Post: #1
Title: يا جماعة الخير, في زول(ة) يشرح لينا عملية التحويل عبر البنوك, I want to do my part
Author: Mahjob Abdalla
Date: 02-28-2021, 09:32 PM
Parent: #0
08:32 PM February, 28 2021 سودانيز اون لاين
Mahjob Abdalla-
مكتبتى
رابط مختصر
لو امكانية اشرحو لينا تفاصيل التحويل من الخارج.
اول شئ افتكر الشخص المستقبل في السودان لازم يكونو عندو حساب؟
ايضا افتكر ضرورى يكون التسليم بالسودانى, بس بسعر السوق؟
هل هناك خطة لمحاصرة تجار السوق الاسود حتي لا يضاربو ضد البنوك. يقينى ان السوق الاسود سوف يحاول رفع السعر اعلي من البنك بقليل و لو حاولو ناس البنوك مجاراتهم سوف يكون هناك سباق لا نهائى. هل للدولة اليات للصمود في وجه هؤلاء؟
افتكر العقوبة تكون بالسجن لفترات طويلة.
عموما في هذه اللحظة عايز اعرف كل الخطوات المطلوبة للتحويل.
|
Post: #2
Title: Re: يا جماعة الخير, في زول(ة) يشرح لينا عملية ا�
Author: امتثال عبدالله
Date: 02-28-2021, 10:08 PM
Parent: #1
انت نسيت يا محجوب ان المفتي الكوز عبد الحي افتى وقال التحويل عن طريق البنوك
حرام....
انت داير تقع في الحرام ولا شنو الحكاية...
والحاجة الغريبة سعر الدولار عن طريق البنك اعلى من السوق الاسود...
تجار السوق الاسود اكلوا النيم..ههههههههههه
|
Post: #3
Title: Re: يا جماعة الخير, في زول(ة) يشرح لينا عملية ا�
Author: Mahjob Abdalla
Date: 02-28-2021, 11:31 PM
سلام الابنة امثتال,
عبدالحى خليهو بس عندك لينا معلومة و تقدرى تجاوبى علي بعض اسئلتى.
و شكرا كثير.
|
Post: #4
Title: Re: يا جماعة الخير, في زول(ة) يشرح لينا عملية ا�
Author: Hafiz Bashir
Date: 03-01-2021, 00:54 AM
Parent: #3
أفتكر يا محجوب خدمة التحويل من بنك خارج السودان لبنك داخل السودان مازالت غير متوفرة إلا في بنوك قليلة في بعض دول الخليج فقط.
أغلب الناس حولت عن طريق الويسترن يونيون
ما ضرورى يكون التسليم بالسودانى لا في الويسترن يونيون ولا عن طريق البنوك مستقبلاً
النظام المعلن حتى الآن إن يفتح الشخص حساب بالدولار في بنك سوداني وبعد ذلك يمكنه إستقبال أي تحاويل من الخارج وتنزل في حسابه بالدولار ويستطيع صرفها بالدولار.
المنافسة بين بنك السودان والسوق الأسود خاضعة لعدة عوامل أهمها قدرة البنوك السودانية في تقديم خدمات صرافية جيدة فيما يتعلق بالتحاويل والإيداع والسحب. وقدرة بنك السودان في تغطية إحتياجات المستوردين والمسافرين من العملات الصعبة بحيث لا يكون هنالك طلب لشراء العملات خارج البنك.
أسواء ما يمكن أن يحدث هو أن يضطر بنك السودان في وجود منافس في السوق الأسود لطباعة العملة السودانية لتغطية إحتياجاته في شراء الدولار .
|
Post: #5
Title: Re: يا جماعة الخير, في زول(ة) يشرح لينا عملية ا�
Author: Mahjob Abdalla
Date: 03-01-2021, 01:10 AM
Parent: #4
شكرا مولانا دكتور حافظ
يعنى لازم نرسل عن طريق ناس التحويلات عندنا و ل هم بياخد مننا بالعملة و بسلمو هناك بسعر السوق المحلى.
|
Post: #6
Title: Re: يا جماعة الخير, في زول(ة) يشرح لينا عملية ا�
Author: Hafiz Bashir
Date: 03-01-2021, 01:20 AM
Parent: #5
أفتكر يا محجوب والله أعلم إنو الطريفة الوحيدة من كندا حالياً هي الويسترن يونيون
وبعدها الطريقة العادية بتاعة ناس التحويلات المن زمان شغالين بيها.
|
Post: #7
Title: Re: يا جماعة الخير, في زول(ة) يشرح لينا عملية ا�
Author: أحمد محمد عمر
Date: 03-01-2021, 04:11 AM
Parent: #6
أدخل صفحة المعلم التحت دة بتلقى أي معلومة عاوزها عن التحويلات
|
|