Post: #1
Title: السيسي غالبية السودانيين يكرهونك
Author: نعمات عماد
Date: 03-05-2021, 08:08 AM
Parent: #0
07:08 AM March, 05 2021 سودانيز اون لاين
نعمات عماد-khartoum
مكتبتى
رابط مختصر
السيد قشطة
شبيه ابو الهول ذا الأنف المجدوع
لا تحضر للسودان. فل استوب.
انت مكروه من غالبية أهل السودان.
السادة القراء
شاركونا الدعوات بأن لا يحضر السيسي للسودان.
و أن يبعد الله البلاء و المتآمرين عن السودان.
|
Post: #2
Title: Re: السيسي غالبية السودانيين يكرهونك
Author: Yasir Elsharif
Date: 03-05-2021, 08:17 AM
Parent: #1
سلام يا دكتورة نعمات
اللهم أبعد البلاء والمتآمرين عن السودان.
السعودية مصر الإمارات قطر تركيا والتنظيم الدولي للإخوان المسلمين.
اللهم أشغلهم بأنفسهم.
|
Post: #3
Title: Re: السيسي غالبية السودانيين يكرهونك
Author: خضر الطيب
Date: 03-05-2021, 08:23 AM
Parent: #2
مرحب الراكزة دكتور نعمات
معك قلباً و قالباً في رفض هذه الزيارة
سهير عبدالرحيم :
حكامنا نصف رجال
_______
خلف الأسوار/
سهير عبدالرحيم
لا أهلاً... ولا سهلاً !!
إلى أبناء وادي حلفا الكرام، إلى أبناء الديار التي قُبرت وطُمرت وأُغرقت لأجل عُيُون مصر أم المصائب، إلى الذين دُفن تاريخهم وذكرياتهم وأحلامهم، إلى الذين أُغرقت أشجار نخيلهم وهي تَنُوء بحمل رطبها وثمارها، إلى الذين طُويت حضارتهم وآثارهم وفواكههم أسفل بحيرة السد العالي!!
إلى أبناء حلايب، إلى أبناء شلاتين وأبو رماد، إلى أهلنا في الشمالية ونهر النيل والبحر الأحمر، إلى أهلنا في الوسط وفي الشرق وفي الغرب .
إلى الشرفاء، إلى الثوار، إلى الأحرار في بلادي، إلى لجان المُقاومة، إلى شباب الوطن الغيور على تُرابه، إلى الرجال والنساء والأطفال، إلى كل سوداني حر وشريف .
إليهم جميعاً، تراب السودان يناديكم ويستجير بكم أن اخرجوا إلى الشوارع، إلى مطار الخرطوم موعدنا يوم السبت القادم، احملوا أعلام وطنكم، واحملوا خريطة السودان كاملة غير منقوصة، أخبروا السفاح الزائر الرئيس المصري بأن حلايب سُودانية وستظل سُودانية رغم أنفه ورغم أنف العُملاء!!!!
اذهبوا إلى مطار الخرطوم، استقبلوه الاستقبال الذي يستحقه والذي يناسب زيارته المشؤومة، أخبروه أنكم لستم مُغفلين مثل ساستنا، وأنكم تعلمون سرقته لمواردنا وذهبنا وآثارنا وحضارتنا ومياهنا وأسماكنا وشُعبنا المرجانية ولؤلؤنا ومحارنا!!!
يجب أن يعلم سفّاح مصر بأنّنا نعلم أنّ الجمبري الذي يتناوله في الغداء يأتيه من البحر الأحمر، لأنه لا يثق في مطاعم بلده، وأن جلسة الشواء في العشاء في قصره من لحوم ضأن سودانية لأنه يعلم أن لحومه فاسدة وموبوءة .
أخبروه أنّ احتلاله لحلايب وشلاتين وأبو رماد لن يَطُول وإن طال السفر، حدِّثوه أنه وان ابتلانا الله بقيادات محسوري الرأس، إلا أن شعبنا هامته والسماء، حدِّثوا فرعون مصر أنه لا أهلاً ولا سهلاً به، وأنه ضيفٌ غير مرغوب في وجوده!!!
واعلموا يا شعبنا الكريم أن أصوات الخذلان سترتفع من كلاب المُخابرات المصرية وقد بدأت أبواقهم بالعواء منذ عصر أمس وانطلقت لتبرر وتمجِّد وكسات وسقطات وزيرة خارجيتنا!!!
وزيرتنا التي قدّمت وطنها على طبقٍ من فخار ومهّدت لاحتلال وطنها تحت مُسمى (تعدادنا السكاني حبة)، والله لو استقبلت من أمرها ما استدبرت لكان خيراً لها طب الأطفال!!!
#خارج السور :
أطردوا السيسي!!
دقوا طبول الحرب في المطار!!
أخبروه أنّنا لسنا عبيداً ولكن حُكّامنا نصف رجال!!
"حلايب سودانية"
|
Post: #4
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 08:54 AM
Parent: #3
و عليكم السلام ورحمة الله وبركاته د. ياسر
Quote: اللهم أبعد البلاء والمتآمرين عن السودان.
السعودية مصر الإمارات قطر تركيا والتنظيم الدولي للإخوان المسلمين.
اللهم أشغلهم بأنفسهم. |
آمين. ربنا يكفي السودان شر أبنائه و شر الآخرين.
|
Post: #5
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 09:13 AM
Parent: #4
فليعلم الديكتاتور السيسي إن الأوضاع قد تتفجر و تندلع ثورة ضد العسكر
بسبب زيارته للسودان.
|
Post: #6
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 09:36 AM
Parent: #5
سلام و تحية الراكز خضر
و التحية للراكزة الأستاذة سهير
السؤال :
هل الديكتاتور السيسي آت ليعلن من الخرطوم عن إعادة حلايب
و شلاتين و أبو رماد للسودان؟
أم أنه آت ليصب الملح على جرح الشعب السوداني؟
|
Post: #7
Title: Re: السيسي غالبية السودانيين يكرهونك
Author: علاء سيداحمد
Date: 03-05-2021, 09:45 AM
Parent: #4
سلمات يا نعمات
لا أهلاً ولا سهلاً بالسيسى فى السودان .
|
Post: #8
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-05-2021, 09:50 AM
Parent: #7
لا اهلاً ولا سهلاً
دكتاتور ومستعمر
عاوزين به شنو؟
|
Post: #9
Title: Re: السيسي غالبية السودانيين يكرهونك
Author: Salah Zubeir
Date: 03-05-2021, 10:27 AM
Parent: #8
بوست هتافي بإمتياز ... يذكرني بي وقفات
الناشطين تلقاهم عاملين زيطه في الأسافير
تمشي محل عايزين يقيفو تلقاهم ٧ أشخاص
ومعاهم يافطة دلاقين مكتوبة بالأحمر ...
السيسي رئيس مصر وليس رئيس حزب سوداني ...
السيسي جيشه محتل حلايب بعلم كافة أبناء وبنات السودان ...
السيسي والحكومة المصرية أقامت السد العالي ومعروف
قصة السد العالي لكافة أبناء وبنات الشعب السوداني ...
السيسي تدخله المنتجات السودانية يوميا (من حب البطيخ
لي الثروة الحيوانية لي الدهب) عن طريق أبناء وبنات
الشعب السوداني وأصبح الإقتصاد المصري يدين بحيويته
لهذه المنتجات ...
يوميا وطوال أيام السنة آلاف السودانيين يحجون لمصر
برا وبحر وجوا ولا تخلو مصر من ٥ ملايين سوداني بي
صورة ثابته ... من يغادر يتم تعويضه في نفس اليوم ...
أزمة الدولار أحد اسبابها المغادرين لمصر ...
كراهية السيسي ممكن في شخصه ... لكن المؤكد شريحة
ضخمة من الشعب السوداني ميته في دباديب مصر
والمصريين ... المطلوب معالجة هذه الشريحة ثم بعد
ذلك نعلن كراهيتنا لمصر والمصريين والود بلحه ...
تحياتي يا دوك ...
|
Post: #10
Title: Re: السيسي غالبية السودانيين يكرهونك
Author: علاء سيداحمد
Date: 03-05-2021, 10:37 AM
Parent: #9
Quote: بوست هتافي بإمتياز ... يذكرني بي وقفات
الناشطين تلقاهم عاملين زيطه في الأسافير
تمشي محل عايزين يقيفو تلقاهم ٧ أشخاص
ومعاهم يافطة دلاقين مكتوبة بالأحمر ... |
يا صلاح - السيسى دا فى عهد الكيزان المشئوم واثناء الثورة قام بتزويد النظام الهالك بالبمبان ( وقد تم توثيق ذلك بالصور والفيديوهات )
وأيضاً فض اعتصام القيادة السيسى ومخابراته هم من قاموا بوضع خطة الفض للعسكر .
وفوق هذا وذاك السيسى ومصر محتلين ارضنا فى حلايب وشلاتين .
انتا عايز اكتر من كدا شنو عشان ما تقول : بوست هتافى .
|
Post: #11
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-05-2021, 10:41 AM
Parent: #9
بعد انتفاضة ابريل سارت مسيرة
ضخمة للسفارة المصرية ضد
ممارسة النظام واستضافة نميري
وطلب المتظاهرون تسليمه
لو تم ذلك لما تجرأت مصر علي
الحكومات السودانية .
الان نطالب بحلايب وشلاتين وابو رماد
|
Post: #12
Title: Re: السيسي غالبية السودانيين يكرهونك
Author: Salah Zubeir
Date: 03-05-2021, 10:49 AM
Parent: #11
| Quote: انتا عايز اكتر من كدا شنو عشان ما تقول : بوست هتافى . |
يا علاء ... عايز اقول المشكلة ما السيسي ولا مصر ولا المصريين ...
المشكلة في السودانيين المتسيسيين والمتمصرين اكتر من السيسي
واكتر من المصريين زات نفسهم ...
|
Post: #13
Title: Re: السيسي غالبية السودانيين يكرهونك
Author: Salah Zubeir
Date: 03-05-2021, 10:54 AM
Parent: #12
بالله عليك أمشي في أي يوم لو عندك زول في المعابر
على الحدود او في مطار الخرطوم أمشي أسأل عن عدد
المغادرين وعدد القادمين عشان تعرف مدى حبنا لمصر
والمصريين ....
|
Post: #15
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 11:10 AM
Parent: #13
سلام أ. علاء
شكراً للتذكير بالهاشتاق
#لا_أهلاً_ولا_سهلاً_بالسيسي_في_السودان.
|
Post: #14
Title: Re: السيسي غالبية السودانيين يكرهونك
Author: حسن ادم محمد العالم
Date: 03-05-2021, 11:06 AM
Parent: #12
سلام دكتورة والضيوف
الازمة ليست في السيسي وزيارته للخرطوم بقدرما هي ازمة العقل
السوداني الذي فشل في التعامل مع عقلية السيسي وهي لسان حال الشعب
المصري الذي يري في السودان حديقة خلفية ونخب حاكمه همها أرضا مصر
وشعب يعيش حالة استلاب اتجاه مصر بعضها ثقافي وبعضها اجتماعي
فالقي بظلال سالبه علي مشهدنا السياسي لذا حالة البؤس التي
نشاهدها من نخبنا الحاكمة تؤكد بؤس ما ذهبنا اليه وحديث وزيرة
خارجيتنا لن يكون الاول والأخير مالم تتحرر عقلية النخب السودانية
|
Post: #16
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 11:51 AM
Parent: #14
Quote: بعد انتفاضة ابريل سارت مسيرة
ضخمة للسفارة المصرية ضد
ممارسة النظام واستضافة نميري
وطلب المتظاهرون تسليمه
لو تم ذلك لما تجرأت مصر علي
الحكومات السودانية .
الان نطالب بحلايب وشلاتين وابو رماد |
الحبيبة د. إخلاص
بالضبط كما تفضلتي، دائماً و أبداً الحكومات المصرية تقف مع الحكام الفاسدين و الضعفاء
و لا يهمها الشعب السوداني. و دائماً و أبداً أنف المخابرات المصرية و أيديها تعبث بالشأن
السوداني لأن السودان بلد يحكمه العملاء و المخابرات المصرية وقد آن أوان التحرر من
قبضة المخابرات المصرية.
|
Post: #17
Title: Re: السيسي غالبية السودانيين يكرهونك
Author: Ahmed Yassin
Date: 03-05-2021, 12:33 PM
Parent: #16
(هذا فوج مقتحم لا مرحبا بهم)
صدق الله العظيم
اولا رجوع حلايب وشلاتين وايقاف التعدين عن الذهب والنهب في الاراضي السودانية شمال السودان
اكثر شىء يحير هو (نظرة الاستعلاء) الكاذبة التي ينظر بها المصريون الى كل السودان
النفاق والتعامل بوجهين تجاه السودان لا يخفى على احد
|
Post: #18
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 01:18 PM
Parent: #17
| Quote: نعلن كراهيتنا لمصر والمصريين |
من أقوال صلاح الزبير
Wow!
مداخلات الزملاء الجميلة و مداخلاتي لم تُشر لكراهية المصريين.
لا أعتقد إن الشعوب تبادل بعضها الكراهية ما لم تدخل في حروب
و خسائر في الأرواح و تنكيل و إذلال و إحتلال و إستعمار.
كراهيتنا للسيسي و المخابرات المصرية و من يؤيدأطماع السيسي
في السودان و طبعاً للعملاء و وكلاء المخابرات المصرية.
عادي ان نُذكِّر الديكتاتور الزائر بأن غالب الشعب يكرهه و القلة الباقية
Arn't really crazy about him either
راجعة لباقي مداخلتك عن ثرواتنا المهربة و الجماعةالرافعين شعار
"اللي يجوز أمي، أقولو يا عمي".
|
Post: #19
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 02:01 PM
Parent: #18
يا صلاح الزبير
أعتقد أن المقتبس دا من مداخلتك هو رد انفعالي على مداخلتي
التي ذكرت فيها إحتمال ان تهب ثورة ضد العسكر. (رغم تيقنك
من كراهية الثوار للجنة البشير الأمنية) .
دي مداخلتكQuote:
بوست هتافي بإمتياز ... يذكرني بي وقفات
الناشطين تلقاهم عاملين زيطه في الأسافير
تمشي محل عايزين يقيفو تلقاهم ٧ أشخاص
ومعاهم يافطة دلاقين مكتوبة بالأحمر . |
و دي مداخلتيQuote:
فليعلم الديكتاتور السيسي إن الأوضاع قد تتفجر و تندلع ثورة ضد العسكر
بسبب زيارته للسودان. |
|
Post: #20
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 02:26 PM
Parent: #19
Quote:
يا صلاح - السيسى دا فى عهد الكيزان المشئوم واثناء الثورة قام بتزويد النظام الهالك بالبمبان ( وقد تم توثيق ذلك بالصور والفيديوهات )
وأيضاً فض اعتصام القيادة السيسى ومخابراته هم من قاموا بوضع خطة الفض للعسكر .
وفوق هذا وذاك السيسى ومصر محتلين ارضنا فى حلايب وشلاتين .
انتا عايز اكتر من كدا شنو عشان ما تقول : بوست هتافى |
👌
|
Post: #21
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 06:21 PM
Parent: #20
Quote: الازمة ليست في السيسي وزيارته للخرطوم بقدرما هي ازمة العقل
السوداني الذي فشل في التعامل مع عقلية السيسي وهي لسان حال الشعب
المصري الذي يري في السودان حديقة خلفية ونخب حاكمه همها أرضا مصر
وشعب يعيش حالة استلاب اتجاه مصر بعضها ثقافي وبعضها اجتماعي
فالقي بظلال سالبه علي مشهدنا السياسي لذا حالة البؤس التي
نشاهدها من نخبنا الحاكمة تؤكد بؤس ما ذهبنا اليه وحديث وزيرة
خارجيتنا لن يكون الاول والأخير مالم تتحرر عقلية النخب السودانية
|
سلام أ. حسن العالم
هي فعلاً حقائق ماثلة في حاضرنا و ماضينا ولكن هناك وعي متزايد
بضرورة إصلاح الخلل في علاقتنا بمصر،و هو أمر لن يتحقق بدون
وجود حكومة منتخبة بواسطة الشعب و مؤسسات حكم ديمقراطي
و كفاءات وطنية نزيهة تحترم الدستور و تحافظ على السيادة.
|
Post: #22
Title: Re: السيسي غالبية السودانيين يكرهونك
Author: جلالدونا
Date: 03-05-2021, 06:34 PM
Parent: #21
سلام د/ نعمات
طال ما السيسي حبيب حميدتى
صلاح زبير ليهو الف حق
انتو حدّكم الاستنكار
و برضو صلاح شايفو كتير عليكم
صلاح سلام ياخ
|
Post: #23
Title: Re: السيسي غالبية السودانيين يكرهونك
Author: Arif Nashed
Date: 03-05-2021, 06:42 PM
Parent: #22
بتنفخو في قربة مقدودة
كل الحكومات المتعاقبة علي السودان كانت منبطحة للمصريين
|
Post: #24
Title: Re: السيسي غالبية السودانيين يكرهونك
Author: Salah Zubeir
Date: 03-05-2021, 07:37 PM
Parent: #23
Quote: صلاح زبير ليهو الف حق
انتو حدّكم الاستنكار
و برضو صلاح شايفو كتير عليكم
صلاح سلام ياخ |
مرحب حبابك جلال ...
لا لا لا ... ما كدي ...أنا مستنكر حكاية تكره واحد بس
وأنا قضيتي مع ١١٠ مليون مصري ... دا من ناحية ....
الناحية التانية قال نصها صاحبي عارف :-
| Quote: كل الحكومات المتعاقبة علي السودان كانت منبطحة للمصريين |
يا عارف يا خوي غالبية الشعب منبطح للمصريين وخاصة" ما يسمى
بالنخب المتعلمة يعني إشمعنا الحكام براهم ...
في السودان الذهاب إلي مصر يعتبر (قشرا) في المجتمعات ويعتبر
أهم من الذهاب إلى مكه ....
هاك إثقف شويه ...
السد العالي هدف مشروع
|
Post: #25
Title: Re: السيسي غالبية السودانيين يكرهونك
Author: اسماعيل عبد الله محمد
Date: 03-05-2021, 07:49 PM
Parent: #24
| Quote: السيسي حبيب حميدتى |
تصحيح:
السيسي حبيب البرهان
عبد الفتاح حبيب عب فتاح
ما تغسلوا خيباتكم في قميص حميدتي.
|
Post: #26
Title: Re: السيسي غالبية السودانيين يكرهونك
Author: اسماعيل عبد الله محمد
Date: 03-05-2021, 07:55 PM
Parent: #25
يا نعمات عدّلي العنوان لـــــــــــــــــــ (يرفضونك)
لأن السياسة ما فيها كراهية ولا حب
فيها مصالح مشتركة.
مافي شي يخلينا نكره السيسي
لو في كراهية فلنكره ساستنا المنبطحين.
كل منبطح يجد من يعتلي ظهره.
|
Post: #27
Title: Re: السيسي غالبية السودانيين يكرهونك
Author: اسماعيل عبد الله محمد
Date: 03-05-2021, 07:59 PM
Parent: #26
Quote: الازمة ليست في السيسي وزيارته للخرطوم بقدرما هي ازمة العقل
السوداني الذي فشل في التعامل مع عقلية السيسي وهي لسان حال الشعب
المصري الذي يري في السودان حديقة خلفية ونخب حاكمه همها أرضا مصر
وشعب يعيش حالة استلاب اتجاه مصر بعضها ثقافي وبعضها اجتماعي
فالقي بظلال سالبه علي مشهدنا السياسي لذا حالة البؤس التي
نشاهدها من نخبنا الحاكمة تؤكد بؤس ما ذهبنا اليه وحديث وزيرة
خارجيتنا لن يكون الاول والأخير مالم تتحرر عقلية النخب السودانية |
يا حبيب
لقد اسمعت لو ناديت جلابياً ولكن لا حياة لجلابي في حضرة مصري.
|
Post: #28
Title: Re: السيسي غالبية السودانيين يكرهونك
Author: اسماعيل عبد الله محمد
Date: 03-05-2021, 08:03 PM
Parent: #27
سبب زيارة السيسي لأن جبريل كوزير مالية طالب باغلاق الحدود مع مصر لمنع التهريب.
دي ما يعملها الا غرباوي.
الماسكين العصا من النص لا ترجوا منهم خيراً.
منهزمون نفسياً تجاه ام الدنيا...
البلد دي مسكونا ليها وبنرفع عزتكم وكرامتكم.
|
Post: #65
Title: Re: السيسي غالبية السودانيين يكرهونك
Author: مدثر صديق
Date: 03-07-2021, 10:17 AM
Parent: #28
سلام
| Quote: ويبلغ عدد اللاجئين السودانيين في مصر 3.8 مليون، وفقا لإحصائيات المنظمة الدولية للهجرة. |
Quote: وتعد مصر نقطة عبور معتادة للمهاجرين الأفارقة الذين يحاولون كسب بعض المال قبل المضي قدما نحو أوروبا. لكن
الضوابط الصارمة التي تمنع قوارب المهاجرين من التوجه إلى أوروبا، والسياج الحدودي الإسرائيلي، والصراع في ليبيا، عوامل تركت
الكثير منهم عالقين. ويعد السودانيون هم الأكثر هجرة إلى مصر، فسهولة السفر إليها برا وإمكانية الحصول على مساعدات من
الأقارب تجعل مصر هي الوجهة الأولى بالنسبة لهم. |
Quote: لكن قرار العودة ربما غير ممكن لكثيرين آخرين مثل خميس و ابناء اقليم دارفور ، والسبب هو "ليس هناك أمن في دارفور"،
التي مازالت تشهد صراعات راح ضحيتها 300 ألف شخص حتى الآن، بحسب الأمم المتحدة. |
|
Post: #66
Title: Re: السيسي غالبية السودانيين يكرهونك
Author: مدثر صديق
Date: 03-07-2021, 10:21 AM
Parent: #28
سلام
| Quote: سبب زيارة السيسي لأن جبريل كوزير مالية طالب باغلاق الحدود مع مصر لمنع التهريب. |
Quote: لتقى السفير حسام عيسى، سفير جمهورية مصر العربية في الخرطوم، بالدكتور جبريل إبراهيم وزير المالية
والتخطيط الاقتصادي السوداني،
وخلال اللقاء، تم استعراض مجالات التعاون بين البلدين فى الجوانب المالية والاقتصادية، وبحث أوجه الدعم التي يمكن لمصر
تقديمها فى إطار النهوض بالاقتصاد السوداني، وكذلك الاستفادة من التجرُبة المصرية الناجحة على صعيد الإصلاح الاقتصادي.
من جانبه أعرب الوزير السوداني عن ترحيبه وتقديره بالدعم المصري في هذا الصدد، مشيراً إلى تطلعه لتعزيز علاقات التعاون
مع مصر والانتقال بها إلى آفاق رحبة. |
!!!!!!!!!
!!!!!
!
|
Post: #29
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 08:16 PM
Parent: #27
Quote:
(هذا فوج مقتحم لا مرحبا بهم)
صدق الله العظيم
اولا رجوع حلايب وشلاتين وايقاف التعدين عن الذهب والنهب في الاراضي السودانية شمال السودان
اكثر شىء يحير هو (نظرة الاستعلاء) الكاذبة التي ينظر بها المصريون الى كل السودان
النفاق والتعامل بوجهين تجاه السودان لا يخفى على احد |
سلام الموسيقار أحمد يسن
أبصم على الشروط في مداخلتك :
(رجوع حلايب وشلاتين وايقاف التعدين عن الذهب والنهب في
الاراضي السودانية شمال السودان).
بالله عليكم نظرة الإستعلاء و النفاق في المعاملة، ألا تشبه تجهيز
الوحوش لفريستها قبل الإنقضاض عليها؟
أقترح ان تلدغ الفريسة المعتدي بدلاً من الإستسلام و لعب دور الضحية.
|
Post: #30
Title: Re: السيسي غالبية السودانيين يكرهونك
Author: نعمات عماد
Date: 03-05-2021, 08:46 PM
Parent: #29
اسماعيل عليك الله ما تملانا عنصرية و جلابة و غرابة،
يعني كانت عاجباك عنصرية المخلوع بشة؟
و كمان بلاش مكابرة لأنك برضو كاره السيسي بسبب
زيارته السودان.
لكن صدقت في ان عسكرنا منبطحين للمحاور و مدنينا
مبطحوين بحد البندقية.
ما في حل غير إنتقال ديمقراطي كامل الدسم.
|
Post: #31
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-06-2021, 04:13 AM
Parent: #30
هل تم نقل ذهب مهرب لمصر بواسطة
الطائرة الرئاسية في زيارة سابقة للسيسي
من مطار الخرطوم؟
وما الضمان ان لا تتكرر هذة الحادثة مرة
اخري
|
Post: #32
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 07:14 AM
Parent: #31
Quote: طال ما السيسي حبيب حميدتى
صلاح زبير ليهو الف حق
انتو حدّكم الاستنكار
و برضو صلاح شايفو كتير عليكم
صلاح سلام ياخ |
سلام جلالدونا
ياخوي صلاح داخل في حيص بيص،
من ناحية عندو 110مليون يفكر فيهم صباح و مساء،
و من ناحية تانية حميدتي منبطح للسيسي و 110 مليون مصري.
طالما حميدتي بحب ال 110 مليون، مصيرك يا صلاح تحبهم برضو.
|
Post: #33
Title: Re: السيسي غالبية السودانيين يكرهونك
Author: Salah Zubeir
Date: 03-06-2021, 07:37 AM
Parent: #32
| Quote: طالما حميدتي بحب ال 110 مليون، مصيرك يا صلاح تحبهم برضو |
ممكن تورينا يا دوك علاقة صلاح شنو بحب حميدتي
لي ١١٠ مليون مصري؟
إنتي في الكوت دا (قررتي) إنو كسر رقبه يا صلاح حا تحب
المصريين ... السبب هو حب حميدتي للمصريين ... الرابط شنو؟
|
Post: #34
Title: Re: السيسي غالبية السودانيين يكرهونك
Author: خضر الطيب
Date: 03-06-2021, 07:41 AM
Parent: #33
كتبت الزميلة الاستاذة مريم البشير , عضو إتحاد الكتاب و الصحفيين المقال التالي
صـوتُـنـا
ماذا يريد عزيز مصر
✍🏼 مـريـم البشـير
تهيأت حكومة الفترة الإنتقالية متمثلةً في وزير الدفاع لاستقبال الرئيس المصري عبد الفتاح السيسي للبلاد اليوم والتي تُقرأ من خلال الأحداث المتسارعة أنها ستركز على مناقشة ملف سد النهضة الذي سيتضرر منه الجانب المصري الذي ظل يتعمد تجاهل الضرر الذي أحدثه للشعب السوداني حين أُنشأ السد العالي نتيجة للمجاملات السازجة في إطار التعامل بين الأشقاء, فالحكمة ومصلحة البلد والشعب تقتضي أن يتعامل ساستنا بعيداً عن عاطفة أخ أو شقيق إذ أن مفهوم الإيثار هذا لانجده بين الأخوة الأشقاء حقيقة ,إذا حضرت المصلحة فمن المنطق ألا نتعامل به مجازاً نحن كشعب ليس لدينا مشكلة مع إخوتنا المصريين ونعلم عمق العلاقات والأواصر إلا أن مصر الرسمية لازالت تتعامل مع السودان بعقلية الحكم التركي المصري وتتجرأ على منتجاته وتتغول على أراضيه مازالت تتعامل معنا بدهاءٍ لايخلو من الخبث بالتالي يلزم ساستنا التعاطي مع سياساتها بحنكة وكياسة الدبلوماسي الفذ محمد أحمد المحجوب ( له الرحمة والمغفرة) وليضعوا وليستحضروا دوماً المثل الشعبي البسيط ( أكلوا أخوان واتحاسبوا تجار) مثل دارجي لكنه يحوي دلالة ديموقراطية في المحاسبة بدقة حيث لامكان للعاطفة إذا وجدت المصلحة هذا هو منطق السياسة المصرية كما لايفوتنا ضرورة العلاقات والإنقتاح في كل المجالات التي تخدم مصلحة البلدين لكن مصلحتنا والمحافظة على حقوقنا كاملة يجب أن تكون خط أحمر, هذا في ما يلي الجانب المصري عبر هذه الزيارة التي لم تُعلن أسبابها رغم أهميتها للجانبين ,أما فيما يلي حكومتنا الموقرة أعتقد أنّ ملفاتها واضحة يعرفها حتى الأطفال و من أهمها سيادة الدولة على حلايب وشلاتين ومراجعة جميع الإتفاقيات السابقة التي أـُستغلت فيها العاطفة بإسهاب ومناقشة إلى أي مدى طُبقت من الجانب السوداني , كمثال لذلك إتفاقية الحريات الأربع فعلى من يتولى هذه الملفات أن ينتبه جيداً وأن يُري حفيد الفراعنة أن السودان اليوم ليس السودان الذي تنازل عن أراضيه في حلفا وغمرتها مياه السد العالي من غير أن يعرفها الريس عبود ليزرف الدمع أسفاً على التسرع في اتخاذ القرار في مثل هذه القضايا التي تتعلق بمصلحة المواطن ولا هو السودان الذي تنازل عن حلايب وشلاتين
فلتمتثلوا قول النبي صلى الله عليه وسلم: (رحم الله امرأً أراهم اليوم من نفسه قوة ).
السبت 2021/3/6
|
Post: #35
Title: Re: السيسي غالبية السودانيين يكرهونك
Author: خضر الطيب
Date: 03-06-2021, 07:49 AM
Parent: #34
بوست هتافي يا صلاح الزبير ؟
انت آخر واحد تتكلم عن الحاجة دي
لأنو مصلحتك مع حميرتي و المجلس العسكري المنبطح
انت ذكرت بعضمة كيبوردك إنو أخوك الجنجويدي كان مسئول من حميرتي
تباً لك و لغبائك , عامل كرشك التسعة شهور وعشرة يوم دي
تعال أولد لينا في البوست دا بالله و بيض كمان يا دجاجة حار بيها الدليل
https://www.0zz0.com
|
Post: #36
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 08:08 AM
Parent: #35
صباح الخير بإذن الله
شكراً أ.خضر على إضافةالموضوع و الصورة.
يا أ. صلاح الزبير
قريت ليك مداخلات لا أذكر تفاصيلها و لكن مضمونها إنحياز للعسكر
بما فيهم حميدتي.
لو فرضنا أن الشق المدني أختلف مع العسكري بشأن العلاقة المختلة مع مصر،
فهل ستنحاز لموقف حكومة حمدوك ضد العسكر؟
|
Post: #37
Title: Re: السيسي غالبية السودانيين يكرهونك
Author: Salah Zubeir
Date: 03-06-2021, 08:16 AM
Parent: #36
قبل ما أرد عليك ممكن تدينا عينه :-
Quote: قريت ليك مداخلات لا أذكر تفاصيلها و لكن مضمونها إنحياز للعسكر
بما فيهم حميدتي. |
|
Post: #38
Title: Re: السيسي غالبية السودانيين يكرهونك
Author: خضر الطيب
Date: 03-06-2021, 08:16 AM
Parent: #36
Quote: قريت ليك مداخلات لا أذكر تفاصيلها و لكن مضمونها إنحياز للعسكر
بما فيهم حميدتي. |
مداخلات شنو يا دكتورة ؟ دا كاتب بوست عديل بقول انو حميرتي هو أمل السودان
عامل جلابيتو التقول كاويها في ضهر حمار ههههههه
الزول دا طايوقو مافيهو حاجة لوتابعتيهو البوست دا بمشي الخور .. و الله صحي
|
Post: #40
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 08:24 AM
Parent: #38
كتب صلاح الزبير بوست بعنوان :
(حميدتي أمل السودان).
************
شكراً الراكز خضر.
أعود بعد عودة الكهرباء و شحن الجهاز.
|
Post: #79
Title: Re: السيسي غالبية السودانيين يكرهونك
Author: مرتضي عبد الجليل
Date: 03-10-2021, 12:25 PM
Parent: #38
هههه يا خضر ،مطول انا من سودانيز ،،،
بمناسبة ضهر الحمار الله يكرمو،،،،صاحبنا صلاح دا ما هو كوز عديل قبال ما يتجه للحمرتجية امثال حميدتى
القصة دى ما عايزة عصر ليمون ... ههههههههههه
|
Post: #39
Title: السيسي غالبية السودانيين يكرهونك
Author: عبدالقادر محمد
Date: 03-06-2021, 08:21 AM
Parent: #1
لكن للأسف عملاء قحت والمجلس الكيزاني يحبونه جداً
وهم من يملكون السلطة الان
اظن انه قد حان الاوان لتشكيل جسم شعبي كبير بسبب تعطيل قحت للجلس التشريعي
هذا الجسم مهمته ممارسة الضغط علي هؤلاء العملاء حتي لا نفقد ما تبقي من وطن
|
Post: #41
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 08:31 AM
Parent: #39
شكراً أستاذ عبدالقادر
أؤيد بشدة قيام جسم شعبي للضغط على العسكر و الحكومة من أجل تكوين
المجلس التشريعي و الأغلبية لشباب الثورة و النساء من كل السودان.
على أن لا يتواجد الكيزان داخل الجسم الشعبي ولا داخل المجلس التشريعي.
|
Post: #42
Title: Re: السيسي غالبية السودانيين يكرهونك
Author: خضر الطيب
Date: 03-06-2021, 09:27 AM
Parent: #41
| Quote: قبل ما أرد عليك ممكن تدينا عينه :- |
عينة ؟.. عينة شنويا صلاح ابكرشولا
الشغل بوست عديل , و الله انت طلعتا أوسخ من الكيزان
لانك انت كوز 10نجوم يعني كملتا الدرجة الكاملة يا رمة
هاك العينة دي, إن شاء الله حميرتي يضوي ليك يا مسترزق
https://sudaneseonline.com/board/510/msg/1587496312.html
|
Post: #43
Title: Re: السيسي غالبية السودانيين يكرهونك
Author: Salah Zubeir
Date: 03-06-2021, 09:52 AM
Parent: #42
Quote: قريت ليك مداخلات لا أذكر تفاصيلها و لكن مضمونها إنحياز للعسكر
بما فيهم حميدتي. |
يعني دي إجابتك يا دوك علي سؤالي ...
يعني إذا X بحب Y
و Z بحب X
يبقى لازم Z يحب Y أخنق فطس؟
ولا الفهم شنو ياااااا دكتوره؟
يعني في (كتير) من كتاباتك فيها شيء من وجهة
النظر الليبرالية أو الشيوعية أو العلمانية ... هل
يحق لي (أقرر) إنك ليبرالية أو شيوعية أو علمانية؟
|
Post: #45
Title: Re: السيسي غالبية السودانيين يكرهونك
Author: Salah Zubeir
Date: 03-06-2021, 10:11 AM
Parent: #43
خيوبا الورل خضر الطيب ...
ما عندي ليك حاجه هنا ...
عندك حاجه موجعاك شديد بفعل ممارستي
معاك في البوستين إياهم (مخك ما يمشي بعيد) ...
تفتح بوست وبنجيك نطبق ليك الممارسه
البتعرفا ديك بالدبل ...
هنا (تنبح) بس وما حا أشتغل بيك ...
|
Post: #44
Title: Re: السيسي غالبية السودانيين يكرهونك
Author: عمر أبوعاقلة
Date: 03-06-2021, 10:02 AM
Parent: #42
سلام للجميع بعد غيبة
السيسي في شخصه وكرئيس هو ديكتاتور بامتياز
ومعادي لحقوق الانسان والانسانية وبالتأكيد ليس مرحباً به ونحن نتلمس الطريق
نحو دولة مدنية وديموقراطية تهفو للسلام والتنمية.
لكن هنا ليس مربط الفرس، فقد أعجبني حديث لايف للزميل هشام عباس
ان المشكلة الحقيقية تكمن فينا ولولا الخلل الكبير في منظومة الدولة
لما وجدت مصر والامارات وغيرها الفرصة فينا لتحقيق غايتها وأطماعها كدولة محور
يجب علينا ترتيب بيتنا من الداخل، يجب علينا اعادة هيكلة لمنظومة الدولة بكاملها
كمثال: شحنة ذهب تم القبض على المهرب والشحنة داخل الطائرة: كيف وصلت أساساً لهذا المكان
كيف اجتازت كل منظومة الجمارك والأمن والمخابرات والأمن الاقتصادي وأمن الطيران وهلم جرا
تصدير الماشية (كيف تفوت من الحدود وأين الجهات الأمنية وحرس الحدود ووزارة التجارة)
تصدير وتهريب المنتجات السودانية بشكلها الأولي كخام : لمذا ؟
وفي السياسة دونك تصريحات (المبروكة) وزيرة الخارجية وتصريحات المسؤولين بلا حسيب ولا رقيب
نحن نحتاج لبناء دولة حديثة تتحكم في شئونها بالداخل لنكسب احترام من هم بالخارج
نحتاج أن نكون اليد العليا لنضع شروطنا في الاتفاقيات، نحكم قبضتنا على المعابر والحدود
نسير باستراتيجية واضحة يفهمها ويمشي بها أصغر موظف لأكبر وزير ولا يحيد عنها
نقيم علاقات دولية مع الجميع على قدم سواء ولكن بشروطنا وبما يضمن مصلحة الوطن في المقام الأول
وأخيراً: فعلاً لا مرحباً به في هذا الوقت بالذات لكن
دمتم بخير
|
Post: #46
Title: Re: السيسي غالبية السودانيين يكرهونك
Author: خضر الطيب
Date: 03-06-2021, 10:35 AM
Parent: #44
| Quote: وما حا أشتغل بيك ... |
دي الحالة إنك ما شغال بي ؟ هو الشغل دا كيفنو
انا بالنسبة ليك عود عشر , انت فاهمني؟ يا المتصور مع حميرتي
معقولة يا ابوكرشولا تتصور مع حميرتي و تفتخر بالصورة
اقسم بالله حميرتي دا كان لاقيتو في الشارع ما اديهوالسلام
لأنو قاتل و جنجويدي مجرم و سراق أموال و أرواح
ابوكرشولا انت زول تافه ساي عامل عمتك الزي عش الغراب دي هههههه
إذا كان الغرابُ دليل قومن فلا وصلو و لا وصل الغرابووو
ما تراهن على حمار ميت
|
Post: #47
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-06-2021, 10:54 AM
Parent: #46
هل تبرع برهان بحلايب ؟
الخريطة واضحة حلايب تبع السودان
شوفوا لكم حبل متين واشنقوا الخونة
الرصاص كتير عليهم
|
Post: #48
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 12:27 PM
Parent: #47
رحبوا معي بالأستاذ عمر أبو عاقلة
تشرفنا كتير والمنبر نور.
نتمنى أن تكون عودة دائمة لكم و لكل الزملاء الكرام العائدين.
مداخلة مهمة أخرى تضع المبضع مكان الورم و الألم.
لي عودة للمداخلة إن شاءالله.
|
Post: #49
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 12:53 PM
Parent: #48
د. إخلاص
بعد أن قدم برهان و حميدتي للسيسي الذهب، الأرض، الثروة الحيوانية،
المياه و الأمن الوطني و حقنا في القرار المستقل بشأن سد النهضة ،
حق لنا أن نتساءل :
ماذا قدم السيسي للسودان؟
|
Post: #50
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 01:38 PM
Parent: #49
Quote: بتنفخو في قربة مقدودة
كل الحكومات المتعاقبة علي السودان كانت منبطحة للمصريين |
الأخ الكريم عارف ناشد
صحيح كل الحكومات كانت و ما زالت منبطحة و لكن هذا هو الوقت المناسب
لتغيير استغلال مصر لموارد السودان و إيقاف التدخل في الشأن السوداني و
إنهاء إحتلال مصر لحلايب و شلاتين و أبورماد.
علاقة السودان الحالية بمصر هي هاوية يتدحرج فيها السودان تحت سمع و
بصر و بموافقة البرهان و حميدتي و الحكومة المدنية. فهل نوقف تدحرج
بلدنا نحو الهاوية أم نستسلم و تصبح بلادنا هباءاً منثوراً؟
|
Post: #51
Title: Re: السيسي غالبية السودانيين يكرهونك
Author: منتصر عبد الباسط
Date: 03-06-2021, 01:47 PM
Parent: #50
السيسي ليس رئيس السودان ولا يعنينا في شيء كشعب
لنحبه أو نبغضه
أم نحن نبحث عن كوم رملة لندخل فيه رؤسنا لكي لا نرى
ضعف حكومتنا ورئيس وزرائها قصيري القامة
ونبحث عن هتافات تلهي الناس عن واقعنا وحكامنا البائسين
صناع البؤس .
|
Post: #52
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 01:55 PM
Parent: #51
| Quote: أم نحن نبحث عن كوم رملة لندخل فيه رؤسنا ل |
ادفن رأسك في أي مصيبة تعجبك.
أنا حرة أعبر عن كراهيتي و غيري لزائر غير مرغوب فيه.
|
Post: #53
Title: Re: السيسي غالبية السودانيين يكرهونك
Author: منتصر عبد الباسط
Date: 03-06-2021, 02:30 PM
Parent: #52
| Quote: فهل ستنحاز لموقف حكومة حمدوك ضد العسكر؟ |
وهل لحمدوك استراتيجية تحدد علاقاتنا
مع الدول الأخرى وكيفية استغلال موارد الوطن وحفظ ترابه
يصوت ويصادق عليها كل الشعب مدنيه وعسكريه من أصغر بالغ وبالغة سودانيون لغاية البرهان
بعد تضمينها للدستور القومي
ضعف قحت وتهافتها وعقمها وقصر قامتها وقامة حكومتها ورئيسها هو ما أظهر
لنا كأن هناك طول في قامتي حميدتي والبرهان
رغم عظمة الشعب لكن لا يتهافت على التصدر لكراسي حكمه غير من نرى للأسف
|
Post: #54
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 02:42 PM
Parent: #53
ممكن تشيل مداخلتك دي و تفتح بيها بوست
لتشرح كيف تسبب حمدوك في إطالة قامة
برهان و حميدتي و سأرد عليك في بوستك.
البوست هنا مخصص لزيارة الديكتاتور
السيسي و للتساؤل عن اسباب الخلل
التاريخي في العلاقات مع مصر.
|
Post: #55
Title: Re: السيسي غالبية السودانيين يكرهونك
Author: نعمات عماد
Date: 03-06-2021, 03:40 PM
Parent: #54
Quote:
يعني في (كتير) من كتاباتك فيها شيء من وجهة
النظر الليبرالية أو الشيوعية أو العلمانية ... هل
يحق لي (أقرر) إنك ليبرالية أو شيوعية أو علمانية؟ |
يا سيد صلاح
هل من الضروري وضع لافتة (ليبرالي،شيوعي،علماني) على رأس
كل من يحرص على شعار الثورة (حرية ،سلام و عدالة)؟
|
Post: #56
Title: Re: السيسي غالبية السودانيين يكرهونك
Author: Salah Zubeir
Date: 03-06-2021, 05:07 PM
Parent: #55
| Quote: طالما حميدتي بحب ال 110 مليون، مصيرك يا صلاح تحبهم برضو |
😃😃😃😃
يا دوك ... كان أخير تقولي pass
يعني تطير عيشة Z (صلاح) الذي من المفروض
ميت في دباديب X (حميدتي) الذي واقع في
غرام (Y) ال ١١٠ مليون مصري ... إن طارت عنزة
لازم صلاح يحب ال ١١٠ مليون يعني ... قادر الله ...
| Quote: كل من يحرص على شعار الثورة (حرية ،سلام و عدالة)؟ |
المحامون المدافعون عن الكيزان في محاكم الثورة
برضك حريصين كل الحرص على الشعار دا ...
ما أسهل التصنيف ... وما أصعب الزوغان منو ...
|
Post: #57
Title: Re: السيسي غالبية السودانيين يكرهونك
Author: MOHAMMED ELSHEIKH
Date: 03-06-2021, 06:48 PM
Parent: #56
يادكترة السيسي رمز لسيادة مصر
ومصر هي التي احتضنتنا عندما لفظتنا بلدنا بواسطة الكيزان
وهيأت للمعارضة كل ما تريده .
قليل من الاحترام لجار قدم لنا الكثير وبمقابل طبعا
وكل من يئس من الحياة في السودان فتحت له القاهرة ذراعيها حتى عاش ثمن سكان السودان في مصر
ياريت ننظر للامور بصورة تختلف عن داليا الياس التي لها مشكلة شخصة ارادت ان تقحم فيها اهل السودان .
نصف ااذين هاجروا للغرب هربا من حجيم الانقاذ كانت بوابة هجرتهم القاهرة ،
حقوا الناس يعطوا لكل قيمته الحقيقية دون الجري وراء مراهقي السياسة
|
Post: #58
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-06-2021, 08:25 PM
Parent: #57
مصر دي يا ود الشيخ ما داير
عشان تعرف هي بتسوي شنو الا
تقعد مع اسوانلليه ( ناس اسوان )
وتعرف الزحف المصري ده مستمر من متين ؟
اسوانلليه قالت شريط الحدود قسمهم هي
وبنات عمها ، كانو في بيت واحد .
وبعدين فكرك ليه الدولة الوحيدة في
العالم ال ما بتحترم حكومة بلد جار هي
مصر؟ !!! شئ كل المعارضات في كل الازمنة
مخاصمتها ( اضعاف الدولة السودانية ما غير)
حتي لو كان مسلحة . وشئ تبع المخابرات ما
وزارة الخارجية ، من ناحية ثانية افتح وسوف
الجنية السوداني بتباع في مصر كيف.
شوف الماشية شوف الذهب ، الصمغ ، الكركدي
حتي الكلي .....
ما تبسطها ، الخلل كبير وح يتواصل لذا لا بد
من المواجهة .
|
Post: #59
Title: Re: السيسي غالبية السودانيين يكرهونك
Author: خضر الطيب
Date: 03-06-2021, 10:50 PM
Parent: #58
مرحب حبيبنا باشمهندس محمد الشيخ
انت تعرف إني بحترمك و بحبك جداً
و إنت في مقام اعمامي ما في ذلك شك
و أنت شخص محترم
و حصل إنك زرتنا في بيتنا الكبير
في وفاة جدنا , و علاقتك بي عمي
زميلك الباشمهندس الأمين سليمان لعوتة
لكن يا عزيزي مصر لم تكن الخيار الأوحد
كانت هناك دول كثيرة فتحت أبوابها لنا
و لا أعتقد أنك تنسى كارثة ميدان مصطفى محمود
وهي المجزرة الدموية التي سقط فيها عددآ كبيرآ من اللأجئيين السودانيين الذين قدر عددهم بنحو 24 قتيلآ و70 جريحآ
سقطوا صرعي برصاصات رجال الشرطة، الذين جاءتهم الأوامر مباشرة من اللواء محمد ابراهيم مدير امن الجيزة بوزارة الداخلية
باخلاء الميدان من اللاجئيين السودانيين بالقوة وان استدعي الامر باطلاق الرصاص عليهم
لن ننسى يا عزيزي هذه الماساة
إحترامي وتقديري لك عمي محمد الشيخ
|
Post: #60
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-07-2021, 07:03 AM
Parent: #59
بلحة
يا حلوة يا مقمعة فتي اعوامك الاربعة
فعلاً
جدد السيسي لنفسة وبلحة البرهاني
صفر العداد ليواصل الحكم فهو الحصانة
له من المحاكمة علي ما اقترفت يداه من مجازر.
الثائر مدني عباس مدني شن عليه الجنجويدي
دقلو حملة شعواء لانه شاهد عيان ولم تقم الاجهزة
الامنية بظبط السوق واتوا بعديل بلحة البرهاني
الفاسد الذي اتي به لساحة الاعتصام ابراهيم الشيخ
وزيراً للتجارة وسترون الشرطة والجنجويد يشتغلون
بلحة البرهاني صفر العداد
|
Post: #61
Title: Re: السيسي غالبية السودانيين يكرهونك
Author: Salah Zubeir
Date: 03-07-2021, 08:57 AM
Parent: #60
مستلف من بوست حسن فرح للمزيد من الفائدة
ولمعرفة من نحن وما هي قيمتنا أمام أنفسنا
بغض النظر عن وجهة النظر المصرية ....
Quote: رسالة من المصريين الى شعب السودان الكسول
رسالةتحذير للشعب السودانى الشقيق
نتحداكم فى غلق المعابر مع مصر....اليكم الاسباب:
نتحداكم فى غلق المعابر مع مصر....اليكم الاسباب:
اولا نسبة 70% من الادوية فى السودان واردة من مصر انتاج شركات مصرية.افتح ثلاجتك لتتأكد من ذلك
ثانيا اغلب الاجهزة المنزلية وادوات الطبخ والاضاءة من شركة توشيبا العربى ول ج المصرية عاين حولين منك مصر حوليك فى كل حتة وانت ما جايب خبر يا شعب يا كسلان
ثالثا نسبة السودانيين المصابين بفشل كلوى 7% عندكم كلهم يتعالجوا فى مصر اكثر من اتنين مليون رحلة علاجية لمصر فتح عينك مصر جواك
رابعا معدات الزراعة وتقاوى المحاصيل المستخدمة فى السودان واردة من مصر من شركة جونزا للاسمدة المصرية اراضيك مخصبة بسماد وتقاوى مصرية فتح عينك مصر جواك
خامسا مستحضرات التجميل النسائية فى الاسواق السودانية كلها وارد مصر حتى العطور مصرية فتحوا عينكم
سادسا موبيليا الصالونات فى بيوتكم كلها انتاج مصرى
قبل ان تهددوا بغلق الحدود مع مصر وتقولوا ان مصر بتحارب فيكم اشتغلوا شوية ,,,انتجوا...شعب يتكنم وبس ... شعب مخلوق من اجل الكلام فقط.....انتاجكم صفر شعب مستهلك شعب صوته عالى بالنبيح على الفاضى بدون انتاج
رسالة من المخابرات العامة المصرية:
ما يحدث فى مواقع السوشيال ميديا من حض على كراهية مصر مرفوض تماما
(يا شعب السودان العظيم اذا اردتم التقدم عليكم بالانتاج وعدم الكلام الكثير والاجتهاد اكثر والاستفادة من التجربة المصرية فى النمو الاقتصادى)
لا نحتاج لاحتلال السودان عسكريا فنحن بالفعل محتلين السودان بمنتوجاتنا نبيع لكم ايها الشعب الكسول المستهلك وناخذ ثرواتكم اما انتم يا سودانيون فاكملوا رحلتكم فى السمسرة اما نحن الشعب المصرى شعب انتاج وتحدى ونمؤ اقتصادى وسوف يأتى يوم ما عليكم تسمسروا فيه على الهواء الذى تتنفسون لانكم شعب عاطل سمسارى
ان شاء الله الرسالة دى توجع قلب كل سودانى كسول
منسوخ من انستقرام ومقتبس من مواقع التواصل المصرية |
|
Post: #62
Title: Re: السيسي غالبية السودانيين يكرهونك
Author: نعمات عماد
Date: 03-07-2021, 09:08 AM
Parent: #61
محمد الشيخ يا هندسة
حفظ الجميل و العرفان خصال أصيلة في السودانيين.
لكن لا ننسى أن مصر التي آوت المعارضة، هي نفس مصر
التي أغرقت حضارة و حياة و أرض السودانيين في حلفا
من أجل مصالحها. هل أعتذرت مصر ولا و دفعت تعويضات
كافية للمتضررين من السد العالي؟
و هي نفس مصر التي تجرف شواطئنا يومياً و تنهب مواردنا
بمساعدة العملاء خدم الإستخبارات المصرية. و تحتل جزء
من اراضي الشمالية و تحتل حلايب و شلاتين و أبورماد.
و مع ذلك يأتي رئيس مصر ليقول بكل صلف أنه يقف مع
السودان! أذاً ليه ما يخرج من الأراضي التي يحتلها.
مصر لحم كتافها من خير السودان و من ذهب السودان و من
ثروته الحيوانية و محاصيل. يعني كل من آوته مصر فهو
دافع مقدماً من خيراتنا.
أذا كان السيسي يقف أمامنا في بلدنا بكل صلف و بلطجة
و يفرض أجندته و هو المحتل، فلماذا يخجل ثمن السودانيين
المقيمين في مصر؟
طيب السبعة أثمان الباقيين و المتضررين من سياسة مصر
يسكتوا ليه و يخجلوا من شنو؟
أحفاد الغزاة يمارسون نهبهم للسودان كما نهبه أجدادهم
|
Post: #63
Title: Re: السيسي غالبية السودانيين يكرهونك
Author: نعمات عماد
Date: 03-07-2021, 09:23 AM
Parent: #62
رسالة إلى الإستخبارات المصرية:
لو أتقفلت الحدود يمكن استبدال المنتجات المصرية بأي دولة أخرى.
أها مصر ح تعوض ثروات السودان من وين؟
|
Post: #64
Title: Re: السيسي غالبية السودانيين يكرهونك
Author: عمر أبوعاقلة
Date: 03-07-2021, 09:43 AM
Parent: #63
سلام تاني
Quote: رحبوا معي بالأستاذ عمر أبو عاقلة
تشرفنا كتير والمنبر نور.
نتمنى أن تكون عودة دائمة لكم و لكل الزملاء الكرام العائدين.
مداخلة مهمة أخرى تضع المبضع مكان الورم و الألم.
لي عودة للمداخلة إن شاءالله. |
شكراً على الترحيب
وكتلخيص لوجهة نظري:
يجب على الدولة السودانية ترتيب البيت من الداخل
واصلاح الخلل الحاصل في منظومة الدولة السودانية
وسيتعامل معنا الآخر وفقاً لشروطنا ومصالح بلدنا
سواء مع مصر أو غيرها من الدول ، بما يضمن مصلحتنا أولاً
كسرة:
مصر كدولة ترتبط معنا في تاريخ طويل ، نيل، جوار وحياة مشتركة لها آلاف السنين
ويجب أن نفرق بين مصر النظام والحكم ومصر الجارة
والجار كأي جار في الدنيا (له ما له وعليه ما عليه)
ودمتم
|
Post: #67
Title: Re: السيسي غالبية السودانيين يكرهونك
Author: نعمات عماد
Date: 03-08-2021, 06:16 AM
Parent: #64
Quote: و لا أعتقد أنك تنسى كارثة ميدان مصطفى محمود
وهي المجزرة الدموية التي سقط فيها عددآ كبيرآ من اللأجئيين السودانيين الذين قدر عددهم بنحو 24 قتيلآ و70 جريحآ
سقطوا صرعي برصاصات رجال الشرطة، الذين جاءتهم الأوامر مباشرة من اللواء محمد ابراهيم مدير امن الجيزة بوزارة الداخلية
باخلاء الميدان من اللاجئيين السودانيين بالقوة وان استدعي الامر باطلاق الرصاص عليهم
لن ننسى يا عزيزي هذه الماساة |
فعلاً أ. خضر لن ننسى هذه الوحشة التي تعاملوا بها مع السودانيين حينها.
|
Post: #68
Title: Re: السيسي غالبية السودانيين يكرهونك
Author: نعمات عماد
Date: 03-08-2021, 06:51 AM
Parent: #67
| Quote: بلحة البرهاني صفر العداد |
يا دكتورة فعلاً السيسي جاي لفرضسياسة أمر واقع، ربط
مصير السودان بمصر ثم إثارة فتن و حروب في عدة مناطق
من السودان خاصة في غرب دارفور، الآن قامت فتنة كبيرة
في سرف عمرة فقد قامت الحكومة بتو ين التاما في أراضي
الفور و أنشأت لهم نظارة.
السيسي يهيئ نفسه ليصبح عملياً حاكم السودان و البرهان
نائب له و سيكون الدعم جاهزاً لقمع المحتاجين.
السيسي سيستغل كرت مهددات استقرار السودان لصالحه
ليفاوض به الإتحاد الأوروبي و أمريكا.
أشكر كل من ألمح لأسباب مشاكلنا الحقيقية، السيسي جزء من
المشكلة أيضاً لأن العسااااااكر الحاكمين و الذين يستغل السيسي
نقاط خلافهم مع الثوار ليضغط عليهم بل يسيطر عليهم.
السيسي و المحور جزء من مشاكلنا لأنهم يريدون ان يسيطروا
على السودان من خلال هولاء الحكام الضعفاء.
|
Post: #69
Title: Re: السيسي غالبية السودانيين يكرهونك
Author: نعمات عماد
Date: 03-08-2021, 06:59 AM
Parent: #68
تصحيح :
توطين التاما.
سيكون الدعم جاهزاً لقمع المحتاجين.
🌿🍀💐🌸
دعواتكم يا جماعة.
عندي كورونا من يوم الجمعة.
|
Post: #70
Title: Re: السيسي غالبية السودانيين يكرهونك
Author: نعمات عماد
Date: 03-08-2021, 07:22 AM
Parent: #69
Quote:
سبب زيارة السيسي لأن جبريل كوزير مالية طالب باغلاق الحدود مع مصر لمنع التهريب. |
للأسف معلومة غير صحيحة يا اسماعيل.
|
Post: #71
Title: Re: السيسي غالبية السودانيين يكرهونك
Author: Salah Zubeir
Date: 03-08-2021, 08:20 AM
Parent: #70
Quote: دعواتكم يا جماعة.
عندي كورونا من يوم الجمعة. |
ألف سلامه يا نعمات وأجر وعافية إن شاء الله ...
دخلت التجربة دي من منتصف ديسمبر لمدة
ثلاثة أسابيع سوف تظل عالقه بالذاكرة ...
نصيحتي ليك قشور الحمضيات والخضروات ...
يعني الليمون والبرتقال والقريب بي قشرو ...
واهم حاجه ما تقيفي من الأكل ... أي حاجه
يجيبوها ليك (قشيها) ... وفي وجود البروتوكول
الطبي (مضاد وفيتمينات ... الخ) برضو مسح الصدر
بالجانبين بخلطة زيت السمسم وبدرة القرض صباحا
ومساء ... بعدين كل أنواع الشوربات ... كذلك الشيات
مع البصل الأخدر وصفقو ... الفجل مع صفقو مزيل
جيد للبلغم ...
ربنا يشفيك ويقويك إن شاء الله ...
|
Post: #72
Title: Re: السيسي غالبية السودانيين يكرهونك
Author: محمد بدرالدين
Date: 03-08-2021, 09:49 AM
Parent: #71
كفارة و سلامتك
و نسال الله الشفاء العاجل شفاءا لا يغادر سقما
..
و نعتذر ف مداخلة صغيرة
على الماشى كدة ... دون التعمق
.. السيسى ربما من حسناته انو شال الاخوان من الحكم
بالرغم من اختلافنا ف الطريقة
.. كلما اتخيل الاخوان حاكمين مصر .. و الكيزان عندنا
اقف عاجزا عن تفكير ما كان سيحدث لنا ...
لا حولا ...... ابيا ابيو
..و كل تقديرى و احترامى لكم جميعا
مودتى و تقديرى
|
Post: #73
Title: Re: السيسي غالبية السودانيين يكرهونك
Author: MOHAMMED ELSHEIKH
Date: 03-08-2021, 10:23 AM
Parent: #72
لاخلاف ان هناك خلافات بيننا والمصريين لكن نحن نختلف معالناس
بشرف دون الاساءة لرموز سيادتهم .
حكاية غير مرحب بك ووقفة احتجاجية بشارع المطار غير مقبولة في الاعراف الدولية بين جيران
هم الاقرب الينا .
ممكن نفند اختلافاتنا بشتى السبل المتاحة بعيدا عن الاساءة .
اما صادراتنا لمصر فلنسأل من فرط فيها اولا .
لكم تحياتي
وياخضر نقول رحم الله العم سليمان رحمة واسعة فتلك كانت اول وآخر رحلة للدويم الجميلة زمن البانطون
|
Post: #74
Title: Re: السيسي غالبية السودانيين يكرهونك
Author: نعمات عماد
Date: 03-08-2021, 01:20 PM
Parent: #73
الأخوان صلاح الزبير و محمد بدرين مشكوربن و ربنا يتقبل الدعوات الطيبة.
|
Post: #75
Title: Re: السيسي غالبية السودانيين يكرهونك
Author: نعمات عماد
Date: 03-08-2021, 02:08 PM
Parent: #74
Quote:
لاخلاف ان هناك خلافات بيننا والمصريين لكن نحن نختلف معالناس
بشرف دون الاساءة لرموز سيادتهم |
بيننا إحتلال و ليس مجرد خلافات.
و على العموم حزبكم الذي يقيم زعيمه في مصر إذا كان يشرفه زيارة
المحتل للخرطوم لإملاء شروطه على برهان، فأن الآخرين من حقهم
أبداء رفضهم لهذه الزيارة سواء اونلاين كحالتي أو بالتواجد قرب المطار.
و هذا موقف وطني و ليس إساءة لمصر.
المهم أن الموقف من زيارة السيسي يثبت أن السودانيين منقسمين تجاه
الدور الذي تلعبه المخابرات المصرية في السودان.
|
Post: #76
Title: Re: السيسي غالبية السودانيين يكرهونك
Author: HAIDER ALZAIN
Date: 03-09-2021, 12:00 PM
Parent: #75
| Quote: دعواتكم يا جماعة.عندي كورونا من يوم الجمعة. |
كفارة وسلامات يا دكتورة دعواتنا لك بعاجل الشفاء..
ـــــــــــ..
انا مع الأغلبية السودانيـة البتكره السيسي وجماعته لكن أموت في دباديب سلمي الشيمي !.
|
Post: #77
Title: Re: السيسي غالبية السودانيين يكرهونك
Author: كمال عباس
Date: 03-09-2021, 05:19 PM
Parent: #76
سلام أأخت نعمات
مايفعله السيسي هو خط السياسة المصرية التاريخي
إنها مصر الرسمية والعقلية الخديوية والأخ الأكبر
وسودان الحظيرة الخلفية لمصر
والسودان مستودع مياه النيل
مصر دوما تفضل حكومة عسكرية تابعة وذليلة وتضيق بالديموقراطية والتعددية
-ليس خوفا من بل رأس طغاة مصر وعدوي الديموقراطية وإنما لسبب أعمق
من هذا وهو أن الديكتاتورية والعسكر بالسودان أسهل إنقيادا وتبعية لمصر وللأجنبي
- فعبود أغرق حلفا من أجل عيون مصر
ونميري كان تابعا وذليلا للسادات ومبارك ـ التكامل الفوقي والدفاع المشترك
والبشير فرط في التراب والسيادة لصالح مصر
والبشير كان محاربا بالوكالة باليمن ومنفذا لأجندة عاصفة الحزم
يعينه في ذلك حميدتي ـ مقاول أنفار عاصفة الحزم وبرهان منسق القوات السودانية باليمن في عهد الإنقاذ
- ثانيا نعم نكره سياسات وعقلية السيسي ومصر الرسمية والخديوية
ولكننا الأكثر تضررا من أخوان مصر الذين حضنو الإنقاذ منذ يومها الأول
وسوقوها خارجيا وقفوا ضد تطلعات شعبنا في الحرية والديموقراطية وهاهمى
يحتضنون الفلول في تركيا الأخوانية ـ نعم نختلف مع السيسي ولكن من أجل
مصالح شعبنا لامن أجل عيون أخوان مصر
ثالثا لسنا ضد الشعب المصري ونتطلع لعلاقة تقوم علي الندية والإحترام
المتبادل والمصالح المشتركة بعيدا عن الإستغلال والتبعيية والنظرية والتعالي
....
|
Post: #78
Title: Re: السيسي غالبية السودانيين يكرهونك
Author: نعمات عماد
Date: 03-10-2021, 11:05 AM
حيدر الزين
بفضل الله و بدعواتكم الطيبة قطعت نص مشوار التعافي.
،،،،،،
زولتك الفوق دي مشيت اشوف هي منو، لقيت بنات بلدها شانين
عليها هجوم بدعوى أنها مش و لا بد.
|
Post: #80
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-10-2021, 12:47 PM
Parent: #78
ربنا يتم الشفاء الحبيبة نعمات
وان شاء الله تعدي
|
Post: #81
Title: Re: السيسي غالبية السودانيين يكرهونك
Author: كمال عباس
Date: 03-10-2021, 02:24 PM
Parent: #80
سلام أخت نعمات
Quote: دعواتكم يا جماعة.
عندي كورونا من يوم الجمعة. |
حمدلله علي السلامة وربنا يواليك بالعافي
|
Post: #82
Title: Re: السيسي غالبية السودانيين يكرهونك
Author: HAIDER ALZAIN
Date: 03-10-2021, 04:26 PM
Parent: #81
ربنا يكمل الشفاء ويواليك بالعافية يا دكتورة
Quote: زولتك الفوق دي مشيت اشوف هي منو، لقيت بنات بلدها شانين
عليها هجوم بدعوى أنها مش و لا بد. |
بهيتة وإشانة سمعة يا دكترة،
يكونن حاقدات وحاسدات وبغرانات من أجل إنها اعادت إنتاج وتصوير البرديات المصريـة القديمة بصورة أقرب وأشبه للواقـع والحال .. وإن كره الافروسنتريك ؛)
|
Post: #83
Title: Re: السيسي غالبية السودانيين يكرهونك
Author: نعمات عماد
Date: 03-11-2021, 08:25 AM
Parent: #82
دكتورة إخلاص و أ. كمال عباس،
تسلموا و ربنا ما يحرمنا من دعواتكم.
Quote:
مايفعله السيسي هو خط السياسة المصرية التاريخي
إنها مصر الرسمية والعقلية الخديوية والأخ الأكبر
وسودان الحظيرة الخلفية لمصر
والسودان مستودع مياه النيل
مصر دوما تفضل حكومة عسكرية تابعة وذليلة وتضيق بالديموقراطية والتعددية
-ليس خوفا من بل رأس طغاة مصر وعدوي الديموقراطية وإنما لسبب أعمق
من هذا وهو أن الديكتاتورية والعسكر بالسودان أسهل إنقيادا وتبعية لمصر وللأجنبي
- فعبود أغرق حلفا من أجل عيون مصر
ونميري كان تابعا وذليلا للسادات ومبارك ـ التكامل الفوقي والدفاع المشترك
والبشير فرط في التراب والسيادة لصالح مصر
والبشير كان محاربا بالوكالة باليمن ومنفذا لأجندة عاصفة الحزم
يعينه في ذلك حميدتي ـ مقاول أنفار عاصفة الحزم وبرهان منسق القوات السودانية باليمن في عهد الإنقاذ
- ثانيا نعم نكره سياسات وعقلية السيسي ومصر الرسمية والخديوية
ولكننا الأكثر تضررا من أخوان مصر الذين حضنو الإنقاذ منذ يومها الأول
وسوقوها خارجيا وقفوا ضد تطلعات شعبنا في الحرية والديموقراطية وهاهمى
يحتضنون الفلول في تركيا الأخوانية ـ نعم نختلف مع السيسي ولكن من أجل
مصالح شعبنا لامن أجل عيون أخوان مصر |
يا أ. كمال عباس شكراً للتفصيل.
اذا كان استغلال و إضعاف الدولة السودانية هي من ثوابت الإستراتيجية المصرية،
فكيف لم تظهر أولوية لاستراتيجية مضادة على مر الحكومات التي تعاقبت على السودان؟
كم حكومة عميلة تعاونت مع المخابرات المصرية ضد مصالح الشعب السوداني؟
من سردك يتضح فعلاً أن السودان دولة يحكمها العملاء و المخابرات المصرية.
كل حزب يقدم مصلحته و مصلحة مصر على الشعب السوداني فهو خائن.
كل مليشيا مسلحة تقدم مصلحتها و مصلحة مصر على الشعب السوداني فهم خونة.
كل مجرم هارب من العدالة يستقوى بالمخابرات المصرية فهو مجرم و خائن.
أما الأخوان رغم كراهيتنا لما فعلوه بالسودان، فالسيسي لا يختلف عنهم إلا في
المحور المضاد لمحور الأخوان، أي تركيا، قطر.
السيسي الآن يستولي على قرارنا و جغرافيتنا و مستقبل أجيالنا القادمة بمساعدة
برهان و حميدتي و ربما قوش. أنه يسعى لخلق تاريخ من العداء و الكراهية
بيننا و أثيوبيا يماثل عداء مصر لأثيوبيا. و في نفس الوقت يضع أصابعه داخل
عيون الشعب السوداني كأنه يتحداهم بأن حلايب و شلاتين ملك لمصر و لا
يحلم أحد بغير ذلك.
نظام الكيزان هو المسئول الأول و الأخير عن إحتلال حلايب و شلاتين و غيرها.
و هو المسئول عن الحصار و هو الذي دمّر الإقتصاد بفساده. وهو الذي خلق
المسخ المشوهين الذي يحكموننا كوكلاء للسيسي و بن زايد و بن سلمان.
نحن علينا واجب تغيير هذا الواقع البائس بالكلمة أولاً حتى لا تستسلم
الأجيال القادمة لنفس المصير و تصبح رهينة عند المخابرات المصرية.
|
Post: #84
Title: Re: السيسي غالبية السودانيين يكرهونك
Author: اخلاص عبدالرحمن المشرف
Date: 03-12-2021, 00:23 AM
Parent: #83
دكتاتور المخروسة لا عهد ولا أمان له
مخروسة بالقمع
اخرست فلا صوت ولا ارئكم الا ما أري
منذ الازل هي مخروسة
|
|