هيثم مصطفي يفتح النار علي حمدوك..

04:45 AM February, 13 2021

سودانيز اون لاين
Mutasim Idris-Sacramento
مكتبتى
رابط مختصر

في تاريخنا المعاصر اتفق كل السودانيين علي شخصيتين..
هيثم مصطفي و عبدالله حمدوك..
هيثم متعنا بفنه وحمدوك اتفنن فينا متع..

الحقيقة مرة.. والشيك علي بياض تاريخه انتهي..

الزميل المبجل معتصم
تحياتي
مع كامل أحترامي لدور هيثم مصطفي خلال الحراك الثوري أني علي يقين هو ليس بمستوي فهم تعقيدات المرحلة و مشاكلها
ولذلك اري أن رايه لا يخدم ما تعاني منه بل ينتصب في خانة التخوين والتخذيل ولا يستند لأي شيء علمي كلام عاطفي بس
وهذا رائي يا أخي

لجنة التمكين تدون بلاغاً فى مواجهة البرنس
فبراير 13, 20215

تقدمت لجنة ازالة التمكين بتفتح بلاغ في مواجهة الكابتن هيثم مصطفى بتهمة إعاقة عمل اللجنة و إثارة روح الكراهية بعد إنتقاده لعمل اللجنة خلال برنامجه الجديد ..ملعب البرنس عبر اليوتيوب

الاستاذ زهير تحياتي واحتراماتي..

Quote: مع كامل أحترامي لدور هيثم مصطفي خلال الحراك الثوري أني علي يقين هو ليس بمستوي فهم تعقيدات المرحلة و مشاكلها ولذلك اري أن رايه لا يخدم ما تعاني منه بل ينتصب في خانة التخوين والتخذيل ولا يستند لأي شيء علمي كلام عاطفي بس وهذا رائي يا أخي

بدأت اكتب في رد لكن لقيته ح يطول فااا ح اختصرها ليك في
ان شاءالله الاقتصاد يتصلح (بكباية الشاي) بتوصية الخبير
الاقتصادي المنقذ هههههههه. عرفنا غايتو كيف بفكر في الحلول.
دي ما زكرتك بالصحابة واكل ورق الشجر ماهو نفس الكتاب.!
اما قصة التخوين والتخذيل والكلام (الصغار صغار) دا بقي ما
جايب ثمنه ومافي زول بخاف منه. اما العاطفة يا زهير في الثورة
كانت (زغرودة) من كنداكة ايام (الرصاص في الراس) ولسة ياااخ
الشارع في عاطفته تجاه شهدائه ببكي كل ما يطراهم وبغني
شهدائنا ما ماتو!ا تتخيل.. دا راي هيثم في حمدوك ووصفه لوجدي
بالكضاااااااب واستشهد واتحدي.. انت رائك شنووووو فيهم؟ ويا
ريت ما يكون من باب (الشماعات) المشهد المعقد.
تحياتي واحتراماتي العزيز زهير.

مشكلتنا كلنا دايرين نتكلم فى السياسة او كلنا سياسيين ....هيثم مصطفى يوظف جهدو وفهمو فى جانب الرياضة اخير لى

Quote: مشكلتنا كلنا دايرين نتكلم فى السياسة او كلنا سياسيين ....هيثم مصطفى يوظف جهدو وفهمو فى جانب الرياضة اخير لى

ما عارف انتو منه تتكلموا فيها وعاوزين تبقوا.. الفيديو دا مافيه
اااي سياسة للضمان. هيثم قال حمدوك فشل ووجدي كضااااب.
هو من ناحية وظَف جهده للرياضة ايام كان لاعب وهسي بحاول
و حتي كمان ايام البوشي وزيرة هههههههه.

من الامس مع وجدي..


التلميع والصنفرة.. للجنجويد

من تعقيدات المشهد افتكر. المشهد اتعقد واصبح للدعم سجون
ومعتقلات كمان.

سلام معتصم و الزملاء
نفت اللجنة ما رشح في الاسافير عن فتح بلاغ في هيثم مصطفى يا ابو الزهور

سلامات ودالبشري..

Quote: نفت اللجنة ما رشح في الاسافير عن فتح بلاغ في هيثم مصطفى يا ابو الزهور

لن يستطيعوا.. احسن ليهم يأكلوا انهم (كضابين بس) ما يقوم
يجيب ليهم (من جووووة) فضائح تاني..
قال ليه كضااااب واتحداك.. حولاااا.

هيثم مصطفي اللاعب الفنان الانيق .. سيدا وسيد ابوها .. خسر خسارة كبيرة في المقطع دة ، كان عليه ان يتحدث ويتكلم باسهاب عن سبب الازمات المفتعلة ..
من بايديهم المفاتيح .. كل مفاتيح البلد الاقتصادية بالذات ، مش ينتقد الشق المدني وبسطحية واضحة .

عندما ترك هلال الملايين وبالرغم من العشق الجنوني لحبنا الاوحد .. بعدنا عن الكورة السودانية نهائيا تضامنا مع ولدنا .. الان اعتقد وب راي الشخصي
فقدت الملايين من محبيك يا سيدا .. خسارة .

سيد البوست معتصم .. تحاياي لك ولضيوفك

منتصر صلاح سلامات..

Quote: هيثم مصطفي اللاعب الفنان الانيق .. سيدا وسيد ابوها .. خسر خسارة كبيرة في المقطع دة ، كان عليه ان يتحدث ويتكلم باسهاب عن سبب الازمات المفتعلة .. من بايديهم المفاتيح .. كل مفاتيح البلد الاقتصادية بالذات ، مش ينتقد الشق المدني وبسطحية واضحة . عندما ترك هلال الملايين وبالرغم من العشق الجنوني لحبنا الاوحد .. بعدنا عن الكورة السودانية نهائيا تضامنا مع ولدنا .. الان اعتقد وب راي الشخصي فقدت الملايين من محبيك يا سيدا .. خسارة .

خسارته لانه قال حقيقة يا منتصر؟ ام اتكلم في رسالة
(النموذج) عسكرمدني وفشلها؟ ما هو نفسه حمدوك قااال
فشلناااا. عين وزارتين وحلوله الاقتصادية من عينة كباية
الشاي!!
ما عارف مقياسك شنو (فقدان) هيثم لشعبيته؟ وهل اااي
نقد لحمدوك وسياساته هو انتحار يعني؟؟
بالعربي هيثم اتحداهم وقال عنهم كضااااااااااابين
عندهم حلين.. الاول مقاضاته والثاني السردبة.
نشوف منه (بمقايسنا) اللي خسر مصداقيته.
تحياتي تاني وشاكر علي المرور يا منتصر.

ها ها ها ها
جابت ليها هيثم مصطفي كمان ؟؟
طيب هيثم مصطفي أو ( البرنس) كما يحلو لمشجعي المدرجات
الصابنها في اسمنت الاستادات أو بتاعين ما تسمى بالجرايد
الرياضية .. عمل شنو في الرياضة ؟؟
1/ فشل وهو الذي تشعبط فيها برجليه ويديه سنوات طويلة
مملة في أن يأتي للهلال ببطولة خارجية حتى لو كانت
كأس حديد صدي ..
2- أكثر من أساء الأخلاق الرياضية واستغل وضعه كلاعب
له شعبية من المتعصبين ليثير المشاكل ليس فقط مع زملائه
اللاعبين بل حتى مع الإداريين والمسؤولين عنه في الهلال
ولم يسلم منه الاعلام وان كان يستحق.
3- ابتدع أدب ثقافة الشلليات والعصبة وسط اللاعبين فأصبحت
له شلته التى تسير على ضلاله وتنفذ أفكاره لدرجة أنهم أصبحوا
يتحكمون في استمرارية الجهاز الفني والجهاز الإداري وربما
أعضاء مجلس الإدارة ..
4- هذا المخلوق أكثر لاعب أخلاقه في نخرته أو أعلى شوية
وأسمج من رأيته في ملاعب كرة القدم الخ الخ الخ .
لسوء حظ كرة القدم السودانية فساد الذوق العام للمشجع
والاداري والاعلامي والقراء لدرجة الدخول في كومة
من الغباء أو التغابي وإلا لما نال هذا المخلوق ومن هم
على شاكلته من لاعبي جيله هذا الحيز من الشهرة والاعجاب
والتى لم ينالها لاعبي هلال 87 وحتى 92
.................................
منو هيثم مصطفي دا في نظر أصحاب العقول وليس
أصحاب العواطف اللزجة كما هو حال مشجعي هذا
العصر الممسوخ التعيس ؟؟

Quote: منو هيثم مصطفي دا في نظر أصحاب العقول وليس أصحاب العواطف اللزجة كما هو حال مشجعي هذا العصر الممسوخ التعيس ؟؟

انت جبت لينا تاريخ هيثم.. يلا بالله جيب لينا تاريخ حمدوك
سياسي او اقتصادي.. وبالمرة كمان تعرج لينا وتجيب لينا
تاريخ وجدي.. عشان نشوف العواطف دي لزوجتها عند
(المريخاب) بس ولة حالة عامة.. ها ها هااااي..
صحافة صحن الفول..

الاخ عاطف تحياتي..

Quote: يب ليهم (من جووووة) فضائح تاني.. ____ الفضائح شغال فيها الصحفي مزمل ابو القاسم شغال فيهم جملة وقطاعي لجنة قومية وخرطومية!!!! فاتورة الفطور للجنة التفكيك الولائية قال ليهم بي طرفوا!! وتحداهم بفتح بلاغ!! ههههههههههههههههههههههههههههه

لجنة تفكيك التمكين دي اكبر كضبة في تاريخنا بعد
كضبة (المنقذ) حمدوك..
اتحداهم بالكضب يلا ينشوف مقاضاتهم..

Quote: انت جبت لينا تاريخ هيثم.. يلا بالله جيب لينا تاريخ حمدوك سياسي او اقتصادي.. وبالمرة كمان تعرج لينا وتجيب لينا تاريخ وجدي.. عشان نشوف العواطف دي لزوجتها عند (المريخاب) بس ولة حالة عامة.. ها ها هااااي.. صحافة صحن الفول.. .

يا حبيب والله لو عايز تجادعني في كلام زي
دا من هسة بقول ليك انت خسران وأحسن ما تستمر
قول لي كيف ؟؟
أولا قلت لي جيب لينا سيرة حمدوك.. وانت هنا اتعاملت مع
مداخلتي من ناحية سياسية وهي مداخلة رياضية قلت فيها
رأيي في المخلوق دا كلاعب كرة قدم كما أعرفه ولا علاقة
لها بما قاله في الفيديو بل حتى والله العظيم وكتابه الكريم
ما عارفو قال شنو إلا من خلال المقتطفات المكتوبة في
البوست دا .. وعموما لا يهمنى ما قاله عن وجدي وحمدوك
وعبد القادر .. كلامي عنو كلاعب أدوهوا أكبر من حجمو كتير.
ثانيا شايفك جبت سيرة ( صحافة الفول ) كأنك بتلمح إلى أنو كلامي
دا رد فعل لما قاله هيثم مصطفي .. فلو كان كدا فدي خسارة أكبر
لأنو لو متابع المنبر دا أكتر زول قاعد يشتم صحافة الفول
والمدرجات والمشجعين التى تسمي جرايد رياضية أنا العبد
الفقير لله ولا زلت أشتمها وكنت اشتمها عندما
كنت اشتغل فيها هنا وهسة قلت في مداخلتي فوق أنو الاعلام
يستحق ما قاله عنه هيثم مصطفي وغيره
ثم ياخ أنا في الوقت القال فيهو الكلام دا كنت خليت
صحافة المدرجات دي وهاجرت وبالتالي لا اعتبر نفسي
معنى حتى لو كنت اخالفه في الرأي .
.....................
يا حبيب لو عايز رأيي في كلامو عن وجدي وحمدوك
بقولو ليك براهو بعد المداخلة دي بس أنت قول لي
قولو .. وقبل كدا أديني منو سطر سطرين عشان أن
مستنكف أو مستكتر أسمع لي كلام زول بتاع هرجلة وعوك
عاك زيو كدا .. ما عندي وقت للهجصي دا .

واللا أقول ليك
من هسة وقبل ما تقول قال شنو
بقول ليك كلامو تنظير وعوك عاك وهرجلة ساي
وأي كلام قالو أنا ضدو حتى لو قال لي اسمك
طلحة عبدالله .. ايه رأيك ؟؟ خخخخخخخخ
...............
تحياتي لا حبيب وكدا افتكر عداني العيب وما حرمتك
من حاجة .

دا الكلام المضيع السودان
صاحب المهنة بيترك مهنتو وبيتكلم فى مهن اخرى

كل واحد فى البلد دى لو كان بيتكلم فى تخصصو البلد كان مشى لى قدام
صدمة كبيرة والله .
نفس العقلية الكيزانية الضيعت البلد . يا هيثم سيبك من السياسة خلى السياسة للسياسيين واتكلم فى الكورة
قدم مقترحاتك لتطوير اللعبة عشان نمشى خطوة لى قدام ..

Quote: يا حبيب والله لو عايز تجادعني في كلام زي دا من هسة بقول ليك انت خسران وأحسن ما تستمر قول لي كيف ؟؟

انت يا طلحة جيت تجادع.. انا جبت فيديو فيه نقد لسياسة
الحكومة..
انت خليت كووووول البوست ومسكت هيثم في شخصه وكورته و
انجازاته. كان ممكن ارد ليك بسطر واحد بعييييد من البوست
واقول ليك هيثم دا جاء في سنوات الانقاذ اللي ما قدرت تكمل
استاد ههههههه واكتفي. سالتك عن تاريخ حمدوك ووجدي وعن
انجازاتهم عشان اعيدك تاااااني لفيديو البوست اللي استغل فيه
هيثم مصطفي شهرته (بس) - ما بتقدر تجرده منها - كمنصة وانتقد
حمدوك وفشله ووجدي وكضبه. عندك كلام هنا ولة نأكل باسطة؟؟
اما صحافة الفول قسما انا ما عارف انك صحفي والله وطبعي
يا طلجة ما بميل للتهاتر او التلميحات للشخصية بس جبت المصطلح
لانه هيثم انتقد بيه قبل كدا اااي زول هبشه..
اررررح..

علاء سلامات..

Quote: دا الكلام المضيع السودان صاحب المهنة بيترك مهنتو وبيتكلم فى مهن اخرى كل واحد فى البلد دى لو كان بيتكلم فى تخصصو البلد كان مشى لى قدام صدمة كبيرة والله .

حمدوك اقتصادي جابوه ينفذ بنود الوثيقة الدستورية. خل كل شئ وساقنا
بالخلاء مع حميدتي.. اذن لما رب البيت للدف ضارب محرمين الرقيص ليه؟؟
بعدين ياااخ كم من (مشهور) استغل منصته وفتح عيون مغمضة؟؟ في
الفيديو هيثم قال اقتصاد (كباية الشاي) فضيحة.. انت زي طلحة وبقية
المداخلين خليتو كلامه ومسكتوا في شخصه.. يعني مريم الصادق كان
عندها علاقة (بالسلك الدبلوماسي) عشان ما انتقدها هههههههه.
نرجع للفيديو.. هيثم قااال حمدوك فاشل ووجدي كضااااب. اهااا.

يا مراحب يا معتصم

Quote: خليتو كلامه ومسكتوا في شخصه يعني مريم الصادق كان عندها علاقة (بالسلك الدبلوماسي) عشان ما انتقدها هههههههه

وُجهة نظرى الشخصية يا معتصم مقارنة حالة هيثم مصطفى بى حالة مريم الصادق ( مقارنة ظالمة )
لاننى وكما كتبت فى المشاركة السابقة ( عدم اهتمام اى شخص بالمجال الذى يعمل فيه والحديث فى مجالات الآخرين
هو المضيع البلد يعنى فى ايام الكيزان كوز لقيط ما معروف ليهو اول ولا اخر يعنى "سقط لقط " تلقاهو يتكلم فى الدين
ويتكلم فى السياسة ويتكلم فى الاقتصاد ويتكلم فى كل شئون الدولة حتى صار المسئول فى الوزارة المعنية لايتحدث
عن مشاكلها انما يتحدث عنها امام المسجد فى منبر الجمعة وهكذا دواليك )
بالنسبة لمريم الصادق ووزارة الخارجية كما هو معروف عالمياً فان وزارة الخارجية ليست من الوزارات التى يجب ان يتم
التعيين فيها من المختصين والدارسين للعلوم السياسية مثل وزارة المالية التى يجب ان يكون من يتولاها ان يكون دارساً
للاقتصاد او اى قسم آخر من اقسام كلية التجارة انما التعيين فيها ( سياسي ) مثلا وزير الخارجية الامريكى السابق :
مايك بومبيو لم يكن من الدارسين للعلوم السياسية وزير خارجية الكيزان الاسبق ابراهيم غندور لم يكن من الدارسين للعلوم السياسية .

التعيين فى وزارة الخارجية فى الغالب الاعم تعيين سياسي وليس حسب التخصص .

يا علاء مريم دي لو ابوها ما كان الامام الصادق رحمه الله عليه
ما كانت عتبت باب الوزارة ناهيك تكون وزيرة.. يااخ قووول ابوها
ورئيس وزراء غير حمدوك ما كان بقت وزيرة للخارجية.. يلا كمان
يا علاء بالله قول لينا حمدوك خبزه (شنو) قبل تعينه وبعده حتي.
كراهيتكم للحقيقة اللي قالها هيثم ما تعميكم عن الانحطاط
الحصل وبحصل كل يوم بدفن الرأس في الرملة..
اقتصاد كباية الشاي وتوفير الجاز هههههه. لا تمحنا ولا تبلينا.

Quote: بالنسبة لمريم الصادق ووزارة الخارجية كما هو معروف عالمياً فان وزارة الخارجية ليست من الوزارات التى يجب ان يتم التعيين فيها من المختصين والدارسين للعلوم السياسية مثل وزارة المالية التى يجب ان يكون من يتولاها ان يكون دارساً للاقتصاد او اى قسم آخر من اقسام كلية التجارة انما التعيين فيها ( سياسي ) مثلا وزير الخارجية الامريكى السابق :

شر الناس من يتفقه بجهالة
ولا نقول البلية ما يضحك
دا كان مرشح لوزارة الشباب والرياضة ؟؟
ساكتب لكم موقف عن (سىء الخُلق)
بعثة الهلال كانت باحد فنادق جدة وكانت مجموعة من (رابطة مشجعي الهلال)
بقيادة رئيس الرابطة .. وكانت نشيطة ولها مواقف وانجازات ومساعدات وبرامج
المجموعة الكريمة دي كانت في بهو الفندق وكان في نقاش دائر .. فجأة خرج (هيثم مصطفى)
من احد المصاعد وتوجه مسرعاً ومباشرة نحو رئيس الرابطة عمك (حسن) على ما اذكر وكان رجلا وقورا
ووجه له (هيثم) لكمة قوية في وجهه وسقط ارضا وانهال عليه ركلاً وضربا ..
وفقد عمك رئيس الرابطة الوعي وتم الاتصال بالاسعاف (الهلال الاحمر)
لولا تدخل الناس لكان الامر اخطر .... هذه هي اخلاقه

يا معتصم يا حبيب
هيثم مصطفي دا كان لاعب كورة أنت تعرف
وأنا أعرف وأي زول فتح الفيديو وسمع الفيهو
فتحو عشان هيثم لاعب الكورة وانا جبت ذرة
من تاريخو البئيس الوسخ كلاعب كورة وقلت
كلامو عبارة عن هراء وعوك عاك لأنو بعرفو
كلاعب كورة كان دا اسلوبو وطريقتو وتعاملو
مع من حولوا حتى أقرب الأقربين ( راجع مداخلة
أحمد يسن أعلاه) ودي والله برضو جزء ضئيل جدا
من أخلاقو الرديئة جدا البعرفها المعاهو قبل الضدو
(مخلوق) لا يتورع في الاعتداء لفظيا وجسديا على
قرب الأقربين ولا تكاد تجده إلا متعنترا مستأسدا مكشرا
متحفزا للعداء والاستعداء في مواجهة الجميع بسبب أو بدونه
لا يحفظ زمالة ولا عشرة ولا يحترم كبيرا أو صغيرا معه أو ضده
ولا يتمتع بأدني ضابط أخلاقي في تعامله مع الآخر
فكيف يثق من يعرفه بهذه الصفات المقيتة البغيضة
في ما يقوله ويفكر به ؟؟ بغض النظر عن الحاجة البتكلم فيها

............
(مخلوق) يا حبيب قضى سنوات في الكورة يهابش ويقابض
ويخرج من مشكلة ليدخل مشكلة لسوء الأخلاق وعظم
الحمق كيف يعتد بكلامه ؟؟ ما نفع في الكورة وانتهى
زمنه بشره الكثير فأراد أن يستعيد شهرته ( غير المستحقة) في
السياسة وكعادته وأسلوبه الذي لا يعرف غيره دخل من باب
الهتر وسوء الطوية وكثيرا من الظن الآثم .

ما عارف ليه الناس مستكتره علي هيثم انو يتكلم في السياسه ليه ؟ انتماءو للرياضه او سوء اخلاقو ما بمنعو انو يبدي رايو في السياسه او غيرها طالما نحن بنامن بي حريه الراي ،، ما ممكن نصل درجه انو نحدد للناس انها تتكلم في ياتو مجال ! مافي زول اصلا ادانا الحق دا
وبعدين الهجمه دي كلها عشان هيثم انتقد واقع ؟ طيب لو عمل العكس وكسر تلج لي حمدوك هل الاراء برضو بتكون ثابته انو ( ما مفروض لاعب كوره يتكلم في السياسه ؟ )

معاوية
أنا كلامي الفوق عن ( المخلوق) دا قلتو
قبل كدا في الجرايد بما فيها ( الرأي العام) بدل المرة
مرات عدة وما عشان انتقد أو اتكلم في السياسة.لانو الزمن
داك كان لاعب وفي عز شهرته ( غير المستحقة) وعندو
جمهور متعصب لا يقبل حتى أن تقول له السلام عليكم
بصوت مرتفع.. شفت كيف ؟؟؟
أي زول حر من حقو يتكلم في أية حاجة وبالمقابل
من حقي أنا كمتلقى أن أقول كلامو دا خارم بارم وعوك
عاك ساي وأن فاقد الشىء لا يعطيه وذلك بناء على
معرفة ومعطيات أنا عارفا عنو وذكرت بعضا منها .
................
شخصيا ما قلت ما يتكلم في السياسة سواء كان لاعب كورة
أو لاعب نط الحبل ومستحيل أقول كدا لأنو دا ما برضاه
لي نفسي وسبق أن جادعت فيهو هنا في المنبر دا الاستاذ
طارق الأمين ( قال لي خليك في الكورة) ومسكتها ليهو لغاية
ما كرهني وأظنو كره المنبر دا ذاتو ..
كلامي كلو عن عبدالله دا أن ما يقوله مجرد جعجعة
ومحاولة لاستعادة الشو فهو غير مؤهل للمحاضرة في
الأخلاق والقيم المجتمعية، ولا يمكن لمخلوق بهذه الصفات
ان يعتد برأيه فلو احسنت النية بقول كلامه (حق أريد به باطل)

طلحه اعتقد كرهك لي هيثم و(نيمار ) نابع من انتماءات رياضيه .. فنقدك ليهم دايماما قاعد يكون محايد ...

ما بكرههم كعبيد الله يا معاوية
ولو ما اتشعبطوا في الكورة دي ما في
علاقة بتلمني بيهم أصلا .. والله ع ما أقول شهيد
.................
أنا ما بكره زول لكن لا أمنع زول من أن يكرهنى

سلام يا علاء وسلام للجميع

Quote: دا الكلام المضيع السودان صاحب المهنة بيترك مهنتو وبيتكلم فى مهن اخرى كل واحد فى البلد دى لو كان بيتكلم فى تخصصو البلد كان مشى لى قدام صدمة كبيرة والله . نفس العقلية الكيزانية الضيعت البلد . يا هيثم سيبك من السياسة خلى السياسة للسياسيين واتكلم فى الكورة قدم مقترحاتك لتطوير اللعبة عشان نمشى خطوة لى قدام ..

كل الدكتاتوريات تستند على هذه الفكرة
فكرة أن الحق في ممارسة السياسة والحديث عنها ومناقشة الأمور العامة المتعلقة بإدارة الدولة هي حكر لفئة معينة تسمي نفسها السياسيين.
وأن الجماهير العريضة من الشعب غير مؤهلة للحديث عن الأمور العامة وشئون الدولة
وقد يصل ذلك إلى تجريم أي نوع من الحديث عن السياسة ومناقشة أمور الدولة إذا أتى من غير تلك الفئة المحتكرة لحق التفكير من السياسيين.

كل الإنقلابات العسكرية تم التمهيد لها بنفس هذه الفكرة وكانت مبرراتها نفس هذه الفكرة. فئة معينة تمثل تنظيم حزبي وحفنة عساكر تحتكر السلطة وتصادر حق الشعب في أدارة دولته
وتصادر حقه في الرأي والتفكير في أمور الدولة بدعوى أنه قاصر الفكرة وأن واجباته محصورة فقط في العمل في مجالات تخصصاته.


الديمقراطية الإنتخابية ليست مطلوبة لذاتها
ولكنها أفضل طريقة توصلت لها الحضارة الإنسانية في تصريف الأمور العامة بعقل جماعي.
الطريق يبدأ من إطلاق الحرية في إبداء الرأي وإحترام الحق في إبداء الرأي والرأي المخالف.

موش كدا يا حافظ ؟

ناس السياسه ما دايريننا ( نحن عامه الشعب الساي ديل ) نتكلم او نقرب من السياسه .. ودايرين دورنا فقط يقتصر علي اننا نصوت ليهم في الانتخابات ونصفق ليهم بعد يفوزو ونرجع تاني نمارس مهنتنا الله كتبا لينا .. والاغرب من كدا انو ناس السياسه ديل زاتوم هم المسيطرين ( علي الاقل في السودان) علي الرياضه والفن والتجاره

Quote: ناس السياسه ما دايريننا ( نحن عامه الشعب الساي ديل ) نتكلم او نقرب من السياسه .. ودايرين دورنا فقط يقتصر علي اننا نصوت ليهم في الانتخابات ونصفق ليهم بعد يفوزو ونرجع تاني نمارس مهنتنا الله كتبا لينا

أيوا بالضبط كدا يا معاوية، تصوت ليهم وبدون نقاش وبدون إبداء أي رأي.
وربما نصل لمشروعية التصويت نيابة عنك وعن الشعب، كما كان يفعل النظام البائد، طالما أنكم قاصرون ولستم مؤهلين للتفكير والحديث عن الأمور العامة او مناقشتها او إبداء الرأي فيها.

البوست دا خلاني أفكر في أن المشكلة ليست في الهبوط الناعم بل في الدكتاتورية الناعمة التي يتم الآن ترسيخ مبادئها.

نطالب بي فيديو خاص بالشق العسكري
وانجازاته ومصداقيته

لو القصد يا جعفر احراج هيثم بي الكلام دا فمعروف انو هيثم مصطفي كان من الصابنها في القياده والنتقد العسكر والدعم السريع ايام الناس كانت عامله حسابا .. لحدي ما انضرب واتهان زيو وزي باقي الشباب

Quote: نطالب بي فيديو خاص بالشق العسكري وانجازاته ومصداقيته

ما نطالب به هو أن لا يكون للشق العسكري أي مسؤليات ولا إنجازات خارج مؤسسته العسكرية.

الاخ العزيز طلحة
اكيد يعرف تاريخ المتنمر دا جيدا .. كان الآمر الناهي حتى في التمارين
اعترض على جلب محترف مصري والادارة (طنشت) رأيه الى حين
وفي اول تمرين للمحترف المصري .. هيثم تعمد الاحتكاك باللاعب
وفجأة دور في اللاعب المصري ضرب بالبونية والرفس والسب والشتم
مع ان اللاعب المصري اقوى جسمانيا طولا وعرضا و (احتراما) وكان بامكانه
رد الصاع صاعيين ..
وكان يردد (انا ضيف عندكم)
عموما حريقة في البرهان والدعم وحمدوك وقحت والحكومة كلها
وفي لجان التفكيك والفض .. وكل الاكذوبة دي
لكن هيثم دا لا اظن ان نسمع له حرفا واحدا

هو دا يا أحمد يسن
واعرف أكثر مما تعرفه وقلته أنت عن
(المخلوق) دا
...................
مشكلتنا الكبيرة يا حبيب تكمن في سمعان كلام
زي نوعية هيثم مصطفى دا لأنو مثلا لاعب كورة حتى لو
كان غارق في المحلية ولم يضف أي جديد للكرة السودانية
إن لم يكن قد خصم منها الكثير .. زي دا نحن نسمع ليهو
وننقاد لكلامو وفكرو بل وندافع عنو كان أعوج كان عديل
حتى لو شيطان رجيم في اخلاقو وسلوكو وتصرفاتو .
دي العاطفة اللزجة البتكلم عنها .

عارف يا طلحة عبدالله

Quote: زي نوعية هيثم مصطفى دا لأنو مثلا لاعب كورة حتى لو كان غارق في المحلية ولم يضف أي جديد للكرة السودانية إن لم يكن قد خصم منها الكثير .. زي دا نحن نسمع ليهو وننقاد لكلامو وفكرو

اول شىء هو ما عنده (فكر) حيجيب فكر من وين ؟
نحن نكون واقعيين ماذا قدم للهلال او للسودان من انجازات ؟
حريف ؟ يعني شنو حريف ؟ الدحيش كان احرف منه وبنفس سوء الاخلاق
وتسبب في اخر (10) دقائق في تعادل نيجيريا مع السودان في الخرطوم
بعد ان كنا متقدمين(3/صفر) وخرجنا من اقرب فرصة تاريخية للسودان
العمله الدحيش في المباراة دي مفروض كان يمنع من اللعب مدى الحياة
في الهلال في لاعبين ذوي مهارات عالية ولهم اخلاق واحترام للناس
وادب .. وحياء وحسن القول زي (الرشيد المهدية) وفي القاهرة سعى
لدخول الجامعة وقد كان ..مين هيثم عشان نقعد نستمع ليهو !! او
حتى يشغل ولو حيز صغير من اهتمام الناس ومعايش الناس
ومصير الناس وتقدم الناس والبلاد ؟؟ !
شىء محير

المشكلة إنه البرنامج اسمه (ملعب) البرنس !
وبحسب تقديمه في الحلقات الأوائل إنه بتكلم عن مشاكل الرياضة والملاعب الرياضية والأشبال والمدارس السنية وغيرها
لو اتكلم عن لجنة إزالة التمكين في وزارة الشباب والرياضة كان بتنبلع لأنه شأن مرتبط بالرياضة
لكن لما يكون البرنامج عن الملاعب ويقلبو سياسة حقو أول حاجة يغير الاسم
لما يتكلم لي في الرياضة ما بقدر أغالطه وهو اللي عدى نصف عمره في الملاعب وعارف عن خباياها ما لا أعرفه من مطالعة الصحف والتلفزيون
لكن كلامه السياسي الفوق دة خارم بارم ساي ولو واصل بجنس فهمه دة بنفع مشروع ذا النون جديد

يجب محاكمة والحكم علي الكابتن هيثم مصطفي ـ كلاعب كرة بمعزل عن الحكم عليه كمواطن وناشط وصاحب رأي ..

هنا يا احمد كلام هيثم بس علي طريقتك.. ممكن.

Quote: عموما حريقة في البرهان والدعم وحمدوك وقحت والحكومة كلها وفي لجان التفكيك والفض .. وكل الاكذوبة دي لكن هيثم دا لا اظن ان نسمع له حرفا واحدا

انا هلالابي غااايتو ما بقبل ياااخ في البرنس.. هههههه.

الحبيب جعفر..
حمدوك اعفاهم ياااخ.. في فيديو هنا يوضح فيه كبير الوزراء
انجازات العسكر وتاريخهم.. ههههههااااي.
ما بنطلعك ساي من هنا غايتو..

Quote: نطالب بي فيديو خاص بالشق العسكري وانجازاته ومصداقيته

ان شاء الله يكون عفاني من الرد والبحبتة..

طلحة.. شكلك زغت من الاجابة..
هاك تاني: دا حمدوك في وصف العسكر وتاريخهم في حفظ
الديمقراطيات.. قلت ما شفت فيديو هيثم, طيب دا ما شفتو؟؟
هل حمدوك كضاب ولة لا؟ هل كلامه دا حقيقة ونحن العسكر
حكمونا ديكتاتوريا اكثر من نصف قرن!!

جيب لينا تاريخ حمدوك الناااصع زي ما جبت تاريخ هيثم القذر.

وهنا الفيديو دا شكلك برضوووو ماشفت كمية الكذب بتاع
وجدي.. يلا كمان جيب لينا تاريخه.

Quote: يا معتصم يا حبيب هيثم مصطفي دا كان لاعب كورة أنت تعرف وأنا أعرف وأي زول فتح الفيديو وسمع الفيهو فتحو عشان هيثم لاعب الكورة وانا جبت ذرة من تاريخو البئيس الوسخ كلاعب كورة وقلت كلامو عبارة عن هراء وعوك عاك لأنو بعرفو كلاعب كورة كان دا اسلوبو وطريقتو وتعاملو مع من حولوا حتى أقرب الأقربين ( راجع مداخلة أحمد يسن أعلاه) ودي والله برضو جزء ضئيل جدا من أخلاقو الرديئة جدا البعرفها المعاهو قبل الضدو (مخلوق) لا يتورع في الاعتداء لفظيا وجسديا على قرب الأقربين ولا تكاد تجده إلا متعنترا مستأسدا مكشرا متحفزا للعداء والاستعداء في مواجهة الجميع بسبب أو بدونه لا يحفظ زمالة ولا عشرة ولا يحترم كبيرا أو صغيرا معه أو ضده ولا يتمتع بأدني ضابط أخلاقي في تعامله مع الآخر فكيف يثق من يعرفه بهذه الصفات المقيتة البغيضة في ما يقوله ويفكر به ؟؟ بغض النظر عن الحاجة البتكلم فيها ............ (مخلوق) يا حبيب قضى سنوات في الكورة يهابش ويقابض ويخرج من مشكلة ليدخل مشكلة لسوء الأخلاق وعظم الحمق كيف يعتد بكلامه ؟؟ ما نفع في الكورة وانتهى زمنه بشره الكثير فأراد أن يستعيد شهرته ( غير المستحقة) في السياسة وكعادته وأسلوبه الذي لا يعرف غيره دخل من باب الهتر وسوء الطوية وكثيرا من الظن الآثم .

عاوز تمسك لي في تاريخ هيثم.. دا ما موضوع البوست..
عاوز تناقش كلام هيثم.. اررررح.
وبالمرة كمان قولينا منو يحق ليه انتقاد الحكومة.. خصال يعني.

احمد يسن سلامات..

Quote: شر الناس من يتفقه بجهالة ولا نقول البلية ما يضحك دا كان مرشح لوزارة الشباب والرياضة

اتخيل عينه بدلها ولاء البوشي!! اجيب ليك ليها
مقتطفات ولة بتعرفها (تاريخ) وعرفتها (انجازات)؟
برضو يا احمد عاوز تمسك في (هيثم) كقصة و تجلي البوست؟
غااايتو..

الاخ معاوية سلامات..

Quote: ما عارف ليه الناس مستكتره علي هيثم انو يتكلم في السياسه ليه ؟ انتماءو للرياضه او سوء اخلاقو ما بمنعو انو يبدي رايو في السياسه او غيرها طالما نحن بنامن بي حريه الراي ،، ما ممكن نصل درجه انو نحدد للناس انها تتكلم في ياتو مجال ! مافي زول اصلا ادانا الحق دا وبعدين الهجمه دي كلها عشان هيثم انتقد واقع ؟ طيب لو عمل العكس وكسر تلج لي حمدوك هل الاراء برضو بتكون ثابته انو ( ما مفروض لاعب كوره يتكلم في السياسه ؟ )

منتظرهم يوصفوا لينا وين مكان شهادات حسن السير والسلوك
السياسي اللي بتيح لصاحبه الانتقاد..
غااايتو.
مسكوا البردعة وخلو الحمير..

مولانا حافظ سلامات..

Quote: فكرة أن الحق في ممارسة السياسة والحديث عنها ومناقشة الأمور العامة المتعلقة بإدارة الدولة هي حكر لفئة معينة تسمي نفسها السياسيين. وأن الجماهير العريضة من الشعب غير مؤهلة للحديث عن الأمور العامة وشئون الدولة وقد يصل ذلك إلى تجريم أي نوع من الحديث عن السياسة ومناقشة أمور الدولة إذا أتى من غير تلك الفئة المحتكرة لحق التفكير من السياسيين.

خوفونا.. انا غايتو جربندي سااااي بتكلم في السياسة.
ثورة من شعاراتها (الحرية) بعد سنوات القمع واثمانها معروفة
لكن لسسسسسسة الانقاذ وادبها معشعش..
غايتو الا أهل (الفرن) ينتقدوا اصحاب الخبيز دي غلبتني.

الاستاذ كمال عباس..

Quote: يجب محاكمة والحكم علي الكابتن هيثم مصطفي ـ كلاعب كرة بمعزل عن الحكم عليه كمواطن وناشط وصاحب رأي ..

سطر واااااحد نعرش عليه..
انتهي.

الاخ احمد..

Quote: المشكلة إنه البرنامج اسمه (ملعب) البرنس ! وبحسب تقديمه في الحلقات الأوائل إنه بتكلم عن مشاكل الرياضة والملاعب الرياضية والأشبال والمدارس السنية وغيرها لو اتكلم عن لجنة إزالة التمكين في وزارة الشباب والرياضة كان بتنبلع لأنه شأن مرتبط بالرياضة لكن لما يكون البرنامج عن الملاعب ويقلبو سياسة حقو أول حاجة يغير الاسم لما يتكلم لي في الرياضة ما بقدر أغالطه وهو اللي عدى نصف عمره في الملاعب وعارف عن خباياها ما لا أعرفه من مطالعة الصحف والتلفزيون لكن كلامه السياسي الفوق دة خارم بارم ساي ولو واصل بجنس فهمه دة بنفع مشروع ذا النون جديد

يعني كوووول مشكلتك معاه هي قال الكلام وين؟؟
بعدين منو القاليك كلامه سياسي.. هو اتهم عديييييييل كدا.
قال كضااااابين. اهااا.
اشتشهد بكتاب قرأهو ما معناها اتكلم في السياسة.. قد يكون
اشاار للاقتصاد ههههه.

الكابتن هيثم مصطفى واضح انه لا يدرك تعقيدات الوضع الانتقالي .وكيد المؤتمرجية والعسكر .
هيثم خسر كثيرا بهذا الحديث .

يا معتصم أنت جااااااااادي في الكلام البتكرر لي
فيهو دا واللا بتهظر واللا ما فاهم أنا بقول في شنو ؟؟
قلت لي :

Quote: عاوز تمسك لي في تاريخ هيثم.. دا ما موضوع البوست.. عاوز تناقش كلام هيثم.. اررررح. وبالمرة كمان قولينا منو يحق ليه انتقاد الحكومة.. خصال يعني.

ياخي كيف تاريخ هيثم ما موضوع البوست ؟؟
أنت جبت فيديو لهيثم مصطفي وقلت يفتح النار الخ الخ الخ
جيت قلت ليك هيثم غير مؤهل للحديث عن أي قيم لأنو
صفتو وصفتو وصفتو
تقول لي تاريخ هيثم ما موضوع البوست ؟؟
وعشان أوضح ليك أكتر قلت ليك عديل كدا
لو قال لي اسمك طلحة عبدالله بشك في اسمي
وما بعتمد ليهو أية كلام حتى لو كان حقيقة لها عينين
وتمشي على رجلين بناء على أخلاقو وسلوكو وتصرفاتو
أها كيف يعنى كلامي عنو ما موضوع البوست ؟؟
أقرب ليك أكتر .. مثلا مثلا ولا أقصد هيثم او غيره
الحرامي غير مؤهل للكلام عن الأمانة والكذاب غير
مؤهل للحديث عن الصدق والأحمق غير مؤهل للحديث
عن الحلم والصبر وفضل طول البال، وهكذا وهكذا خخخخخخخ
يا رب تكون فهمت عشان تعفيني من ديباجة دا ما موضوع
البوست وتاريخ هيثم وما عارف شنو .
تاااااااااااااااااااااااااااااني
بالنسبة لي المخلوق دا لا اعتمد له أي رأي..
.........................
يا معتصم أنا حتى لو عارف تاريخ حمدوك ووجدي فما
أظن المفروض انزل عن طلبك للحديث عن ذلك
أنا راق لي فقط القول أن ( المخلوق) هيثم غير مؤهل
لانتقاد الأخلاق والقيم ووضحت سببي ..
لو عايز اتكلم عن تاريخ فلان وفلان ممكن أتكلم لكن
حسب المود بتاعي حتى لو عارف وملم .
يا معتصم قليل من الموضوعية لا يضير ياخ .

بالحيل يا معتصم
مشكلتي قال الكلام دة وين
لو كتبه في صفحته على فيسبوك مثلاً ما عندي معاهو شغلة .. ماهو دة أنا بتاع كمبيوتر ومتشعلق في السياسة عادي
أنا أول من بشرت ببرنامجه الجديد ونشرت الحلقة الأولى على الاونلاين هنا: Re: الكاف يمنح الهلال العلامة الكامل ويتأهل اRe: الكاف يمنح الهلال العلامة الكامل ويتأهل ا
الكلام في حمدوك ولجنة إزالة التمكين سياسة .. ما عندو وصف تاني
بالنسبة لي برنامج اسمه (ملعب) ومعاهو الإسم الاشتهر بيه في الملاعب لامكانياته الكروية (البرنس) مفروض يتكلم عن الكورة اللي اصبح برنس فيها .. الفرض دة ما ختيته أنا بل ذكره هو منذ الحلقات الأولى
تابعته عشان استمتع برأي خبير خاض 20 سنة من التجارب الكروية عاشر فيها أجيال من الإداريين والفنيين ولما يتكلم عن مشاكل الكورة بتكلم من جوة الجوة .. عن حاجات ما بتظهر لي أنا كمشاهد
لكن لما يقلب لي الموضوع سياسة وبي فهمه الفطير دة بشعر بإحباط شديد
تجربته الكروية أكبر بكتير من تجارب الرشيد المهدية والسادة لكن الجوز ديل نجحوا في إنهم يبقوا إعلاميين لأنهم ركزوا على مجال تخصصهم وانا متأكد لو واحد فيهم فكر يعمل برنامج اقتصادي حيفشل بسبب إنه دة ما مجاله ولا هو خبير فيه .. كنت منتظر من هيثم مصطفى يفوقهم الاتنين في شهرين لأنه شعبيته أكبر منهم بالتالي متابعينه وداعمينه أكتر خاصة وإنه جاء في زمن الفضاءات المفتوحة

كونه هيثم يتكلم في السياسة دة من حقه كمواطن زيه وزي أي زول .. ولما أزور صفحته على فيسبوك بتوقع ألقى كلام عن السياسة وطرائف وإخوانيات وصور اصحابه واحتفال بنجاح أولاده وغيرها .. يعني ما بطالبه يلعب كورة في الفيسبوك
لكن لما افتح ليه برنامج اسمه (ملعب) و (البرنس) بتوقع فيه كورة بحسب اسمه وكلام هيثم نفسه
بالنسبة لي شخصياً خلاص بطلت أحضر برنامجه طالما بقى ينظر في السياسة بالطريقة الذنونية دي

يا معتصم بالنسبة لمنو البحق ليهو انتقاد الحكومة من حيث ( الخصال)
فعشان أختصر ليك المسافة والكلام الكتير بقول ليك أي زول يحق ليهو
إلا ( المخلوق ) هيثم مصطفي .. دي وجهة نظري القاطعة بالنسبة لي
عشان بس تجر نفس يا حبيب

يا أحمد الفهمتو انا من محاججة معتصم دي ما
دفاع عن هيثم بقدر دفاعو وتأييدو لما قاله هيثم
وطبعا هو حر ووجهة نظره تحترم لكن كمان
بالمقابل عليه أن يتقبل الرأي الآخر ويكف ولو قليلا
عن حكاية تحديد شكل ونوع الردود والمداخلات
في البوست.. أكتب لينا عن تاريخ فلان وشوف
لينا فيش علان.. خخخخخخخخ

Quote: سلام يا علاء وسلام للجميع Quote: دا الكلام المضيع السودان صاحب المهنة بيترك مهنتو وبيتكلم فى مهن اخرى كل واحد فى البلد دى لو كان بيتكلم فى تخصصو البلد كان مشى لى قدام صدمة كبيرة والله . نفس العقلية الكيزانية الضيعت البلد . يا هيثم سيبك من السياسة خلى السياسة للسياسيين واتكلم فى الكورة قدم مقترحاتك لتطوير اللعبة عشان نمشى خطوة لى قدام .. كل الدكتاتوريات تستند على هذه الفكرة فكرة أن الحق في ممارسة السياسة والحديث عنها ومناقشة الأمور العامة المتعلقة بإدارة الدولة هي حكر لفئة معينة تسمي نفسها السياسيين.

سلمات حافظ ومعاوية
انا كلامى كان واضح فى المشاركة الاولى واقتبس هنا :

Quote: دا الكلام المضيع السودان صاحب المهنة بيترك مهنتو وبيتكلم فى مهن اخرى كل واحد فى البلد دى لو كان بيتكلم فى تخصصو البلد كان مشى لى قدام صدمة كبيرة والله . نفس العقلية الكيزانية الضيعت البلد

انا انتقادى الموجه لهيثم ليس لهيثم وحده وانما انتقاد عام لانو بصراحة نحنا الشعب السوداني بنسيب تخصصاتنا وتجويد اعمالنا والناس كوووولها تقعد وتتكلم
فى السياسة مافى شعب زى الشعب السوداني فى الحتة دى .. ياخ خلونا نكون زى شعوب العالم نهتم بأعمالنا وتخصصاتنا والناس تتكلم فى مجال تخصصاتها
وفى الانتخابات الناس تمشى وتنتخب من تشاء .. ما مكن ياخ نفس الفكرة الكيزانية الكانت سائدة لمدة 30 سنة لسة برضو عايزة تمشى .
لابد من تغيير النمط الفكرى و المواكبة .

بالنسبة لى ليست لى عداوة شخصية مع البرنس وهيثم مصطفى عندو قناة فى اليوتيب
وياريت هيثم يقدم عبر قناته أفكار نيره تخرجنا من وهدتنا الى مصاف الدول الكبرى فى الرياضة .

Quote: لكن لما يقلب لي الموضوع سياسة وبي فهمه الفطير دة بشعر بإحباط شديد

كدي عليك الله يا أحمد عمر براحة كدا وبموضوعية تعال وريني الفطارة شنو في كلام هيثم مصطفي.
وخلينا نبعد من إنو وجدي صالح كذاب عشان ما نختو مع إسحاق أحمد فضل الله الذي أباح الكذب جهاداً.
وخلينا نعتبر وجدي صالح لم يكن يكذب وكانت تلك هي تصوراته لسودان ما بعد الثورة.
هل الفطير كلام هيثم أم تصورات وجدي صالح لسودان ما بعد الثورة؟

كل الناس الصبوها في القيادة والواجهوا الرصاص والموت عشان يشيلوا الانقاذ دي كانت تصوراتهم عن سودان ما بعد الثورة
لو قلت لي طلبة عطبرة الثاروا عشان عيشة بي 3 جنيه إنه سيأتي عليكم عهد تفتشوا للعيشة بي 15 جنيه وما تلقوها كان دفعوا التلاتة جنيه وقالوا شكراً بشيروك
كلنا في داخلنا في هاتف بقول إنه بلدنا غني بموارده ولو لقى إدارة كويسة ممكن يطلع مصاف الدول المتقدمة ولو انعدم الأمل دة ما بنتكلم في شأن سياسي ذاتو

أيوا يا أحمد عمر كتير من الناس كانت تصوراتهم بسيطة ومبنية على قراءات *فطيرة* ودا شي طبيعي.
لكن ببقى ما طبيعي وبيشكل قصور في مسيرة البلد بعد الثورة لو كانت دي مقدرة الناس الذين تصدروا لقيادة وإدارة البلد في ما بعد الثورة.
ما عندي مشكلة أقارن فطارة تصوراتك وفطارة فهمك وفطارة تصوراتي أنا ذاتي وفهمي بتصورات هيثم مصطفي، كلنا مواطنين *متشعلقين في السياسة*
لكن تبفى مشكلة لو وجدي صالح بتاع لجنة التفكيك فطارة تفكيرو بتتقارن بفطارة تفكير هيثم مصطفى الحي الله بيخاطبنا من قناة في اليوتيوب.

وبرضو يا أحمد عمر ما وريتني وجه الفطارة في فهم هيثم مصطفي.

وجه الفطارة إنك تجيب فيديو قديم لي زول قال كلام مبني على آمال مشروعة وتصورات منطقية وقتها عشان تقول عليه كضاب وتقعد تكرر فيها
كضاب دي بتقولها لي زول قال نكر حاجة حصلت أو جزم بحاجة ما حصلت لكن لما أقول ليك توقعاتي إنه سنة 2022 الدولار حيكون بي 50 جنيه ما ممكن تقول لي كضاب
ممكن تقول علي ما بفهم سياسة ما بفهم طبيعة السوق السوداني ما عارف حاجة عن المضاربة بالعملة لكن ما ممكن تسميني كذاب في توقعات مستقبلية
السؤال الما فطير الممكن تسأله لوجدي صالح عن عمله في لجنة إزالة التمكين .. تقول ليه انت فصلت ناس بدون وجه حق أو أكلت قروش اللجنة مثلاً
لكن ما ممكن أجيب فيديوهات لقيادي في تجمع المهنيين - مثلاً - أيام الاعتصام وهو في باله إنها حتبقى مدنية لا فيها جنجويد لا عساكر واحاسبه بيها هسة بعد رضخ الناس لسياسة الأمر الواقع وأصبح شراكة المجرمين أمر لا بد منه .. ما هي السياسة فن الممكن موش ولا ما موش؟

طلحة..
انا فتحت بوست عن (كلام هيثم مصطفي) اللي انا بتفق معاه
فيه تمااااما.. وكتاباتي كلوووها هنا عن الاستهبال بتاع وزير
الغفلة دا واقتصاده بتاع كباية الشاي واللاستنكاح والكضب
بتاع لجنة (التمكين) ما تفكيكه والمكون المدني كووووووولو.
انت جيت خليت موضوع هيثم يفتح نار علي حمدوك وفتحت
نار في شخص هيثم مصطفي وتاريخه انه فاتية..
ما ارجعك للبوست ليه واحدد ليك النقاش؟ انت ما ناقشت
موضوع البوست من اساسه بدليل جبت ليك فيديوهيييين
لحمدوك وت############ته للعسكر وكضب وجدي بعد توقييييييع
الوثيقة..

Quote: يا أحمد الفهمتو انا من محاججة معتصم دي ما دفاع عن هيثم بقدر دفاعو وتأييدو لما قاله هيثم وطبعا هو حر ووجهة نظره تحترم لكن كمان بالمقابل عليه أن يتقبل الرأي الآخر ويكف ولو قليلا عن حكاية تحديد شكل ونوع الردود والمداخلات في البوست.. أكتب لينا عن تاريخ فلان وشوف لينا فيش علان.. خخخخخخخخ

تاني.. موضوع البوست (كلام) هيثم ما (شخصه)..

احمد..

Quote: وجه الفطارة إنك تجيب فيديو قديم لي زول قال كلام مبني على آمال مشروعة وتصورات منطقية وقتها عشان تقول عليه كضاب وتقعد تكرر فيها كضاب دي بتقولها لي زول قال نكر حاجة حصلت أو جزم بحاجة ما حصلت لكن لما أقول ليك توقعاتي إنه سنة 2022 الدولار حيكون بي 50 جنيه ما ممكن تقول لي كضاب ممكن تقول علي ما بفهم سياسة ما بفهم طبيعة السوق السوداني ما عارف حاجة عن المضاربة بالعملة لكن ما ممكن تسميني كذاب في توقعات مستقبلية السؤال الما فطير الممكن تسأله لوجدي صالح عن عمله في لجنة إزالة التمكين .. تقول ليه انت فصلت ناس بدون وجه حق أو أكلت قروش اللجنة مثلاً لكن ما ممكن أجيب فيديوهات لقيادي في تجمع المهنيين - مثلاً - أيام الاعتصام وهو في باله إنها حتبقى مدنية لا فيها جنجويد لا عساكر واحاسبه بيها هسة بعد رضخ الناس لسياسة الأمر الواقع وأصبح شراكة المجرمين أمر لا بد منه .. ما هي السياسة فن الممكن موش ولا ما موش

الفطارة انك ما قادر تفرق بين التوقعات والحقائق..
كلام وجدي في الفيديو بعد توقيع الوثيقة الدستورية والسائل عاوز
يتأكد من (تبعية قيادة الجيش). وجدي رد بكذب صريييييح مافي
توقعات هنا.
اما لجنة الاراضي والتمكين في بوستات تاني ليها كان ممكن
تخش وتناقش فيها..

يعني اختصارا يا احمد كوووول مشكلتك في انه قاله وين
ما قال شنو؟ كويس. رأي.

Quote: كونه هيثم يتكلم في السياسة دة من حقه كمواطن زيه وزي أي زول .. ولما أزور صفحته على فيسبوك بتوقع ألقى كلام عن السياسة وطرائف وإخوانيات وصور اصحابه واحتفال بنجاح أولاده وغيرها .. يعني ما بطالبه يلعب كورة في الفيسبوك لكن لما افتح ليه برنامج اسمه (ملعب) و (البرنس) بتوقع فيه كورة بحسب اسمه وكلام هيثم نفسه بالنسبة لي شخصياً خلاص بطلت أحضر برنامجه طالما بقى ينظر في السياسة بالطريقة الذنونية دي [Profile]

ما عندي مشكلة في إنه يقول ما يشاء يا معتصم ولا ممكن أحجر على لسانه
أهو أبو رهف بكورك ومحمد مصطفى بتفتف وعشة الجبل بتقول إنها بتشبه ياسمين صبري وكلهم عندهم جمهورهم
يعني بقت على هيثم!

يا معتصم
اناقش كلام زول أنا بعتبره مهرج وانفعالي
وأحمق وممكن يقول أو يعمل أية حاجة بدون
تفكير أو تحسب للمآلات كيف ؟؟؟؟؟؟؟
قلت ليك أصلا أنا ما سمعت كلامو ولا عندي
استعداد اسمعه وبعتبرو تهريج وهراء حتى
لو قال حقائق تتنفس .. برضو مصر على أنك
تسمعنى ليهو وكمان اناقشو ؟؟
والله حيرتني عديل يا معتصم ..
ياخ طيب أها افهمك ليها اكتر
اعتبرني سمعتو ورأيي فيهو انو تهريج وانفعالي
ومليان عاطفة وبالتالي لا اعتمده ولا اعتد به ..
أها قصرت معاك ؟؟؟
...............
يا حبيب شايفك قاعد تلصق نعوت وتوصيفات من عندك
اختصار لما قلته عن ( المخلوق ) دا .. لم أقل تاريخه
قذر ولم أقل أنه فاتية .. دي مصطلحاتك أنت براك يا زول
أنا قلت أحمق وبتاع مشاكل وما قدم أية حاجة للكورة السودانية
وأسوأ لاعب رأيته في حياتي .. خليك في المضمار دا يا حبيب.

يا معتصم أنا قدامي كلام وجدي وبتكلم عما سيؤول عليه الحال
وشركات الجيش دي من أول يوم في الثورة الناس بتتكلم فيها ووهم ناكرينها .. مرات يقولوا ما عندنا ومرات يقولوا تعالوا شيلوها لكن هي في النهاية مشكلة وزارة المالية
هسة كدي صلاتك على النبي وريني علاقة جوع الناس بالشو بتاع صلاح مناع بي كذب وجدي صالح شنو؟
بداية كلامه إنه موجوع في موضوع معاش الناس، طيب الدخل لجنة إزالة التمكين في معاش الناس شنو؟
اللجنة دي ما وزارة المالية ولا عندها أي علاقة مباشرة بأزمات الخبز والوقود ولو اتفرتقت الليلة حيظلوا الناس جيعانين وموجوعين في حالتهم
اللجنة دي اتجاهها واحد بس: الكيزان والمنتفعين
نعم ما مبرأة وعندها أخطاء لكن أخطاءها لا تؤثر على معاش المواطن ويمكن معالجتها داخل لجنة الاستئنافات
استهداف لجنة إزالة التمكين مساعدة للكيزان في فك الخناق عنهم لكن ما بساعد المواطن بي أي حاجة
الحريص على الثورة بساعدها بالنقد البناء لتحسين عملها موش الطعن في أفرادها بالكامل لتوجيه الرأي العام ضدها ومن ثم مساعدة البرهان والنائب العام في التخلص منها .. اللجنة دي الحاجة الوحيدة الـ من ريحة الثورة حالياً
عشان كدة قلت كلام هيثم خارم بارم .. قال الناس موجوع عشان معاش الناس وبدل يتكلم في مشكلة المعاش قعد يتكلم في حاجات ما عندها أي علاقة بالموضوع زي الشو بتاع مناع وكذب وجدي القاطعو من راسه .. بل وكمان جابت ليها لتاخة وتحديات ذنونية من نوع أنا هيثم مصطفى كرار وبتحداكم تفتحوا فيني بلاغ .. هسي دة مالو؟ هبشه الما ضراه

المهم زي ما قلت فوق من حقه يتكلم خارم بارم it is free country واللتاخة حق طبيعي لكل إنسان

هيثم مصطفى وشيخ مهران


كهاتين

Quote: زول قال كلام مبني على آمال مشروعة وتصورات منطقية وقتها عشان تقول عليه كضاب وتقعد تكرر فيها كضاب دي بتقولها لي زول قال نكر حاجة حصلت أو جزم بحاجة ما حصلت لكن لما أقول ليك توقعاتي إنه سنة 2022 الدولار حيكون بي 50 جنيه ما ممكن تقول لي كضاب

لمن زول ييتحدث لينا عن أرض الميعاد التي وراء البحر وأنهارها من اللبن والعسل وما فيها من المن والسلوى ويوصفها لنا توصيف العارف وبناء على ذلك نفوض له قيادتنا ليوصلنا إلى أرض الميعاد،
ولما نجي قدام البحر نكتشف أنه لا يملك عصى موسى بنقول ما مشكلة وبنمشيها ليهو ولكن لما نعرف أنه ما بيعرف يعوم ولا بيعرف يسوق المركب ولا بيعرف الطريق إلى أرض الميعاد،
وبعدم معرفته دي يدعونا لركوب السفينة التي سواقها وكيل الفرعون والتي ستعيدنا إلى الفرعون مكبلين، يبقى وصفنا له بالكذاب وصف قد يكون وقد لا يكون دقيق ولكنه في كل الأحوال وصف رحيم به.

الكذبة ليست في حقيقة وجود أرض الميعاد او عدمها، ولكنها في ما اوحيته لنا بأنك جدير بقيادتنا إليها بينما أنت لا تعرف عن طريقها شئ.

يا طلحة انا ح ابدأ ليك من آخر سطرين انت كتبتهم..
انت خشيت البوست عشان تتكلم عن السطرين ديل ما عن
موضوع البوست نفسه!! بتقديرك يا طلحة انه هيثم مخلوق لا
يعتد بيه وبالتالي سمعان كلامه في البوست دا اخر اهتماماتك!!
دا انا اضعه ليك في باب (تخريب) البوست يعني؟؟؟
سؤال اتمني تجاوب عليه..
وصفته انت (بالمخلوق) والبشر عادة بصفوا بعد اما بصفاتهم
او نعتهم مدح او ذم وانت اخترت التجريد وعممته من (المخاليق)
وكمان مشيت مستشهد بكلام الاخ احمد يس (البونية) مع قلة
ادبه لزول كبير سنا اولا وممثل في احتفائية تخص نادي الهلال
اللي هيثم كابتنه ثانيا.. دا مش وصف الفتوة ولة الا تقول الكلمة
يعني؟ انا من وصفك انت ليه بالمكشر الاحمق وبتاع مشاكل
وبضارب من طرف. اختصرتها ليك بالفاتية وتتهمني انا اللي
بناقش في (كلامه ) موضوع البوست ما (اخلاقه) بنعته؟. قسما
حيرتني وحيرت ااااي سمبرية في راسي.. معقولة بس!!

Quote: يا حبيب شايفك قاعد تلصق نعوت وتوصيفات من عندك اختصار لما قلته عن ( المخلوق ) دا .. لم أقل تاريخه قذر ولم أقل أنه فاتية .. دي مصطلحاتك أنت براك يا زول أنا قلت أحمق وبتاع مشاكل وما قدم أية حاجة للكورة السودانية وأسوأ لاعب رأيته في حياتي .. خليك في المضمار دا يا حبيب.

لا وكمان عاوز تحصرني في مضمارك دا؟؟
طلحة.. انا جبت فيديو لكابتن هيثم مصطفي بصفته سوداني
انتقد اداء رئيس الحكومة ولجنة التفكيك واتهم اعضائها بالكذب
واتحداهم بالمزيد.. انت خشيت البوست دا عاوز تناقش شنو؟؟
لو توصيف هيثم وقصصه اللي كتبت عنها انت زمان افتكر كان
الاجدي كتابتك بوستاااااات بهذا الخصوص بس ما هنا لانه دا
ما مكانها.. اما لو خشيت تناقش فااا يااخ اسمع الفيديوهات
الثلاثة اللي انا جبتها وحتي بالامارة سالتك عن رأيك في فيديو
رئيس الوزراء عن العسكر ودورهم و وجدي بعد توقيع الوثيقة
واجابته علي اسألة بخصوصها.
فااا يااخ اتحصر معاي هنا ما هناك او قول جلا..

Quote: الكذبة ليست في حقيقة وجود أرض الميعاد او عدمها، ولكنها في ما اوحيته لنا بأنك جدير بقيادتنا إليها بينما أنت لا تعرف عن طريقها شئ.

دة ما اسمه كذاب
اسمه ما مؤهل
الحالة دي ممكن تسحبها على أغلبية المسؤولين في الحكومة الحالية
فيما عدا نصر الدين عبد الباري ما شايف أي مسؤول وضع خطة ونفذها
قبول أي منصب في الحكومة الحالية هو مشي فوق الأشواك لأنه السيستم السوداني معطوب بالكامل والفساد مستشري حتى وسط صغار الموظفين اللي كل مشكلتهم إنهم ما عاوزين يشتغلوا، بس يجوا المكتب يفطروا ويشربوا الشاي ويركنوا الأوراق دون انجاز ويرجعوا البيت .. الشغال برة السودان بستغرب لوجود نماذج زي دي لكن هي موجودة بكثرة ودة أقل أنواع الفساد
كل المسؤولين ديل كانوا ناشطين سياسيين بذلوا أعمارهم في محاربة الإنقاذ والسعي وراء الحكومة المدنية. اللي بيثبت عدم كفاءته للمنصب بنطالبه يترجل ويفسح الطريق لغيره، والبطعنوا الشوك وياخد ليه كم وقعة بنسنده ونساعده يقيف تاني. لكن ما لم نشاهد فساد واضح بنشكرهم على اجتهادهم وقبولهم التضحية بزمنهم ومجهودهم ونفسياتهم في الأوضاع المشحونة دي
وجدي كان بتكلم عن واقع اقتصادي من خلال الأرقام لكن ما قال أنا ببقي السودان احسن من امريكا في شهرين! ولا دي مهمته
كونك تاخد كلامه دون تدقيق دي مشكلتك لأنه كلامه ما قرآن منزل وقابل للنقد والمحاججة في مدى صحته
مهمة وجدي هي استرجاع الأموال المنهوبة من قبل الكيزان ودي الحاجة البنحاسبه عليها الآن.
أول ما تشوفه اتعين في وزارة المالية وبقى مسؤول عن توظيف الأموال دي بعد داك حاسبه على معايش الناس

Quote: مهمة وجدي هي استرجاع الأموال المنهوبة من قبل الكيزان ودي الحاجة البنحاسبه عليها الآن

ودهبنا البجيب 11 مليار دولار في السنة دا ما أموال منهوبة؟
ول لجنة التفكيك عميانة من جنجويد حميدتي البهربو دهب ب11 مليار دولار ديل؟

حميدتي ما ناكر المناجم ولا قال حقتي ما بفكها
من سنة 2019 بدأ في تسليم جبل عامر للمالية
كونه لسة الجنجويد محتفظين بي دهب دة تسأل عنه المالية وليست لجنة تفكيك نظام الثلاثين من يونيو

Quote: دا انا اضعه ليك في باب (تخريب) البوست يعني؟؟؟

لا أبدا والله يا معتصم تخريب البوست لشنو
وعشان منو ياخ ؟؟ مستحيل ولا خطر ببالى يا أخونا.. دا من أنا أبدا.
شوف
لما أقول ليك الزول دا انفعالي وأحمق وممكن يكورك ويهاجم
زول لمجرد انو قال ليهو كلام ما عجبو فدا زول لا يمكن أن
يكون دقيق في كلامه لأنه في أسوأ الأحوال بكون ممزوج بالعاطقة
والحمق وديل حاجتين ما بنفعن في زول طارح نفسو واعظ أو قائد
( المخلوق) هيثم دا ياهو بالضبط كدا أي كلام يقوله طوالي تسترجع
معاهو انفعالو وحمقو وجميع ما يتعلق بالعواطف والمشاعر الشخصية
عشان كدا قلت ليك كلامو بالنسبة لي هراء وكواريك ساي
ودي مداخلة في صلب موضوع البوست ..
ناس هنا قالوا كلامو صاح وديل في صلب الموضوع
أنا طلحة عبدالله قلت كلامو هراء وكواريك ساي فكيف أكون
ما في صلب الموضوع ؟؟
يا معتصم تحويرك لمداخلاتي ومحاولتك تجريدها من الموضوعية
عشان أنا قلت دا ( مخلوق) أحمق وتاريخو الكروي كلو مشاكل
وبالتالي كلامو خارم بارم .. ولا يمكن تفسير ذلك غير ذلك فلا تحاول.
الشاهد أنو هسة لو قلت كلامو صاح ودقيق ومؤكد لأنو
تاريخو يشهد له بالأخلاق والالتزام هل كنت ستصف مداخلاتي بأنها
خارج الموضوع ومن أجل تخريب البوست ؟؟؟؟؟
جاوب على السؤال دا زي ما أنا جاوبت ليك ..خخخخ
...........................
يا معتصم أنا طلحة عبدالله دا ( مخلوق) خلقني الله ولا أعرف
أي توصيف تاني للحاجة دي .. لو انت شايف هيثم مصطفي
ما (مخلوق) أنت حر يا زول .. القوسين ديل أنت الجبتهم ما أنا.

Quote: وجدي كان بتكلم عن واقع اقتصادي من خلال الأرقام

Quote: لكن ما ممكن أجيب فيديوهات لقيادي في تجمع المهنيين - مثلاً - أيام الاعتصام وهو في باله إنها حتبقى مدنية لا فيها جنجويد لا عساكر واحاسبه بيها هسة

Quote: حميدتي ما ناكر المناجم ولا قال حقتي ما بفكها من سنة 2019 بدأ في تسليم جبل عامر للمالية

يا عمك إنت بررت للإنحراف الحدث بعيداً عن التصورات المبنية على واقع إقتصادي بالإرقام بسبب وجود الجنجويد والعساكر في السلطة بعد الثورة.
ثم أنك نفيت سيطرة الجنجويد على أهم سلعة صادر كما قال وجدي.
فما الذي يمنعنا من محاسبة القياديين في قحت على فيديوهاتهم أيام القيادة.
فيديوهات ناس قحت دي هي البرنامج الذي طرحوه وعلى أساسهتم تفويضهم لقيادة الفترة الإنتقالية، فلماذا لا نحاسبهم على برنامجهم الذي طرحوه؟

ويا عمك قصة تقول لي أسأل منها وزارة المالية وما تسأل لجنة التفكيك دي ما بتنفع معاي. أنا أنتقد منظومة حكم بكاملها وبدون تجزئة، ولو أن هنالك قصور من في موقع فهو يعني قصور في المنظومة بكاملها بسبب تفككها وعدم إتساق مؤسساتها.

لا لا يا حافظ ما ممكن تمسك لي نصر الدين مفرح مثلاً وتحاسبه على أزمة الوقود لمجرد إنه وزير في الحكومة!!
أنا ما نفيت سيطرة الجنجويد على الدهب وإنما قلت إنها واضحة لدرجة ما محتاجة لجنة وكل المحتاجاهو متابعة من وزارة المالية
محاسبة أي مسؤول بتكون على البرنامج اللي طرحه في المؤسسة اللي هو حالياً فيها .. يعني وجدي قال حيفكك نظام الإنقاذ صامولة صامولة بالتالي متى ما انتهت مهمة اللجنة بنحاسبه على أي صامولة ما اتفكت .. دة حدنا معاهو
لكن ما ممكن تلم لي مثالب الحكومة كلها في قفة وتشيلها زول واحد وهو لا يملك مقعد في الوزراء ولا في السيادي وحدود صلاحياته لجنة متخصصة لا علاقة لها إلا بممتلكات النظام السابق

يا أبو حميد
أنا ما لميت مثالب الحكومة كلها في قفة وشيلتها زول واحد ولا هيثم مصطفى حصر مشكلة الحكومة والأزمة في زول واحد.
إنت إختزلت كلام هيثم مصطفى كله في نقطة وصفه لوجدي صالح بالكذب وبناء على النقطة دي وصفت كلام هيثم كله بالفطير.
ووصفك لكلام هيثم بالفطير ليس منبت عن بقية الحوار في البوست الذي تحول لمصادرة حق هيثم في إنتقاد الحكومة ولجنة تفكيكها لنظام التلاتين من يونيو.

المشكلة ليست في وصفك لكلام هيثم مصطفى بالفطير فقط فذلك رأيك ولا حجر على رأيك
ولكن المشكلة في حملتك عليه وكيلك بمكيالين
فأنت رحيم جداً بالذي يتصدى للمنصب العام حتى ولو ثبتت عدم كفاءته وتكافئه على تصديه بالشكر ما لم يثبت فساده
ولكنك تعامل هيثم معاملة مختلفة جداً في تصديه للحديث والتعبير عن رأيه فقط في الأمر العام عبر الوسائل المتاحة له.
فأنت لا تشكره على حديثه إن أصاب او أخطأ بل تحاسبه بدقة على كلماته

نقطة أخيرة كلام وجدي صالح عن حلول الأزمة الإقتصادية بإستعادة صادر الذهب والصمغ العربي وحديثه عن دمج قوات الجنجويد في القوات المسلحة تحت قيادة القائد العام،
مؤشرات تدل على أن من تولوا أمر المفاوضات مع العسكر قد إستسهلوا الحلول وكانوا غير ملمين بالتفاصيل وغير مدركين لنتائج مفواضاتهم التي اوردتنا المهالك.

مشكلتي الأولى مع هيثم في إنه استغل منصته الرياضية للمهاترة السياسية
وقلت فوق إنه لو نشرها في أي مكان غير برنامج ملعب البرنس ما كانت بتشد انتباهي وعلى فكرة هيثم بكتب في السياسة من زمان على الفيسبوك
لمن اخش برنامج ملاعب والقاهو حول إزالة التمكين زي لمن ادخل بوست اسمه (أسألوني قبل أن تفقدوني عن سيد الدكان بتاع امبدة الاعتقلته شرطة النظام العام امبارح) ولمن ادخل البوست أقرأ 70 مداخلة في جنيف والسفارة القطرية ومافي أي سيرة لي امبدة ولا الدكان
موضوع المكان دة بهمني لأنه هيثم بنفسه هو اللي قال إنه دة برنامج رياضي .. ولما يكون في كابتن بحجم البرنس بتكلم في الرياضة من حقه علينا وأولنا وزير الرياضة نجيب ورقة وقلم ونكتب وراهو
مشكلتي التانية إنه كلامه في السياسة ما مترابط بس تلقيط أخبار من هنا وهناك وفي النهاية التنشين على جهة ما عندها أي علاقة بالأزمات اللي هو بتكلم عنها
أنا ما مختلف مع دمغه لصلاح مناع بحب الشو ودة رأيي برضه على فكرة لكن السياق شنو؟!! البدخل صلاح مناع في الكورة هو نفسه الساق بوست امبدة وداهو جنيف
يعني يا سيدي هو قال موجوع من حالة البلد والناس جيعانة .. طيب وانت عندك برنامج وشغال تسجل من حقنا عليك كمشاهدين تكلمنا عن أصل المشكلة ومقترحاتك لمعالجتها طالما بقيت محلل سياسي! .. لأنه المشكلة البتتكلم عنها دي ما عندها أي علاقة بكلام وجدي الاعتبره كذب نجراً من دماغه كدة ساي
مشكلتي التالتة العنتريات بتاعة أنا هيثم كرار وبتحداكم تشتكوني!! أها دة ياهو الشو بتاع صلاح مناع ذاتو

Quote: ولكن المشكلة في حملتك عليه وكيلك بمكيالين فأنت رحيم جداً بالذي يتصدى للمنصب العام حتى ولو ثبتت عدم كفاءته وتكافئه على تصديه بالشكر ما لم يثبت فساده ولكنك تعامل هيثم معاملة مختلفة جداً في تصديه للحديث والتعبير عن رأيه فقط في الأمر العام عبر الوسائل المتاحة له.

في الحقيقة هو مكيال واحد
أنا أحترم من يعمل .. ما مشكلة عندي تفشل مرة ومرتين طالما غرضك خدمة البلد وانت ما فاسد .. حتى لو آمنت أنا بإنك ما مؤهل للمنصب بقول ليك شكراً خلاص أنزل كفاك
نقد المسؤول ما بكون في شخصه وإلا ببقى نقد هدام أسبابه بعيدة عن مصلحة الوطن فلما تجي تنتقد لي وجدي انتقده في عمله داخل إطار لجنة التمكين .. دة العهد البينا وبينه .. لكن كلمة كضاب ومعاها فيديوهات قديمة دي ما بتخدم أي مصلحة إلا مساعدة الكيزان في حملاتهم على اللجنة

نهايته أهو هيثم بدأ أول خطوات الذنونية بعد دة بننتظر لايفاته

اذا كان مهمه لجنه ازاله التمكين وتفكيك نظام ال30 من يونيو ازاله الفساد والتمكين مافي تمكين وفساد اكتر من الدعم السريع ،، لانو دا النبت الوحيد العايش ومتسلق حتي الان ( ودا بي شهاده وجدي قبل عشره سنوات) فلجنه ازاله التمكين لو ما بدت او استدركت ملاحقه حميدتي فببقي وجودا الهاء للراي العام ،،
وبعد الدعم السريع ناس كتيره اتحدت اعضاء اللجنه بفتح او التلميح بفتح ملفات فساد عبد الغفار الشريف وصلاح قوش

إضافة
زخم وثقل وشعبية هيثم مصطفي المكتسبة من كابتنيته ووضعه كلاعب مشهورلاتعني بالضرورة أن هذه الشعبية ستنسحب علي موقفه أو رؤيته السياسية
-ممكن جدا أن أقدره كلاعب وإختلف مع موقفه أولونه السياسي
- دونكم الكباتن طارق أحمد آدم وخالد أحمد المصطفي الذين إنخرطوا في مواقف ومواقع متناقضة مع التغيير والثورة ولم تنسحب شعبيتهما الكروية علي
المواقف السياسية ولم تخلق لهما زخما شعبيا يؤيد تلك المواقف -ـ
- رصيد الكابتن هيثم مصطفي النضالي والمصادم للإنقاذ لايعني أن كل تقديراته السياسية ومواقفه تجاه الحكم المدني سليمة وصائبة -
**- الحكومة المدنية في تقديري إعتراها العجز وفشلت في تحقيق أهداف الثورةوحسم الفلول وتحجيم المكون العسكري - ولكني مع كل هذا
لاأسمها بالفساد والإستبداد ولا أخونها أو أجرمها-
- هيثم ليس بسياسي متفرغ - أو محترف -( محترف دي بمعني أن السياسة ليست حرفته ومصدر أكل عيشه)
وليس هو بمحلل سياسي -وإنما صاحب رأي يقيس ويحكم علي الحكم الإنتقالي بمعيار الأمال العريضة والتضحيات الجسيمة والأهداف الثورية النبييلة
وباللهييب والمد الثوري الهادر - وهو في هذا قد يخطئ وقد يصيب !

Quote: أنا طلحة عبدالله قلت كلامو هراء وكواريك ساي فكيف أكون ما في صلب الموضوع ؟؟ يا معتصم تحويرك لمداخلاتي ومحاولتك تجريدها من الموضوعية عشان أنا قلت دا ( مخلوق) أحمق وتاريخو الكروي كلو مشاكل وبالتالي كلامو خارم بارم .. ولا يمكن تفسير ذلك غير ذلك فلا تحاول. الشاهد أنو هسة لو قلت كلامو صاح ودقيق ومؤكد لأنو تاريخو يشهد له بالأخلاق والالتزام هل كنت ستصف مداخلاتي بأنها خارج الموضوع ومن أجل تخريب البوست ؟؟؟؟؟ جاوب على السؤال دا زي ما أنا جاوبت ليك ..خخخخ ...........................

الاجابة علي سؤالك لا برضو.. لانك ببساطة لا شفت الفيديو بتاعه
ولا بتاع حمدوك و وجدي. في الحالتين الاجابة لا..
صلب البوست يا طلحة اقتصاد كباية الشاي وصمغ المليارات..
مشكلتك انت اللي قالوا منه.. ما الموضوع شنو.. حاولت ابعدك عنه
واعيدك تاااني للبوست بتدعيمي ليه بفيديو حمدوك حق العسكر
وانهم (حماة) الديمقراطية امتدادا لجهله او (انبطاحه للعسكر)
وتغبيشه للملايين انت (المخلوق) طلحة كبرت لفتك بس (يمكن)
عشان ما تتفق مع هيثم في انتقاده للخبير الاقتصادي وفهمه.
جبت فيديو وجدي يرد علي اسئلة القائد الاعلي و اوضاع
العسكر في الحكومة باعتباره (مسؤول) وبالتالي (شفاف) في
توعية الشارع و تمليكه (الحقيقة) انت برضو كبرت لفتك, ليه؟
لانها ممكن تعيدك لكلام هيثم وانتقاده و تحديه.
ما فهمته هسي منك انه هيثم لا يعتد بيه (باسبابك). اما
نقاشك لي انا (معتصم) في اهلية حمدوك وشفافية وجدي
ما كانت من اسباب دخولك البوست.. اهو دي فرصة (تدلو)
بدلوك لو عندك (حبل او سلبة) ياااخ ههههههههه.
كل الاحترام يا طلحة ياااخ و شاكر جداا علي (سحبة النفس).

ود إدريس
عارف يا كابتن .. انت داخل و(الباكجراوند) حقك هيثم والبرنس وسيدا والهيلامانة الكروية
وشعبيته لدى جمهور الهلال .. واعجابك به كلاعب او زي ما انت قايل احرف من انجبته الملاعب
اذا انت لغيت التصور دا والاحساس دا وريحت عقلك الباطن . وشفت هيثم من منظور آخر
منظور (القائد) خارج الملعب ومنظور الفكر والنقاش واحترام الراي والراي الاخر
وشفته من خلال عينيك التي تبحث عن انسان حقيقي للتطور والنهضة والعدل والانسانية
صدقني يا معتصم آخر واحد كنت حتفكر فيه وتدافع عنه هو هيثم مصطفى

Quote: نقاشك لي انا (معتصم) في اهلية حمدوك وشفافية وجدي ما كانت من اسباب دخولك البوست.. اهو دي فرصة (تدلو) بدلوك لو عندك

ما هو دا الكلام اللى قلتو ليك من البداية
يا معتصم .. انت بوستيك دا كلام قالو هيثم مصطفي وعاملو
عنوان للخيط ذاتو وأنا دخولى هنا عشان أقول كلامو
لا يعتد بيهو عندي بغض النظر عن قال شنو.. يبقي تاني
شنو اللى ممكن يختلف اذا سمعت كلامو ؟؟ ولا حاجة يا حبيب
ح يظل رأيي ثابت حتى لو قال حقائق بناء على معرفتي
لسايكولوجيتو .
كان ممكن أدخل اناقش الكلام القالو هيثم دا ذاتو لو قالو
زول غيرو ( أي زول) أوافقو أو أختلف معاهو .. وممكن
اكتفي بسمع الفيديو بس وما أقول بغم ذاتو لكن كونو يكون
قالوا هيثم فدا عندي هراء وكواريك وجوطة وتفاف زيو
وزي تفاف بتاع انصار السنة داك .. مقدما كدا وقبل أسمعه.
....................
يا حبيب أظنك توافقني أنو وصفي للكلام دا بالهراء أو العكس
دا رأي في صلب الموضوع وليس تخريب ليهو .. سيبك من
انطباعي وانطباعك عن ( المخلوق) القالو .. خخخخخخ

الفنان احمد يس.. محبتي..

Quote: منظور (القائد) خارج الملعب ومنظور الفكر والنقاش واحترام الراي والراي الاخر وشفته من خلال عينيك التي تبحث عن انسان حقيقي للتطور والنهضة والعدل والانسانية صدقني يا معتصم آخر واحد كنت حتفكر فيه وتدافع عنه هو هيثم مصطفى

انا ما هنا لتقييم هيثم كقائد او عنده رؤية وحلول بقدر ما شفته
(قامة كروية) استغل شهرته في لفت الانتباه لعوج كثيرين اتفقوا
عليه وانا منهم. ومصداقية لكلام هيثم في الفيديو دعمت البوست
بفيديوهين لرئيس الوزراء نفسه وخطله في وصف الجيش المنحاز
وللسيد وجدي وتضليله باجابات هو يعرف من موقعه انا ما حقيقة.

الاستاذ طلحة.. تحياتي..

Quote: يا حبيب أظنك توافقني أنو وصفي للكلام دا بالهراء أو العكس دا رأي في صلب الموضوع وليس تخريب ليهو .. سيبك من انطباعي وانطباعك عن ( المخلوق) القالو .. خخخخخخ

وصفك (لكلامه) بالهراء دا راي جدا احترمه, واتفق انه رايك. اختلفت
معاك في حجرك عليه انه يقول ومرجعيتك كانت (شخصه).
ممتن استاذي طلحة.