قبل سنين عدة أتت فنانة لمدينة الطائف لتحيي حفل. قابلني أحد الاخوة وأخبرني بأنه التقط صور مع هذه الفنانة التي لم أسمع اسمها من قبل لا في إذاعة او تلفزيون. سألته ماذا يستفيد من هذه الصور فقال بأنها من اجل الشهرة فقط .
Post: #2 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 03:34 PM Parent: #1
ما هو الانطباع الأول الذي يمكن ان تتركه مثل هذه الصور في ذهن من يشاهدها!
Post: #3 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 04:51 PM Parent: #2
بموناسبة الصور نهديهم هذه الاغنية 😂😂😂😂
Post: #4 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 05:06 PM Parent: #3
زول حريف ينزل لينا الصورتين شفتهم في بوست لكن البوست اختفي في ظروف غامضة 😂. لكن متوكد بأن الصور مكبشرة.
Post: #5 Title: Re: الصورة للشهرة بس إحداهما عنصري بغيض والآخ Author: أحمد محمد عمر Date: 03-06-2021, 06:23 PM Parent: #4
واقفين قدام العربية؟
Post: #6 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 07:06 PM Parent: #5
يا أحمد نجضته واحد والتاني واقف وين! لو نزلت الصور تكون ما قصرت 😂😂
Post: #7 Title: Re: الصورة للشهرة بس إحداهما عنصري بغيض والآخ Author: أحمد محمد عمر Date: 03-06-2021, 07:11 PM Parent: #6
لكن هو نهائي ما عنصري جبت عنصريته دي من وين؟
Post: #8 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 07:17 PM Parent: #7
الزول احتفل وضبح ونط الحيطة 😂
Post: #9 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 07:20 PM Parent: #8
بسعلك انطباعك شنو عن الصورتين ما تزوغ 😂
Post: #10 Title: Re: الصورة للشهرة بس إحداهما عنصري بغيض والآخ Author: أحمد محمد عمر Date: 03-06-2021, 07:35 PM Parent: #9
داك موقف سياسي ما عنصري
بالمناسبة انت حضرت يوم وفاة جون قرنق في الخرطوم؟ الحصل في اليوم داك بشيل أي تعاطف من الناس الحضروهو مباشر أو اتأثروا بيه
Post: #13 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 08:09 PM Parent: #11
ود البشري انزيك أحمد زايغ من تنزيلها تاني إلا ينزلوها أصحاب الشيء. عاملين رايحين. غايتو البوست داك الحصل ليهو شنو ما عارف.
Post: #12 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-06-2021, 08:04 PM Parent: #10
حتي وان كان موقف سياسي الا انه ينم عن عنصرية بائنة
Post: #14 Title: Re: الصورة للشهرة بس إحداهما عنصري بغيض والآخ Author: HAIDER ALZAIN Date: 03-07-2021, 10:57 AM Parent: #12
جني وجن الزول البيلاوز ويهرش..
الواحد يخش البوست ويطلع لا يلقى صاية ولا صرماية ..
Post: #15 Title: Re: الصورة للشهرة بس إحداهما عنصري بغيض والآخ Author: Ahmed Yassin Date: 03-07-2021, 12:04 PM Parent: #14
Quote: هذه الفنانة التي لم أسمع اسمها من قبل لا في إذاعة او تلفزيون
معناتة ما فنانة ولا يحزنون .. بتكون طاشة ساي لكن بامانة انا مرة في حفلة في جدة واحد كان مستني الفنانة تخرج من القاعة عشان يتصور معاها .. واول ما جات طالعة وسط حشد من المعجبين .. سمعت واحد بنادي للزول الواقف دا ( يا احمد يا احمد.. يا ابومحمد .. جات جات) وطوالى جرى عليها واتصور معاها جنب عربية لكن بصراحة ما متاكد ياهو (احمد محمد عمر ) ولا ما ياهو
Post: #16 Title: Re: الصورة للشهرة بس إحداهما عنصري بغيض والآخ Author: أحمد محمد عمر Date: 03-07-2021, 12:14 PM Parent: #15
أمس اشتريت سماعة بلوتوث بتاع المحل أصر علي اشتري نوع جديد قال أفضل من جي روم المهم بعد تحانيسه والتجربة طلع سعرها 140 وأبى ينقص لي نهائي أول ما شلتها واحد قاعد في المحل طلع الوكيل بتاع الشركة، بقى ساكيني قال لي عليك الله تتصور معاي وانت شايل السماعة دعاية للشركة وكدة قلت ليه عليك الله شوف دة! دعاية دي لمن تديني السماعة مجان لكن انت ما عملت لي أي حاجة في السعر وكمان داير تستغل صورتي في الدعاية؟ خليتو حيران ومشيت
نحن بسكونا للصور وبنابى تقول لي أسك لي قونة؟ بعدين أنا بحترم* المدام عشان كدة ما قاعد اتصور مع جكس :)
_____ * - الحاقدين بقروها بخاف منها لكن ما شغال بيهم -
Post: #24 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-07-2021, 06:18 PM Parent: #23
Quote: معناتة ما فنانة ولا يحزنون .. بتكون طاشة ساي لكن بامانة انا مرة في حفلة في جدة واحد كان مستني الفنانة تخرج من القاعة عشان يتصور معاها .. واول ما جات طالعة وسط حشد من المعجبين .. سمعت واحد بنادي للزول الواقف دا ( يا احمد يا احمد.. يا ابومحمد .. جات جات) وطوالى جرى عليها واتصور معاها جنب عربية لكن بصراحة ما متاكد ياهو (احمد محمد عمر ) ولا ما ياهو
ود ياسين انزيك اتذكرت اسم الفنانة آمال عيدابي تعرف يا حبة يكون زولك زاتو لحظة جري عليها بنطلونه اتنصل الكويسة انو ما اتنشل 😂😂😂
Post: #25 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-07-2021, 06:26 PM Parent: #24
Quote: واحد قاعد في المحل طلع الوكيل بتاع الشركة، بقى ساكيني قال لي عليك الله تتصور معاي وانت شايل السماعة دعاية للشركة وكدة قلت ليه عليك الله شوف دة! دعاية دي لمن تديني السماعة مجان لكن انت ما عملت لي أي حاجة في السعر وكمان داير تستغل صورتي في الدعاية؟ خليتو حيران ومشيت
نحن بسكونا للصور وبنابى تقول لي أسك لي قونة؟ بعدين أنا بحترم* المدام عشان كدة ما قاعد اتصور مع جكس :) _____ * - الحاقدين بقروها بخاف منها لكن ما شغال بيهم
دي يا أحمد قلبت فيها الهوبة 😂😂😂
Post: #26 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-07-2021, 06:32 PM
Quote: 😂😂😂 يا زول مولانا كمان بخاف ول بلاوز تتراجفوا كلكم ما قادرين تجيبوا الصورة
مولانا انزيك شفت الناس دي بتتزاوغ كيف إلا يجينا أسد أطرش 😂😂😉
Post: #27 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-07-2021, 06:32 PM
Quote: 😂😂😂 يا زول مولانا كمان بخاف ول بلاوز تتراجفوا كلكم ما قادرين تجيبوا الصورة
مولانا انزيك شفت الناس دي بتتزاوغ كيف إلا يجينا أسد أطرش 😂😂😉
Post: #29 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-07-2021, 06:39 PM Parent: #27
Quote: حريف حرفنة
مولانا خلاك اتا والقون منتظرنك تجيب الهدف أقصد الصور 😂😂
Post: #28 Title: Re: الصورة للشهرة بس إحداهما عنصري بغيض والآخ Author: Ahmed Yassin Date: 03-07-2021, 06:38 PM Parent: #24
Quote: اتذكرت اسم الفنانة آمال عيدابي تعرف يا حبة يكون زولك زاتو لحظة جري عليها بنطلونه اتنصل الكويسة انو ما اتنشل
اهلين حبيبنا عارف .. مشتاقين اههههههههههه بسسس ياها .. الغريبة بعد ما اتصور كان فرحان شديد
Post: #30 Title: Re: الصورة للشهرة بس إحداهما عنصري بغيض والآخ Author: Hafiz Bashir Date: 03-08-2021, 08:32 AM Parent: #28
يا عارف ياخي البورد إنتهى يا حليل زمان وسنين زمان زمن تجدع في البوست أي طاقية يجوك عشرة يلبسوها. هسه بالله بوستك دا فيهو عِمة😜 عدييييل كدا وما يجي زول يلبس!
Post: #31 Title: Re: الصورة للشهرة بس إحداهما عنصري بغيض والآخ Author: Salah Zubeir Date: 03-08-2021, 08:52 AM Parent: #30
Quote: هسه بالله بوستك دا فيهو عِمة😜 عدييييل كدا وما يجي زول يلبس!
😃😃😃😃😃😃😃 انا غايتو بعد كل مداخله من مداخلاتك إنتا يا مولانا اشيل الطاقية البسا وابدأ في درش الطحين ... وأقوم أعاين لي متن البوست والعن الشيطان ... الموضوع فيهو فنانات وقونات ... لكن برضو قلبي واكلني وعارف دا أنا عارفو لعب الملوص جنب معدية توتي ... 😃😃😃😃😃😃😃
Post: #32 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-08-2021, 02:15 PM Parent: #31
السلام عليكم البت الفي الصورة الفوق ( المتشاقرة) دي منو ؟؟
Post: #36 Title: Re: الصورة للشهرة بس إحداهما عنصري بغيض والآخ Author: muntasir Date: 03-09-2021, 03:25 AM Parent: #35
الصورة دي إلا يجيبها صاحب العلم اللدني
Post: #37 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-09-2021, 05:35 PM Parent: #36
Quote: يا عارف ياخي البورد إنتهى يا حليل زمان وسنين زمان زمن تجدع في البوست أي طاقية يجوك عشرة يلبسوها. هسه بالله بوستك دا فيهو عِمة😜 عدييييل كدا وما يجي زول يلبس!
يا مولانا زمن الطواقي والعمم فات هسع بقت برانيط وكابات غايتو ترمي ليك صحن شية في المنبر زول يجيك ماف. بسعلك حاج العوض شايفو مختفي لكن عندي احساس بأنو العمة متحمداهو 😂😂
Post: #38 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-09-2021, 05:51 PM Parent: #37
Quote: الموضوع فيهو فنانات وقونات ... لكن برضو قلبي واكلني وعارف دا أنا عارفو لعب الملوص جنب معدية توتي ...
ود الزبير انزيك. واحدة من القونات قالت ما بتبقي شيوعية شان ما تكون كافرة. الشيوعيين بقوا ملطشة والله صحي. معدية شنو يا عمك كنا رواد كازينو النيل الأزرق والهابي لاند وصحاري. 😂😂😂😂 بسعلك من ناس صلاح وداعة ومصطفي الحلبي وعثمان أبكر أخبارهم شنو (فريق الشعلة).
Post: #39 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-10-2021, 06:47 PM Parent: #38
Quote: قدر ما حاولت اعرف مصدر كلمة قونات جاية من وين غلبني
تجوا انتو تجيب صور كمان دا الاستحالة امها وعمها
ومن بعيد جات تمشي المها
برضو
ما معنى قونه؟؟؟؟؟؟؟
ود الشيخ انزيك. الشارع امتلأ بالمصطلحات المدغمسة البعرفوها براهم. برضو هناك مصطلح (الخالات) ما عرفت معناه. ياريت يجينا واحد يشرح لينا مصطلح (قونة - خالات). غايتو لو عندك تشدير زي شريف نيجيريا بتطلع في الكفر. 😂😂😂
Post: #40 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-12-2021, 06:28 PM Parent: #39
Quote: السلام عليكم البت الفي الصورة الفوق (المتشاقرة) دي منو ؟؟
طلحة سلام. غايتو مشبهها علي واحدة لكن ما متوكد. انطبق عليهم المثل. خلت راجله ممدود ومشت تعزي في محمود. عينهم في الفيل ويطعنوا في القونات 😂😂
Post: #41 Title: Re: الصورة للشهرة بس إحداهما عنصري بغيض والآخ Author: عماد الدين الطيب عمر Date: 03-12-2021, 07:18 PM Parent: #40
و الله جنّي و جن الشمار الناقص
عارف انزيك
Post: #42 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-13-2021, 07:36 PM Parent: #41
Quote: الصورة دي إلا يجيبها صاحب العلم اللدني.
منتصر سلام. المحيرني اختفاء البوست الفيهو الصورتين وكنت متابع منتظر الصورة الثالثة للجزمة الحمرا. دقستي ما كبشرت الصور مع ان احدي الصور نشرت في عدة بوستات غايتو اثنين احتمال واحد فيهم تشيلو الهاشمية وينزل الصور. - شيخ العرب - حاج العوض 😂😂😂
بسعلك صاحب العلم اللدني منو.
Post: #43 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-13-2021, 07:39 PM Parent: #42
Quote: و الله جنّي و جن الشمار الناقص
عارف انزيك
عماد انزيك. تعرف يا اصلي حبايبنا الشاركوا كلهم ناقشين الشمار لكن هارشين من الملاواة والقبقبة 😂😂😂
Quote: الصورة اصلا عندي وهسي قدامي والحقيقة الجزمة الحمرا ظاهرة اكتر من العربية واكتر من مطربة الحفلة آمال العيدابي رغم برودة الجو
يعني انت هارش وكمان بتلاوي ! قِس عليـك .
Post: #51 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-14-2021, 08:53 PM Parent: #50
Quote: الصورة لها سطوة أقوى من سطوة الكلمة. شوف الإصرار فى المداخلات على نشـر الصورة.
أبو الريش تحياتي. كلامك صحيح فالصورة أبلغ تعبيرا من الكلام. التصوير في حد زاته فن وليس كل من اقتني كاميرا مصور. الصورة كل يراها بزاوية مختلفة. ربما تكون للشهرة او الانتهازية او التملق..... الخ.
Post: #52 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-14-2021, 09:20 PM Parent: #51
Quote: الصورة اصلا عندي وهسي قدامي والحقيقة الجزمة الحمرا ظاهرة اكتر من العربية واكتر من مطربة الحفلة آمال العيدابي رغم برودة الجو.
ود ياسين انزيك. الجزمة دي يظهر بان حكايته حكاية. لكن بسعلك عل أجد إجابة ما هي دلالة ارتداء حذاء احمر.
هاك النكتة دي. واحدة لابسه فستان احمر قالت لزوجها دلعنى. قال ليها :يا فحم يا مولع 😂😂😂😂
Post: #53 Title: Re: الصورة للشهرة بس إحداهما عنصري بغيض والآخ Author: Arif Nashed Date: 03-26-2021, 09:24 AM Parent: #52
عالم جبانات اقصد بطاااالة علي قول مجيدو 😂😂 ماف زول غير اللسد النتر ود الزبير بنزل الصور.
