Post: #1
Title: الخارجية ترد عليكم في تصريحات وزيريتها
Author: زهير عثمان حمد
Date: 03-04-2021, 03:24 PM
02:24 PM March, 04 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخارجية السودانية توضح حقيقة تصريحات الوزيرة “مريم الصادق” في القاهرة
04/03/2021 أقل من دقيقة
الخرطوم: سودان برس
قالت وزارة الخارجية السودانية أنّه تمّت إساءة عرض مضمون حديث الوزيرة مريم الصادق، خلال زيارتها لجمهورية مصر ، وتم تناولها بصورة غير موضوعية.
وأوضحت الوزارة في بيان لها، أن الغرض في نشر مقاطع مقتطعة من التسجيل المصور قصد منه إبراز المعاني الواردة فيما يروج له البعض حول الأمر.
وأوضحت أنّ حديث الوزيرة كان حول الاستغلال المشترك للموارد خدمةً لمصالح الأطراف المتشاركة، والالتزام بنهج التعاون كخيار للعلاقات بين الدول.
وأكدت أنّ الوزيرة تضع نصب أعينها أهداف الثورة ، من السيادة غير المنقوصة والاستقلال غير المشوب ، وأمن وسلام واستقرار والشعب السوداني.
والأربعاء، تداول ناشطون على مواقع التواصل الاجتماعي مقتطف من حديث لوزيرة الخارجية مريم الصادق خلال زيارتها لجمهورية مصر.
ووجدت التصريحات انتقادات لاذعة بإعتباره يمثل تفريط في سيادة السودان على أراضيه.
|
Post: #2
Title: Re: الخارجية ترد عليكم في تصريحات وزيريتها
Author: Abureesh
Date: 03-04-2021, 04:56 PM
Parent: #1
Quote:
وأوضحت أنّ حديث الوزيرة كان حول الاستغلال المشترك للموارد خدمةً لمصالح الأطراف المتشاركة، والالتزام بنهج التعاون كخيار للعلاقات بين الدول. |
هسى لو سكتوا موش كان أحسن.. بيان لا تفهم منه أى شئ.. بعدين حكاية الإستغلال المشترك دا.. هل مصر مشاركانا مواردها برضو.. هل مصر مشاركانا وتشارك علماءنا فى تقنية الصواريخ البالستية
التى عملت لها معامل.. أو تقنيتها النووية (السلمية)؟ كلام مريم لا يقدر أحد أن يدافع عنه.. indefensible
| Quote: قالت وزارة الخارجية السودانية أنّه تمّت إساءة عرض مضمون حديث الوزيرة مريم الصادق |
يا النبى نوح! إساءة (عرض) (مضمون) (حديث الوزيرة) ممكن نساعدهم.. إساءة عرض مضمون معانى محتوى الحديث.. بالله الناس ديل كان واحد ماسك ليهم بندقية عشان يكتبوا الكلام الفارغ من (المضمون) دا؟
| Quote: وأكدت أنّ الوزيرة تضع نصب أعينها أهداف الثورة ، من السيادة غير المنقوصة والاستقلال غير المشوب ، وأمن وسلام واستقرار والشعب السوداني. |
هههههههه
الزول الكتب الكلام دا كان مورود ؟ ماله يرجف كدا؟
|
Post: #3
Title: Re: الخارجية ترد عليكم في تصريحات وزيريتها
Author: Abureesh
Date: 03-04-2021, 05:05 PM
Parent: #2
| Quote: وأوضحت الوزارة في بيان لها، أن الغرض في نشر مقاطع مقتطعة من التسجيل المصور قصد منه إبراز المعاني الواردة فيما يروج له البعض حول الأمر. |
يا زهير قول والله دا ما كلام واتساب.. أكاد لا أصدق ان هذا بيان الوزارة.. وبيان تصدره الوزارة لازم ينشر فى التلفزيون وســـونا على الأقل. شنو مقاطع مقتطعة مقاطيع منتقع .. شنو إبراز المعانى
أراهنك بعشرة جنيه لو البيان دا صاح.
|
Post: #4
Title: Re: الخارجية ترد عليكم في تصريحات وزيريتها
Author: elsawi
Date: 03-04-2021, 05:05 PM
Parent: #2
الإعتذار عن الخطأ كان افضل من محاولة التبرير البائسة
شكراً زهير
|
Post: #5
Title: Re: الخارجية ترد عليكم في تصريحات وزيريتها
Author: علاء سيداحمد
Date: 03-04-2021, 05:12 PM
Parent: #4
Quote: الخرطوم: سودان برس
قالت وزارة الخارجية السودانية أنّه تمّت إساءة عرض مضمون حديث الوزيرة مريم الصادق، خلال زيارتها لجمهورية مصر ، وتم تناولها بصورة غير موضوعية.
وأوضحت الوزارة في بيان لها، أن الغرض في نشر مقاطع مقتطعة من التسجيل المصور قصد منه إبراز المعاني الواردة فيما يروج له البعض حول الأمر.
وأوضحت أنّ حديث الوزيرة كان حول الاستغلال المشترك للموارد خدمةً لمصالح الأطراف المتشاركة، والالتزام بنهج التعاون كخيار للعلاقات بين الدول.
وأكدت أنّ الوزيرة تضع نصب أعينها أهداف الثورة ، من السيادة غير المنقوصة والاستقلال غير المشوب ، وأمن وسلام واستقرار والشعب السوداني. |
تبرير بائس وفطير ياريت لو مارديتو وعملتو رايحين .
تبريراتكم اسوأ من اقوال الوزيرة .
|
Post: #6
Title: Re: الخارجية ترد عليكم في تصريحات وزيريتها
Author: زهير عثمان حمد
Date: 03-04-2021, 05:13 PM
Parent: #4
يا هندسة ابوالريش
والله ما في زول فاضي يضيف ولا يغيير ف بيان الخارجية ممكن تدخل موقع الخارجية تجيب الاصل
|
Post: #7
Title: Re: الخارجية ترد عليكم في تصريحات وزيريتها
Author: امتثال عبدالله
Date: 03-04-2021, 05:48 PM
Parent: #6
اكيد ده ما بيان صادر من وزارة خارجية محترمة تحترم العقول..
.واكيد ده بيان صادر من قروبات الواتساب،،،،
لكن اذا ثبت انه صادر من وزارة الخارجية السودانية ، فالافضل اغلاق هذه الوزارة بالضبة والمفتاح لان السودان اساسا ما محتاج لوزارة خارجية،،، لان الوزارة دي ما فيها منفعة للسودان لكن ضياع عملات صعبة على الفاضي،،، والافضل ان نشتري رغيف بهذه العملات الصعبة ...
وكفاية لحدي هنا ...وما فضل لينا جهاز ولا خلية من خلايا الجسم شغالة .....فكلها انفقعت....
|
Post: #8
Title: Re: الخارجية ترد عليكم في تصريحات وزيريتها
Author: Abureesh
Date: 03-04-2021, 06:04 PM
Parent: #7
يا إمتثال هو فى وزارة خارجية عشان يصدر منها بيان؟ ههههههه.. زهير انت زول كعب خلاص.. قلت لى الخبرفى وزارة الخارجية أمشى أشوفه.. يا أخوانا تعالوا شوفوا موقع وزارة الخارجية عشان تعذروا الوزيرة مرة واحدة..
https://mofa.gov.sd
|
Post: #9
Title: Re: الخارجية ترد عليكم في تصريحات وزيريتها
Author: Abureesh
Date: 03-04-2021, 06:16 PM
Parent: #8
يا ناس أعلام مجلس الوزراء.. بدل تدافعوا الدفوعات الفاشلة ضد منتقدى الوزيرة، تعالوا حللوا مرتباتكم وأعملوا موقع للوزارة..
شوفوا الفضائح دى.. ياخ العالم كله، لما ما يكون الموقع ما جاهز يكتبوا عبارة تحت الإنشاء.. under construction
|
Post: #10
Title: Re: الخارجية ترد عليكم في تصريحات وزيريتها
Author: Abureesh
Date: 03-04-2021, 06:21 PM
Parent: #9
ألذ حاجة عبارة click here
اللهم انى استغفرك وأتوب اليك..
|
|