Post: #1 Title: نحن مكسريين في سعادة الوزيرة هبه كان قحاته ولاحركات ومعنا رجال أعمال قامات Author: زهير عثمان حمد Date: 02-13-2021, 00:14 AM Parent: #0
سعادة الوزيرة اللطيفة الظريفة هبه قالوا انت قاعد مسنتره في الوزارة والله أنا والغبش المساكين كلنا قلنا تقعدي ايوة نحن ما بندفع ماهية كباشي الشين وهو مرضنا وقتل أولادنا في القيادة بس انت يا السمحة تقعدي يا بت العز والقبايل والله كان ندق الشير ماهيتك بندفعا وعليك الله ما تهاجري تاني وتخللينا لناس ويني ومريسيله وحوا السامة ست العرقي بالله تطل علينا ومنتظرين ظهورك في التلفزيون أنشا الله حق ولاية الخرطوم انت وانت وب انا ما كنت زينة الحكومة بت البوشي شنو و زحمة ناس مدني في السوق الشعبي وحت الله زينتي المالية بالله يا حمدوك جبريل شنو والدنيا باردة كدا والدولار في زمن الحلوه بقي معجزة وب علينا نحن اللي بقينا بس ناس شوف ساي يا ست البنات النضاره ما فيك حكاية يوم مشيتي توقيع السلام اليوم داك ابو حسين ما نام وناس بحري وزعوا الصور في الواتساب قالوا دا الفال السلام الجاي انت كان عارفة لما يكون عندك مؤتمر صحفي في سونا ما الصحفيين خلو الكتابة مبهرين برقيقة العبارات ودهشة الزولة الجميلة وكمان اقتصادية والصحفيات ماتنا غيرة وعاملين ليك ضر الكتابة الخبر بدون صورة وأخبار ارتفاع الدولار في الصحفة الاولي شوفتي البنات ديل حاقدات كيف أحي انا يا وحيد من حرف الراء الضايع في خشم العزيزة يا أخي ما طريقة كلاما أستايل دي ما من ناس المنظمات ما كشا مشي نتوجع ونحن بعاد من الخرطوم انت انتقمي مننا ودينا التوج وعذابي كل اهل السودان واحد واحد مرا وراجل شافع وعجوز ما الكوزات منك جننا وقلنا هو وهو والله يا هبة بنريدك في الله ما كمان ما يبقي علينا فقر ومسئوليين قباح وسناح زي كباشي والمسنوح صلاح مناع يجعر زي التور تعالي بالله شوفي هوالك بهدل ناس كبار وعمل فينا الهوايل بالجد نحن مكسرين كان قحاته ولا حركات كفاح مصلح ومعنا كمان يا بت الناس رجال أعمال بالجد قامات كبيرة خلاص جابو القروش وعايزين يعملوا أستثمار معك غايتو انا ما براي حتي عجايز المنبر دا معاي خصوصا خضر ودالامير وابوحسين ود المدير وجلال قوم عريض من البورداب ومنهم واعرفي ود الامير هو اللي حرضني علي الكتابة فيك والله عندي ليك كمية صور بس ما عارف انزلا بس خايف عليك من عين ناس اسماعين والعروبي بريمه ودنيق ودالباوقه ممكن يعمل ليك عمل يشلك ما هو كوز ضهبان المهم انا حسي الليلة كتبت حسب رغبة الاخوان بكرة برجع ليك بمزاج تاني كمان عليك يا حمودك دا شنو عمايك دي تخلي مفرح ود الجزيرة ابا وبتاع الدين وتقيل الوزيرة هبه انت ما عارف هي ما في قلوبنا تجري مجري الدم لكين منو انت مستشارك ما خضر الشفيع الاصلع القبيح برضو ح تقعد زي ما قال القايد جبريل تقعد هي ما اساسا قاعدة في قلوب كل افراد الشعب العظيم كان اقالتها ولا قاعدة مع القايد جبريل في المالية سمعتوا نحن مكسريين في سعادة الوزيرة هبه كان قحاته ولاحركات مصلحة وكمان معنا رجال أعمال قامات كبيرة جدا ولي عودة
Post: #2 Title: Re: نحن مكسريين في سعادة الوزيرة هبه كان قحات� Author: زهير عثمان حمد Date: 02-13-2021, 00:16 AM Parent: #1
عشان تشوفي هواك كيف بهدل عواطفي ودافسه
العن دين كدا
Post: #3 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 01:59 AM Parent: #2
؟!!!!! زمان لما السودانيين وحتى مسؤولو وزارة الخارجية تغزلوا فى وزيرة الخارجية الموريتانية الحكومة الموريتانية رفتوها من الوزارة. مسؤول كبير فى وزارة الخارجية كتب فيها قصيدة لما زارت السودان فى مهمة رسمية. ولو رجل دبلوماسي يعنى البروتوكول ما منعه من التغزل فى مسؤولة اجنبية تزور وزارته فماذا نقول. أمورنا تحتاج لبحث.
Post: #4 Title: Re: نحن مكسريين في سعادة الوزيرة هبه كان قحات� Author: زهير عثمان حمد Date: 02-13-2021, 03:10 AM Parent: #3
أخوي ابو الريش سلام يا جميل يا اخي دا ما غزل دا كلام زول الدنيا غلبتو ساي وقرفان زهجت كل ما اصحي من النوم دنياتي جايطة ربك يسهل بس شكر للمرور يا جميل ونهاية اسبوع رائعة كدا انشالله
Post: #5 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 03:58 AM Parent: #4
يا زهير يا أخى العزيز.. ليس عندى أدنى شك فى نواياك الطيبة.. لكن هذا البوست يشبه الكيزان ولا يشبهك. وعارف لما الوزير أو الوكيل الكوز نشر القصيدة فى بنت النهــا لم يقصد التغزل وإنما قصد الى إنهاء حياتها الدبلوماسية، لأن هذا ضد اراء المتطرفين، أن تكون إمرأة وزيرة خارجية.. وتبعه كيزان اخرين فى النهج حتى نجحوا وطردت الحكومة الموروتانية الوزيرة المسكينـة. ما فى أى داعى لهذا البوست وضرره أكبر من مجرد (تفريق زهج) نحن لو زهجانين ما ذنب الاخرين نستخدمهم أدوات (لتفريق) زهجنا؟.. وماذا يستفيد زملاؤنا فى المنبر من هذه البوستات؟!! أرجو مخلصا سحب البوست ..
تحياتى
Post: #6 Title: Re: نحن مكسريين في سعادة الوزيرة هبه كان قحات� Author: زهير عثمان حمد Date: 02-13-2021, 04:08 AM Parent: #5
اخي العزيز أوالريش انا لا اشك في تيقيمك للامور ولكن حقيقة انا ما فعلت كفر بواح يشبه الكيزان مع اني لحظتها كنت شيطاني الفعايل يعني يا ابو الريش هذا البوست فيه ضرر انساني وأخلاقي للعباد والزملاء في المنبر والله أنا ما بقدر أغير اي شيء غير مسح المكتوب سلطة السحب لصاحب الحوش بكري مع ودي
Post: #7 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 04:40 AM
وهذا كان العشم يا زهير.. الله يجبر بخاطرك. أما إزالة البوست فيكفى نسخ العنوان الأساسى وارساله بالإيميل لبكرى
تحياتى واحترامى
Post: #8 Title: Re: نحن مكسريين في سعادة الوزيرة هبه كان قحات� Author: عبداللطيف حسن علي Date: 02-13-2021, 08:46 AM Parent: #7
شخصيا احب كتابات الاستاذ زهير جدا
فهو يترك لقلمه الحرية في الكتابة البعيدة عن نسقية معينة
او يترك للجسد حرية طرد العقل من بين سطور الكتابة
في محاولة مابعد نقدية وعثية قد تقود لمدرسة جديدة في الكتابة مستقبلا
صدقني اجمل الكتابات هي المتمردة علي القوالب الشائعة والتي لاتضع اعتبارا
لسلطة المجتمع والمؤسسة
Post: #9 Title: Re: نحن مكسريين في سعادة الوزيرة هبه كان قحات� Author: عبداللطيف حسن علي Date: 02-13-2021, 08:47 AM Parent: #8
Quote: وعثية
المقصود عبثية
Post: #10 Title: Re: نحن مكسريين في سعادة الوزيرة هبه كان قحات� Author: Biraima M Adam Date: 02-13-2021, 09:03 AM Parent: #9
Quote: بس خايف عليك من عين ناس اسماعين والعروبي بريمه ودنيق ودالباوقه ممكن يعمل ليك عمل يشلك ما هو كوز ضهبان المهم انا حسي الليلة كتبت حسب رغبة الاخوان بكرة برجع ليك بمزاج تاني
ود الخواجية، ريالته سايله .. طلج طلج طلج .. مثل الزول الدلاهة ..! .. أنستر يا هذا؟! .. أقبح أنواع الكتابة .. هو الكتابة عن المشاعر في العلن .. مثل هذا الكلام يخدش حياء السيدة الوزيرة .. ويصبح وقع الكلام علي نفسها علي غير ما أريد له ..
يا شيوعين وأذيالهم .. ما ح تقدروا تكسروا حياء المرأة السودانية المحافظة ..
أنا لو جاش بخطاري ما يجيش بنفسك المريضة، ح ألبس طاقية الكاوبوي وتوش في حوش أبو الوزيرة .. يا في الجمل ويا في الجمالي!
شوف محلة قشقش مخاخطيتك !
بريمة
Post: #13 Title: Re: نحن مكسريين في سعادة الوزيرة هبه كان قحات� Author: Biraima M Adam Date: 02-13-2021, 09:18 AM Parent: #10
يا أخوانا دلونا علي أهل الوزيرة .. زوجها أو أخوانها .. عشان نورط ود الخواجية .. ما يكتب عن إمرأة سودانية محافظة، حياته .. بهذا الشكل .. ! .. منصب الوزيرة العام لا يسمح ولا يتح لك التدخل في خصوصيات حياتها .. نقطة وسطر جديد.
Post: #11 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 09:12 AM Parent: #9
هل يا عبداللطيف ممكن تدعو الناس تمشى أمفكـو ضاربين عرض الحائط بسلطة المجتمع وقيمه؟ هل ممكن تدخل أى بيت فى الحلة وتنوم فى أول سرير، ضاربا الحائط بالمؤسسة الإجتماعية وقوانينها؟ هل ممكن تسأل أى شخص فى الشارع أخته شكلها كيف؟..
يا زول نضميك دا انت أول واحد ما مقنع بيه بعض الناس تتسلى بالكلام لما يكون عن أســر أخرى.. لكن لما الكلام يدخل الحوش السكاكين تلمع..
Post: #12 Title: Re: نحن مكسريين في سعادة الوزيرة هبه كان قحات� Author: عبداللطيف حسن علي Date: 02-13-2021, 09:16 AM Parent: #11
الوزيرة هنا مجرد خلفية ملهمة للكتابة ، لم نتحدث عن تشريع حتي يخرج احد الناس عريانا
Post: #14 Title: Re: نحن مكسريين في سعادة الوزيرة هبه كان قحات� Author: Biraima M Adam Date: 02-13-2021, 09:22 AM Parent: #12
عاطف يا حبيب من نواحي الفيس ..
Quote: في صفحة آراء حرة ومقالات في كاتب شغال في كل مقال غزل في بتكم الجمهورية!!
كان كده .. أنت شت الكورة ضفاري في ملعب الجمهوريين ..!
الباشهندس أبو الريش .. أنتم كورتكم الأسلامية فكت ولا شنو؟ .. مش مفروض تكون لابسة التوب الأبيض؟
بريمة
Post: #15 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 09:44 AM Parent: #14
يا باشمهندس لابسة توب أبيض واللا أحمر مالك ومال هدومها؟ ومالك ومالها زاتو.. بعدين أيه دخل الجمهوريين وهل عاطف جمهورى.. دا كلام شنو يا حبيب.. الموضوع شنو زاتو؟ خلاص مابقت فى شغلة غير الكلام فى النسوان وهدوم النسوان؟
Post: #16 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 09:49 AM Parent: #15
أخونا عاطف عمر من طرف الفيس.. هبة غيرجمهورية.. بعدين أى أمرأة سودانية لا أنظر إن كانت جمهورية أو شيوعية او كوزة.. أعتبرها مثل أختى ولا أنظر لإنتمائها السياسى او حتى الدينى حين يتعلق الأمر بحفظ كرامتها وإنسانيتها وعدم التشهير بها من أجل الونسة.
Post: #17 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 09:54 AM Parent: #16
Quote: الوزيرة هنا مجرد خلفية ملهمة للكتابة
لا حول ولا قوة إلا بالله العلى العظيم.. أعوذ بالله من الشيطان الرجيم.
هل يا عبداللطيف أى زول فى الدنيا دى، يرضى أن تكون قريبته ملهمة لكاتب ليحددها بالإسم ويجعلها موضوع تندر وونسة وغزل ثم ينشر كل هذا على الملآ؟
Post: #18 Title: Re: نحن مكسريين في سعادة الوزيرة هبه كان قحات� Author: عبداللطيف حسن علي Date: 02-13-2021, 10:09 AM Parent: #17
هسي انت واقع تحت سلطة المجتمع ومهول الحكاية كتير خالس خالس
الموضوع ابسط من كدا ، زهير ذاتو ماعمل حاجة غلط او شاذة للدرجة دي
يعني شنو اعجب بشكلها ونظارتها وحرف الراء الرايح
Post: #19 Title: Re: نحن مكسريين في سعادة الوزيرة هبه كان قحات� Author: Biraima M Adam Date: 02-13-2021, 10:13 AM Parent: #17
Quote: يا باشمهندس لابسة توب أبيض واللا أحمر مالك ومال هدومها؟
الحبيب عاطف من نواحي الفيس .. بالله أخرج لينا من كنانتك شيئ للباشهندس ..
نان دايرنكم يا باشمهندس تستروا قدحكم ..؟
الباشمهندس أبو الريش .. ما تتعصب للموضوع .. أخذوا علي قدر عقلية أبو الزوز ..
بريمة
Post: #20 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 10:16 AM Parent: #19
ما رديت يا بريمـة على سؤالى.. أكرره؟
Post: #21 Title: Re: نحن مكسريين في سعادة الوزيرة هبه كان قحات� Author: Abureesh Date: 02-13-2021, 10:21 AM Parent: #19
Quote: الباشمهندس أبو الريش .. ما تتعصب للموضوع .. أخذوا علي قدر عقلية أبو الزوز ..
أبوالزوز تفهم كلامى ووعد يشيل البوست.. يا بريمة بالله سوق بالراحة وخليك فى الموضوع المطروح.. البيوصوه على قدحه هو الذى يضع أنفه فى أقداح الناس وليس الذى يدافع عن أقداح الناس. لو ما لقيت رد منطقى مقنع الى كلامى ما تفتح موضيع جانبية.. إما أمن على كلامى أو طنشه.