رحيل دكتور مبارك بشير شاعر أغنية عويناتك-له الرحمة

11:12 PM February, 11 2021

سودانيز اون لاين
زهير عثمان حمد-السودان الخرطوم
مكتبتى
رابط مختصر

الصيحة: سراج الدين مصطفي
إنتقل الي جوار ربه بالأمس الخميس الشاعر الدكتور مبارك بشير وهو شاعر كبير تغني له الموسيقار الكبير محمد الأمين بأغنية (عويناتك) كما تغني له الراحل محمد وردي بأغنية (يا نسمة يا جاية من الوطن)، كما تغني له أيضا بنشيد عرس الفداء:
نلتقيك اليوم يا وطني .. لقاء الأوفيـاء
قــــد تـنـاديـنـا خِـفـافــاً
كطيور الريح فـي جـوف العتاميـر
يا أرض البطولات وميراث الحضارات
نُغـنـي الـيـوم عُــرس الـفـداء
هـا هنـا ..يبتسـم النهـر القـديـم
لبعانـخـي ولتهـراقـا وللمـهـدي
لـعــلــي عـبـدالـلـطـيـف
لعبدالقـادر الحَـبـوب ..للقـرشـي
لصمـود العُـرس فــي كــرري
وللـمـوت الـفـدائـي العـظـيـم
نذكـر الـيـوم جمـيـع الشـهـداء
كل من خطّ على التأريخ سطراً بالدماء
نذكـر الـيـوم جمـيـع الشـرفـاء
كل من صـاح فـي وجـه الظلـم لا
نحـن أبنـاؤكِ فـي الفـرح الجميـل
نحـن أبنـاؤكِ فـي الحُـزن النبيـل
سنغني لك يا وطني كما غنى الخليـل
مثـلـمـا غــنــت مـهـيــرة
تُلهـم الأجيـال جيـل بعـد جـيـل
ونغني لحريق المَكِ في قلـب الدخيـل
لـــلــــجــــســــارة
حينما استشهد في مدفعـه عبدالفضيـل
نُكحِل اليوم مآقينـا بمـرواد الصلابـة
وبإيـمـان كإيـمـان الصـحـابـة
ســـوف نُـفـديـك دوامــــا
ونــنــاديــك هُــيــامـــا
فلتعِـش حُـراً أبيـاً فــي مهـابـة
ولد الراحل دكتور مبارك بشير في العام 1955 بمدينة الخرطوم‏
المؤهلات العلمية:‏‏
1976-‏ بكالريوس الفلسفة و ‏اللغات، كلية الاداب ‏جامعة الخرطوم.‏
‏1977-‏ دبلوم فى الدراسات ‏الافريقية و الاسيوية، ‏جامعة الخرطوم
‏1977-‏ دبلوم اللغة الفرنسية، المركز‏ الثقافى ‏الفرنسى، الخرطوم
‏1982-‏ دبلوم اللغة الالمانية، ‏معهد هيدر، المانيا ‏الشرقية
‏1983-‏ ماجستير فى الدراسات ‏العربية، جامعة ليبزدغ، ‏المانيا.‏
‏1986-‏ الدكتوراه فى ‏السياسيات الثقافية و ‏التعليمية، مركز ‏الدراسات الافريقية و ‏الشرق أوسطية، جامعة ‏ليبزدغ

له الرحمة.

كأنما لا يكفي وصف "شاعر" لتبيان عظمة مبارك بشير ،

فالحقنا هوية الشاعر ،

بهوية الدكتور،

مثلما يرد وصف شاعر لاحقا لوصف دبلوماسي،

حين نتحدث عن محمد المكي ابراهيم.

أخي ود الخواض
تحياتي
في البداية لك أحر التعازي ولك قبيلة الشعراء ببلادي
تعرف كنت أري الدكتور مبارك بشير يزور الراحل فضل الله محمد في جريدة الخرطوم كانا أصدقاء
ولكن لم أجروء بالسلام أو الحديث معه
ولكن أتـذكر حادثة بسيطة كنت أبحث عن تخفيض رسوم دارسة لطالب في جامعة التقانة وهو محاضر بها
ولم أستطع مقابلة معتز البرير مالك الجامعة ولكن ذهبت للجامعة وفي مباني الادارة وأذ به ينادي علي وبأسمي
ويسالني لماذا انا في أدارة الجامعة هل أريد مقابلة مسئول الاعلام الذي ليس مكتبه هنا قلت له أعلم بل لي معاملة
تخقيض رسوم وهذه هي الاوراق أخذ الاوراق مني وقال بلطف ممكن تمشي الجريدة أنا جاي لفضل الله اليوم
بالفعل جاء ومعه أعفاء كامل عن كل الرسوم
كان أنسان بحق له الرحمة

قصيدة "عويناتك" مبارك بشير

أقول ليها عويناتك
ترع لولي وبحار ياقوتْ...
مناحات ريد حزاينيه
بغازل فيها مأساتي...
وفي شرف العبور ليها
بموت وأكسر شراعاتي...
تقول لي غناك حزين
غناي حزين...
وأنا الواهب قصائدي الباكيه للفرحهْ...
وأنا البديها شان ريدي وصباي طرحهْ...
قول ليها عويناتك زي سواد قدري...
مكحله عمري من بدري...
لو بقدر أسافر في بريق لحظك وما أرجعْ...
تقول لي خايفاك تتوجع وأتوجعْ...
أقول ليها عويناتك ديار وعدي...
مسوره بي جدار صمتكْ...
عذابي معاك بريدك قبل ما أعرفكْ...
ولو بقدر أشيل من الزمن وقتي
بموت في لحظه وأوهب ليك عقاب عمري
حروف اسمِكْ...
جمال الفالْ...
وراحة البالْ...
وهجعة زول بعد ترحالْ...
وتنية حلوة للشبَّالْ...
ودنيتنا ومشاويرنا..
وغنواتنا اللي ما بتنقالْ...
حروف اسمِك
نجوم ركّت على الياسمينْ...
فرح فى عين جمالها حزينْ...
أساور فى إيدين طفلهْ...
بتحفظ فى كتاب الدينْ...
زفاف عاشقين بعد فرقهْ...
وسط باقات دُعَا الطيبينْ...
حروف اسمِك
عقد منضوم بخيط النورْ...
وطلة ورده من السورْ...
ونغمه تنادي من طمبورْ...
وشُعلة فرحة فى الوادي...
تَشِع جَذلانه ليها شهورْ...
حروف اسمك
وَكِت أشتاق وأرحل ليك...
وأسرح فى عسل عينيكْ...
بِتَحضنِّىي...
قَبُل ألمسَ حرير إيديكْ...
تأرجِحني...
وتَفرحني...
وتخليني أدق صدري...
وأقيف وسط البلد واهتف
بريدك يا صَباح عمري...

له الرحمة والمغفرة
احر التعازى لاسرته الكريمة

الله يرحمه رحمة واسعة ويصبر أهله وأصدقاءه ورفقاء كفاحه ومتلقي فنه