سلامات يا نزار .. الشكل بقي لي ما شكل عصام .. يمكن البادي دا اكبر شويه في العمر ؟
Post: #5 Title: Re: من اجمل الاصوات الشعبيه Author: Osman Musa Date: 02-17-2021, 08:35 AM Parent: #4
الأخ معاوية سلام الشاب دا هو ابن الأسرة الفنانة . المقلد الممتاز عصام .الطيب . وبتخيل المناسبة كانت مناسبة مغتربين في الغربة زمان في ليبيا .
Post: #6 Title: Re: من اجمل الاصوات الشعبيه Author: نزار عبد الوهاب Date: 02-17-2021, 06:32 PM Parent: #1
Quote: سلامات يا نزار .. الشكل بقي لي ما شكل عصام .. يمكن البادي دا اكبر شويه في العمر
الله يسلمك يا زعيم ... طبعاً الغالبية العايشين في كوكب السودان إلاّ القلة القليلة ... أشكالهم بتتغير شديد مع العك والجري الحاصل ... عصام عندو صوت معتق مهما كبر واتغير فصوتو مميز جداً ... وإن شاء الله يجو المختصين يقولوا رأيهم ...
خربشة :- ود الجريف - أيام سودانيز هوم - الزمن الجميل - عاطر التحايا وللأخ نوبي وكل الشباب الجميلين ...
شكرا ولدنا .. شكرا عثمان ..فعلا عصام صوت جميل جدا واعمامك بالعود ما قصرو
Post: #8 Title: Re: من اجمل الاصوات الشعبيه Author: Ahmed Yassin Date: 02-18-2021, 12:48 PM Parent: #7
Quote: الاصوات الشعبيه
يعني شنو الاصوات الشعبية ؟ بمعنى نقول ترباس صوته شعبي ؟ او ان محمود عبدالعزيز فنان شعبي لانه غنى (عقلي انشغل بى هواك) او (انا فاكرك معايا) ضاع صبري: عبيد عبدالرحمن وغناها (عصفور السودان) ابراهيم عبدالجليل .. الفنان الذي اشتهر بوسامته الملفتة وغناها (بلبل السودان) احمد الطيب (لشويدِن روض الجُـنان بهواك إزداد الجَنـانْ) غناها في الاذاعة مبكرا عصام وعماد واخيهم عادل(كان في خميس مشيط) بجنوب المملكة سبب توقفه عن الغناء مع جمال صوته وعماد وعصام .. اصوات تتحدى الزمن ويبدو ان (جينات) وراثية معقدة المعايير هي مبعث الحلاوة والطلاوة و(النفس) في الغناء .. عصام يتميز بانه يغني باحساس داخلي يعني بيعيش الاغنية ويبتسم ويتفاعل مع الاداء ودي بتديهو (حضور) محبب .. واذا سمعنا اغنية (جميل غاية) فهو يطرب حتى الحجر .. عصام كان من اوائل (نجوم الغد) وشارك في برنامج (اغاني واغاني) وغنى بثقة كبيرة جدا وابدع واجاد خاصة في (بتقولي لا) .. لانه صوته بساعده يغني كل الوان الغناء .. يا سلام على الكبير (الطيب السماني): سمح الخصال ساحر المقل من نار هواك أنا نومي قل قام للرقيص قام بي مهل صاحب العقل عقلو انذهل كم من صميم دمعو انبهل و كل زول نقول جابر رهل
Post: #9 Title: Re: من اجمل الاصوات الشعبيه Author: Ahmed Yassin Date: 02-18-2021, 12:56 PM Parent: #8
شوفو قصيدة الطيب السماني .. ولاحظو المحسنات البديعية الفيها والبلاغة والجناس الثلاثي الجدية الساكنة حَـيّنـا من نار غرامِكْ حَـىَّ أنا بى شَقاى حَى أنا الاولى محل السكن والبيت الثانية .. من العليهو التالتة لسع عايش في بداية السبعينات بلبل السودان اختفى عن الساحة الفنية نهائيا وسمع (الجاغريو) بأن احمد الطيب مريض .. ذهب اليه وزاره وقبل انن يجلس اعطاه قصيدة مطلها عيان يا بلبل متى تصبح طيب الناس فى رجاك يا أحمد الطيب
في الاول ما فكرت انو يكون دا عصام ( يمكن العمه والجلابيه والشنب مغيره الشكل) ... لكن عصام بي الامكانات دي ماعرف ليه ما مشت معاهو ؟ ومشت مع ناس فرفور وحسين واحمد الصادق رغم انو بتفوق عليهم بي مراحل في الصوت والاداء
Post: #11 Title: Re: من اجمل الاصوات الشعبيه Author: محمد أبوالعزائم أبوالريش Date: 02-18-2021, 08:20 PM Parent: #10
Quote: يعني شنو الاصوات الشعبية ؟
سلام يا أهلنا .... السؤال في محله! وبرضو تعبير (أغنية شعبية) ... أستغرب إنها ترتبط بالأداء بالعمة والجلابية والرق. أنا بفتكر إنه مثلاً علي أبراهيم اللحو فنان شعبي من الطراز الأول (غالب أغانيه السيرة والفروسية ... إلخ. من الأغاني المعروفة بيها منطقته). برضه عبدالكريم الكابلي نقدر نقول باحث في الأغاني الشعبية ونفس الشي عن عبدالقادر سالم.