Post: #1
Title: سلع فى امازون اشجعك على شرائها(1)
Author: النصرى أمين
Date: 02-07-2021, 03:52 AM
Parent: #0
02:52 AM February, 06 2021 سودانيز اون لاين النصرى أمين-كالغرى, كندا مكتبتى رابط مختصر
بسم الله
نبدأ بحاجة يحتاجها الجميع دون استثناء. معظمنا يقضى ساعات و ساعات يبحلق فى الجوال (غير الكمبيوتر و التلفزيون وباقى الأجهزة الإلكترونية )
معظمنا يعانى من اثر هذه (البحلقه) والسبب الأشعة الضارة التى التى (تشع) من هذه الأجهزة.. نحتاج لنضارة تحجب الأشعة الزرقاء Blocking blue light بالنسبة لى ، المشكلة فى قمتها هذه الأيام لانى فى اجازة و اقضى معظم يومى فى الجوال.. و اضطر لتخفيض درجة(الإنارة) brightness للحد الأدنى.
بحثت عن حل عند امازون، وجدت مئات الخيارات ؛ اخترت شركة واحدة بسبب التعليقات الايجابية. اشتريت النظارة بعد أن اخترت المقاس الصحيح لضعف النظر الذى يبدا من صفر للإنسان العادى و تزيد حسب ضعف النظر الى .5 الى 1.5 الى 2.00 الى2.5 هكذا ..
إذا كنت من لابسى نظارات القراءة لازم تكون بتعرف الدرجة بتاعتك ولو ما عارف تكون مصيبة . بعد اختيار الرقم ، اختار نوع و لون ال frame
|
Post: #2
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 04:01 AM
Parent: #1
الدكان فى امازون الذى اشتريت منه النضارة اسمه LifeArt ممكن تكتب lifeart blue light blocking glasses عشان تخش توووش فى خيارات النضارات اختار نوع الفريم و درجة ال magnification ( قوة التكبير)
|
Post: #3
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 04:03 AM
Parent: #2
سعر النضارة يترواح بين 20 و 25 دولار كندى يعنى احوالى 15 الى 18 دولار أمريكي والترحيل تانى يوم لو عندك اشتراك مع امازون برايم
|
Post: #4
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 04:08 AM
Parent: #3
طيب اعرف كيف النضارة فعلا تحجب النور الازرق ؟ سؤال وجيه.
فى الصندوق الذى يصل مع النضارة يوجد flash صغير يصدر اشعه زرقاء و روقة صغيرة بها مساحة صغيرة للاختبار.. يمكنك تمرير نور الفلاش او البطارية على الورقة مرة من خلال زجاج النضارة و مرة اخرى بدونها. فى الحالة الاولى الاشعة لا تظهر فى الورقة لأن زجاج النضارة حجبها فى الحالة الثانية تظهر الأشعة الزرقاء بوضوح على الورقة .
الصور أدناه
|
Post: #5
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 04:12 AM
Parent: #4
http://
المصيبة الصغيرونه دى هى الفلاش
|
Post: #6
Title: Re: سلع فى امازون اشجعك على شرائها(1)
Author: امتثال عبدالله
Date: 02-07-2021, 04:28 AM
شكرا النصري على البوست الاوسكار خمس نجوم وخاصة ونحن بنقضي ١٨ ساعة امام الكمبيوتر والجوال والتلفزيون وقبل الكرونا كنا بنقضي ٣ ساعات في استاربكس، وست ساعات في قاعات المحاضرات والمكتبة و٧ ساعات امام التلفزيون والكمبيوتر والجوال،،،، وخليك مواصل،،،،في السلع المهمة من امازون ، ،،
|
Post: #7
Title: Re: سلع فى امازون اشجعك على شرائها(1)
Author: امتثال عبدالله
Date: 02-07-2021, 04:51 AM
Parent: #6
ولمن تمشي اجازة السودان ، وبما ان الكهرباء بتقطع يوميا ، فممكن تشتري من امازون Solar andhand crank flashlight وهي عبارة عن بطارية ضوء وتشتغل بدون حجار بطارية وضوءها ساطع جدا وممكن تنور ليك صالون البيت لفترة ساعة، ساعتين، ثلاثة او ختى خمسة ساعات على حسب الشحنة من الشمس او بواسطة يد زي المنفلة وتلفها دقيقة واحدة تشغل ليك البطارية ساعة واحدة ،وتلفها دقيقتين تشغلها ساعتين، وهكذا ،هذا بالليل اما بالنهار فما عليك الا ان تضع البطارية في حوش البيت تحت الشمس ابسخنة بتاعت السودان والبطارية تشتغل ليك ساعات وساعات بالليل... ونحن ما بنسافر للسودان بدون البطارية دي تكون نعانا،،،وبالفعل وجدناها مفيدة جدا جدا ،وثمنعا مناسب جدا،،،من ١٦ دولار وحتى ٢١ دولار،،،
|
Post: #8
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 05:18 AM
Parent: #7
اهلا يا امتثال قبل الغاء سفريتى للسودان بسبب قيودات السفر التي فرضتها الحكومة الكندية للقادمين من الخارج ؛ قبل إلغاء السفرية قضيت زمن طويل فى امازون افتش للحاجات المفيده للسودان مثل طارد للبعوض لكن لم افكر فى البطاريه بتاعتك دى
حاولت افتشها لكن وجدت خيارات كتيرة لا اعرف اى واحدة تقصدين !!
|
Post: #10
Title: Re: سلع فى امازون اشجعك على شرائها(1)
Author: امتثال عبدالله
Date: 02-07-2021, 07:45 AM
Parent: #8
لنا عودة ان شاء الله
|
Post: #11
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 05:57 PM
Parent: #9
اهلا طارق انا عندى منفاخ لاطارات السيارة يعمل بولاعة السجاير فى العربية لكن كبير شوية و صوته عالى شوية. بتاعك ده يبدو انه صغير و خفيف الوزن و اهم شي يعمل بالشاحن العادى للجوال . مكسب كبير و سعره معقول .... اتفق معاك انه حاجة مهمة للزول الماشى السودان. ان شاءالله اشيله معاك فى زيارتى القادمة ان شاءالله. فتش لى معاك طارد للبعوض
|
Post: #12
Title: Re: سلع فى امازون اشجعك على شرائها(1)
Author: جلالدونا
Date: 02-07-2021, 07:50 PM
Parent: #11
ي النصري من الحاجات المهمة البطاريات الكاشفة للعقارب و الدعت اها دى خطيرة جد ما مضيئة لكن بتطهر ليك العقرب بى صورة مصيئة و واضحة
|
Post: #13
Title: Re: سلع فى امازون اشجعك على شرائها(1)
Author: النصرى أمين
Date: 02-07-2021, 10:28 PM
Parent: #12
وووووووب يا جلالدونا من الجندب الاحمر بتاع الادبخانات داك تقريبا هو أكثر كائن مخيف بالنسبة لى قبل العقارب و الثعابين .. لكن احسن نفتش حاجة لابادتهم مووش الاستمتاع بممنظرهم الفظيع . يقال انهم مفيدين للبيئة. غايتو حافتش و اشوف الكشاف ده موضوعه شنو و ياريت تدينا اسم او لينك
|
Post: #15
Title: Re: سلع فى امازون اشجعك على شرائها(1)
Author: أحمد محمد عمر
Date: 02-08-2021, 04:56 AM
Parent: #14
Quote: الجندب الاحمر بتاع الادبخانات داك |
قصدك القرنبع دة مشكلته هينة شديد بودرة الصراصير بتجيب ليك أجله في فد يوم سعرها زهيد جداً .. في السعودية 3 ريال يعني أقل من دولار
|
Post: #16
Title: Re: سلع فى امازون اشجعك على شرائها(1)
Author: Biraima M Adam
Date: 02-08-2021, 06:02 AM
Parent: #15
أمتثال، هل البطارية التى تقصدينها هى في الصورة التالية:
بريمة
|
|