Post: #1
Title: قصة مصداقية الاخبار
Author: زهير عثمان حمد
Date: 03-09-2021, 11:56 AM
10:56 AM March, 09 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
من عجائب هذا المنبر كل واحد يجي يقول الخبر ما صحيح طيب
الخبر ما صحيح جيب النفي او التكذيب بدل التشكيك المبني علي مزاجك
واعرف من الواجب علينا عدم الانسياق وراء أعداء الثورة، الذين يريدون إثارة الاضطرابات والقلاقل ، فيلفقون الأخبار ويتلقفها السذج ويصدقونها ويتسابقون في نشرها
ما عندي مصلحة في مناصرة فيصل بعينو وبعدين ممكن قصة الاخبار ما نكتب هنا خير شر والكل يبحث بمعرفتوويصل للحقيقة السيد بكري عندو صحفة اخبار محترمة
|
Post: #2
Title: Re: قصة مصداقية الاخبار
Author: أحمد محمد عمر
Date: 03-09-2021, 12:23 PM
Parent: #1
التشكيك ما مبني على المزاج وإنما على انعدام وجود البينة .. أي بينة على صدقية الخبر
يعني أي زول يكتب أي كلام بدون دليل ولا مصدر رسمي نحن نصدقه؟
البينة على من ادعى وليس على من أنكر
يعني المتشكك ما عليه بينة وإنما هي على ناقل الخبر لتبيان صدقيه
لكن ما ممكن تجي ترمي ليك خبر تقول فلان قال لي اصحابه وتقول لينا أنفوا الخبر؟؟؟
طيب أدينا اسم الصاحب دة عشان نسأله لأنه شخص بمسؤوليات محافظ في بنك السودان ما حيقعد ينفي حاجات مكتوبة بالطريقة المموهة دي
وأخيراً دة منبر حر .. انت انقل الخبر وسيب للناس حرية التصديق أو التكذيب
|
Post: #3
Title: Re: قصة مصداقية الاخبار
Author: Gafar Bashir
Date: 03-09-2021, 02:12 PM
Parent: #2
Quote: الخبر ما صحيح جيب النفي او التكذيب بدل التشكيك المبني علي مزاجك
|
شنو تعريف الخبر في الاعلام
وشنو تعريف الاشاعة
بس عشان نفهم كيف نتعامل مع موضوع فيهو خبر وفيهو تشكيك في الخبر وفيهو نفي للخبر
من باب العلم
|
Post: #4
Title: Re: قصة مصداقية الاخبار
Author: Asim Ali
Date: 03-09-2021, 04:32 PM
Parent: #3
الناس بسبب طوفان الاخباروما يصاحبو من تحليلات اصبحو فى حاله فقدان توازن ماعارفين فرق بين الخبر والتحليل (واحترام التحليل حتى لو خالفتو) .
نخنا اتعودنا الخبر لو ما على الهوى المزاج الشخصى (ببعده السياسى / الجهوى ...الخ) ناخد موقف وبرضو الخبر لو كان مخالف لاشاعه فى الفيس او الواتس برضو الناس خلاص عندها السائد هو الحقيقه والنادر والمنفرد هو الزائف.
تعليقى هنا مابيع مةيه فى حاره السقايين (قى بةست يرجع لصحفى) لكن القى بعض الضوؤ عسلا يكون وجهه نظرى فيها بعض القصور
دى تغريده لى فى تويتر للاسف حتى لما تحب توعى الناس عشان يتلقو الخبر الصاح ويكون عندهم ادوات التحقق من مصداقيه الخبر بشكل فردى بعيد عن اى تجاذابات تكذيب وتشكيك بناء على هوى ومزاج ما
وحتى عند ورود خبر فيهو نقص لبعض عناصر دعمه يكون عند القارىء ادوات التحقق ومن ثم التشكيك او التاكيد عن حياديه لا عن انحياز زمزقف اعمى
Quote:
الخبر لايكون خبر معتمد الا بصياغه محترفه تجمع عناصر الخبر الاساسيه
-اين؟
-متى ؟
-من؟
-كيف ؟
-لماذا ؟
ودعم الخبر بصوره او فيديو عليه على الاقل توثيق التاريخ ضمن اطار الصوره / اللقطه
.
الجمع و الصياغه الجيده لهذه العناصر هى الخبر المثالى
اى نقص يعنى ضروره البحث عن اى نقص يعنى ضروره البحث عن مصادر اخرى تتقاطع -لاتتشابه - مع الخبر الوارد حتى تدعم مصداقيته بحيث يمكن للمتلقى مشاركته مع الاخرين عبر الوسائط والتفاعل معه بثقه كامله
مايحدث حاليا من الصحافه او من الاعلام البديل عبر الوسائط هو اعتماد الاثاره وصرف الانتباه عن النظر لصياغه الخبر -بوعى وانتباه ومن ثم نقده- حتى يتسنى اتخاذ موقف من الخبر اما عدم التعاطى والتفاعل معه او العكس
|
|
|