Post: #1
Title: لمحة عن وزير الاعلام الجديد
Author: زهير عثمان حمد
Date: 02-09-2021, 03:21 AM
02:21 AM February, 08 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
اصدر رئيس الحكومة الانتقالية الدكتور عبدالله حمدوك قرارا بتعيين السيد أ. حمزة بلول الأمير في منصب وزير وزارة الثقافة والإعلام.
والاستاذ حمزة بلول الأمير ..من مواليد وسط السودان أربجي ، في أواخر السبعينات. حصل حمزة على بكالريوس في الاقتصاد والعلوم السياسية – مرتبة الشرف – من كلية الدراسات الاقتصادية والاجتماعية من جامعة الخرطوم.
شغل حمزة عدة مناصب خلال مسيرته المهنية فكان محررا مع عدة جرائد كالحرية، السوداني والأحداث. غطى حمزة استفتاء جنوب السودان كمراسل لصحيفة الشرق القطرية. انضم حمزة إلى مشروع النيلان في 2010م .
مقيم في دولة قطر.. عدة سنوات، لمع نجمه كصحفي بالقسم السياسي لصحيفة الأحداث الورقية والتي توقفت عن الصدور في العام 2012م.
|
Post: #2
Title: Re: لمحة عن وزير الاعلام الجديد
Author: امتثال عبدالله
Date: 02-09-2021, 03:49 AM
Parent: #1
يعني هو قريب بدر الدين ود الامير في قطر...
ممكن يا ابو الزهور تعمل لينا واسطة مع ود الامير يكلم لينا قريبه الوزير يشوف لينا
شغل في وزارة الاعلام والثقافة،،انا راجعة السودان نهائيا شهر يونيو القادم ان شاء الله
لاننا سمعنا وحتى في هذا العهد الديمقراطي الذي استبشرنا به لا يمكن ان تتعين في
وظيفة حكومية الا بواسطة،، اما الكفاءات والخبرات فلا مكان لها....
|
Post: #3
Title: Re: لمحة عن وزير الاعلام الجديد
Author: muntasir
Date: 02-09-2021, 03:53 AM
Parent: #2
يعني بدر بقى زي معتز القريش يحمل لقب أخ السيد الوزير غايتو إلا نشيل أورنيك في الدوحة
|
Post: #4
Title: Re: لمحة عن وزير الاعلام الجديد
Author: adil amin
Date: 02-09-2021, 04:47 AM
Parent: #3
حينقلنا لي محور قطر تركيا بس ولا جديد وناس المؤتمر الشعبي وايتام الترابي
وقطر دي لا بتدعم السودان ولا الشعب السوداني ولا القوى الديمقراطية والفكرية والدينية السودانية الحقيقية بتدعم ايتام الترابي والاخوان المسلمين فقط
الاعلام ذاتو يعملو ليه وزارة ليه ؟؟
القصة دي انتهت في العالم
يعملو وزارة ثقافة وسياحة بس ويحررو الاعلام
ويخلو الاعلام مفتوح في السودان ومسؤل ومقنن بالدستور ولا وصاية علي وعي الناس
اعلام قحت الساقط لم ينصف اليمنيين وحرب اليمن البشعة رحيتا مرقت ملت الدنيا والسودان مشارك فيها
هسة نشوف قطر نيالا وحمدوك الجديد بودينا وين
المحاصصة البليدة مستمرة في نفس مذبلة الانقاذ
شكرا حمدوك
|
Post: #5
Title: Re: لمحة عن وزير الاعلام الجديد
Author: زهير عثمان حمد
Date: 02-09-2021, 05:18 AM
Parent: #2
العزيزة أمتثال
سلام
انت عارفة انا برضو ما شغال لكين اصلو ما بخلي ود الامير يتوسط لي في شغل في بلدي
بعدين نحن وين الان الرجل لسه ما استلم المنصب ولا حلف القسم ما غادر الدوحة
المهم بحاول أعمل خير مع المنصورة أنت مناسبة في الخارجية
مع ودي
|
|