سهرة بدون اكسسوارات ومكياج فقط (فن) اصبحت مثل السهرات دي نادرة جداً معقول يا جماعة عمر الشاعر ليه ما بقى فنان محترف كيف يكون ملحن وله صوت أجمل من الفنانين التيجاني الشاعر الجميل .. معظم الاغاني في العباسية امدرمان
السلام عليكم الاستاذ الكريم علي كانت سهره رائعه الجميع كانوا رائعين حتى بتاع الكمان غنى غنا جميل وصوتو مطرب نسال الله الرحمه والمغفره للراحل الاستاذ زيدان ابراهيم ملحوظه : زيدان ماعندو أغنيه بايخه
Quote: الليلة تركت قناة الشمالية كلها مسلسلات اسلامية تخيلوا البث لأهلنا في ضواحي الدنيا وبلغة عربية كاملة الدسم لغة العرب العاربة ..
عاوزين يدخلوكم الإسلام و يبقوكم عرب و يمسحو باقي اللغة الفضلت ليكم دي هههههه لو كنت مدير القناة بتاعة الشمالية دي بخصص فيها تلاتة برامج باللغة النوبية الأول لتعليم اللغة النوبية الثاني برنامج عن التراث النوبي الثالث اغاني نوبية و نشرة يومية باللغة النوبية بعد نجاح اذاعة كدنتكار بقيادة النوبي الجميل زميل المنبر الدكتور نبيل حامد لوتوفرت الإمكانيات كنا عملنا قناة نوبية كاملة الدسم نشوف راي حبيبنا بشاشا في الموضوع دا , و بشاشا رجل موسوعي في الشأن النوبي
استاذنا الجميل على أمبس لك التحية و التقدير دولة العباسية كما أسميها , حوت فأوعت عمالقة الفن و الأدب و السياسة و كرة القدم منهم الفنان العالمي التشكيلي ابراهيم الصلحي , و معروفة عائلة الصلحي في العباسية و فيها نصر الدين عباس جكسا , الذي بدأ من نادي الربيع و معروف ميدان الربيع في العباسية حيث يسكن زميلنا الوغد المخرج اسماعيل عيساوي و عمه عيساوي الكبير و الذي كان اذاعياً متمكناً لا يشق له غبار و هناك حكم كرة القدم علي سلطان وكذلك لاعب المريخ كلول وشقيقه فريوة، ومحمود الجزولي الذي لعب لفريق الهلال و في مجال المسرح عمنا الراحل عوض صديق و هو من رواد المسرح القومي و والد صديقنا المخرج التلفزيوني مجدي و كذلك الأستاذ محمد السني دفع الله ,زميل المنبر و الممثل البارع موسى الأمير و حبيبنا الشاعر الفذ التجاني حاج موسى من مدينة الدويم و هو صديق للوالد في يوم سألت عمي الأستاذ التجاني عن أغنية في عز الليل و التي غناها الفنان الكابلي و النور الجيلاني في وقت متقارب الكابلي قعد الأغنية بأسلوبه , و غناها النور الجيلاني بإيقاع سريع , و بنفس أسلوبه المحبب ,هذه الأغنية لما كتبها التجاني فعلاً كانت بالليل و على ضفاف النيل الأبيض و هذه المنطقة بالتحديد اعرفها جيداً و هي ليست بعيدة من بيت الشاعر التجاني حاج موسى و أقرب الى بيوت اجدادي الحلب هههههه الأستاذ و الملحن عمر الشاعر غنى في حفلة زواجي , وقتها كان برتبة العقيد , وهو الآن تقاعد برتبة العميد , و بالمناسبة يا عمي علي عمر الشاعر كان فنان معروف في كسلا في السواقي الجنوبية و الميرغنية و غرب القاش قبل قدومه للخرطوم و في إذاعة امدرمان تمت اجازة صوته كفنان غايتو لو بديت احكي ليك عن دولة العباسية ما أظني اتوقف قريب دا ,لكن أكثر من يحدثك عن العباسية هو زميل المنبر الكاتب عبد الله الشقليني الذي اتمنى عودته قريباً و العجب لو حكيت ليك عن حي العرب واصفه بوادي عبقر الأغنية السودانية , وهو كذلك , حوى فأوعى حيث يكفي ان فيه الشاعر الفذ سيف الدين الدسوقي والد زميلي و صديقي المصور المبدع يسار, و صديقتي و زميلتي المخرج التلفزيونية فجر الدسوقى
نسمع في عز الليل
في عز الليل .. ساعة النسمة ترتاح على هدب الدغش و تنوم انا مساهر ... هد الحيل .. غرامك و اجترار الذكرى و طيفك في خيالي يحوم يا هاجر ... يا هاجر انا و الليل و مر جفاك مساهرين .. نحكي للافلاك مساهرين لا خلصت حكاوينا و لا لقينا البداوينا يا مشهيني طعم النوم و طيفك في خيالي يحوم يا آسر ..... سنين مرت .. مرو سنين و بلاك عارف و بي أدرى و الحال ياهو نفس الحال ...في جواي صدى الذكرى و جرحك يا غرام الروح لا طاب لا بدور يبرى و جرحك مهما طول و غاب مطبوع فيني بالفطرة و بين الذكرى و النسيان مسافة قريبة يا إنسان مسافة قريبة يا إنسان .......... اسمع النقلة دي في إبداع كابلي الرائع كما عودنا في الدقيقة 11:58 ........ دا وضع تاني لو حاولت تتذكر .. تعيد الماضي من أول ... تلقى الزمن غير ملامحنا و انحنا بقينا ما نحنا (حكمة) انا الصابر على المحنة لو كان الزمن نساك انا ما نسيت او في يوم زمن ...زمن قساك انا ما قسيت و في عز الليل يا هاجر .. انا مساهر طبعاً انا ما سألت عمي و استاذنا التجاني عن هاجر دي منو :) انحنا ما بنتطاول على أعمامنا , و ما بنسأل أسئلة متعسفة يا عمنا علي
Post: #13 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 07:52 AM Parent: #7
الحبيب الجميل خضر .. ده توثيق أكثر من رائع لاحظت الناس من كل بقاع السودان ولكن الابداع يجمعهم ليس في حي واحد بل في منزل واحد تجمع اخواني ( الشاعر ، الفنان ، الملحن ، الموسيقار .. الخ) يا سلام على حاضنة الاصالة والابداع أمدرمان واحيائها العريقة
سرد جميل ورائع .. شكراً كثير خضر على هذا الاثراء والالحان الرائعة التحية لهذه الحاضنة الفنية ( العباسية )
تحياتي
Post: #12 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 07:47 AM Parent: #6
Quote: الأول لتعليم اللغة النوبية الثاني برنامج عن التراث النوبي الثالث اغاني نوبية و نشرة يومية باللغة النوبية
الحبيب خضر امبس .. تحياتي حضورك دائما مفيد .. اقتراح في غاية الاهمية هناك تذمر كبير في قروبات شبابنا من التلفزيون وطريقة الادارة كمان المشكلة المذيعين يرددوا كلمة (رطانة) اذكرت حبيبنا بدرالدين الامير الجميل ( وعبارة رطاني )
يا ريت يا خضر الحبيب ..
Post: #9 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 07:35 AM Parent: #5
Quote: كسلا اسمها سااااكت يشرح النفس ياااخ. يااا حليلنا. عارف دي ما السهرة لكن في نفس السيرة العطرة..
الحبيب معتصم .. تحياتي يا جميل صدق قريبنا وابن منطقتنا الرائع توفيق صالح جبريل عندما غنى لكسلا وكمان الكابلي بلغ بلحنه أعلى مراتب العشق
واذكر في السبعينات اذا لم تخني الذاكرة تمدد كسلا واستعمرت كل السودان بالقفاز الناعم وهي اللحن الجميل كان التاج مكي والحلنقي .. بعدها جاءت كردفان ( صديق عباس ، عبدالرحمن عبدالله ، عبدالقادر سالم ... وباقي الشلة) بعدهم مباشرة اهلنا الشايقية ( محمد جبارة وباقي الشعراء والفنانين ) فكانت لكسلا قصب السبق .. تحياتي الحبيب معتصم
Post: #10 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 07:41 AM Parent: #9
الحبيب معتصم .. تحياتي يا الله .. يا سلام .. ثنائي خطير جداً قمة الطرب والاناقة والجمال معقول ديل بشر .. مبالغة مستغرب عمر الشاعر كان مفروض يكون فنان ربما لأنه كان رتبة في الجيش أجمل فيديو الحبيب معتصم
صدقني أمدرمان روعة وجمال
Post: #11 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 07:43 AM Parent: #9
الحبيب معتصم .. تحياتي يا الله .. يا سلام .. ثنائي خطير جداً قمة الطرب والاناقة والجمال معقول ديل بشر .. مبالغة مستغرب عمر الشاعر كان مفروض يكون فنان ربما لأنه كان رتبة في الجيش أجمل فيديو الحبيب معتصم
صدقني أمدرمان روعة وجمال
Post: #8 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 07:29 AM Parent: #4
Quote: كانت سهره رائعه الجميع كانوا رائعين حتى بتاع الكمان غنى غنا جميل وصوتو مطرب نسال الله الرحمه والمغفره للراحل الاستاذ زيدان ابراهيم ملحوظه : زيدان ماعندو أغنيه بايخه
حبيبنا طارق تحياتي يا جميل شكرا على الحضور روعة كما ذكرت يا طارق .. منذ فترة طويلة لم أتابع برنامج بهذا المزاج كمان أول مرة اسمع الشاعر الجميل التيجاني يغني ( صوتو جميل) يبدو أن في ذلك الزمان كان الموهوبين مجموعات تتبادل الابداع
شكرا طارق الجميل .. ليلة كانت جميلة
Post: #14 Title: Re: ناس امدرمان حلوين .. التيجاني وعمرالشاعر س Author: Ahmed Yassin Date: 02-16-2021, 10:53 AM Parent: #8
Quote: التيجاني يغني ( صوتو جميل)
القال ليك منو ؟ اسمعو وهو بقطع ونفسه قايم وهو بحاول بكل ما اوتي من قوة في (لو تعرف يوم في دنيا غيابك) اغنية (عزيز دنياي)
Post: #15 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 11:19 AM Parent: #14
حبيبنا احمد ياسين .. تحياتي فنانا الجميل الحبيب احمد طبعاً انتو ناس متخصصين تعرفوا ابعاد الصوت وتفاصيله وتحليل علمي نحن ناس ( اضان .. سماع فقط ) ذكرتني حاجات زمان أيام الراديو .. الناس عندنا الناس العاديين ما كان يحبوا سماع حسن عطية عكس وردي وابراهيم عوض وغيرهم اذكر صلاح بن البادية اشتهر عندنا بأغنيه اسمها ( الليلة سار يا عشاي) اذا لم تخني الذاكرة رغم لغتها الصعبة مع ادخال بعض الكلمات النوبية ( كانت أغنية بنات حصرياً) مع أن الراديو كان قليل ..
لكن ابراهيم عوض كان هو المفضل للجميع بعد وردي
شكرا الحبيب احمد ياسين فنانا الجميل ..
Post: #16 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-16-2021, 11:30 AM Parent: #15
قنانا الجميل احمد امبس .. لقد اثرت الذكريات وهذا نموذج للسماع العادي بدون علم اذكر عام 1968 تقريباً .. وردي كان في زيارة للمنطقة معه أبوعركي وعلى ابراهيم اللحو في حلفة في البرقيق بعد فاصل وردي كان علي ابراهيم الجمهور كان في قمة الحماس ثم جاء أبوعركي شاب وسيم وبدأ يغني ( بكرة اهديك دبلة الحب والخطوبة ) حدث نوع من التذمر وسط أهلنا حتى نحن في مقتبل العمر شباب ظهر لنا كأن اللحن (مصري) بعد الفاصل جاء وردي في المايكروفون وتحدث بالنوبية للجمهور .. اذكر جيداً قال ( ده لو ما فنان صحيح ما كنت اخذته مع .. سوف يكون أشهر فنان في السودان في الفترة القادمة) لا أعرف لماذا كان عامة الناس غير المتعلمين ما عندهم مزاج في اغاني مثلاً يعني حسن عطية ، محمد الامين ، ومؤخراً أبوعركي مثلاً أنا حاولت اسمع وليد زاكي الدين وهو يغني الحقيبة بطريقة غريبة جداً يبدو لي كما اللحن ( مصري) لم يطربني بل لم اطيقه
هل لهذا الموضوع تبرير علمي ؟؟ أو ربما مزاج وذوق لكل واحد ؟؟
معليس فنانا الجميل اخذناك لأبعاد أخرى
Post: #17 Title: Re: ناس امدرمان حلوين .. التيجاني وعمرالشاعر س Author: Ahmed Yassin Date: 02-16-2021, 11:53 AM Parent: #16
يا سلالالالالالام يا شيخ علي بالمناسبة مداخلاتك دي في قمة الموضوع وممكن اي سطر فيها تعادل بوست وملفات مثلا .. عدم استساغة البعض ..يعني مثلا في البلد بتلقى ناس قاعدة و لو جابوا في الراديو (حسن عطية) بتسمع تعليق (هسن أتية منلي) كبووو بالاهي .. وتلقاهم مستمتعين وبقطعوا الحركة والنفس لو غنى وردي اي اغنية حتى لو كانت (مرحبا ياشوق) او (ذات الشامة) نجي لى عبقرية وردي في مخاطبة الناس عن (عركي) وبالنوبية .. مع انه عركي عارف عدم الترحيب او عدم قبوله وهو في بداية مشواره لكن وردي بحصافته والمعيته وابهته عرف ان هذا (الولد) سيكون فنان السودان الاول وقد كان .. وعركي في ذلك الوقت كان يسكن مع محمد الامين وخليل اسماعيل وصالح الضي وكل واحد فيهم يعتبر (مدرسة) ادائية وصوتية ولحنية عجيبة جدا طيب حنجي لى حاجة اسمها (سماعي) لو لاحظت ان الاوركسترا المصاحبة لاي فنان بتعزف دون نوتة يعني بدون (تنويت) وبعتمد العازف على الذاكرة السماعية دون الاداء من خلال (النوتة).. وتلقاهم مبدعين وحافظين صم ودي العازفين بسموها (الجقلرة) اذا رجعنا سنين طويلة ناخد (ام كلثوم) مثلا بتغني وخلفها (26) عازف بمختلف الالات وكلة عازف امامه (نوتة) وكل نوتة كم صفحة ؟ ودا كله كان يتم كتابته يدوياً لانه ليس هناك (كمبيوتر او طابعة ) او ليزر.. او او كان الموضوع مرهق ومتعب جدا بالنسبة للملحن (المؤلف الموسيقى) او للمدون خاصة اذا كان خطه شين
فنانا الجميل تحياتي معليش ادخلناك في مواضيع يمكن واسعة شوية أكثر فنان غير وردي اشتهر وكسح الدنيا كلها عند الترابلة كان ابراهيم عوض .. لا أذكر الاغنية بالضبط ولكن تقريبا ( الايام بتوريك) وكل اغانيه ..
جميل استحضار ذكريات زمان .. تجدد الروح وتجلب نوع من السعادة
دي اسمها (بسمة الايام أبسمي يا أيامي بسمة الزهر النامي في الهوى الحسن السامي روحي وأمالي وأحلامي أبسمي الدنيا الجميلة والوجود كله خميلة نوع الايقاع (الرومبا) ايقاع راقص وخفيف نفس الايقاع في اغنية الكاشف (الليلة لاقيتو) ولكن عبدالرحمن الريح في البيت الاخير البقول: ما أجمل الدنيا وأحلامي لو كان حبيب روحي معاها يسمع دعاها ونجواها يرحم بكاها وشكواها هنا غير اللحن مع سياق الاغنية ومعنى البيت .. ودا يورينا القدرة الفائقة لودالريح في التلحين
يا الله .. يا علي ادخلتنا في عوالم مبهجة وراقصة وانيقة زي اناقة ابراهيم عوض بى شعره المشقوق وسن الدهب ورقصه على خشبة مسرح سينما وطنية امدرمان (حبيبي جنني ) يوم خلا السينما كلها تهتز وتتراقص وهو ماسك (المايك ) بيده .. ومن خلفه قادة هذا الفرح .. اكورديون (وهبة محمد سعيد) والد بشرى وهبة لاعب وسط المريخ وعن شماله (خميس مقدم) الجاب (البنقز) من مصر
Quote: من التلفزيون وطريقة الادارة كمان المشكلة المذيعين يرددوا كلمة (رطانة)
هي لغة يا أستاذنا على و عرفت المعلومة دي من سنين من صديقي الفنان مكي إدريس في جمعية فركة و كنت في جمعية نلوة و جمعية صلب و كتير من الجمعيات في الرياض وجدة علاقتي بي جدة كانت في حي السلامة حيث مقر قناة MBC كنت مخرج لبرنامج لصالح قناة روتانا كل ثلاثاء في الإسبوع اللغة يا استاذنا علي لو مرت عليها تلاتة أجيال ما بتكلموها بتندثر رسل لي رقمك في الخاص يا استاذنا علي عندي قروب لإحياء هذه اللغة
Quote: من صديقي الفنان مكي إدريس في جمعية فركة و كنت في جمعية نلوة و جمعية صلب و كتير من الجمعيات في الرياض وجدة علاقتي بي جدة كانت في حي السلامة حيث مقر قناة MBC كنت مخرج لبرنامج لصالح قناة روتانا كل ثلاثاء في الإسبوع اللغة يا استاذنا علي لو مرت عليها تلاتة أجيال ما بتكلموها بتندثر رسل لي رقمك في الخاص يا استاذنا علي
الحبيب خضر امبس ديل ناس السكوت تاج النوبيين ( وردي والخليل) أهل فن وطرب وشعر ,, أجمل ناس الحبيب خضر رقمي في البروفايل وشكرا على الحرص والحضور الجميل تحياتي
حبيبنا احمد تحياتي فنانا الجميل عندما استحضر تلك الايام قبل عشرات السنين حتى الراديو كان نادر سبحان الله الفنان ابراهيم عوض كان الاكثر انتشاراً عندنا رغم المعاناة من معاني الكلمات ونطقها ولكن اللحن وجمال صوت اذا خرجنا بعيد عن عاصمة وعملنا دراسة نجد أن الفنان الاكثر انتشاراً وسط عامة الناس قياساً بمنطقتنا كان ابراهيم عوض أذكر أعمامنا .. كان يرددوا الاغنية ( مين قزاك ) وليس (مين قساك) لأن زمان الناس كان يعتقدوا حرف (سين) لغة نوبية فمثلا اسم اسامة ( ازاما) عندما يتحدثون بالعربية أذكر خالي عمر كان يردد ( مين قزاك مين قزا قلبك) كان صوتوا جميل جداً طبعا الموضوع عايز بحث وشوية دراسة لماذا عشق الناس لابراهيم عوض بهذه الصورة لي يومين بدات استحضر تلك الايام .. كيف دخل هذا العملاق في وجدان أهلنا ؟؟ رغم انهم لم يرددوا اغنيات الفنانين الاخرين طبعا وردي وادريس ابراهيم وزكي عبدالكريم لاحقا من المنطقة
انت عارف زمان كان في نوع من الحرية الجميلة ( شوية دكاي .. وموية الجريد عصارة اللتمر) يعني كان متاح كاسين وآخر طرب ..
لكن قبل تلك الفترة لم نحضرها كانت الاسطوانة من مصر لأن اجدادنا كان يسافروا مصر أذكر جدي على عبدون خال الوالد الله يرحمهم أول من جاء بالاسطوانة في البلد وقالوا كان الاغنية الوحيدة ( عزة في هواك ) تقريبا سنة 1946م لذلك كان اسم عزة انتشر بكثافة في جزيرتنا خاصة مواليد تلك الفترة
Quote: دي اسمها (بسمة الايام أبسمي يا أيامي بسمة الزهر النامي في الهوى الحسن السامي روحي وأمالي وأحلامي أبسمي الدنيا الجميلة والوجود كله خميلة نوع الايقاع (الرومبا) ايقاع راقص وخفيف نفس الايقاع في اغنية الكاشف (الليلة لاقيتو) ولكن عبدالرحمن الريح في البيت الاخير البقول: ما أجمل الدنيا وأحلامي لو كان حبيب روحي معاها يسمع دعاها ونجواها يرحم بكاها وشكواها هنا غير اللحن مع سياق الاغنية ومعنى البيت .. ودا يورينا القدرة الفائقة لودالريح في التلحين
عمك علي و احمد .. بسمة الايام .. عبد الرحمن الريح و الذري ..
هنا تسجيل عجيب .. ثنائية بين حمد الريح و د. هاشم حبيب الله .. د. هاشم حبيب الله يعرفه اهل الامارات ..
الغريب ان الجلسة دي كانت كتدريب لحمد لاداء الاغنية لانه كان معجب بيها ..
Post: #26 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-17-2021, 10:39 AM Parent: #25
الحبيب قباني .. تحياتي الغريب ابراهيم عوض كان أكثر فنان له شعبية زمان كل ناس كان يرددوا اغانيه صوته كان جاذب جداً رغم عدم اجادة اللغة العربية ولكن اللحن كان جميل جداً الترابلة على ظهور حميرهم كان يرددوا اغانيه
كان صوت جميل ورائع .. اليوم في احد الشباب من النوبة الكنوز في اسوان لديه اغاني نوبية وقال انه من عائلة ابراهيم عوض في اسوان .. الاغنية في قروبات شباب دنقلا
تحياتي الحبيب قباني .. دائما نجدك في دائرة الجمال
Post: #27 Title: Re: ناس امدرمان حلوين .. التيجاني وعمرالشاعر س Author: علي عبدالوهاب عثمان Date: 02-17-2021, 10:46 AM Parent: #26
فنان شاب كنزي يغني بالنوبية اسمه عبدالرحمن العمدة باشا والاغنية مطلعها ( قاشا ووو باشا ) في القروب يقولوا انه من عائلة ابراهيم عوض في منطقة النوبة المصرية