من الاسكلا وحلا قام من البلد ولا دمعى الى الثياب بلا ******************* بيد داهى العذاب حلا بى تذكارو نسلا دمعى الى الثياب بلا **************** قلبى السابها واختلا من بدرى التمام هلا دمعى الى الثياب بلا ******************** صفر ودع البابور حاجزين قمره اتنين دور دمعى الى الثياب بلا ******************** البابور مر بى المجرور شال ظبيا سكونو تلول دمعى الى الثياب بلا ******************** جبل اولي الحبيب يشغا وحصل فى القطينه عشا دمعى الى الثياب بلا ******************** راح قبلى الطفشا وفشا الماليتو يلقى فشا دمعى الى الثياب بلا ******************** حيى بى الصقر خوه بى البدرى الدويم طوه دمعى الى الثياب بلا ******************** عاد لا حولا لاقوه حبيبى حلاتو فى الكوه دمعى الى الثياب بلا ******************** صباح الخير على ام نفلين اهني البيك محتفلين دمعى الى الثياب بلا ******************** بدر الحسن رب واللين شرف كوستى والجبلين دمعى الى الثياب بلا ******************** هنيئا حان وقت داك الرنك احتفل بى بهائك دمعى الى الثياب بلا ******************** وين الليله يانشهاك ياريت كنت فى جلهاك دمعى الى الثياب بلا ******************** ا ياكاك الحبيب طلاك وبعدو الزاد نفوزسنا هلاك دمعى الى الثياب بلا ******************** ياملوط حليل نزلائك يا زمن الفراق نسلاك دمعى الى الثياب بلا ******************** بى قدومك كدوك اصبح سوقو من الكساد ارباح دمعى الى الثياب بلا ******************** انا منى يا حسرته ابح كانى فى مدرك المذبح دمعى الى الثياب بلا ******************** زاد من بعدك الانكال قلبى بى الهموم انكال دمعى الى الثياب بلا ******************** شاطرى العاصمه يامكال لو فيك صبرى الينكال دمعى الى الثياب بلا ******************** من ده الهم مابنجا حبيبى الليله فى تنجا دمعى الى الثياب بلا ******************** ها يارب الخلق تنجا تركاكا حلتها العنجا دمعى الى الثياب بلا ******************** شامبى اضح بيك مسرور وبعدو المنقلا ياسرور دمعى الى الثياب بلا ******************** ياجوبا حى انا المقرور وبعدو النوم بقالى ضرور دمعى الى الثياب بلا ******************** كب يادمع لاتكون جاف ياقلبى البقيت رجاف دمعى الى الثياب بلا ******************** البدر الخفى الانجاف اليوم شرف الرجاف
Post: #7 Title: Re: ***** من الأسكلا .... أبراهيم حمامة ...... هجيج و Author: HAIDER ALZAIN Date: 02-03-2021, 02:26 PM
عمنا علي عبد الوهاب ما بنقدر نقول ليهو لا... طلباته اوامر .. وهي اغنية عموماً مكانها ما هنا بالبوست دا.. إلا لو عاوز اعمل فيها موسيقي" اخربط " ابداعنا بشغل الجيران.. فعفوا عم علي يادوب دخلت وقريت كلامك الراقي.. وعندك حق.. دا بالاضافة لانه ابو حسين هرشني وجريت واطي ههههههه تحياتي
الطريفي الطريفي هووووووووي شكلك لخبطت بيني و بين الحمار انا لحمي مر شديد ... الطريفي اختاني ... 😂😂😂😂😂
Post: #9 Title: Re: ***** من الأسكلا .... أبراهيم حمامة ...... هجيج و Author: محمد حمزة الحسين Date: 02-03-2021, 04:41 PM Parent: #7
عن إذنك يا كبير ...
صعب عليّا أسمعا من غير الكروان ....
Post: #10 Title: Re: ***** من الأسكلا .... أبراهيم حمامة ...... هجيج و Author: علي عبدالوهاب عثمان Date: 02-03-2021, 05:45 PM Parent: #9
حبيبنا حيد.. تحياتي يا جميل الاغنية دي في وجدان السودانيين ما معقول عشان ابوحسين الحبيب تشوها بالمصريين والكدايس كمان حبيبنا محمد حمزة جاب المرحوم مبارك بركات ما ممكن مبارك بركات والكديسة والمصري المهرج في بوست صدقني عارف كويس انك قاصد الاخوانيات الجميلة بينكم لكن عشان خاطر مبارك بركات لو سمحت احذف الصور دي صدقني انتو جميلين واخوانياتكم حلوة جداً بس رغم أني صادق في كلامي ( في حاجات في الاغنية دي ما فاهمها) كمان اسكلا كلمة نوبية ( معناها السواقي ) ديل أهلنا المحس في توتي وشواطيء الخرطوم زمان
سامحني يا حيدر .. وتحياتي ليك .. وللجميل أبوحسين .. وحبيبنا محمد حمزة
Post: #11 Title: Re: ***** من الأسكلا .... أبراهيم حمامة ...... هجيج و Author: Ahmed Yassin Date: 02-03-2021, 06:41 PM Parent: #10
شيخ محمد حمزة
Quote: صعب عليّا أسمعا من غير الكروان
ياسلام ياخ .. د ما غنا دا اسمه دعاء الكروان هل تصدق انه اي حرف او حتى نفس بطلع منه ملحن جاهز وفي محله تماما
في بابور تاني بيقوم من دنقلا وبيمر بالدبة وينتهي في كريمة لتكتمل الرحلة بالقطار البابور قد يكون عطارد او الزهرة او الثرياء او الجلاء او كرباكان وزي ما هنا في ود الرضي عندنا هناك كمان شاعرنا عبدالله محمد خير
يوم بابورا قام فرَّا وراهو أصبحت في حسره .. من الدبّه وانجرا .. سريع النهمه ما تجرا وجروح قلبي الابت تبرا .. دقايق وتاني قام فرّا .. وفاتا (قوشابي) بالمرّه .. (العفَّاض) خلاها ورا .. وهو خاشِّي (قنتيِّ) بان شِدَرا .. وجروح قلبي الابت تبرا (منصوركُتِّى) قام وجرا .. (الكُلُد) ، (مُوره) ، (أمبكول) بضرا .. (جُواري) و (كورتي) جات دافره .. و(الباسا) و(أٌوسلي) ديك ظاهره .. وجروح قلبي الابت تبرا (المقل) والريح لقينا ضرا .. (القُرير) حيّرنا في الخضره .. تومتي الخاشِّي وابورا .. و(الزومه) منارة الفُقرا .. وجروح قلبي الابت تبرا علي (تنقاسي) دمعي جرى .. وسوَّاقا عصربها الحَجْرَه .. مبيتو الليله وين يا ترى .. في (مروي) الوَقف غَفرا .. وجروح قلبي اللبت تبرا فجُر قام ، الاجراس نقرا .. وبابورا اتوسَّطت بحرا .. ياديك (كريمه) .. داك قطرا واقفين والنهار حَرّا .. وجروح قلبي الابت تبرا في الأولى مجهّزه القمرا .. في (الكاسنجر) دمعي جرى .. وديك (ام غربان) وصل خبرا وجروح قلبي الابت تبرا (اب حمد) الحبيب زارا وعليهو خلايقو تنجارا .. تومتي فراقنا قسمه ترا انتي اوعك تنسي للعُشره .. وجروح قلبي الابت تبرا (الشِريك) ، (بربر) سريع مَرَّا وفي (عطبره) دقَّ صُفاره .. وركب قطراً طريقو برا (هيا) و(سنكات) دروب وعِره .. وجروح قلبي الابت تبرا طويله .. ممله دي السفره و(بورسودان) نهاية الرحله .. السكون ديم سلبونا بَرا وسلام ياساكني الحاره .. وجروح قلبي الابت تبرا .. تعال اللوصيكي ياجاره انتي للسر كوني ستاَّره .. مولاي جروحي اطفي نارا وهي من يوم غابت القمرا .. يا رازق السمكه في بحرا انتا فوق تومتي الصغير عُمُرَا .. وجروح قلبى الابت تبرا ..
Post: #13 Title: Re: ***** من الأسكلا .... أبراهيم حمامة ...... هجيج و Author: علي عبدالوهاب عثمان Date: 02-03-2021, 08:55 PM Parent: #12
Quote: لبابور قد يكون عطارد او الزهرة او الثرياء او الجلاء او كرباكان وزي ما هنا في ود الرضي عندنا هناك كمان شاعرنا عبدالله محمد خير
حبيبنا حافظ تحياتي يا سلام على شاعرنا الجميل عبدالله محمد خير يا سلام يا الحبيب حافظ رجعتنا عشرات السنوات أيام التدريس كنا نسافر من دنقلا الى كريمة رحم الله عبدالله محمد خير ولديه قصيدة جميلة عن السواقين واللواري وقهوة ام الحسن
آخر باخرة كانت باقية تقريبا هي كربكان
اذكر وأنا معلم في نوري الغويبة غنى احد طلبة اغنية رائعة جداً
كت مسافر جيت أسألا قالوا قامت لدنقلا الجلا القام بالحلا واصل الرحلة بأكملا أسأل الباري اللفي العلا المدارس دي يقفلا
صدقني وقفت مندهشاً امام هذا الطفل الموهوب أهلنا الشايقية أجمل ناس .. فن أصيل
أبوحسين الحبيب البوست بقى توثيق لغناء السفر والوصف
يا ريت حبيبنا حيدر يسحب تلك الصور
تحياتي الحبيب أبوحسين .. معليش احتلال لهذا البوست الجميل
Post: #14 Title: Re: ***** من الأسكلا .... أبراهيم حمامة ...... هجيج و Author: HAIDER ALZAIN Date: 02-04-2021, 00:03 AM Parent: #13
عمنا علي عبد الوهاب ما بنقدر نقول ليهو لا... طلباته اوامر .. وهي اغنية عموماً مكانها ما هنا بالبوست دا.. إلا لو عاوز اعمل فيها موسيقي" اخربط " ابداعنا بشغل الجيران.. فعفوا عم علي يادوب دخلت وقريت كلامك الراقي.. وعندك حق.. دا بالاضافة لانه ابو حسين هرشني وجريت واطي ههههههه تحياتي
Post: #15 Title: Re: ***** من الأسكلا .... أبراهيم حمامة ...... هجيج و Author: علي عبدالوهاب عثمان Date: 02-04-2021, 07:33 AM Parent: #14
Quote: دا بالاضافة لانه ابو حسين هرشني وجريت واطي ههههههه
الحبيب حيدر شكرا يا راقي .. صدقني أحب البوستات بالنسبة لي هي الاخوانيات استمتع جداً بالمتابعة والقراءة الاخوانيات هي أعلى مستوى الاخوة والصداقة لأنك أصلاً لا تمازح إلا من تحبه وتقدره
تحياتي الحبيب حيدر والتحية للحبيب أبوحسين
Post: #16 Title: Re: ***** من الأسكلا .... أبراهيم حمامة ...... هجيج و Author: ياسر السر Date: 02-04-2021, 08:13 AM Parent: #15
مع احترامي لكل من تغنو بهذه الأليازه الجميلة ولكن .... هنا بيت القصيد
Quote: صعب عليّا أسمعا من غير الكروان ....
رتحم الله عمي مبارك حسن كروان الحقيبة فقد حفظنا عنه ومنه عدد مقدر من ألاغاني الجميلة التي مازالت منذ الثلاثينات والعشرينات ذات جرس موسيقى وطرب عميق فالاسكلا هي مشرع كان قصاد توتي او جوار مبى قاعة الصداقة الحالي كان يورد له الناس من جميع احياء الخرطوم وبحري وام درمان وكان بمثابة ميناء نهري كبير وكان محطة للبواخر النيلية ومنه انطلقت رحلة الفتاة التي كتب فيها جدي ود الرضي هذه الموشحه الجميلة ويقال ان هذه الفتاة كانت تقطن ام درمان وتم نقل والدها للعمل في اقصى جنوب السوادن وكان هناك شاب يحبها فطلب من ود الرضي ان يكتب له قصيدة في سفر محبوبته وفي فراقها له فكانت من الاسكلة وحلا بصورتها الجميلة ... ولا اريد ان اطيل رحم الله عمي مباركحسن بركات ورحم جدي محمد ود الرضي فهما قمران من اقمار العيلفون ومن اقمار شرق النيل ومن اقمار السودان عامة حيث الابداع اللا محدود ... شكرا الجميل ابو حسين فقد اهجت علينا انغام جميلة كانت في الذاكرة البعيدة
تحياتي : ياسر العيلفون ......
Post: #17 Title: Re: ***** من الأسكلا .... أبراهيم حمامة ...... هجيج و Author: Ahmed Yassin Date: 02-04-2021, 09:27 AM Parent: #16