هل ح نعبر بالنموذج السوداني؟!

04:12 PM March, 05 2021

سودانيز اون لاين
Mutasim Idris-Sacramento
مكتبتى
رابط مختصر

في الاخبار..
وفد المقدمة المصري (الحراسة) يهبط في مطار الخرطوم!!
السيسي في زيارة للسودان بدعوة من وزيرة الخارجية!!
يعني قبل ما الدكتورة ترجع اهلها وتسلم عليهم السيسي
قبل الزيارة ورسل وفده معاها..

النموذج السوداني: حكم عسكري مدني.
رئيس الوزراء سلم كل ملفاته للعسكر. ملف السلام والاقتصاد
والسياسة الخارجية (الاتفاقات العسكرية) واخيرا البرهان
يعلن بمرسوم رئاسي التحول الي الحكم الاقليمي.
حمدوك رئيس وزراء في حكومة العسكر..

مرسوم (دستوري) من البرهان بإنشاء نظام الحكم الاقليمي
(الفيدرالي) في غياب المجلس التشريعي يطعن في أهلية
رئيس الوزراء بتنفيذ بنود الوثيقة الدستورية ويضعه في خانة
التواطؤ..
نصت الوثيقة الدستورية علي ان يقوم السيد رئيس الوزراء
بتحديد (نوعية) الحكم المناسب للسودان.
تغول العسكر علي كل الملفات يعني اما الاتفاق بين الشريكين
ليس كما عرض وتم التوقيع عليه او خيانة الثورة ومكتسباتها
من الشريك المدني في (النموذج) المضروب.

دي حكومة فالصو يا عمك

سلامات معتصم وعارف
من م الاولى قلنا الحكومه دى موظفين مدنيين شغالين عند حكام عسكر واتاكد الكلام دا كل الملفات المهمه فى يدهم حتى رئاسه اللجان الحساسه برئاسه عسكرى من السيادى (مفروض مايوكون ى وجود عسكرى الا على مستوى فنى) زى لجنه ازاله التمكين .والتطبيع ضربه البدايه كانت عندهم سواء بعلم او بغير علم رئيس الوزراء وطاقم الوزراء من اهل العلاقه فى وقت يفترض يكون فى الواجهه مدنى (رئيس الوزراء ) على الاقل كرمزيه للعهد الجديد والثوره اللى مفرزض اتخلصت من نظام عسكرى /عقائدى متاجر بالدين
والكيزان بدو ينبتو فى ارض الثوره الخصبه بروس ويجب نضافتها

Quote: دي حكومة فالصو يا عمك

فالصو يا عارف لما تكون فعلا (حكومة).. نحن عندنا (مأجور)
بصرف من دم الشعب وبناغم في عسكر وبسوّق ليهم في
دكتاتوريتهم للعالم.. زي كأنه العالم ح يصدق نفاقه.
المؤسف في ناس (عاقلة) مصدقة انه فعلا ح يعبر..

Quote: اتخلصت من نظام عسكرى /عقائدى متاجر بالدين والكيزان بدو ينبتو فى ارض الثوره الخصبه بروس ويجب نضافتها

الكيزان يستميتوا في الدفاع عن حمدوك..
النموذج خنجر في ظهر الثورة وخيانة لدماء الشهداء.

فى اليومين الفاتو فى كلام متداول انو الشق العسكرى رشج ضمن الكوته بتاعتو فى التشريعى عناصرمحسوبه على الانقاذ والكيزان ودا من المؤشرات الفاضحه والخطره لدور العسكر السياسى ك(غطاء) و(ساتر) يامن تقدم كيزان الانقاذ2 ضمن المشهد القادم ودور اوسع ربما لكيزان خلفيه عسكريه (لما للغسكريه من حاله منرباط -رفاق السلاح) بالتالى ضمان حاضنه ببعد مهنى اجتماعى لشريحه الكيزان العسكر وفرص تنافس فى الانتخابات القادمه مبكره كانت او فى موعدها على ميقات الوثيقه الدستوريه

النموذج السوداني هو برنامج الحركة الشعبية جون قرنق =منصور خالد
وليس نموذج ق حت القبيح\
https://top4top.io/
الدولة الديمقراطية الفدرالية الاشتراكية حتي برلمان المركز بتاع المحاصصة والمؤتمر الدستوري تراهات شيوعيين وناصريين وبعثيين فارغين وفالشين
الشعب مصدر السلطات نهيكل البلد والشعب ينتخب طوالي ذى ما عملت الحركة الشعبية 2010 انتاخابات اقليمية ثم مركزية ثم راسية
تقعد في راس الناس بي المحاصصة بامتياز بعثي ناصري شيوعي دي الشرمطة عدييييييييييييييييييييييل كده
الاقاليم هي الحل ان شاء الله يجي الشيطان يعملا وقلناها من 2005 فى البورد
المهم يختفي وجه قبيح للانقاذ اسمو الولايات والمحليات والخزعبلات

النموذج السوداني حقل الغام محليا واقليميا
كل خطوة احتمالها 50%
زيادة الاحتمالات لصالحنا
اولا بوحدة الصف الوطني
و دعم المحتمع الدولي
لازالة الالغام

عاصم سلامات

Quote: فى اليومين الفاتو فى كلام متداول انو الشق العسكرى رشج ضمن الكوته بتاعتو فى التشريعى عناصرمحسوبه على الانقاذ والكيزان ودا من المؤشرات الفاضحه والخطره لدور العسكر السياسى ك(غطاء) و(ساتر) يامن تقدم كيزان الانقاذ2 ضمن المشهد القادم ودور اوسع ربما لكيزان خلفيه عسكريه (لما للغسكريه من حاله منرباط -رفاق السلاح) بالتالى ضمان حاضنه ببعد مهنى اجتماعى لشريحه الكيزان العسكر وفرص تنافس فى الانتخابات القادمه مبكره كانت او فى موعدها على ميقات الوثيقه الدستوريه

كان متوقع انه العسكر ح يعينه من الشيوخ والعمد في التشريعي.
يعني بالعقل كدا ح يجيبو ناس للمقاعد دي من وين؟ بعدين ابدا
ما مستغرب انه نشوف في التشريعي تعينات لكيزان عديييل من
الشريكين المدني والعسكري. هسي عندنا وزراء و ولاء كيزان.
قوي الحرية والعسكر لن (يعينوا) ثوار.. نقطة.
اما الوثيقة بقي الكلام مضحك بالجد عنها.. وثيقة اصبحت زي
المومس (يتلاعبوها) بعدما افتركناها اقرب للقران المنزل.

جعفر سلامات..

Quote: النموذج السوداني حقل الغام محليا واقليميا كل خطوة احتمالها 50% زيادة الاحتمالات لصالحنا اولا بوحدة الصف الوطني و دعم المحتمع الدولي لازالة الالغام

كنا بالجد فاكرين عندنا حقل الغام ومحتاج (لخبير) مااااهر
يعبر بينا من خلاله. حمدوك هو التواطؤ يمشي علي اقدام.
وقف جدار يحمي العسكر بتحقيق طموحاتهم وعمالتهم بل
بقي شريك عديييل ليهم بتناغمه لدرجة اندياحه في تعظيمهم
بحماية الديمقراطيات والانحياز للشعب!! اتخيل. هل مجبر؟؟
فرق كبير بالعمل (شريك) مع العسكر و (الوثيقة) هي المرجعية
وبين العمل للعسكر و (الوثيقة) هي ذر رماد في العيون.
اقرت الوثيقة للاسف بوجود دولتين عسكرية ومدنية يعملوا في
محازاة وكان فعلا ممكن خاصة في وجود الدعم الشعبي
اللامتناهي للمدنيين. لكن اختار كبير الوزراء العمل للعسكر
في مستنقع عمالتهم و ولائهم.
حقل الالغام اصبح من الماضي يا جعفر والطريق اضحي
ممهد ومستوي الا من (دقداق) آهات معلنة ومكتومة في كتير
و مطبات (مريومة) تجد التبرير والتفسير..
غااايتو.

العقوبات وتم رفعها..
نموذج حمدوك ما ح يجيب تمن (عمالته).. العالم الحر لن
يتعامل مع دولة يحكمها من فضّ اعتصام شبابها قنص
وحرق واغتصاب. ضعف رئيس الشق المدني وتنمر العسكر
وسيطرة دولة الكيزان العميقة علي كل مفاصل الدولة الاقتصادية
لن تساعد علي تجرؤ اي دولة (حرة) تقديم اي مساعدات حقيقية او
اعفاء ديونها علي تغير تم فقط بإبعاد راس الحية البشير..
دربات (المساعدات) الاصدقاء ما ح تكفي حكومة فيها وزارتين
للتعليم وشعبها يشكو طوب الارض لدخول ابنائه للجامعات!!
و وزارتين واحدة للتعدين والتانية للبترول ههههههههه.
العالم يسمع ويري.. الا نحن منتظرين العبور..
التغيير الحقيقي لم يتم بعد..

حمدوك في (القاهرة) بعد ما قبض الوديعة في (الرياض) ومعاها
عمرة كمان..
عاوز يعمل من حلايب المحتلة (منطقة تكامل)!! ارضنا نتكامل فيها
مع محتل!!!. والفشقة المحتلة جبهة قتال نسترد ارضنا!!
سد النهضة شلنا وش القباحة ونتحمل ردة الفعل..
حمدوك رئيس وزراء في حكومة العملاء..