Quote: #جرعة_وعي | دقلوستان: تمكين بدل تمكين 7.420 Aufrufe •04.03.2021 475 11 Teilen Speichern جرعة وعي 37.500 Abonnenten لمن حصل الهجوم الشرس على لجنة إزالة التمكين ومحاربة الفساد من قبل فلول النظام المباد وعساكر لجنة المخلوع وبعض التايهين من قوى الثورة، ورغم العيوب الكتيرة الصاحبت أداء اللجنة، إلا إننا كثوار وداعمين لمسيرة الثورة في طريق تحقيق أهدافها، إلتزمنا بدعم لجنة إزالة التمكين والوقوف معاها ومع أعضاءها ضد كل متربص. وما زلنا ملتزمين بالدعم ده بإننا نشكر الصاح و نصوب الخطأ لحدي ما تكمل مهمتها في تفكيك النظام البائد وإسترداد أموال الشعب المنهوبة. مقابل دعمنا للجنة ده، نحن عندنا مطالب من اللجنة دي إنها تضرب إمبراطوريات الفساد ونهب مال الشعب السوداني النبتت تحت شجرة المؤتمر الوطني الخبيثة وهسه عاملين فيها رمانة ميزان الثورة ودرعها المنيع، ولو ماهم البلد حا تتفرتق وباقي الكلام الفارغ البيتقال. عايزينها تلتفت لممالك زي مملكة دقلوستان.
Post: #2 Title: Re: مملكة آل دقلو: تمكين بدل تمكين Author: BAKTASH Date: 03-05-2021, 01:51 PM Parent: #1
والله بقينا ملطشة جد .... لدرجة ان يعتلي الجهلاء واللصوص قمة هرم السلطة في بلادنا وكمان هنالك من يدافع عن هذا الوسخ تحت دعاوى عنصرية قبيحة بل ويستعين بقاموس حقوق الانسان بعد غسله بماء الكذب .... بلد اعظم شبابها ضحوا ووضيعها غنم...