Post: #1
Title: حقو كانت قبل ما تتشوبر تستمع لمحاضرات مادلين اولبريت عشان ضقل خارجيتنا ما يتلولح
Author: Osman Musa
Date: 03-04-2021, 07:39 AM
Parent: #0
06:39 AM March, 04 2021 سودانيز اون لاين
Osman Musa-
مكتبتى
رابط مختصر
العدو والصديق يذكر الداهية كيسنجر بالخير .
وكلنا تابعنا كل ما كتب عن نجم الخارجية الأمريكية توماس جيفرسون.
وتابعنا يوم احتفلن بنات بروكلن السمحات بالسمحة المرحلة للخارجية
مادلين اولبريت .
( تيت تيت مادلين حديد)
نجمات و نجوم سياسة كتار في العالم تحكروا في قلوب الناس
من الشقيقة أنغولا الوزير مانويل دومينغوس اوقستو .
ومن فنزويلا Jorge A .
ومن السودان الشعراء والسياسيين النجوم ناس جمال محمد احمد
والسفير القدير الجميل الحردلو .
..
غايتو حمدوك بالغ في جيبتو للمنصورة التي هترشت في دبنهور .
..
|
Post: #2
Title: Re: حقو كانت قبل ما تتشوبر تستمع لمحاضرات �
Author: أبوذر بابكر
Date: 03-04-2021, 10:06 AM
Parent: #1
و غروميكو الروسي السوفياتي
وحتى كمان صباح الأحمد ايام كان وزير خارجية
وبوتفليقة قبل ما يبقى رئيس
وعييييك
ثم
مريم الأخرى
ما الليلت محمود درويش
الليلتنا نحن
و (الغفز) بالزانة نحو الأسفل
من محمد أحمد محجوب الى ما نحن عليه الآن
ازيك يا ابو عفان وكيفنك
خليها على الله بس
|
Post: #3
Title: Re: حقو كانت قبل ما تتشوبر تستمع لمحاضرات �
Author: Osman Musa
Date: 03-04-2021, 12:28 PM
Parent: #2
أخونا أستاذ ابوذر
سلامات
عمتك مادلين اولبريت في زيارة لندن جابوها تتكلم عن العلاقات بين uk
وأمريكا .
من بعد التحية دخلت في دردشة طويلة عن شاعر الانجليز العتيد وليم بليك
من بدايتو ولاعن رحيلو في لندن في العام 1827
من ديك الليلة انطلقت محبة الانجليز لعمتك مادلين.
الحديث عن وليم كفاهم عن البحتيبة والتفتيش عن ثقافة مادلين.
..
مريم حقاتنا جكنت بين الفشقة وحلايب من أول مقابلة .
..
معقولة ياخ ؟
|
Post: #4
Title: Re: حقو كانت قبل ما تتشوبر تستمع لمحاضرات �
Author: محمد الأمين موسى
Date: 03-04-2021, 01:22 PM
Parent: #3
أخي العزيز أبا عفان، الدنيا دي تحتاج دائما للتناغم والانسجام: فلمّا يكون عندك في حراسة المرمى حميدتي وفي الوسط إعلام كارب، الهجوم الخارجي لازم يكون كده!
(شكرا إخوتنا السوادنة لأنكم تشاركون معنا في الكاميرا الخفية)
|
Post: #5
Title: Re: حقو كانت قبل ما تتشوبر تستمع لمحاضرات �
Author: Osman Musa
Date: 03-04-2021, 08:21 PM
اخي الكريم د. محمد الأمين
سلام
التناغم معدوم في مشروع نشيد د. حمدوك .
شتارة الترضيات كتلت رزم الشغل كلو .
كان خارجية كان داخلية كان مالية . البلد مقشوطة جواسيس
من كل مكان .
السودان يا أخ محمد محتاج صرامة وأمانة وإخلاص.
ليك الله يا سودان .
|
Post: #6
Title: Re: حقو كانت قبل ما تتشوبر تستمع لمحاضرات �
Author: Osman Musa
Date: 03-05-2021, 06:22 AM
Parent: #5
ويضحك حتي السمك في رد خارجية النيلين الأزرق والأبيض.
حتي الخارجية نفسها تشوبرت في الدفاع عن افندية الفترة الانتقالية.
|
|