Post: #1
Title: ألف مرحب بالأشقاء المصريين والأحباش في بيتهم السـودان..
Author: HAIDER ALZAIN
Date: 03-03-2021, 07:13 AM
06:13 AM March, 03 2021 سودانيز اون لاين
HAIDER ALZAIN-
مكتبتى
رابط مختصر
كان ما شالتهم الواطـة تشيلهم ريسـان الأفسال ..
وقيـل النفوس كان اتطابت الفدان بيشيـل تلاتة ..
والماعاجبو يقع يقوم على كيفو .!
مودتي ،
|
Post: #2
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-03-2021, 07:18 AM
Parent: #1
الود والترحيـب منفصل عن تجليط وجلبقة الست مريـم السيد الصادق السيد الصديق السير عبدالرحمن الامام المهدي رضي الله عنهم.. والتي يبدو لي لي إنها حُرقت أو إحترقت ذاتياً..
أو كما قيـل في الأثر: تكلم حتى أراك ..
|
Post: #3
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-03-2021, 07:21 AM
Parent: #2
ياللا.. بعد كدة تجي اللعنة .!
كم سياسي ومسئول سوداني وقائد حزبي على مدى العقود من سنة المك حي لغايـة اليـوم قدم هذه الدعوة والنفس الأريحية المضيافة للسادة المصريين..
وفي كم مصري جاء ؟!
|
Post: #5
Title: Re: ألف مرحب بالأشقاء المصريين والأحباش في بي
Author: Biraima M Adam
Date: 03-03-2021, 07:26 AM
Parent: #3
ول أبا حيدروف
سلام
الحبش نهي نهى .. إلا الأمهرا .. لأنهم عرب يمينون .. والتغراي أمرهم موقوف إلي حين الأفادة.
الرجاء الأفادة بما يفيد تحقيق المرسلون.
شيخ العرب
بريمة محمد أدم بلل.
|
Post: #8
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-03-2021, 07:35 AM
Parent: #5
شيـخ العرب بريمة ..مرحبا حبابك
وحباب اليمن والحبش والخاسا .. ما تابا زول
الناس ديل كلهم ولادنا يا الحبيب بس طاشين شبكة.. واسأل بشاشا ههههههه
حيدر الزين
وزارة العقارات وسمسرة الأراضي .
|
Post: #4
Title: Re: ألف مرحب بالأشقاء المصريين والأحباش في بي
Author: ترهاقا
Date: 03-03-2021, 07:25 AM
Parent: #1
طالما قالت بت الصادق كدة ، ماعندنا مشكلة ، إن شاء الله يجو يزيفوا باقي الجنيهات
اللي عندنا ، ويجي بن زايد رئيساً للسودان والسيسي يغسل ليهو كرعينو، ويجي فلان داك
تووووش يجدع باقي الغسيل في الشارع ، ويتلم الذباب ، وأي ذباب!!!!!
|
Post: #6
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-03-2021, 07:30 AM
Parent: #4
ترهاقا سلامات .. .. دقيقة المرة الفاتت
إتكجيَنا في قصة البـدون ديت ولا بدوني ما جاء والجوازات البايـرة جاء شالوها السوريين ساي وطلعنا كيت 
كدي يمكن المرة دي مع اولاد بمبة والاحباش الأرض الفاضية دي نلقى ليها مشترى..
|
Post: #7
Title: Re: ألف مرحب بالأشقاء المصريين والأحباش في بي
Author: ترهاقا
Date: 03-03-2021, 07:32 AM
Parent: #6
مشتري مين، المسألة بقت ببلاش
|
Post: #9
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-03-2021, 07:39 AM
Parent: #7
| Quote: مشتري مين، المسألة بقت ببلاش |
لا لا بت اللمام نجيضة بتكون مشركة ليهم ساي بالبلاشية دي
وبعد يجو يعمروا الأرض نحن نقوم نبقى تحررين نأممها ونصادر الحرث والنسـل..
بالضبط كما نفعل الآن مع الشيـخ الراجحي وما شابه.
|
Post: #10
Title: Re: ألف مرحب بالأشقاء المصريين والأحباش في بي
Author: زهير عثمان حمد
Date: 03-03-2021, 07:58 AM
Parent: #9
أنا غضبان وانت زول كعب كمان
ليه كدا انت وبيما الوهمي عايزين تصيعونا
وتهملوا في البلد
بيننا مشاكل
نحن ما بنقبل بالحاصل دا الحرب الحرب الحرب
|
Post: #11
Title: Re: ألف مرحب بالأشقاء المصريين والأحباش في بي
Author: Biraima M Adam
Date: 03-03-2021, 08:07 AM
Parent: #10
| Quote: نحن ما بنقبل بالحاصل دا الحرب الحرب الحرب |
أنت عارف يا ود الخواجية، هؤلاء الأحباش هم سبب مشاكل السودان تأريخياً ..
النوير، أهل العبار دينق .. هم سبب الحروب التى فصلت الجنوب .. جاءوا من هضبة الحبشة .. وهبوطوا علي نهر السوباط وطردوا الدنيكا جنوباً إلي بور وغرباً إلي أبيي .. وشعللوا فينا المشاكل!
المرة دي مرقوا فينا الحبش جد جد .. الأمهرا والتغراي .. وأنسال أخري منهم ..
أحسن نفرزوا السمحين من الشينين .. نقمعوا الشينين كع بضهر إيدنا .. والسمحين مثل الأمهرا نقولوا تعالوا جاي .. أولاد عمومتنا ..
نتزوجوا نساءهم جت .. ونلدوا لهم سودانين شينين .. يضطر الرجال يرجعوا الحبشة للزواج من هناك .. وغادي غادي ..
ونكون ضربنا عصفورين بحجر ..
حيدروف .. بيع ساكت .. لكن خليك مفتح ..
بريمة
|
Post: #12
Title: Re: ألف مرحب بالأشقاء المصريين والأحباش في بي
Author: زهير عثمان حمد
Date: 03-03-2021, 08:14 AM
Parent: #11
طموحاتك جربانه جدا
زواج شنو وأمهرة منو
انت ما قلت السودان جميل وناسو اجمل بالله ابقي علي راي
وما تكون تابع لحيدر الزين ساي
|
Post: #20
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-04-2021, 07:36 AM
Parent: #12
زهيـر وبريـمة
ما فهمت شئ .. هل ابيع بالدولار والا بيع مقايضة بالجواري الحسان والغلمان :)
|
Post: #13
Title: Re: ألف مرحب بالأشقاء المصريين والأحباش في بي
Author: Salah Zubeir
Date: 03-03-2021, 08:42 AM
Parent: #10
الإتساق والإلتزام والإحترام ...
(شيخنا)* ود الزين خلني أعاين من زاوية (منفرجه) ...
المخابرات المصرية مدوره حكامنا منذ الأزل ومن داخل
الخرطوم لو ما من داخل غرف نومهم ...
أي حاكم او مواطن عادي سوداني عسكري أو مدني ،
يميني أو يساري مما ينزلو القاهرة جيمنا ينطقوها قاف
وقافنا ينطقوها ألف ... ومن منهم لم ينقص وزنه نظريا
وهاك يا خفة دم وخفة عقل وخفة قلب وعاطفة (يافتاتي) ...
قبل شهرين لا غير كانت بوستات الاستنكار والشجب
لقيام علاقات مع إسرائيل والبكاء على عروبتنا واليوم
تنقص بوستات ستي مريم المطالبة بي إسرائيل كحليف
إستراتيجي ... البيحصل دا نتيجة طبيعية لضعف
الهوية السودانية وضعف الإنتماء لهذا البلد ...
* (شيخنا) علي حسب تصنيف ود البشرى أمس فأنت كوز متميز ...
فإذا كنت (راكز) فأنت يساري لا يشق له غبار ...
تحياتي ود الزين ...
|
Post: #14
Title: Re: ألف مرحب بالأشقاء المصريين والأحباش في بي
Author: Abureesh
Date: 03-03-2021, 09:25 AM
Parent: #13
Quote: البيحصل دا نتيجة طبيعية لضعف
الهوية السودانية وضعف الإنتماء لهذا البلد ... |
دقيت المسمــار فى الرأس، يا ود الزبير.. وهذه نتيجتها إما تفكيك السودان الى دويلات، أو قيام فتنة عمياء بكماء لا تبقى ولا تذر
|
Post: #15
Title: Re: ألف مرحب بالأشقاء المصريين والأحباش في بي
Author: ترهاقا
Date: 03-03-2021, 10:01 AM
Parent: #14
Quote: قبل شهرين لا غير كانت بوستات الاستنكار والشجب
لقيام علاقات مع إسرائيل والبكاء على عروبتنا واليوم
تنقص بوستات ستي مريم المطالبة بي إسرائيل كحليف
إستراتيجي ... ا |
ناس حزب الامة افتكر كانو معارضين للتتطبيع يا أخ صلاح
|
Post: #17
Title: Re: ألف مرحب بالأشقاء المصريين والأحباش في بي
Author: Salah Zubeir
Date: 03-03-2021, 12:36 PM
Parent: #15
Quote: واليوم تنقص بوستات ستي مريم المطالبة بي إسرائيل
كحليف إستراتيجي . |
حبابك ترهاقا ....
لم أقصد حزب الأمة او السيدة مريم وإنما قصدتا
البوستات العديدة المفتوحة بإسم مريم الصادق ...
|
Post: #16
Title: Re: ألف مرحب بالأشقاء المصريين والأحباش في بي
Author: طلحة عبدالله
Date: 03-03-2021, 10:05 AM
Parent: #14
بصراحة شديدة ووضوح متناه
أنا الحارقني وقوف مريم بت الشموخ قدام (استاذها)
شكري أو أيا كان اسمو وبعضا من اعلام الشو المصري متراجفة متراقطة
كما يقف تلميذ ابتدائي ليلقي عصيدة شعرية في جمعية
أدبية بالمدرسة الأبتدائية.
................
ان الله يعطى من يشاء ويذل من يشاء
|
Post: #18
Title: Re: ألف مرحب بالأشقاء المصريين والأحباش في بي
Author: Mahjob Abdalla
Date: 03-03-2021, 01:37 PM
Parent: #16
Quote: البيحصل دا نتيجة طبيعية لضعف
الهوية السودانية وضعف الإنتماء لهذا البلد |
سلام حيدر و صلاح و كل زوار البورد
في العقل الباطنى للسيدة مريم, التهديد المتوهم من العنصر الزنجى للعنصر العربى (كمعضلة داخلية يلوكها السودانيين), حولتها الي نطاق القارة العريض.
اى ان المشكلة ليست مياه سد النهضة بل محاربة العنصر العربى في افريقيا علي مستوى الدول الافريقية و معهم الاتحاد الافريقي.
وقوفها مع مصر من منطلق نحن العرب لبعضنا البعض ضد اثيوبيا و كل افريقيا و لذلك طالبو بتدخل مجموعة دولية و لا يثقون في الاتحاد الافريقية لحل المشكلة.
خلاصتو مشكلة السودانيين و عدم وطنيتهم هو تقديم العروبة علي الوطنية السودانية.
|
Post: #21
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-04-2021, 08:03 AM
Parent: #16
الحبيب طلحتوف.. سلامات ..
Quote: بصراحة شديدة ووضوح متناه
أنا الحارقني وقوف مريم بت الشموخ قدام (استاذها)
شكري أو أيا كان اسمو وبعضا من اعلام الشو المصري متراجفة متراقطة
كما يقف تلميذ ابتدائي ليلقي عصيدة شعرية في جمعية
أدبية بالمدرسة الأبتدائية. |
هادي ستي الحكومة..
شوف جنس الخطاب الإتقدم ليها قبال تقيف وقفتها دي عشان تعرف اولاد بومبا نفخوها كيف عشان تشبكهم يا استاذي
ويا اخوي الكبير وتتمحلس بود مصطنع.
“مريومة ست الحكومة” هكذا كانت تدلل السيدة سارة الفاضل صغيرتها مريم الصادق المهدي، في نبوءة مبكرة لمستقبل ابنتها، التي أصبحت وزيرة خارجية السودان، تشارك اليوم في اجتماع وزراء الخارجية العرب بالقاهرة.
في طفولتها وصباها لفتت مريم الأنظار، وحازت على إعجاب الجميع، لنجابتها وشخصيتها الاجتماعية المحبوبة.
وفي شبابها بعد دراستها للطب، انضمت لصفوف المعارضة السودانية في أسمرة، ثم عادت إلى الخرطوم، لتقاوم نظام الجبهة الإسلامية من الداخل، تتقدم المظاهرات غير هيابة، وفي إحداها هشم رجال أمن البشير ذراعها بهرواتهم الغليظة، واعتقلت مرات عديدة، وقد زرتها يوما في سجن النساء بأم درمان، وأشفقت عليها كثيرا وهي تحتضن رضيعها في الزنزانة.
تدرجت مريم في صفوف حزب الأمة القومي إلى أن أصبحت نائب رئيسه ومسئول العلاقات الخارجية، وبرز نجمها في صفوف المعارضة، وشاركت في تأسيس تحالف عريض ضد نظام البشير، ساهم في خلخلة أركان حكمه، وانتصار الثورة السودانية.
اتصلت بي الدكتورة مريم عام 2000 لتبلغني دعوة والدها رحمه الله لأكون ضمن وفد حزبهم العائد إلى السودان، وعند وصولي إلى الخرطوم أصرت والدتها أن أسكن في حجرة الدكتورة مريم ببيتهم في أم درمان، وعشت 12 يوما بين جوانب حياتها متعددة الأبعاد، الطبيبة والسياسية والمناضلة، بين ملابسها الأنيقة، ومكتبتها العامرة.
وهي سياسية موهوبة، لها صلات عميقة بكل ألوان الطيف السوداني والعربي والأفريقي والدولي، وهي شخصية ديناميكية صاحبة أفكار وأطروحات متقدمة، وأتوقع رغم الصعوبات العديدة في السودان أن تنجح الدكتورة مريم نجاحا باهرا في خدمة قضايا السودان في هذه المرحلة الانتقالية الصعبة، وهي تمضي محفوفة بدعوات أحبائها وأصدقائها الذين يتمنون لها النجاح في مهمتها الاستثنائية.
أسماء الحسيني
|
Post: #19
Title: Re: ألف مرحب بالأشقاء المصريين والأحباش في بي
Author: HAIDER ALZAIN
Date: 03-04-2021, 07:30 AM
Parent: #13
سلامات وتحية جميعا.
Quote: المخابرات المصرية مدوره حكامنا منذ الأزل ومن داخل
الخرطوم لو ما من داخل غرف نومهم ... |
صدقني يا جنابو في كتيريـن لا مخابرات ولا مصريين ما شغالين بيهم الشغلة ..
بيتحكحكو ويتلصقوا وينبطحو تـعر** بس وهبل وعادة.. عشان يلفتو النظر ليهم.
ودا مبني على فهم العقل الجمعي لورثة الاستعمار انه رضا قاطن قصر الاتحادية اول شروط الاقامة بقصر غردون.
بالاضافة طبعاً لشعارات القرون المنصرمة والأمم البائدة عن الهم المشترك والامن العربي والوحدة والتكامل وهيك خرابيط
إتكاثرت وتوالدت وتناسلت زي كرونا في بيئة الحرب الباردة .
وغايتو لوزيرتنا الكنداكة بذكرها بالقول : يا بت المهدي ما كان جِدك رجلُ سوء ولا كان امرئ إنهزاميا.. فلا تركني لأولاد بومبا ولا تقابليـهم وانتي مرخية..
عسى بعد ذلك تكون عند شعب الشناف ويخسي رضياً مرضياً.
اما موضوع الهوية السودانية فدا لازم نخاطب فيهو جذور المشكلة وأساس الحل وهي البتبدأ منو الكان اول البيضة ام الدجاجة؟!
|
|