غضب من الشارع وصغار الراتب واصوات تنادي بالتمرد علي برهان

03:22 PM March, 09 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

برهان الكلام الحايم ده كان صحيح . استقيل يااخوي .
يا في باقي اليوم ده تطلع الدعم السريع من اي شي شغال فيهو .
غير كده انت متواطي واضح مع الدعم السريع . ينضرب قائد منطقة عسكرية كاملة ويتكتف. ؟؟؟
ومن منو .
من مليشيا.
اقسم بالله انتو بتلعبو ساكت .
تاني ماتقولنا القوات المسلحة خط أحمر واخضر وكت ماطلعت بيان رسمي ودمجت فيهو المليشيا دي ولا سرحت قواتها الموجودة في الخرطوم.
ابشرك بعد كده البسطونة انت بتلحقك عادي..
ده قائد المنطقة العسكرية للعاصمة .
يعني رئيس الا شوية . يتملي حبل وينضرب ويترفع في تاتشر بعساكر.
على الطلاق التاتشر دي كان سايقا عبد الرحيم دقلو وراكب يمينو حميدتي.
كان افجرها انت خليت للجيش كرامة تاني يابرهان؟؟ انت مرمطت بكرامة الجيش الأرض مرتين.
مره سحبت السلاح صباح فض الاعتصام واسي ساكت .
على ضرب رتبة قدر دي . ياخ انت فاتح ليك بلاغين قوالة ساكت .
ماتنتفض لرد كرامة الجيش.
حسبي الله ونعم الوكيل .
اها والله الخايف منو بيحصل .
وابشرك والله دايرنها حرب شوارع بتبقى انت بس واصل في سكاتك للجنحويد الرباطة ديل .
. باكر بدقوقك انت وجياشي بيقيف معاك مافي . لأنك ما اعز من قائد المنطقة العسكرية .
ننتظر بيان يوضح السلوك والتصرف والجهة .
على قائد المنطقة العسكرية اصدار قرار واضح . تفريغ العاصمة من اي مظاهر مسلحة . جنجويد.. حركات مسلحة .
والماعاجبو ابدوها حرب شوارع شوفو بنفضيها ولا مابنفضيها. ؟؟
شعب بس خلو الجيش . نحن دايرين السلام ماعايزين البلطجة وقلة الأدب والتعدي على القوات النظامية من مليشيا. الكلام عملتوهو بنحترمكم. دايرين كل مرة تعملو حاجة شينة وتتستروا عليها . اختونا. امرقو من العاصمة . دي فوضى خلاقة . ومقصودة وجس نبض .
والله كان انا قائد المنطقة العسكرية وحصل الكلام ده معاي . ادي الجنحويد ديل ٢٤ ساعة ما داير ولا جندي تابع للدعم السريع في الخرطوم .
ياخ حميدتي اتحوط العاصمة . طيبة . الجيلي .. غرب أم درمان. انتو بتلعبو بالنار .
وعشان زول يقول الجنجويد تحت إمرة القوات المسلحة مافي ..
اعرفو عسكري جيش مابيكتف رتبة أعلى منو ولا بضربو وبحترمو الزمالة . لكن دي مليشيا قائدها ماعندو دفعة يحترموها كيف ؟؟ برهان بلاغات افتح بلاغ ساكت ياخ .
المهم انت ولا كضابشي والتعبان دا ود العطا امرقو ا قولوا شيء علي الاقل عشان هيبة الكاكي