Post: #1
Title: سيارات ب بالمليارات لنواب البرلمان والناس في صفوف الرغيف تسف في التراب
Author: Osman Musa
Date: 02-14-2021, 09:38 AM
08:38 AM February, 14 2021 سودانيز اون لاين
Osman Musa-
مكتبتى
رابط مختصر
هم نواب البرلمان ديل ملائكة؟
شنو ليهم الفلهمة والناس جعانة؟
يا جماعة صفوف الرغيف هي السبب في تعطيل الإنتاج.
70 في المية من الكادحات والكادحين بيقضوا نص اليوم
بين صف الجاز والغاز والرغيف.
توقف الانتاج .
وانتشر السلب والنهب وعدم الامان.
والدولار ما بينزل بالمداهمات .
الدولار ينزل بالصادر و بالانتاج .
ربنا يهديكم .
والرحمة للشهداء .
|
Post: #2
Title: Re: سيارات ب بالمليارات لنواب البرلمان والنا
Author: اخلاص عبدالرحمن المشرف
Date: 02-14-2021, 10:16 AM
Parent: #1
السلام عليكم
قصدك السيادي ؟
البرلمان الزمان مفروض تقلع كل امتيازاته
والجديد يصرف لهم كروت لركوب الباصات.
محمد ضياء الدين يوفر لهم 4 بصات مريحة
نظام ورديات .
نحن شعب 70% منه تحت خط الفقر
السيادي الحركات يركبوا تاتشرات دعم سريع
علي الاقل الدعامة يتعلمون السواقة بسرعة
معقولة والا حوادث الحركة تريحنا من السيادي
|
Post: #3
Title: Re: سيارات ب بالمليارات لنواب البرلمان والنا
Author: Osman Musa
Date: 02-14-2021, 11:20 AM
Parent: #2
سلام .
شن طعمهم لو لسع الشعب مبهدل بين الصفوف؟
كلو يركب بص .
ولا يركب بص زاتو.
مساحة الخرطوم كلها وما بين الوزارات حوالي 20 فدان .
ممكن يمشوها كداري.
هم يعني احسن من المفتشين الزمان في مشروع الجزيرة؟
ما كانوا بدقشوا كداري النهار كلو .
وكان اقتصادنا في السماء .
|
Post: #4
Title: Re: سيارات ب بالمليارات لنواب البرلمان والنا
Author: محمد حمزة الحسين
Date: 02-14-2021, 11:34 AM
Parent: #2
Quote: السلام عليكم
قصدك السيادي ؟ |
لا ..لا يا دكتوره البرلمان الجديد ...
اليومين دي المعركة تقسيم كيكة البرلمان ...
Quote: هم نواب البرلمان ديل ملائكة؟
شنو ليهم الفلهمة والناس جعانة؟ |
السؤال يا ود موسي ...
أين كرولات البرلمان التي إستلمتها لجنة إزالة التمكين ...
بل ,اين عربات المؤتمر الوطني ومؤسساته التي إستلمتها لجان التمكين ...
إنت قايل الفاسد نادر العبيد مرقا في سقط لقط مالو ...؟!!!
لقي البلد خربانه عايز يشيل منها عودو قالوا ليهو قف عندك حلال علينا وحرام عليك وعلي بني كوز من كل جنس ...
|
Post: #5
Title: Re: سيارات ب بالمليارات لنواب البرلمان والنا
Author: اخلاص عبدالرحمن المشرف
Date: 02-14-2021, 11:40 AM
Parent: #4
اهلاً استاذ محمد حمزة الحسين
لو الكلام ده صاح
نقول مع سعد زغلول
( غطيني يا صفية وصوتي )
ما فيش فائدة
|
Post: #6
Title: Re: سيارات ب بالمليارات لنواب البرلمان والنا
Author: امتثال عبدالله
Date: 02-14-2021, 12:31 PM
Parent: #5
بس السؤال المهم : هل بعد انتهاء الفترة الانتقالية ، بعد ٣٠ سنة، نواب البرلمان ديل حيرجعوا السيارات الفخمة
دي للحكومة ام حيحتفظوا بيها للابد او يورثوعا لاولادهم!!؟؟؟؟؟
|
|