Post: #1
Title: محتال في الفيس يخدع أبناءنا بتوفير منح دراسية ورواتب شهرية في الجامعات الكندية والصينية
Author: صباح حسين طه
Date: 02-07-2021, 06:49 PM
Parent: #0
05:49 PM February, 07 2021 سودانيز اون لاين
صباح حسين طه-
مكتبتى
رابط مختصر
إتصلت بي صديقة قديمة من السودان تستفسر مني كوني مقيمة في إمريكا
عن حقيقة المنحة التي وجدها ابنها الخريج الجامعي عن طريق شخص في الماسنجر
عامل اعلانات عن توفير منح دراسة مجانية مع مصروف شهري في كندا والصين
للطلاب في إفريقيا وآسيا
الرجل طلب من إبنها صور شهاداته ثم أجابه بأنه قدم الشهادات لإدارة المنح
وتمت مراجعة الشهادات واجيزت كمستحقة ومطلوب منهم الآن فقط إرسال رسوم التسجيل
حتى يباشروا في إجراءات تلقي المنحة
الأسرة مكافحة ولا تملك اي مدخرات ولكنها ستبيع أي شيء لأجل حصول ابنهم على منحة
للدراسة المجانية في كندا
من النظرة الأولى أحسست بأن الأمر مجرد إحتيال
لكن في السودان ينتظرون منك إجابة مختلفة بعد أن يشبعهم هؤلاء المجتالون بآمال عريضة
دخلت الصفحة وهذا عنوانها https://www.facebook.com/profile.php؟id=100049333564414https://www.facebook.com/profile.php؟id=100049333564414
اسم الرجل أو الإمرأة المسئول عن الصفحة Michael Clark من Kansas في Canada
وواضع رقم هاتف هو 4169782190 ويتبع لمكتب القبول في جامعة تورونتو ولكنهم لا يجيبون اليوم
سأعاود الإتصال بهم في الغد
رغم انني أعلم أن أي جامعة لها فرص منح والتقديم لها شخصي بدون سماسرة أو مكاتب تقديم للمنح
فتحت هذا البوست لإحساسي بأن الأمر مجرد إحتيال
وأن كثير من أولادنا في السودان بيقعوا ضحية لمثل هذا الإحتيال
لو كان أوضاع البلد والمواطنين المالية جيدة لهان الأمر لكننا من دولة تعاني الأسر فيها شظف العيش
أتمنى لو نستطيع تنبيه طلابنا صغار السن حتى نجنبهم الوقوع في شرك هؤلاء
|
Post: #2
Title: Re: محتال في الفيس يخدع أبناءنا بتوفير منح در�
Author: صباح حسين طه
Date: 02-07-2021, 11:24 PM
Parent: #1
Quote:
Atif Omer Mohamed Ali
يا صباح
السودان ملان باعلانات التقديم (الإلكترونية)
للجامعات السودانية!!
اظن هذه (سمسرة) إضطرار لعدة اسباب:
1/
جهل المقدم بكيفية التقديم!!... |
شكراً أستاذ عاطف على المشاركة
وأتمنى أن تكون مجرد سمسرة وليس إحتيال يتم بموجبه تحويل الرسوم ثم إختفاء الشخص
الغريبة هذا الشخص طلب تحويل الرسوم له بالوسترن يونيون وأعطى اسم آخر للتحويل
من ناحيتي طلبت من صديقتي التريث حتى أتصل لهم بالجامعة وأتأكد من حقيقة الأمر
|
Post: #3
Title: Re: محتال في الفيس يخدع أبناءنا بتوفير منح در�
Author: Asim Ali
Date: 02-08-2021, 00:08 AM
Parent: #2
سلام عليكم
اعلانات تقديم الجامعات (خاصه الاسيويه وبعض دول شرقيه فى الغالب) بتكون بواسطه مكاتب ووكالات بتعلن اعلانات مكتوبه فى الطرق غالبا بمكاتب وارقام هاتف محليه رغم انو برضو فى شك فيها لكن ساهل تتبعها
لكن ملاحظ انو صاحب اعلان الجاعات الكنديه ماسودانى ورقم الهاتف اوروبى اعتقد
المحتالين غالبا بيستخدمو ارقام هواتف مش خطوط ارضيه او موبايل وانما ارقام هاتف للاتصال عبر الانترنت (VOIP) واذكر انو قبل سنوات صادفت مواقع بتروج وتبيع ارقام زى دى
اما الجهات اللى ممكن تمارس احتيال زى دا فغالبا من النيجيريين عن طريق الانترنت والوسائط واذكر انو تعرفت على واحد ايام (ياهو مسنجر) بعد كم سنه اتصل بى لقيتو فى السودان وطلب يقابلنى ومشيت قابلتو مجرد عمليه اجتماعيه المهم عرض على مشروع انو المسئول منهم مقيم فى الهند وادانى رقم هندى . المهم الكلام ماوقع لى.واتواصت مع زميل دراسه شغال الامن ودا اكدلى فعلا انو ديل متواجدين كير فى السودان وبيمارسو نشاط الاحتيال عبر الانترنت وفى حالات اتتكشفت واتقبضت .المهم خليت ليهو ارقام الجماعه ديل ونفضت يدى من التواصل معاهم
|
Post: #4
Title: Re: محتال في الفيس يخدع أبناءنا بتوفير منح در�
Author: Biraima M Adam
Date: 02-08-2021, 01:02 AM
Parent: #3
الأستاذة صباح،
دخلت في الصفحة .. فقيرة جداً . تداخل فيها شخصين فقط ..
أولاً الشخص دا شكلو إمرأة .. هذا الأسم حينما يكون مؤنث يقرأ "ميشيل" وليس مايكل .. فأنا أفتكر الشخص إمرأة لأنه لما حدث صورته، البرنامج قال Michael حدثت صورتها .. ما عارف دي معلومة مفيدة أو لا ..
الشيئ الثاني .. تصدقوا .. رغم أن الشخص يبدو عليه محتال .. إلا أنه يمارس مهنه ملء الفورمات .. زي ناس اللوتري .. الواحد يملأ ليك الفورمات .. وأنت وحظك .. وفي كلي الحالتين يبدو هو أو هى عايز رسوم ملء الفورم.
يبدو عليه يشتغل في إدارة الطلاب .. وطبعاً يعرف المنح لأن الجامعات تجمع كل المنح المتاحة للطلاب .. فهو عايز يبزنس في خبرته. مثلاً في الثانوي هناك مشرف للطلاب يقوم بأرفاق المنح والجامعات التى يتقدم لها الطلاب . ممكن المرشد أو المشرف يشيل تلك المعلومات ويبزنس فيها.
المهم في الأمر .. الحذر ، الصفحة لا تشبه الجامعات .. والملاحظة لو تداخلت معه ينايك في الخاص ..
بريمة
|
Post: #5
Title: Re: محتال في الفيس يخدع أبناءنا بتوفير منح در�
Author: امتثال عبدالله
Date: 02-08-2021, 01:06 AM
Parent: #3
الغالية صباح
اولا اود ان اؤكد لك ان اي زول يعمل اعلان ويقول في منح جامعية في الجامعات
الاوروبية او الامريكية ويقول حولوا لي قروش فهو نصاب وحرامي..
والتقديم للجامعات الامريكية سهل جدا ، تدخل الموقع الالكتروني للجامعة وتجد كل
التفاصيل: كيفية التقديم والكورسات المتوفرة والشروط المطلوبة والرسوم الدراسية
وفيما اذا كانت هناك منح مجانية والشروط المطلوبة للمنح...
وزمان لمن الدنيا كانت بخير ،الجامعات الامريكية كانت بتقبل الطالب وترسل ليه اورنيك
القبول. وبموجب ذلك يتحصل على التاشيرة الامريكية، لكن بعد ان كثر الاستهبال بدأت معظم
الجامعات تطلب سداد رسوم السيمستر الاول لانه في طلبة لمن يتحصلوا على التاشيرة ويصلوا
امريكا ما بيمشوا للدراسة ولكن للعمل والبحث عن القرين كارد..
|
Post: #6
Title: Re: محتال في الفيس يخدع أبناءنا بتوفير منح در�
Author: امتثال عبدالله
Date: 02-08-2021, 01:07 AM
Parent: #3
الغالية صباح
اولا اود ان اؤكد لك ان اي زول يعمل اعلان ويقول في منح جامعية في الجامعات
الاوروبية او الامريكية ويقول حولوا لي قروش فهو نصاب وحرامي..
والتقديم للجامعات الامريكية سهل جدا ، تدخل الموقع الالكتروني للجامعة وتجد كل
التفاصيل: كيفية التقديم والكورسات المتوفرة والشروط المطلوبة والرسوم الدراسية
وفيما اذا كانت هناك منح مجانية والشروط المطلوبة للمنح...
وزمان لمن الدنيا كانت بخير ،الجامعات الامريكية كانت بتقبل الطالب وترسل ليه اورنيك
القبول. وبموجب ذلك يتحصل على التاشيرة الامريكية، لكن بعد ان كثر الاستهبال بدأت معظم
الجامعات تطلب سداد رسوم السيمستر الاول لانه في طلبة لمن يتحصلوا على التاشيرة ويصلوا
امريكا ما بيمشوا للدراسة ولكن للعمل والبحث عن القرين كارد..
|
Post: #7
Title: Re: محتال في الفيس يخدع أبناءنا بتوفير منح در�
Author: Abureesh
Date: 02-08-2021, 04:15 AM
Parent: #6
100% إحتيال يا صباح..
لو ممكن خليها تعمل للإيميل (All headers) ,وتعمل فورورد ليه فى إيميلى.. كدا ممكن تعرف الزول رسلوا من ياتو غرفة فى بيتهم وترسل معلوماته للشرطة
|
Post: #9
Title: Re: محتال في الفيس يخدع أبناءنا بتوفير منح در�
Author: صباح حسين طه
Date: 02-08-2021, 04:25 AM
عاجزة عن الشكر يا عاصم، عاطف، بريمة، أبوالريش والحبيبة إمتثال
سأحذر الأسرة من إرسال أي رسوم ثم أتابع مع الجامعة وهذه الصديقة
شروط القبول للطلاب من الخارج وشروط الحصول على المنحة
أخي أبوالريش
المشكلة أن الطلاب السودانيين المتخرجين من الجامعات يبحثون كل يوم
في النت عن فرص دراسة في الغرب مما يسهل الإحتيال عليهم
صديقتي ندى إتصلت علي بحكم ثقتها في أني أعرف أكثر من إبنها
لكن المشكلة في المئات الذين يقعون ضحايا لهذا الموقع وغيره
لو كتبت في الفيس Michael Clark - Kansas Canada
ستفتح معك الصفحة التي يستغلها في الدعايا للمنح ويمكنك لو إستطعت
أن تفعل أي شيء يفضحه أو يوقف الصفحة تكون خدمت كثير من الشباب
الأبرياء في مختلف دول العالم
|
Post: #8
Title: Re: محتال في الفيس يخدع أبناءنا بتوفير منح در�
Author: Asim Ali
Date: 02-08-2021, 04:17 AM
Parent: #6
بالمناسبه جانب تانى انو شبابنا دايرين العروض جاهزه عن طريق اعلان وكيل يختصر ليك الخطوات او عن طريق صديق او قريب عندو تجربه فى التقديم للجهه المعينه
بتذكر مره واحد ايام محالات النت كافى منتشره كان جوارى بيحاول يملا فورمه تقديم لفرصه عممل والفورمه بالانجليزى الزول دا ماعارف يكتب اسم تخصصو بالانجليزى رغم انو حاصل ماجستير.
قصه المبادره والبحث الشخصى فى مواقع الجامعات والتواصل معاها (قليله جدا) لكن لو نحجت مع واحد بلقى سنير شرح للطريقه للشباب من الباحثين عن فرصه دراسه
|
Post: #10
Title: Re: محتال في الفيس يخدع أبناءنا بتوفير منح در�
Author: Abureesh
Date: 02-08-2021, 04:51 AM
Parent: #8
لقيت صفحته فى LinkedIn بوصورته (إفتراضا) ولم أجد أى ذكر للجامعات او المنح
اى طالب يبحث لازم يدخل موقع القبول فى الجامعة وليس الوسطاء.. أى جامعة عندها مكتب قبول فاتح طوال العام..
بعدين لازم الموقع ينتهى ب edu.. مثلا جامعة أم أى تى هو MIT.edu يعنى دوت كوم ودوت نت ما ينفع
|
|