Post: #1
Title: القيـمة المضافة في الإقتصاد السوداني .. فخر العالم.. والله صحي،!
Author: HAIDER ALZAIN
Date: 03-07-2021, 10:36 AM
09:36 AM March, 07 2021 سودانيز اون لاين
HAIDER ALZAIN-
مكتبتى
رابط مختصر
(
واريتو كان تستاهل :) :)
يوم الخميس بتونس مع زميلنا محمد عثمان في موضوع رلييتيد فريند الاشترى عربية جديدة ومحتفل بيها عبر الفيس بوك بإعتبارها حدث يستحق يسرد في قصته خاصة وإنه دافع فيها 4 مليار و800 مليون عداً نقداً
وقتها الكان الريـال بيساوي 93 بالموازي و17 بالبنك..
وقال القرش Shark يستاهل الارانب الدفعها دي ..
وما هو القرش يا رجل؟ .. قال القرش هو الميتسوبيشي لانسر 2016م
أها القصة طلعت انه العربيـة نفسها ذات النفس هي ذاتها بتاعت اخو محمد عثمان الإشتراها مني قبل سنتين وسافر بيها نهائي قبل الكرونا باسبوع ..!
مصدر فخري وإعزازي انه انا بصورة مباشرة ساهمت بتعظيـم الإنتاج الكلي للإقتصاد السودان ..
وايضاً من العقلية التجارية السودانية حيث تداولها ستة فقط ما بين بحري إلي المعمورة فأضافت أربعة اضعاف قيمتها .. هللويا.
حيث انه 13 الف ريـــال تولدت وتزايدت بفعل التكاثر الهيبيري وولدت قيمة تعادل 51 الف ريـال في السـوق الموازي..
وساهمت في وضع ستة طواقي على روسيين عدد محترم من الوسطاء ومسهلي البيعات واصحاب الحنك ودرَ عليهم دخلاً يساهم في تخفيف مصروفاتهم ومتطلباتهم لحياة ومظهر يعينهم على مساعيهم في تعظيم القيمة السوقية للاقتصاد السوداني.
لم اجد غيـر امامه غير توجيه رسالة شكر وتقدير للإخوة الوسطاء لمساهماتهم في العملية السودانية
وسعيهم الدوؤب والحثيث لتوفيـر بائع لكل مشتري ومشتري لكل بائع وسلعة لكل تاجر وتجارة لكل سلعة ..
وبالنظر للجانب المنزوع من لحم الوجـه ..
هل يختلف ذلك عن مساهمة جهاز شئون المغتربين في الإضافة للواقع؟؟؟!
|
Post: #2
Title: Re: القيـمة المضافة في الإقتصاد السوداني .. فخ
Author: Salah Zubeir
Date: 03-07-2021, 11:18 AM
Parent: #1
دا ياهو عمار البلد وإنتاج البلد والأهم
القيمة الوحيدة المضافة التي يمكن الحصول
عليها بي أريحية في هذه البلاد ...
السمسرة والسماسرة هم قيمة البلد المضافة ...
😃😃😃😃😃😃
في دبي سباق الخيل الأسبوعي يحضره
آلاف السودانيين عشان ٥٠ ألف درهم توزع
في نهاية السباق زي المراره لمن نجح في
تحديد الحصين الفايزه في ٧ أشواط ...
مرات ٦٠٠ درهم ومرات ٦٠٠٠ ... easy money
دا ياهو عمارنا وسط بقية الأمم ...
الطريفي ...عوافي ...
|
Post: #3
Title: Re: القيـمة المضافة في الإقتصاد السوداني .. فخ
Author: HAIDER ALZAIN
Date: 03-07-2021, 12:22 PM
Parent: #2
الله يعافيـك يا جنابو .. ان شاء الله طيبين
مسألة عجيبة يا ود الزبير
غيـر انه بيقول ليك حلال بي تعبه وجهده..
بتلقى زول زي محمد عثمان منطقه بيقول ليـك .. وطيب مالو! ما الناس عاوزة تاكل تعمل ليك شنو في الوضع الصعب دا
لازم تطلع حقها وتتصرف..
المنطق دا بتلقاهو عند شريحة كبيرة وإنه دي تجارة وشطارة!
|
|