Post: #1
Title: الشئ الطبيعي للاسلاميين أن يعودوا إلى المساجد نقطة البداية ويبدأوا تاني من الصفر أو من تحت الصفر
Author: توفيق عيسى مكي
Date: 02-17-2021, 10:42 PM
09:42 PM February, 17 2021 سودانيز اون لاين
توفيق عيسى مكي-
مكتبتى
رابط مختصر
ارجعوا تاني كونوا قدوة طيبة للناس بالأعمال الصالحة لوجه الله فقط زي ما كنتوا أول
بالصدق والسنين حا تسترجعوا ثقة الناس فيكم
طلقوا السياسة طلاق ثلاثة ووحدوا وجهتكم لله فقط
تنالوا الدنيا والآخرة
ده الخيار الوحيد المتاح اليوم وبصعوبة شديدة
قوموا بأعمال جليلة في وقتها تساعد الناس باموالكم الكتيرة والضخمة
تمتلكوا القاعدة والأساس وده الأهم
نعم فقدتوا جيل شباب اليوم
اشتغلوا في الجيل الذي سيعقبهم
كونوا مفتحين
وما بيوروكم الصاح شنو
|
Post: #2
Title: Re: الشئ الطبيعي للاسلاميين أن يعودوا إلى الم
Author: توفيق عيسى مكي
Date: 02-17-2021, 11:02 PM
Parent: #1
دوام الحال من المحال
مرة ليكم ومرة عليكم
بروح رياضية ابدأوا تاني بصدق ومن القواعد
هي المعادلة كده
اخسروا نص أموالكم تمتلكوا أكثر من نصف سكان السودان
مافي حلاوة من غير نار
ألقاب البينكم الآن وبين الشعب السوداني زي المسافة بين السماء
والأرض سلالم العنتريات ما بتطلع كانت طلعت فرعون موسى لربنا
لكن بالذهد في الدنيا بتمتلكوها
دي واحد اتنين تلاتة أي إنسان عارفها
الملك ده حق ربنا ارجعوا كونوا مؤهلين ليه ربنا بديكم ليه
اقتنعوا تماما انه ربنا أداه للقحاتة ديل
لأنه في تقديره هو فقط انه ديل أفضل لإنسان السودان منكم
ربنا احن على مساكين بلادنا شديد
وملك أمرهم للأفضل ليهم
هل دي غلبتكم تفهموها
ارجعوا كونوا صحابة تاني
أو اعترفوا للناس بصدق أنكم طلاب سلطة زيكو وزي عصابات
الكفاح المسلح وخياراتنا كده وبنمتلك كده وقوتنا كده عشان بنمتلك كده
خلوها مسألة حسابات بيور
نهائي ما تجيبوا سيرة الدين في خطابكم الشعب السوداني واعي عمركم ما غشيتوه
لكن حسبها معاكم في وقتها صاح
|
Post: #3
Title: Re: الشئ الطبيعي للاسلاميين أن يعودوا إلى الم
Author: توفيق عيسى مكي
Date: 02-17-2021, 11:09 PM
Parent: #2
المعادلة بين الخير والشر واحدة
عمرها ما اختلت
كونوا في جانب الخير
صاح صعب في زمنا ده وحار الموت أهون منه
لكن نهائي ما تكونوا في الكفة التانية
دي نصيحة بمليارات الدولارات مجاني (ده باللغة المادية البقيتوا تفهموا بيها )
|
|