Post: #2 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 04:08 PM Parent: #1
أها .. لقيت الفيديو .. الناشط الربيع عبد المنعم
بريمة
Post: #3 Title: Re: رئيس الوز راح .. السوداني .. هو وأعضاء مكتب� Author: زهير عثمان حمد Date: 02-27-2021, 04:28 PM Parent: #2
يا بريمه
انت سفهاء ديل كلن في الفيس بوك واليوتيبو ديل أصحابك وبعدين نحن علي قلوبنا زي العسل العم حمدوك يصرف بالدولار واليورو وكل العملات الاجنبية وهو كان بصرف شوية ولا شغل مع يهودي في محطة بنزين ولا تكاسي دا كان موظف أممي زي ما قالت خالتي اميرة انتم وما بتعرفوا قيمة السيد حمدوك مع انو منكم من كردفان يا كردفادي يا تقليد اصرف واترك تصرفات الاطفال انا ماشي الويك اند
Post: #4 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 04:34 PM Parent: #3
Quote: انتم وما بتعرفوا قيمة السيد حمدوك مع انو منكم من كردفان يا كردفادي يا تقليد
حامدوك حقنا .. من قريتنا ممكن أمشي كداري للدبيبات .. مسقط رأس حامدوك في خلال ساعتين بالأرجل وأجي راجع.
نسألك هل لأنه حقنا نتستر عليه ..؟ يأخذ 70 ألف دولار في الشهر .. والناس تموت من الجوع؟؟
Post: #5 Title: Re: رئيس الوز راح .. السوداني .. هو وأعضاء مكتب� Author: زهير عثمان حمد Date: 02-27-2021, 04:42 PM Parent: #4
والسيد رئيس جمهورية اعالي النفق دا قال ما عايز سلطة ممكن بس يقوم مع الجميلات في ضواحي الخرطوم ساي ما كانت فوره كضابة وسبب ساي الايام ديك وفي فض الاعتصام لا مات ولا انفقد
انت صحي ما طولت منو هو اخر العمر ما مرض بحب الجمال اللهم اشفه شفاء لا يغادر سقم
أنا ما مصر أن يكون رئيس الوزراء رئيس جمهورية أعالي النفق .. أنا مصر .. يكون الرئيس من الكادحين الغبش .. لما تشوفوا لما تقول ناكتنه من تحت التراب .. لازم يكون زول معّفر .. وأغبش .. ويأكل الكول .. والعفونة .. ويجلس في ميدان جاكسون .. يأكل عصيدة وملاح تحت النفق ويشهم في روائح المعدمين العطرة وهم يمرون علي أطراف الجسر ..
زول من طينة وعجينة الشارع السوداني ..
------------------------------ بعدين شنو الجديد في الباشهمندس رئيس جمهورية اعلي النفق في مسألة حبه للجمال .. كان مهندس حفلات نادي الضباط لما كان صغير في السن. ونحن البقارة كلنا بنحب الجمال ..
بريمة
Post: #6 Title: Re: رئيس الوز راح .. السوداني .. هو وأعضاء مكتب� Author: صديق مهدى على Date: 02-27-2021, 04:50 PM Parent: #4
دبيبات لدبيبات احسن يجى بريمة رئيس وزراء امكن يصلح بقارة الحكومة ديل ابان مخا مليان عصيدة دخن ياخ اولاد الغرب كان ناجحين كان نجحوا فى غربهم لكن للاسف طلعوا عملاء وجواسيس على اهلهم المهم بياخدوا جكتم لكن للاسف طلعوا اى كلام بس انشاء الله يكون عرفوا انهم ما يقدروا على البندر لانهم خلقوا رعاة حفاة عراة هههههها اسع ما شايفين بريمة فى بلد الفرنج يتفلهم كيف مرة عقال ومرة كسكتة ومرة شال ومرة ناكر العم والخال
Post: #10 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 05:20 PM Parent: #8
ول أبا علاء الدين
Quote: حاسب ضنب الكوكو يا بريمة
الله يسترني بس .. الكوز دا ما حصل سمعت ليه إشادة بحاجة سمحة .. كل شغله ردم وتبخيس ..
عشان كده مسألة ضنب الكوكو وارده .. ودا السبب الخلاني أستعين بنداء أبو الزوز وود البشري
بريمة
Post: #11 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 05:26 PM Parent: #10
الحبيب صديق، سلام
Quote: دبيبات لدبيبات احسن يجى بريمة رئيس وزراء امكن يصلح بقارة الحكومة ديل ابان مخا مليان عصيدة دخن ياخ اولاد الغرب كان ناجحين كان نجحوا فى غربهم لكن للاسف طلعوا عملاء وجواسيس على اهلهم المهم بياخدوا جكتم لكن للاسف طلعوا اى كلام بس انشاء الله يكون عرفوا انهم ما يقدروا على البندر لانهم خلقوا رعاة حفاة عراة هههههها اسع ما شايفين بريمة فى بلد الفرنج يتفلهم كيف مرة عقال ومرة كسكتة ومرة شال ومرة ناكر العم والخال
أقسم بالله فطيستكم دي .. تشوفوا ليكم طريقة تبلعوها براكم .. دت ما بقرب منكم .. لا وزير لا خفير .. أسرقوا سرقتكم بماهية الدولار .. وسرقوا ناسكم .. لما الشعب يقوم عليكم .. زي ما قام علي الجماعة القبليكم ..
كل ما أقدر أقوم به أدافع معكم عن حق الناس في أن يكونوا سواية .. أن لا يكون هناك خيار وفقوس بين بني جلدتنا السودانيين ..
بريمة
Post: #12 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 05:30 PM Parent: #11
منتصر، سلام
Quote: بريمة زولكم بيستلم قروش الدهب بالجنيه ولا بالدرهم
الأثنين هم ناسي .. الفرق القائد حميدتي حفر الجبل .. وتعب وداوس في حراسته .. لكن حامدوك لقاها مقنّطرة .. قعد يخم خم .. ولو صرفها في حاجة كويسة أفضل، لكن قاعد يمشي بها المزرعة ..
ودا الفرق بين الأثنين ..
بريمة
Post: #13 Title: Re: رئيس الوز راح .. السوداني .. هو وأعضاء مكتب� Author: صديق مهدى على Date: 02-27-2021, 05:39 PM Parent: #12
والله عيب عليك يا بريمة انت رجل مؤهل وعندك علاقات مع الغرب معقول ما تشترك ولو بستر الفطيسة
ول ابا بريمة الزول البتكلم في الفيديو ده كضاب ثم كضاب ثم كضاب. ..حتى ولو مشيت معاهو مكتب حمدوك في نهاية الشهر ووراني الصراف وهو بيسلم حمدوك امام عيونا ٧٠ الف دولار كاش عدا نقدا وبرضه ما حنصدقه....ده كضاب وعاوز يثير فتنة وبس... قال المعلومة العندي قال........ كويس وليه ما ورانا المعلومة جابها من وين ؟؟ من مكتب مصطفى عبد القادر ولا مكتب الخال الرئاسي... ال ٧٠ الف دولار ال..ههههههههههههه ياخي حتى لمن تكضب خلى كضبتك معقولة وممكن تتصدق...
Post: #15 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 06:13 PM Parent: #14
الحبيب صديق، سلام ..
Quote: والله عيب عليك يا بريمة انت رجل مؤهل وعندك علاقات مع الغرب معقول ما تشترك ولو بستر الفطيسة
لا يا صديق .. أنا لا فطست الثورة .. ولا الشعب السوداني فطسها .. فطستوها أنتم ناس "قحط". شيلوا شيلتكم وأستروها.
يا صديق، هسي لزوم "لجنة إزالة التمكين" شنو؟
بريمة
Post: #16 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 06:19 PM Parent: #15
العزيزة إمتثال، سلام ..
Quote: كويس وليه ما ورانا المعلومة جابها من وين ؟؟ من مكتب مصطفى عبد القادر ولا مكتب الخال الرئاسي... ال ٧٠ الف دولار ال..ههههههههههههه ياخي حتى لمن تكضب خلى كضبتك معقولة وممكن تتصدق...
طيب، نقول الناشط الربيع .. كذاب، مش مفروض نتأكدوا من صحة المعلومة؟ الأخ أبو الزوز وود البشري .. بقوا لينا ناس معلومة .. وسلمناهم الموضوع .. دعونا نري ماذا يفعلون.
شيئ أخر يا أمتثال، في كل دول العالم .. ماهية الناس الذين يتم تعيينهم في مواقع عامة .. دائماً تكون مكتوبة في موقع عام .. ويطلع عليها أي شخص من أفراد الشعب متي ما أراد.
ول ابا بريمة اعضاء لجنة ازالة التمكين سرقوا اسمنت ومواد البناء تبرعت بيها منظمة لبناء مسجد في الدمازين....وباعوا المواد في السوق ....يعني طلعوا حرامية ونصابين... ما تقول لي المصدر ....!!! المصدر في فيديو يوتوب ومقابلة مع الناس المسؤولين عن بناء مسجد الدمازين واكدوا ان الذين سرقوا الاسمنت ومواد البناء هم اعضاء لجنة ازالة التمكين.... فتش عن الفيديو في اليوتوب..
Post: #18 Title: Re: رئيس الوز راح .. السوداني .. هو وأعضاء مكتب� Author: Biraima M Adam Date: 02-27-2021, 07:07 PM Parent: #17
إمتثال، أنا قلت لماذا لجنة إزالة التمكين .. ورئيس الوز السوداني .. يلهط 70 ألف ؟ .. ما خلاص، أحسن يخلوها سايبة أي سراق يسرق .. ما دام راعي الدولة يصرف بالدولار هو الوز الذين خلفه؟
من يحضر لنا بالأرقام ماهية حمدوك وطاقمه ..؟
بريمة
Post: #19 Title: Re: رئيس الوز راح .. السوداني .. هو وأعضاء مكتب� Author: محمد الأمين موسى Date: 02-27-2021, 07:34 PM Parent: #18
لو قال 7 آلاف دولار، يمكن تصديقه، ولكن 70 ألف دولار مستحيل.