيز
يعني ما لقيت الا اسم الخروف دا ؟ قوربا تشيف و لا ما تشيف؟ ههههههه
|
هلا بالخضر, يسمع منك. كيف الكلام ده؟ ده من أأصل الأسامي في ديار الروس. كدي راجع فلتر الأضان.
أوووووعك بكرة تعرض لي تقول داير تأشيرة لي نجف موسكو :)
| |
|
|
|
|
|
|
Re: سلام, آناس البيت. أنا جيت (Re: زهير عثمان حمد)
|
Quote: :زهير عثمان حمد أهلابك وانت من العظام عودا حميد نقدم ليك شنو نبق ولا ندبح بقرة انت بيننا شيخ قبيلة
|
وأنت من الكرام. وتحايا الأمراء
آزول ها. نضمن النبق بالأول. ولو فيها بقرة زيادة وخير :)
خلاص . كان كدة حرّم من دربي ده بحجز لي قطعة بيت ناصية لو لقيت. ولو عندكم مساحين في مراح بكري ده, بكرة الصباح بددددددري يمتروا لينا الواطة, وشاي الللبن والأوتاد علي.
| |
|
|
|
|
|
|
Re: سلام, آناس البيت. أنا جيت (Re: mohamed osman bakry)
|
Quote: : mohamed osman bakry اهلا معاذ عبد الله ------------------ الزول ده عكليتة ; ما كشا مشا اقروا البروفايل زميلك محمد قورباتشوف
|
مساء الورد محمد عثمان بكري, زدراست فوي يا رفيق. وتصبح ماكاروف لو حبيت. عادي جدا في المدن والشوارع تتغير الأسامي وتبقى روسيا :)
| |
|
|
|
|
|
|
Re: سلام, آناس البيت. أنا جيت (Re: HAIDER ALZAIN)
|
Quote: ذكرتوني والله ... وين اخونا ادريس جابر !!
إتبايختو عليهو كدة في اول بوست وتاني ما ظهر،
هذا بعد التحية والسلام والترحيب بالاخ سخاروف..
|
أووووووو حيدروف وين يا. سباسيبا يا مان. تشكرات بحر.
| |
|
|
|
|
|
|
Re: سلام, آناس البيت. أنا جيت (Re: Salah Zubeir)
|
Quote: : Salah Zubeir مراحب مازن ستالين ... الله يستر ما يطلع ليكن صاحبي عاطف عمر ... الزول البوهط في الكلام بي ثقه لي حاج العوض دا مو هين ...
|
يا مساء التراحيب, صلاح زبيروفتش
ستالين يعني الرجل الحديدي. فولاذ أخاذ.. كوماج وهاج. فرتيقة أم لبوس لويعة الفرسان
| |
|
|
|
|
|
|
Re: سلام, آناس البيت. أنا جيت (Re: منتصر صلاح)
|
Quote: منتصر صلاح تراحيب المطر - يا قول بدو الخليج - ب مازن ..
وبالتأكيد ح نستفيد من مشاركاتكم .
|
حيا الله الربع. تسلم يا بن صلاح
يا ريت. نفيد ونستفيد. جديدنا وجديدكم. نبقنا ونبقكم :)
| |
|
|
|
|
|
|
Re: سلام, آناس البيت. أنا جيت (Re: Ahmed Yassin)
|
بى مناسبة روسيا دى على ايام السوفيت اعتاد البوليس ان يتحرك فى مجموعات من تلاتة بواليس السبب واحد بيعرف الكتابة و التانى بيعرف القراية و التالت بيراقب البوليسين المثقفين ديل مع انك جيت براك و زايغ من الاتنين ديلاك برضو يا الف مرحب بيك
| |
|
|
|
|
|
|
Re: سلام, آناس البيت. أنا جيت (Re: جلالدونا)
|
Quote: أوووووعك بكرة تعرض لي تقول داير تأشيرة لي نجف موسكو :) |
التأشيرة ما بناباها لكن الفيك اتعرفت يا ساخاروف أكيد سمعتا بي قصة دفعتك صاحبنا الشويعي و دوهو بعثة دراسية في روسيا و هو في سكن الجامعة في الطابق الفوق شاف ليك البلشفية في مربط الفرس (حصين الجامعة) جايبين فول بقدور كبيرة للحصين قام صديقنا البلشفي دا بعد ما ضرب الفودكا الروسية بالليل مشى مربط الفرس بي صحنو خمش ليهو فول و بعدها بقى متعود على فول الحصين هههههه
| |
|
|
|
|
|
|
Re: سلام, آناس البيت. أنا جيت (Re: نعمات عماد)
|
= Quote: علاقتك شنو بى (اندريه سخاروف) |
برغم أنه ليس من الحصافة أن نُشرح الاسم و"سيد الإسم" أصبح موجوداً ومتوهطاً داخل حوش بكري كما أنه لا تجوز الفتوى و("مازن" في المدينة).
إلا أنه إن سُمح لي بالتطفل فالأرجح ان اسم سخاروف يعود ويرجع إلى السخرية وليس إلى ذلك الروسي الذي كان يتأبط القنابل النووية برغم أن الاحتياط منهما واجب في الحالتين وأحياناً تكون الأولى أخطر وأشد فتكاً من الثانية.
حماكم الله وحمانا يا فناننا عازف الكمنجات من الـ Sarcasm ومن التفجيرات والارتدادات .... .. .
| |
|
|
|
|
|
|
Re: سلام, آناس البيت. أنا جيت (Re: معاوية المدير)
|
Quote: معاوية المدير حبابك واليوم السعيّد الليلِي جابك ...
|
مبارك طلعك. هلا بالأنيق.
ذكرتني صديقنا المهندس معاوية. كنا في بنك النيلين بنحفر في الحيط بالدربكين فوق روسين الناس :)
وإحنا الأسعد. خميسنا الليلة أبيض
| |
|
|
|
|
|
|
Re: سلام, آناس البيت. أنا جيت (Re: Mutasim Idris)
|
Quote: Mutasim Idris مرحب الاخ مازن اضافة للمنبر.. اتفضل كباية شاي بجاي.. ظابط والله بس الكيك منك هههههه.
|
أوووووووو معتصم الكيـّـييف,
هلا بيك. يا نهارات الأنوار والشاي الطالع من السامَفار الساموفار ده براد شاي روسي معتق. زي الكفتيرة بتاعتنا زمان, لكن مككككككرّب.
جدا نكيّكك لمن تتبسط. جيب الكبابي وأبقى داخل.
| |
|
|
|
|
|
|
Re: سلام, آناس البيت. أنا جيت (Re: جلالدونا)
|
Quote: زى علاقتى مع حضرتك كده |
اكيد لا طبعا انا علاقتي بيك علاقة ممتدة ياجلالدونا ياخ هاشم صديق قال قعدة في " ضل الأغاني" مافى زولاً كان " مدبرس" أو"مشتت" .. أو" بعاني" نكتة والضحك انفجار ...كنا بنعرف الهظار
| |
|
|
|
|
|
|
Re: سلام, آناس البيت. أنا جيت (Re: جلالدونا)
|
لفت نظر:
قلت أرد لي باقي الناس على الجمع في مشاركة واحدة. ترشيدا لوقت السودان المستهلك.
لكين لقيت إنو ما بخارج. لأن على الضيف ما على المضيف, على الأقل أول تلاتة يوم. أي أول مشاركة تستحق, بل تستوجب ردا منفردا.
الأصول أصول. والوقت يتعوض.
مازن سخاروف
| |
|
|
|
|
|
|
Re: سلام, آناس البيت. أنا جيت (Re: جلالدونا)
|
Quote: جلالدونابى مناسبة روسيا دى على ايام السوفيت اعتاد البوليس ان يتحرك فى مجموعات من تلاتة بواليسالسببواحد بيعرف الكتابة و التانى بيعرف القراية و التالت بيراقب البوليسين المثقفين ديلمع انك جيت براك و زايغ من الاتنين ديلاك برضو يا الف مرحب بيك |
إنت يا مارادونا ما بتسلم؟ السلام وبعدين البروباغاندا :)عموما, قلت أراجعك في كلامك ده: مرة في زيارة إلى كييف, نازل من غرفتي بالفندق, لقيت واحد من عمال الفندق في البريك بتاعو.كان تاكل كرسيهو جنب المصعد وبيقرا في رواية لي تورقي يي نِف. (إفان تورقي يي نيف, أحد "الثلاثة الكبار" في الروائيين الروس: دَسته يوفسكي, تــَلْسـْـتوي, وتور قي يينِف ثالثهم. وفي تقديري كان أفضلهم)شعوب الإتحاد السوفييتي إلى اليوم أكثر الشعوب قراءة واطلاعا. لا عجب, فالأدب والشعر الروسي سمعتهما عالمية. وأحسن مسرح باليه, وأحسن تراديشن في الموسيقا. وأول مركبة فضاء تصل القمر كمان, لمن لا يعلم.بالنسبة للمراقبة. إذا عندك بيت كبير حدادي مدادي, ولقيت في مرتزقة ضاربين عليك حصار وجزء نط ليك في الحوش الوراني وعاوزين يقتلوك ويقلعوا منك البيت. ولحدي تجيب ليها دم, وتفقد أعز الناس إليك, قبل ما تقدر تطردهم نهائيا, تفتكر رد الفعل حيكون شنو؟الحاسة الأمنية عندك حتبقى هاجس. فلا يلدغ بلشفي من جحر مرتين.بالفصيح, الغزو الإستعماري لروسيا (المراجع تقول أربعطاشر جيش أجنبي, وفي من يقول أكثر) أحد الأسباب الرئيسية للحرب الأهلية الروسية. وأيضا مآلاته تحول إتحاد جمهوريات الإتحاد السوفييتي إلى دولة شمولية. كان يمكن أن تكون الثورة الروسية أكثر اعتدالا وأقل تطرفالولا التحيز والتحامل البغيض. والتآمر طبعا لقتل المتهم بالمتطرف.شوف مين بيتكلم.
(عدل بواسطة مازن سخاروف on 03-11-2021, 12:26 PM)
| |
|
|
|
|
|
|
Re: سلام, آناس البيت. أنا جيت (Re: Ahmed Yassin)
|
Quote: Ahmed Yassin اهلا وسهلا و.. حبابك
|
يا مراحب. يسن الأمين. ويا هلا بيك, كلما غنا شادي: يا الهليت فرحت قلوبنا.
Quote: Ahmed Yassin علاقتك شنو بى (اندريه سخاروف)
|
أفوووووو. أخو جدي الله يرحمو, بس من أم تانية :)
| |
|
|
|
|
|
|
Re: سلام, آناس البيت. أنا جيت (Re: مازن سخاروف)
|
الله عليك يا الصادق يا فنان بس عيبك الوحيد ياهو غيابك عن المنبر فترات طويلة
Quote: رغم أنه ليس من الحصافة أن نُشرح الاسم و"سيد الإسم" أصبح موجوداً ومتوهطاً داخل حوش بكري كما أنه لا تجوز الفتوى و("مازن" في المدينة). إلا أنه إن سُمح لي بالتطفل فالأرجح ان اسم سخاروف يعود ويرجع إلى السخرية وليس إلى ذلك الروسي الذي كان يتأبط القنابل النووية برغم أن الاحتياط منهما واجب في الحالتين وأحياناً تكون الأولى أخطر وأشد فتكاً من الثانية. حماكم الله وحمانا يا فناننا عازف الكمنجات من الـ Sarcasm ومن التفجيرات والارتدادات |
| |
|
|
|
|
|
|
Re: سلام, آناس البيت. أنا جيت (Re: طلحة عبدالله)
|
Quote: طلحة عبدالله يا هلا بالسخاروف والله ................. أنا قايل اسمك دا عنوان بوست ياخ .. خخخخخخ
|
هلا بطلحة. هلا بالزول الطريف.
ما يخالف يا الحبيب. كل مجلة الحياة عناوين رئيس تحريرها الزمن. ومصيرك بكرة تتعلم:
مصير الرويس يصفا وينام مرتاح
يذكر سالفة غراب, وثعلب ومصباح
وصبية تبسم له, وصدره الهوى اجتاحه
يتقلب بليل مصبوب ويلقى الفجر راحه
مازن سخاروف
| |
|
|
|
|
|
|
Re: سلام, آناس البيت. أنا جيت (Re: امتثال عبدالله)
|
Quote: أكيد, أكيد.. فنحن النشامى, هدوءً تسامى وفألُ الأمل
وفينا الوفاء وزندُ الإباء بوهج المقل
ألا حيّ روسيا سلاما مقاما وهلا وهل
لسودان حورسَ من مقلة فداها بطل
وضربُ الهِزَبْر, أنينُ الحديد وضربٌ قتل |
بعد المشاركة دي لاحظت الحبيب أبو حسين عمل ساتر ...
عموماً الف مرحب بيك بين أهلك وحبايبك ... بس الحوش دا الماعندو حبيب باكلو الضيب ...
| |
|
|
|
|
|
|
Re: سلام, آناس البيت. أنا جيت (Re: محمد حمزة الحسين)
|
Quote: محمد حمزة الحسين
عموماً الف مرحب بيك بين أهلك وحبايبك ... بس الحوش دا الماعندو حبيب باكلو الضيب ...
|
يا شووايل المراحب. هلا بإبن حمزة الحسين
أهلنا بالحيل وحبايبنا. قرايبنا. ركز على الموجب, تلقى البلح أم رطب.
| |
|
|
|
|
|
|
|