Post: #1
Title: حمدوك يوجَّه بمراجعة دقيقة للمناهج الجديدة والإبقاء على السور المحذوفة من منهج القران الكريم
Author: زهير عثمان حمد
Date: 03-07-2021, 01:44 AM
00:44 AM March, 06 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم : الجريدة
وَجَّه رئيس الوزراء د. عبدالله حمدوك بعد اطلاعه على التقرير الخِتامي للجنة القومية المكلفة بمراجعة المناهج التعليمية الجديدة التي تم تشكيلها بموجب قرار مجلس الوزراء رقم (29) لسنة 2012؛بمُراجعة كافة الكٌتب المدرسية مراجعة دقيقة مِن قبل المؤلفين ومتخصصي اللغة والمصممين بمن فيهم رسامو الأشكال وواضعو الصور وإرسال "مسودة" الكتب المُنجزة لمقومين متخصصين في مادة كل كتاب لمراجعتها علمياً قبل إرساله إلى المطبع.
وشدّد "حمدوك" فِي قرار تحصلت (الجريدة) على نسخة مِنه على عدم طِباعة أي كتاب قبل إجازته العلمية من قبل ثلاثة مقومين. إضافةً لتدريب المعلمين تدريباً مستمراً لمواكبة التطورات المتسارعة؛حتى لا يصبح المعلم ملقناً فقط.داعياً إلى تشكيل مؤتمرات المناهج بانعقاد مؤتمر منفصل لمناهج المرحلة الإبتدائية.
مطالباً بالإبقاء على سور الحفظ في القران الكريم كاملة دون حذف أي آية من آياته،والإبقاء على كل الوحدات والدروس التي تم حذفها من كتب الرياضيات بالصف الثاني والثالث والخامس، وحذف الوحدة الأولى (المجموعات) والوحدة الخامس (العمليات على المجموعات) من كتاب الرياضيات للصف السادس.
ووجه "حمدوك" بضرورة تضمين مهارات(القرن الحادي والعشرين) في محتويات المناهج الدراسية لمراحل التعليم العام المختلفة ووضع مناهج التعليم الجديدة في صورتها المتوقعة لسودان ثورة ديسمبر المجيدة ،وأن يكون مع كل كتاب دليل أو مرشد للمعلم.
|
Post: #2
Title: Re: حمدوك يوجَّه بمراجعة دقيقة للمناهج الجدي�
Author: Hafiz Bashir
Date: 03-07-2021, 02:09 AM
Parent: #1
| Quote: مطالباً بالإبقاء على سور الحفظ في القران الكريم كاملة دون حذف أي آية من آياته،والإبقاء على كل الوحدات والدروس التي تم حذفها من كتب الرياضيات بالصف الثاني والثالث والخامس، وحذف الوحدة الأولى (المجموعات) والوحدة الخامس (العمليات على المجموعات) من كتاب الرياضيات للصف السادس. |
طيب يا سيدنا حمدوك عامل ليك مركز للمناهج وصارف عليه قروش ليه؟ ما تخت المناهج من عندك وخلاص، موش إنت رئيس وزراء؟
طالما إنت رئيس وزراء فلا ترينا إلا ما ترى.
خسارة والله.
|
Post: #3
Title: Re: حمدوك يوجَّه بمراجعة دقيقة للمناهج الجدي�
Author: ترهاقا
Date: 03-07-2021, 04:01 AM
Parent: #2
| Quote: مطالباً بالإبقاء على سور الحفظ في القران الكريم كاملة دون حذف أي آية من آياته،والإبقاء على كل الوحدات والدروس التي تم حذفها من كتب الرياضيات بالصف الثاني والثالث والخامس، وحذف الوحدة الأولى (المجموعات) والوحدة الخامس (العمليات على المجموعات) من كتاب الرياضيات للصف السادس. |
معقول يكون حمدوك طلب بي كدة؟
|
Post: #4
Title: Re: حمدوك يوجَّه بمراجعة دقيقة للمناهج الجدي�
Author: Abureesh
Date: 03-07-2021, 04:19 AM
Parent: #3
يا دكتور حمدوك برضو لو سمحت عرج على الأغانى السودانية ووجه وزير الثقافة بحذف الأتى:
أغنية وردى القمر بوبا: وتحذف منها:
1. نهدك الما رضع جنى
2. البرتكان نهدك مدردم
وأيضا من أغنية أخرى:
نهيداتها برتكان جافــا.
كون لجنة مماثلة لمراجة القوانين ورجع الحدود والقصاص وراجع كل القوانيين حتى تتماشى مع الشريعة الإسلامية. لو فعلت فستجدنى أتفق معك، ليس لأنى أتفق
مع التعديلات بل لأنى سوف أعرف ان توجه الحكومة صادق وغير منافق.. وهذا يستحق الإحترام فى حد ذاته.
استشر نفس الفقهاء الذين استشرتهم فى المناهج.
|
Post: #5
Title: Re: حمدوك يوجَّه بمراجعة دقيقة للمناهج الجدي�
Author: adil amin
Date: 03-07-2021, 04:42 AM
Parent: #2
حمدوك الساقط
جابتو تمثيلية ساكت وباع ليكم الترام
لف ودور وجاب النظام الخالف بتاع الترابي وهسة جبريل دباب الدفاع الشعبي ايتام الترابي جا الخرطوم وبقي وزير مالية ونقلنا لي محور
قطر تركيا وبعد شوية بنحصل ليبيا بين محاور العرب والجرب وحمدوك وحميدتي والمهازل القدامك دي
https://top4top.io/
هل الولد يقود الجمل
|
Post: #6
Title: Re: حمدوك يوجَّه بمراجعة دقيقة للمناهج الجدي�
Author: محمد عبد القيوم سعد
Date: 03-07-2021, 05:52 AM
Parent: #5
تحياتي زهير ...
لا يمكن لكتب مرت باهل صنعة ان تخرج بهذه الصورة
الدرس يفترضان يكون هو ترك الاستماع للهتافيين واصحاب الحلاقيم الكبيرة
ومن يعوض الناس التكلفة الباهظة لهذه الكتب ؟
هل راجع شخص مثلاً اوراق القرّاي ومؤلفاته الاكاديمية ؟
طبعاً لا
الملف ادناه طرف خيط علي هذه المقررات
https://t.me/dawaya28/484https://t.me/dawaya28/484
|
Post: #7
Title: Re: حمدوك يوجَّه بمراجعة دقيقة للمناهج الجدي�
Author: أحمد محمد عمر
Date: 03-07-2021, 07:27 AM
Parent: #6
| Quote: بضرورة تضمين مهارات(القرن الحادي والعشرين) في محتويات المناهج الدراسية لمراحل التعليم العام المختلفة |
ودي حتكتبها ازاي يا حسين؟
علي الحلال الكتب ليك الجملة دي حافظ ما فاهم .. بس قراها في النت ولصقها في الخطاب
نعلّك قايل (مهارات القرن الحادي والعشرين) دي مقصود بيها التكنلوجيا والكمبيوتر !!
دي طريقة تصميم تعليمي تبعد سنوات ضوئية عن شغل التلقين البتكرس ليه بإضافة مزيد من سور الحفظ
وسعت منك شديد يا حمدوك المرة دي والمراجعين بتاعينك ديل لاعبين بيك كورة
هاك امسك الله لا كسبك داير تدمر التعليم زي ما دمرت الاقتصاد
.
|
Post: #8
Title: Re: حمدوك يوجَّه بمراجعة دقيقة للمناهج الجدي�
Author: أحمد محمد عمر
Date: 03-07-2021, 09:10 AM
Parent: #7
| Quote: وَجَّه رئيس الوزراء |
| Quote: مطالباً بالإبقاء على سور الحفظ |
حمدوك الجن .. انت درست قبل كدة؟
انت مال أهلك !
ياخي دورك ينحصر في إجازة مقررات اللجنة وخلاص
لكن ما تقعد تنظّر في حاجات ما بتفهم فيها
هو انت الاقتصاد العندك فيه خبرة ودكتوراة سلمت لجنته لخريج سادسة ابتدائي جاي هسة تطرش لينا كلام يقلب بطن أي زول عندو علاقة بالعملية التعليمية!!
| Quote: قبل إجازته العلمية من قبل ثلاثة مقومين |
مقومين ديل شنو؟ عندك ليهم معايير واضحة ولا هي كلمة بكتبوها والسلام؟
يعني ممكن أجيب عبد الحي وعصام البشير ومحمد الامين اسماعيل مقومين لكتاب الاسلامية؟ كلهم بيملكوا المؤهلات الأكاديمية للتقويم بالمناسبة
خليهم يضيفوا لينا أبواب عن تحريم تهنئة النصارى ووجوب الجهاد والغزو في سبيل الله وحرب الكفار
من شدة الزعل ولا عاوز افتش الخبر من المصدر ذاتو
أتمنى يتم نفيه وإلا هذا فراق بيني وبين دعم حمدوك .. تباً له
|
Post: #9
Title: Re: حمدوك يوجَّه بمراجعة دقيقة للمناهج الجدي�
Author: أحمد محمد عمر
Date: 03-07-2021, 09:43 AM
Parent: #8
suna-sd.net/read؟id=706328
الهادي وعمر التاج
أقيفوا سوقوني معاكم
|
Post: #10
Title: Re: حمدوك يوجَّه بمراجعة دقيقة للمناهج الجدي�
Author: Yasir Elsharif
Date: 03-07-2021, 10:16 AM
Parent: #8
إذا صح الخبر تكون خسارة كبيرة ونكسة.
|
|