|
Re: بعد كدا أعملوا حساب الخلايا النائمة (Re: طلحة عبدالله)
|
Quote: يا ريس شنو اعلان سوق النساء دا ؟؟ |
هههههههههههههههههههههه يا كيشة دي اعلانات قوقل الريس ما ليه علاقة بيها العندو بيها علاقة انت و كنت بتتصفح في شنو و دخلت يا تو صفحات قوقل بعمل ليك بروفايلنق و يجيب ليك الحاجات البتحبها شوف الوداك سوق النسوان شنو يا شليق
| |
|
|
|
|
|
|
Re: بعد كدا أعملوا حساب الخلايا النائمة (Re: طلحة عبدالله)
|
بالنسبة لموضوع البوست فدا مجرد توقع من توقعاتي التى لا تخيب والناس لو ما عملت حسابا بكرة الموية تكضب الغطاس وتقولوا أنا قلت وقد اعذر من أنذر ............. كثفوا المراقبة وكتروا حبوب النوم عشان الخلايا دي تفضل نايمة ع طول .
| |
|
|
|
|
|
|
Re: بعد كدا أعملوا حساب الخلايا النائمة (Re: طلحة عبدالله)
|
خش الرابط دة google.com/settings/ads كان لقيت فيه حاجة عندها علاقة بالإعلان المذكور صدق البشرى وأنت من الكاذبين وممكن بي تحت تحت كدة تلغي تخصيص الاعلانات من الزر الفي أعلى الصفحة ومكتوب فيه (Ad personalisation is ON) وإن ما لقيتها معناها دة اعلان جابو درب الكلمات المفتاحية للموقع أو بحسب طلب صاحب الإعلان
وممكن تريح بالك نهائياً من الامتحانات بإنك تزور الموقع دة adblockplus.org وتنزل الإضافة بتاعتهم في متصفحك
| |
|
|
|
|
|
|
Re: بعد كدا أعملوا حساب الخلايا النائمة (Re: محمد حمزة الحسين)
|
با أحمد أنت جاااااادي ؟ والله ما عندي اخلاق للتقصي العنكبوتي دا ولا بحاول ذاتو ثم أنو جرجير دا واحد حاقد بتاع نبيشة بفتش على عيب الورد ليهو سنين .. الشاهد انو الاعلانات دي بتظهر لي اشكال وألوان كل ما أفتح بوست ما قاصرة بس على سوق النساء دا أسواق كتيرة غيرا أول مرة أعلم بأمرها . ............. بس.
| |
|
|
|
|
|
|
Re: بعد كدا أعملوا حساب الخلايا النائمة (Re: أحمد محمد عمر)
|
Quote: ضغطت ارسال ومشيت شربت موية جيت لقيتو مافيش |
ههههههههههههه قتا لي إتلحس ... هههههه ... قبل أكتر من ١٠ سنة عندنا صاحبنا النوع (العاطفي) جدا استضاف صاحبو وصاحبنا برضك بعد المغرب في منزله في بلاد الغربه ... الطربيزه قدامن فيها كل حاجه ... إستأذن صاحب الدار ضيفه للذهاب للتوليت ... جا راجع لقا ضيفو إتوفى ... قريب ٣ شهور الزول دا وسط الدموع والنخجي يقول هن ٤ دقايق مشيت بولتا بول مويه ... وبعدها حليفه مغلظه ... والله العظيم بول مويه بس ... قتا مشيت تشرب ... قووووول والله ... إن شاء الله جبتا سيرة :- (شباك) بتاع (وجه) (الكتاب) طلحه تحياتي ....
| |
|
|
|
|
|
|
Re: بعد كدا أعملوا حساب الخلايا النائمة (Re: طلحة عبدالله)
|
يا هناي طلحة دة ما تشتغل بيه تعال النحكي ليك دي :) صلاح الزبير دة عندو قريبه كان فني معامل في جامعة شندي شغال فيها من زمن كانت معهد لما مشيت ليها زائر كان خلاها ليه فترة لكن اسمه محفوظ كاحرف من لعب الكوتشينة في نادي الأساتذة .. وخلد اسمه بعبارة صارت مثل بستخدموها كل البلعبو هناك ما عارف اسمه الأول منه لكن معروف بإسم باسبار كان براقب اللعب وبحفظ البوايظ وبعرف أي زول في يده شنو أها أول ما الزول البي يمينه يقفل ويقعد يهابي ويكون شكلو ظاهر راجي الخمسين بعاين ليه باستهتار كدة ويطلع ليه الكرت القافل عليه بالإسم من نص ورقه ويقول ليه: شايف الكرت دة؟ دة ما بنزل إلا في فُراش باسبار يعني أنا حي كدة ما بتشمو إلا أموت ويفرشو علي حتى تتعشم فيه :) الشباب كلهم مسكوها .. أي زول داير يحندكك بي كرت يقول ليك دة ما بنزل إلا في فراش باسبار
أها دحين يا شاب بعد شغل التقفيل بتاع الريس دة تاني ما بتشوف اسمك في الاونلاين إلا في فُراش سيد الاسم
| |
|
|
|
|
|
|
Re: بعد كدا أعملوا حساب الخلايا النائمة (Re: أحمد محمد عمر)
|
كتب أحمد محمد عمر Quote: يا هناي ورجغك ورجغك ورجغك بلا بلا نق نق نق عاك عوك
|
يا جماعة دا بوست فكري ذات نظرة مبعدية ضاربة في العمق، فاااااااااااشنو.. ونسة اللساتك أجلوها الوطن في مرحلة مفصلية فارقة خخخخخخخ ............. هداكم الله
| |
|
|
|
|
|
|
|