Post: #2
Title: Re: رفع الحظر المصرفي عن السودان
Author: Maawya Hussein
Date: 02-04-2021, 09:49 PM
Parent: #1
Quote: خبرني هاشم محمد محمد بسطان .. الموظف بقسم السوفت ببنك السودان بوصول اليوم أخطار 094 وهو تعميم من منظمة السويفت العالمية لكل البنوك في العالم بطلب من بنك السودان
بقرار رفع اسم السودان من قائمة الإرهاب و السماح بالتعامل المصرفي مع السودان دون أي مخاطر أو محاسبة..
وبحسب افادته يعني كده تم رفع الحظر المصرفي عن السودان الحمد لله.. و أكد انه بالفعل بنك أمريكي قبل تحويل بالدولار صادر من السودان. |
من صفحه الناشط في مجال الاقتصاد هادي ود البورت
facebook.com/317580818954817
الصفحه تستحق المتابعه
|
Post: #3
Title: Re: رفع الحظر المصرفي عن السودان
Author: Maawya Hussein
Date: 02-05-2021, 10:38 AM
Parent: #2
في الاخبار ايضا ان ميكروسوفت وابل رفعتا الحظر عن تداول وشراء منتاجاتهما داخل السودان
|
Post: #4
Title: Re: رفع الحظر المصرفي عن السودان
Author: محمد البشرى الخضر
Date: 02-05-2021, 10:58 AM
Parent: #3
سلامات معاوية
يعني تاني مافي قصة نشيل دولارات كاش نديها للوالي ولا قوش ومن شابههم يشتروا بواخر قمح وبترول و غاز من البحر بطاقية قريب المية في المية!
|
Post: #5
Title: Re: رفع الحظر المصرفي عن السودان
Author: محمد البشرى الخضر
Date: 02-05-2021, 10:59 AM
Parent: #4
و الطيران المدني يرجع حسابه لبنك السودان بدل فاتحه في سويسرا!
|
Post: #6
Title: Re: رفع الحظر المصرفي عن السودان
Author: Maawya Hussein
Date: 02-05-2021, 11:10 AM
Parent: #5
وعليكم السلام ،،
والاهم عوده تحويلات المغتربين لي مسارا الطبيعي عبر المصارف والقضاء علي عصابات تجاره العمله
| Quote: مايكروسوفت تحذف السودان من لائحة الدول المحظورة من تنزيل برمجياتها |
احمد الرهيد مراسل الجزيره
|
Post: #7
Title: Re: رفع الحظر المصرفي عن السودان
Author: محمد البشرى الخضر
Date: 02-05-2021, 11:19 AM
Parent: #6
| Quote: والاهم عوده تحويلات المغتربين لي مسارا الطبيعي عبر المصارف والقضاء علي عصابات تجاره العمله |
دي لسة بدري عليها لكن القرار خطوة كبيرة في الطريق
|
Post: #8
Title: Re: رفع الحظر المصرفي عن السودان
Author: Maawya Hussein
Date: 02-05-2021, 11:43 AM
Parent: #7
شايف في ناس في السعوديه بحولو بي البنوك وبستلمو بي نفس العمله ؟ دي اتفاقيات خاصه بين البنوك ؟ انا حاولت بالوسترن بديني الاستلام بي سعو الجنيه وسعر بنك السودان
|
Post: #9
Title: Re: رفع الحظر المصرفي عن السودان
Author: Salah Zubeir
Date: 02-05-2021, 11:56 AM
Parent: #7
كيفك معاوية ...
لغاية الأربعاء أول أمس تعاني تحويلات
ال WU ... لعدم استطاعت الشركة تحويل
اكتر من ٥ مليون دولار لمكتبها في الخرطوم
للايفاء بالتزاماتها لعملاءها طوال الفترة السابقة
بسبب العقوبات ... دا كلام مسؤول مكتب
ال WU في الخرطوم ...
ثم المصيبة الكبيرة وهي التعامل مع الدولار
كسلعة زيو وزي السكر واللحم والبصل ...
المصيبة ال ٣٠ سنة الفاتت جعلت هذا الأمر
ثقافة عامة يتعاطاها كل الشعب السوداني
سواء رئيس جمهورية او وزراء ووكلايهم او
مدراء البنوك وموظفيها ليييييين بتاعين
الدرداقات ... عشان كدا يلزمنا الكتير جدا
من الدولارات لزرع الرحمن في نفوس الناس
ديل ونرجع نتعامل مع الدولار والجنيه ك
وسيلة لقضاء حوايجنا مش السعي لامتلاكه ...
|
Post: #10
Title: Re: رفع الحظر المصرفي عن السودان
Author: Maawya Hussein
Date: 02-05-2021, 12:16 PM
Parent: #9
سلامات يا صلاح
ممكن الحكومه تلجا لي حل انو تسمح للبنوك او الصرافات تسليم العميل بالسعر الموازي زي ما عملت مصر ،، اظن اغلب المغتربين ما عندهم مشكله يستلمو المقابل بي الجنيه لانو في النهايه بمشو يفك الدولار او الريال في السوق الاسود ،، الحكومه عندها بروقراطيه مميته
|
Post: #11
Title: Re: رفع الحظر المصرفي عن السودان
Author: Dr. Ahmed Amin
Date: 02-05-2021, 12:21 PM
Parent: #10
في الإمارات حتى الآن لا يوجد اسم السودان في قوائم الدولالتي يسمح بالتعامل المالي العادي مع بنوكها. اعتقد الامر محتاج لنشاط وتحرك اكبر من البنك المركزي السوداني. الموضوع محتاج وقت أطول مع الربكة الحاصلة عندنا.
|
Post: #12
Title: Re: رفع الحظر المصرفي عن السودان
Author: Maawya Hussein
Date: 02-05-2021, 12:32 PM
Parent: #11
سلامات دكتور احمد
سالت اخد موظفي بنك السودان ،، قال المشكله الحاليه انو مشترطين علي بنك السودان(دول الاتحاد الاوربي وامريكا ) انو لازم البنوك تتعامل او توقف مساله غسيل الاموال ،، شكلو الفوضي والخلل من ناسنا براهم
|
Post: #13
Title: Re: رفع الحظر المصرفي عن السودان
Author: Osman Musa
Date: 02-05-2021, 03:29 PM
Parent: #12
أخونا معاوية
سلامات
بنوكنا السودانية كلها محتاجة خجة قوية.
خجة تشمل من الخفير للمدير . يا أخ معاوية في خمج تقيل في البنوك.
يا ريت الناس تحترم رفع الحظر . وتشتغل عديل من أجل رفعة الوطن المنهوب.
..
تحياتي
|
Post: #14
Title: Re: رفع الحظر المصرفي عن السودان
Author: صباح حسين طه
Date: 02-05-2021, 03:39 PM
Parent: #13
راجعت لائحة الدول التي يسمح لعملاء Bank of America تحويل أموال لها ووجدت أسماء أكثر من 90% من دول العالم
لكن السودان ليس من ضمنها.. هذا حدث قبل دقيقة من الآن
|
Post: #15
Title: Re: رفع الحظر المصرفي عن السودان
Author: Maawya Hussein
Date: 02-05-2021, 04:26 PM
Parent: #14
سلامات عثمان وصباح ..يبدو انو الموضوع فيهو استيفاء لشروط موضوعه لوقف غسيل الاموال ..الان الكوره في ملعب بنك السودان
|
Post: #16
Title: Re: رفع الحظر المصرفي عن السودان
Author: Maawya Hussein
Date: 02-07-2021, 01:47 PM
Parent: #15
Quote: عشان نكون واضحين ما الجهات الأمنية متواطئة مع تجار العملة براها المشكلة .. في محركة شديدة من الأدارات الكيزانية في بنك السودان .. ونفسهم الأمور تسؤ ... المحافظ اضعف من يحرك ساكن ، ويدعمو حمدوك البارد .
قائمة بل الكيزان في بنك الســودان جاهزة ليها أكتر من شهرين ما عايزين يبلوهم ولا عايزين يختوهم جنب ويخلو الشباب يشتغلو .. ولا عايزين ينسقوا مع البنوك ولا عايزين يخاطبو البنوك المركزية .. ولا عايزين ينسقو يعرفو غرف RMA اشتغلت في السويفت ولا لسه
ولا فيهم زول عايز يخاطب الوسترن يونيون عشان تودع في الحسابات
عشان نتجهز لخطوة البنوك تدي المغترب سعر حر
...
اقلاها الخطاب المعمم حق أول امس من جمعية السوفت الخاص بعدم وجود مخاطر في التعامل مع المصارف في السودان كان أتبعتو حملة أعلامية و يطلع واحد منهم في قناة العربية أو قنوات الأمارت يقول أنو السويفت فاتح ولا يوجد مآخذ الآن أو مخاطر
ويشدد على البنوك تنسق العلاقات لانو الموظف في بنوك الخليج ما بيركز كتير على الخطابات العمومية من جمعية السويفت
.... |
هادي ود البوت
|
Post: #17
Title: Re: رفع الحظر المصرفي عن السودان
Author: Kamal Karrar
Date: 02-07-2021, 02:44 PM
Parent: #16
Quote: كيفك معاوية ...
لغاية الأربعاء أول أمس تعاني تحويلات
ال WU ... لعدم استطاعت الشركة تحويل
اكتر من ٥ مليون دولار لمكتبها في الخرطوم
للايفاء بالتزاماتها لعملاءها طوال الفترة السابقة
بسبب العقوبات ... دا كلام مسؤول مكتب
ال WU في الخرطوم ...
ثم المصيبة الكبيرة وهي التعامل مع الدولار
كسلعة زيو وزي السكر واللحم والبصل ...
المصيبة ال ٣٠ سنة الفاتت جعلت هذا الأمر
ثقافة عامة يتعاطاها كل الشعب السوداني
سواء رئيس جمهورية او وزراء ووكلايهم او
مدراء البنوك وموظفيها ليييييين بتاعين
الدرداقات ... عشان كدا يلزمنا الكتير جدا
من الدولارات لزرع الرحمن في نفوس الناس
ديل ونرجع نتعامل مع الدولار والجنيه ك
وسيلة لقضاء حوايجنا مش السعي لامتلاكه ... |
خدمات ويسترن يونيون.. فعلا بدأت وتستلم بالدولار.. لكن الفرحة
ما تمت.. لأنك لو أرسلت أكثر من 500 دولار لا يتم إستلامها إلا من الفرع
الرئيسي لبنك الخرطوم والذي يستقبل 5 طلبات للسحب يوميا فقط...
ولابد تحجز وتسجل أسمك قبل يوم في البنك...
ده عن تجربة شخصية الأسبوع الفائت...ولك أن تتخيل يعني لو في
200 حولوا في يوم من جميع بقاع العام سيصرف آخر واحد فيهم
بعد مرور 40 يوم ..ده طبعا لو وقفوا على 200 شخص.
أما من ناحية التحويل فعلا لا يأخذ أكثر من دقيقتين ومن جهاز تلفونك
من خلال تطبيق WU وأنت قاعد في بيتك...
الله يعين
|
Post: #18
Title: Re: رفع الحظر المصرفي عن السودان
Author: Maawya Hussein
Date: 02-08-2021, 11:26 AM
Parent: #17
Quote: السرحة الإلكترونية
شهور طويلة أنا قاعد في قروبات تجار العملة في الواتس .. كل يوم بتزيد .. الآن ممكن أصبحت بالآلاف .. وده سبب اساسي من زيادة حمى المضاربة
الســرحة الآن تحولت مع السوق العربي وعفراء .. إلي سرحة إلكترونية .. ما بالضروري الشخص يكون تاجر ولا حتى بيعرف زول في السعودية أو الأمارات عشان يفتح قروب .. بس يكون معروف أو متفق مع تاجر أو وسيط تاني " زي البيع الهرمي " .. واسماء المغتربين بتجيهو من الداتا بيز المحفوظة عشان يضيفها ... عشان كده تلقى أخوانا المغتربين يقول ليك أنا كل يوم بلقى نفسي مضاف لقروب عملة
.... .
اتكلمت مرة مع شباب صغار أو أطفال من صوتهم لقيتهم قاعدين في أم مقد وبيديرو القروبات لأعمامهم في جدة .. مقابل حسنة في كل تحويل ينزل في الحساب السعودي ..
واحد برضو اصريت يديني تلفون في السعودية رفض مع كترت الحوار معاهو لقيتو قاعد في عد بابكر ورسل بطاقة شخصية "ما بالضروري تكون بطاقتو" .. واحد بيدير قروب من الدامر بل بعضهم نسوان وربات بيوت لمن ترسل ليك الفويس نوت واضح أنهم من القرى من اللهجة ..
بعضهم حتى بينصب عليك بيفتح قروب ويرسل أسعار عالية تحول ليهو في الحساب السعودي ما بيرسل ليك التحويك من أمبوك .. وغالباً ديل بستخدمو حسابات سودانيين في المملكة .. بعض المغتربين المنصوب عليهم لمن راجعو الحسابات البستخدموها في المملكة لقت أنو في حسابات لناس غادرو المملكة في إجازة وأكيد ما بيرجعو
بعضهم طماع بيفتح قروبب واتنين و حتى 20 قروب .. زي صاحبنا المرفق رقم تلفونه مسجل تلات قروبات برقم واحد " موسسه الفادني لي التحويل " موسسه ال بطحان لى التحاويل " الأحرار لي التحاويل " .. عشان الناس ما تنمط ساكت ما بالضرورة الزول ده يكون من الجهات الكاتب القروب باسمها .. الواتس ما بيطلب مستندات عشان تسمي قروب .. لكن ده بيأكد كلامي معظمهم قليل التعليم وبالكاد يستطيع تربيط الأحرف .. في ناس زعلو مني لمن قبل كده قل أميين ..لكن دي حقيقية
....
المشكلة وين لو فرضا التاجر قال ليهو بديك جنيه في الريال كلهم ببدو ييرسلو الأسعار .. في واحد بيقسم الجنيه ويزيد السعر شوية عشان يفوز بأكبر قدر من الزبائن " باسواء فهم مضاربة أو كسر هلك السودان "أربح قليل عشان تبيع كتير" .. وهكذا لمن تكون بالآلاف بتتحول لشبه حمى اسعار
وده سبب اساسي في الحصل في التلات اسابيع الفاتو
...
عشان كده نحن نضرب حسابات السعودية البنشروها ونبلغ عنها هناك .. وأهم شيء ننشرها في تويتر ونمشن الجهات الأمنية .. السعوديين لو عرفو حساباتهم ممكن تتنشر .. ما بيجازف لأنو عملية تأجير الحساب البنكي على الأقل ياخد فيها 5سنوات سجن هناك
هادي ود البوت |
|
Post: #19
Title: Re: رفع الحظر المصرفي عن السودان
Author: Maawya Hussein
Date: 02-14-2021, 12:42 PM
Parent: #18
في الأمارات في أخبار عن تحديث المركزي الأماراتي للبنوك عن رفع السودان من قائمة الأرهاب Sanctioned Countries
شباب في بنك أبو ظبي الأسلامي (أديب) عملو تحديث للتطبيق ظهر ليهم فرع أديب في السودان وكان ما موجود
بنك العربي المتحد دبي حدث اليوم قائمة الحوكمة والألتزام حقتو(Compliance ) وشالو منها السودان بعد جاتهم توجيهات المركزي
..
|
Post: #20
Title: Re: رفع الحظر المصرفي عن السودان
Author: Dr. Ahmed Amin
Date: 02-14-2021, 02:18 PM
Parent: #19
Quote: في الأمارات في أخبار عن تحديث المركزي الأماراتي للبنوك عن رفع السودان من قائمة الأرهاب Sanctioned Countries
شباب في بنك أبو ظبي الأسلامي (أديب) عملو تحديث للتطبيق ظهر ليهم فرع أديب في السودان وكان ما موجود |
سلام معاوية ..
انا حسابي في ADIB من سنيين وفعلا اسم فروع البنك في العالم موجودة في قائمة البنك منذ افتتاح الفرع.
لكن عشان الشباب ديل يعرفوا الحقيقة عليهم الدخول لوقع البنك في الموبايل
ويفتشوا في القائمة الدولية التي توجد بها كل دول العالم بما فيها الصومال.
السودان لا زال مفقود مفقود مفقووووود 
قبل يومين كنت في فرع البنك وسالت مسئول هناك عن امكانية التعاون مع دولتنا الوليدة فاجاب انهم لم يستلموا اشعار من البنك المركزي هنا
بخصوص هذا الأمر ..
منتظرين ...
|
Post: #21
Title: Re: رفع الحظر المصرفي عن السودان
Author: Dr. Ahmed Amin
Date: 02-14-2021, 02:18 PM
Parent: #19
Quote: في الأمارات في أخبار عن تحديث المركزي الأماراتي للبنوك عن رفع السودان من قائمة الأرهاب Sanctioned Countries
شباب في بنك أبو ظبي الأسلامي (أديب) عملو تحديث للتطبيق ظهر ليهم فرع أديب في السودان وكان ما موجود |
سلام معاوية ..
انا حسابي في ADIB من سنيين وفعلا اسم فروع البنك في العالم موجودة في قائمة البنك منذ افتتاح الفرع.
لكن عشان الشباب ديل يعرفوا الحقيقة عليهم الدخول لوقع البنك في الموبايل
ويفتشوا في القائمة الدولية التي توجد بها كل دول العالم بما فيها الصومال.
السودان لا زال مفقود مفقود مفقووووود
قبل يومين كنت في فرع البنك وسالت مسئول هناك عن امكانية التعاون مع دولتنا الوليدة فاجاب انهم لم يستلموا اشعار من البنك المركزي هنا
بخصوص هذا الأمر ..
منتظرين ...
|
Post: #22
Title: Re: رفع الحظر المصرفي عن السودان
Author: Maawya Hussein
Date: 02-14-2021, 02:30 PM
Parent: #21
سلام يا دكتور احمد
في شباب منزلين اسكرين شورت من اخر تحديث للاب وظاهر عندهم اسم السودان ،،ممكن تتابع ردود الشباب في الموضوع من الصفخه دي
facebook.com/317580818954817/posts/718794472166781/؟d=n
|
Post: #23
Title: Re: رفع الحظر المصرفي عن السودان
Author: Dr. Ahmed Amin
Date: 02-14-2021, 02:41 PM
Parent: #22
شفتها يا معاوية وكلامي صحيح الشباب ديل بتكلموا عن فرع البنك في السودان وده ما عليه خلاف
وبالمناسبة ده من زمان حاصل.
بس خليهم يدخلوا في ايقونة (بنوك أخرى خارج الامارات) ستظهر قائمة بكل الدول التي يتعامل معها البنك مع بنوك تلك الدول
لن تجد اسم السودان ضمنهم
وهذا هو المحكـ
|
Post: #24
Title: Re: رفع الحظر المصرفي عن السودان
Author: Dr. Ahmed Amin
Date: 02-14-2021, 02:41 PM
Parent: #22
شفتها يا معاوية وكلامي صحيح الشباب ديل بتكلموا عن فرع البنك في السودان وده ما عليه خلاف
وبالمناسبة ده من زمان حاصل.
بس خليهم يدخلوا في ايقونة (بنوك أخرى خارج الامارات) ستظهر قائمة بكل الدول التي يتعامل معها البنك مع بنوك تلك الدول
لن تجد اسم السودان ضمنهم
وهذا هو المحكـ
|
Post: #25
Title: Re: رفع الحظر المصرفي عن السودان
Author: Dr. Ahmed Amin
Date: 02-14-2021, 03:03 PM
Parent: #24
في قائمة بنوك اخرى ستظهر القائمة اعلاه ولا يوجد السودان ضمنها
انا قصدي انه البنوك العالمية تتعامل مع بنوك الدولة وليست فرعها فقط
|
Post: #26
Title: Re: رفع الحظر المصرفي عن السودان
Author: Maawya Hussein
Date: 02-14-2021, 03:41 PM
Parent: #25
الموضوع داير حركه وهمه من بنك السودان ..
|
Post: #27
Title: Re: رفع الحظر المصرفي عن السودان
Author: محمد حمزة الحسين
Date: 02-14-2021, 03:59 PM
Parent: #19
| Quote: دي لسة بدري عليها لكن القرار خطوة كبيرة في الطريق |
|
Post: #28
Title: Re: رفع الحظر المصرفي عن السودان
Author: Maawya Hussein
Date: 02-23-2021, 09:50 PM
Parent: #27
الان التحويل عن طريق تطبيق الويسترن بالسعر المتداول متاخ من جميع الدول والتسليم عبر مكانب الويسترن في السودان
|
Post: #29
Title: Re: رفع الحظر المصرفي عن السودان
Author: Maawya Hussein
Date: 02-27-2021, 08:46 AM
Parent: #28
اهلاً حبابكم 🇸🇩
حمّلت تطبيق انجاز Enjaz ؟
تحويل للسودان 🇸🇩 مجاناً
عبر خدمة ويسترن يونيون
من انجاز و بنك البلاد😍
✅ وصول الحوالة فوراً
✅ التحويل متاح بالدولار و الجنية السوداني
✅ افضل سعر صرف لخدمة ويسترن يونيون
✅ استلام الحوالة بنفس عملة التحويل
✅ الاستلام من فروع: بنك الخرطوم، بنك التضامن، بنك النيل الازرق المشرق
صفحة العرض:
https://bilad.sa/47e8bhttps://bilad.sa/47e8b
رابط تحميل تطبيق انجاز
https://bilad.sa/ap1https://bilad.sa/ap1
فيديو لطريقة فتح حساب رقمي في انجاز من التطبيق وانت في بيتك
https://youtu.be/s8xJmlfx524https://youtu.be/s8xJmlfx524
فيديو طريقة التحويل من خيار "الدخول السريع" في تطبيق انجاز والدفع بأي بطاقة صراف مدى (بطاقة حساب الراجحي أو الأهلي أو الرياض وجميع البنوك)
https://youtu.be/2UTIrsB7MxMhttps://youtu.be/2UTIrsB7MxM
#حول_قروشك_بالبنك 🇸🇩💪🏻
|
Post: #30
Title: Re: رفع الحظر المصرفي عن السودان
Author: Maawya Hussein
Date: 02-27-2021, 11:38 AM
Parent: #29
سفير السودان بأمريكا نور الدين ساتي يكشف عن نجاح أول تحويل بنكي بين بنك قطر الوطني بالخرطوم إلى بنك ويلز فارجو بواشنطن كتحويل تجريبي بمبلغ صغير إلى حسابه الخاص
|
Post: #31
Title: Re: رفع الحظر المصرفي عن السودان
Author: mohamed kabbar
Date: 02-27-2021, 01:12 PM
Parent: #1
السلام عليكم خبر سعيد رفع اسم السودان من قائمة الدول وتحرير سعر الصرف ليفتح ذلك المجال للتحويلات من الخارج بالقنوات الرسمية دعما لاقتصاد الوطن
لكن الى الان البنوك الاوروبية لم يصلها توجيه بالتحويل للسودان لدى حساب فى فورتس بانك سالتهم امس و ذكرو انه لم يصلهم توجيه بالتعامل مع السودان اعتقد على بنك السودان مراجعة الامر و الاسراع فى ذلك
مع اجراء مجموعة من الحوافز للمغتربين تشجعهم للقيام بتحويل مدخراتهم بدول المهجر الى الوطن
|
Post: #32
Title: Re: رفع الحظر المصرفي عن السودان
Author: Abureesh
Date: 02-27-2021, 02:03 PM
Parent: #31
أنا من حوالى شهرين حولت مرتين لبورتسودان بالوسترن يونيون مباشرة.. بدون شركات وسيطة.. واحول بالموبايل بعد أن فتحت حساب مع ويسترن يونيون
شوف العالم تغير كيف.. وأنت راكب باص فى أمريكا تحول لأخوك فى بورتسودان، وهو ماشى فى الشارع يغير إتجاه ويمشى الوكالة يستلم القروش.. كلها
فى أقل من نص ساعة يكون اشترى حاجاته ومشى البيت. قبل يومين حسبوا له الدولار ب 387 جنيه
|
Post: #33
Title: Re: رفع الحظر المصرفي عن السودان
Author: اخلاص عبدالرحمن المشرف
Date: 02-27-2021, 02:22 PM
Parent: #32
فساد الموظفين هو المشكلة
الويسترن يونيون فرع عفراء مول الان
سيدة تشتكي من يوم الخميس مفروض تستلم
قالو لها تجئ السبت ، اليوم قالو لها يوم اداري
لو صحت الرواية هذا فساد قطع شك
|
Post: #34
Title: Re: رفع الحظر المصرفي عن السودان
Author: Maawya Hussein
Date: 02-27-2021, 02:23 PM
Parent: #32
سلام محمد وابو الريش
اعتقد الاعتماد علي الويسترن فقط ما كفايه ،، خصوصا للناس البتحول مبالغ كبيره ،، الناس تضغط لاصلاح امر البنوك
|
Post: #35
Title: Re: رفع الحظر المصرفي عن السودان
Author: Abureesh
Date: 02-27-2021, 02:35 PM
Parent: #34
| Quote: اعتقد الاعتماد علي الويسترن فقط ما كفايه ،، خصوصا للناس البتحول مبالغ كبيره ،، الناس تضغط لاصلاح امر البنوك |
كلامك 100% يا معاوية.. بس أغلب التحويلات (من ناحية العدد وليس حجم المبالغ المحولة).. أغلبها للأسـر.. وهذه مبالغ صغير ناس مية وميتين دولار. لذلك أسهل وأسرع الوسترن يونيون تدفع حوالى 7 دولارات فقط
ولكن شوف الصداع اللى توفره لزولك فى السودان. المشى للبنك والوقوف فى الصف..الخ. السيدة بتاعة عفراء مول لما أدوها المواعيد الأولى كان المفروض ترفض وتصر على المبلغ (الان) أو تشكرهم وتقول ليهم
خلاص أخوى يرجع القروش من وسترن يونيون .. ناس وسترن يونيون عندهم شعار (فى 15 دقيقة أهلك يستلمون فى أى كورنر فى العالم) وما يلعبوا أبدا فى دا. السودانيين تنقصهم المعلومات. عارف لو قالت ليه
كد كان طوالى فتح الدرج ودفع ليها.. وهو يعلم إن لم يفعل الشركة تسحب منه الترخيص.. هذه شروطهم التى وقعها معهم.
كيف نقدر ننشر المعلومات هذه لناس جوة؟
|
Post: #36
Title: Re: رفع الحظر المصرفي عن السودان
Author: Maawya Hussein
Date: 02-27-2021, 03:08 PM
Parent: #35
ناس بنك الخرطوم قالوا خلال اربعه يوم حركه التعامل وصلت ل10 مليون دولار ودا مبلغ كبير ،، في حماس كبير عند المغتربين انهم يقدمو حاجه للبلد وبقايلو برود وبطأ في الاجراءات ،، ولو الحكومه ما اداركت الحاصل دا الحماس حا يقل والناس حا ترجع للوسيله الاسهل
|
|
