70 سنة شغالين في السودان ثورات سياسية 70 سنة اتجاهنا one way 70 سنة بنحلب في تيس ولي بعد بكره ما بيجيب لبن مقتنعين تماما أغلب العقول السودانية اليوم أصبحت متحجرة صواميلهم حالجة في محركات السياسة ووحلها العقول دي بنحاول نلينها بس ... أمكن بعد تلين يكون في أمل ليها يا مواطن خلي عندك ربع ذرة عقل ولين عقلك المتحجر حيينا ساي ..... التحية دي مجاني ساي ما بقروش وما بتكلفك حتى زمن حيي ثورتنا الاقتصادية السودانية الشرارتها كل يوم بتبق والسيل وامطار واعصار الثورات السياسية بطفوها بس مؤكد والله جد يوم حا تبق وتنفجر
Post: #2 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-10-2021, 10:00 PM Parent: #1
ما تحقروا بيها عشان نارها هادية وحات الله طبختها طالعة مسبكة
Post: #3 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-10-2021, 10:06 PM Parent: #2
في ناس من ما تقول ليهم ثورة عقلها بيمشي طوالي للبنبان والفليق والكواريك والكواديك ده كوم براه وثورتنا كوم حتى مافي علاقة بينهم إلا في الاسم الأول ثورتنا حاجة هادية وراقية تستاهل زول جميل يحيها
Post: #4 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-10-2021, 10:20 PM Parent: #3
شوفوا بتنا دي بتشرحها كيف فعلا ثورة وعي تحية مني لشباب السودان الواعي جدا يا عجائز صحصحوا صاح الزمن ما زمنكم لكن البعيش في الزمن ده مفروض يفهم الحاصل شنو مهما كانت صامولتك حالجة وعينك وعقلك ما بشوف إلا السياسة ترس واقيف اقلاهو بعدين ما يحصل ليك زهايمر مبكر
Post: #5 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-10-2021, 10:25 PM Parent: #4
الثورة الاقتصادية السودانية دي زاتها شنو ؟؟؟ شوف جوة نفسك لو سألت السؤال ده معناتها صامولتك المحلوجة بدت تلين ساعدها بترس وقعدة برش وخت الكوره واطة
Post: #6 Title: Re: هذا البوست فرصة للذين يريدون تحية للثورة � Author: Biraima M Adam Date: 02-11-2021, 02:13 AM Parent: #5
نحي ول أبا الكلس،الراكز القومي زعيم ثورتنا الأقتصادية بإذن الله ول أبا توفيق الحكيم ...
اللهم بفضلك وكرمك وجودك وعزتك، أنصر ول أبا الحكيم .. في ثورته الأقتصادية وأجعلها خيراً ونماء وبركة.
يا رب العالمين ..
ول أبا أنت ماسك الدرب الصحيح وما دونك في خطأ .. ومنصور بإذن الله.
بريمة
Post: #7 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-11-2021, 09:32 AM Parent: #6
Quote: اللهم بفضلك وكرمك وجودك وعزتك، أنصر ول أبا الحكيم .. في ثورته الأقتصادية وأجعلها خيراً ونماء وبركة.
يا سلام الحبيب بريمة وكأنما حيونا نصف سكان الكرة الأرضية شكرا ليك يا حبيب واطمن راكزين للنهاية وثورة حتى النصر بإذن الله
Post: #8 Title: Re: هذا البوست فرصة للذين يريدون تحية للثورة � Author: خضر الطيب Date: 02-11-2021, 09:39 AM Parent: #7
مرحب حبيبنا توفيق اتفضل
بعدين يا توفي زهايمر يجينا انحنا السنغنغ ديل؟ ياخ انت ما أقدم منك إلا الكسرة و مملكة العبدلاب هههههههه
Post: #9 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-11-2021, 09:47 AM Parent: #7
طبعا في جذء كبير جدا مستحيل يحيوا حبايبي ناس الهناي بالضاد في غفلة من الزمن تربعوا على قمة عرش البلد اها الزيينا دي جذء منهم خلعة وافتراء ما شايفننا نهائي ولا عندهم استعداد يشوفونا سيبك من يحيونا وجذء عارف وشايف بس نحن بالنسبة ليه أعداء لو صدقنا بنرجعهم البلد كداري الباقين جذء كبير وهو الخرب لينا بلدنا بالمرة هم الناس الجبانين المهروشين منهم ديل حسبنا الله ونعم الوكيل فيهم الجذء الأخير المستحيل يحيي هم الكيزان والشيوعية وما شاكلهم باعتبار اني عدوا لدود ليهم وكاشفهم هم سبب خراب بلدنا
Post: #10 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-11-2021, 10:02 AM Parent: #9
Quote: ياخ انت ما أقدم منك إلا الكسرة و مملكة العبدلاب هههههههه
شكرا ليك حبيبنا ومستشارنا الجميل خضر الطيب بالمناسبة خضر ده اكتر زول ادعمنا دعم حقيقي من خارج السودان ونحن سعيدين بيه بتكلم باسم كل اتيامنا وبنرسل ليه رسالة حب وامتنان دي حاجة صاح انا قديم لكن الروح روح صبي يادوب داخلة مرحلة الشباب بالعربي متغمسة القطاع الأكبر من تركيبتنا السكانية عشان انا مفتح ولو ما عملت كده ما حا استوعب حاجات كتيرة وأصاب بزهايمر مبكر زي ناس كده معانا هنا
Post: #11 Title: Re: هذا البوست فرصة للذين يريدون تحية للثورة � Author: خضر الطيب Date: 02-11-2021, 10:19 AM Parent: #10
حبيبنا توفيق ليك التحية و التقدير
Quote: شكرا ليك حبيبنا ومستشارنا الجميل خضر الطيب بالمناسبة خضر ده اكتر زول ادعمنا دعم حقيقي من خارج السودان ونحن سعيدين بيه بتكلم باسم كل اتيامنا وبنرسل ليه رسالة حب وامتنان دي حاجة صاح انا قديم لكن الروح روح صبي يادوب داخلة مرحلة الشباب بالعربي متغمسة القطاع الأكبر من تركيبتنا السكانية عشان انا مفتح ولو ما عملت كده ما حا استوعب حاجات كتيرة وأصاب بزهايمر مبكر زي ناس كده معانا هنا
انا فاهمك و فاهم ضخامة المشروع لكن كتير من الناس ما فاهمين ماهية المشروع دا المسألة محتاجة لتسليط الضوء أكتر ..ومن خلال قناتك ستصل الرسالة و الوصول لأكبر قدر من المهتمين بالشأن الإقتصادي داخل وخارج السودان و مهما طالت المسافة الناس حتفهم الحاصل و لو بعد حين It's just matter of time
Post: #12 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-11-2021, 04:31 PM Parent: #11
Quote: ومن خلال قناتك ستصل الرسالة
بالمناسبة يا أستاذي أكملنا اليوم مرحلة الأعداد لبرامج خارطة برامجنا الجديدة هذه البرامج أعني الجديدة جريئة جدا وشبابية للحد البعيد وفيها جانب مهم للطفل والمرأة في برنامجين هادفات جدا هي في نفسها ثورة في نوعية البرامج التلفزيونية تواكب العالم في ذلك بدلا من التقليدية المملة العمرها ما تفيد بلدنا خصوصا المتلقي فيها 70% منه يشاهد أحدث تطورات البرامج في العالم ويحب هذه اللغة التي يفهمها
Post: #13 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-20-2021, 10:36 PM Parent: #12
بوجود الإعلامية الاقتصادية المتميزة على رأس القناة واثقين انه رسالتنا حا تمشي بعيد جدا
Post: #14 Title: Re: هذا البوست فرصة للذين يريدون تحية للثورة � Author: صديق مهدى على Date: 02-20-2021, 11:33 PM Parent: #13
حباب توفيق المن النار عتيق لا بزعل لا بضيق بقبل نقد الرفيق بس فى السنين الاخيرة ضل الطريق ودخل بحرا عميق بحر المحبة بالانقاذ لصيق اها رايك شنو يا بريمة توفيق مش اعز صديق بس طول بالك عليهو بعد شوية بتلقاهو غريق لا زفير لا شهيق ربنا يرحمو اخ الاسلام توفيق
Post: #15 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 02-21-2021, 09:16 PM
Quote: بس فى السنين الاخيرة ضل الطريق ودخل بحرا عميق
نعم طلقت السياسة ودخلت بحر الاقتصاد فهل هذا ضلال ؟؟؟
Post: #16 Title: Re: هذا البوست فرصة للذين يريدون تحية للثورة � Author: توفيق عيسى مكي Date: 12-16-2022, 10:41 PM Parent: #15
مما طلقت السياسة وبقيت ما شغال بيها بالي راق وارتاح