نبارك لشعبنا اعلان حكومة الائتلاف الحزبي و الجبهة الثورية. بعيدا عن لمحاصصات, الحكومة دي اسمها مفروض يكون الحكومة الابراهيمية بجدارة.. لا تأهيل لا كفاءة المهم ( ح تعبر و ح تنتصر).. الله يبعد عنهم شرور انفسهم وسيئات اعمالهم. 25 وزارة في بلد يعتبر مقياس لخط الفقر العالمي.
مشاركة الاحزاب في (حكومة) ائتلاف بيعني العمل علي انجاح برامجها. كيف نفس الاحزاب دي ح تنزل انتخابات برلمانية (تغير) من حكومة هي مشاركة فيها.؟؟ لسة ما جبنا سيرة التشريعي..
كل زول (براعي) مصالحه ويحافظ عليها.. والشارع بررررضو بعرف كيف (يحافظ) علي مكتسباته وثورته.استقال ابراهيم الشيخ قال ما عاوز من الانتقالية ااااي (حاجة) وقِبل يكون بسسسسس (وزير) فيها!! لو كان عاوز من الانتقالية حاجة يا ربي كان رضي بشنووو؟ المصلحة العامة اكيييييد ههههههه. السنابل قلعوا وزارتين باالغات (بالتعيين). اما بالانتخاب ماااا اظن حتي لو إئتلفوا مع حزبين تاني من احزاب (فكة) الامة او الاتحادي يقدروا يجيبوا (سفارة).. غاااايتو.
انجاز حمدوك الوحيد في كل فترة رئاسته هو قنطرة الاحزاب والحركات المستهبلة لشوته واااحدة.
Post: #5 Title: Re: * حكومة الصبّة الابدية * Author: Mutasim Idris Date: 02-13-2021, 05:31 AM Parent: #4
من البديهي في اي فترة انتقالية تبدأ الاحزاب السياسية في تجهيز نفسها للانتخابات. بداية بمؤتمراتها ومكاتبها مرورا بتمويل حملاتها ومخاطبة جماهيرها وطرح برامجها لاستقطاب الناخب. الا احزابنا. اتفقت علي كعكة مع العسكر وقادرين علي (فتح) الوثيقة ومد الانتقالية ان شاءالله بسبب الخريف ههههه او حربا بالوكالة مع الكفالة او المهم سبب. الحاصل عندنا حتي التعداد السكاني لمعرفة عدد الدوائر الانتخابية ماااا اظن عندنا ليه امكانية. لا مادية لا خبرة. غاايتو منتظرين البعثة الاممية تنقذ ثورتنا بعد ما كانوا بتفرجوا عليها وصوتوا ضدها (الصين وروسيا) ضد مشروع ادانة العسكر بقمع الثوار..الحال يمممكن اتغير,