Post: #1
Title: احبابنا في امريكا .. معقول النسبة للبيض أكثر في لقاح كورونا
Author: علي عبدالوهاب عثمان
Date: 02-02-2021, 08:43 AM
(قرأت الخبر ادناه في موقع اخباري في msn
ولتأكيد على مصداقية هذا الموضوع طبعاً الفيصل في سودانيز أون لاين
لنعرف الحقائق من أخواننا واحبابنا في أمريكا العظيمة ..
| Quote: أظهرت بيانات جديدة أن المواطنين الملونين في الولايات المتحدة، يتلقون جرعات أقل من البيض في الأسابيع الأولى من التطعيم.وأوضحت البيانات أن معدلات الوفاة بسبب الفيروس بين الأمريكيين من أصول إفريقية وذوي الأصول اللاتينية، تقارب ثلاثة أضعاف مثيله بين الأمريكيين البيض.جاء ذلك وفقا لتحليل أجرته مراكز السيطرة على الأمراض والوقاية منها، ومن المرجح أن يتقلص العاملون الصحيون الملونون والآسيويون بسبب الفيروس أكثر من البيض.وحتى الآن، تم تطعيم 3% من الأمريكيين، لكن في 16 ولاية، كان معدل تلقيح البيض أعلى بكثير من السود، وفي بعض الحالات مرتين أو ثلاثة.وفي الحالة الأكثر مأساوية، تم تطعيم 1.2% من سكان بنسلفانيا البيض اعتبارا من 14 يناير، مقارنة بـ 0.3% من سكان بنسلفانيا السود.مع تباطؤ معدل التطعيم في الأيام الأخيرة، كان هناك 440 ألف حالة وفاة و26.1 مليون حالة، وتوقع الرئيس الأمريكي جو بايدن ارتفاع النسبة لنصف مليون حالة وفاة.يقدر معهد القياسات الصحية والتقييم التابع لجامعة واشنطن، والذي غالبا ما يضع البيت الأبيض نماذجه للتنبؤ بتطور الوباء، أنه بحلول مايو ستصل حالات الوفاة إلى 570 ألف حالة. |
|
Post: #2
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-02-2021, 08:46 AM
Parent: #1
المهم ليس نسبة الوفيات والاصابة لأن هذا الموضوع يتوقف على الشخص واحترازه
ولكن جرعات التطعيم نسبة البيض أكثر من الاصول الافريقية
|
Post: #3
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-02-2021, 08:52 AM
Parent: #2
هل الموضوع متعمد أو أن البيض في أمريكا أكثر حرصاً على صحتهم
ربما نحن احياناً لا نكترث لأمور معينة ولا تكون لدينا الأولوية
امريكا اكيد بلد جميلة ولو لم تكن كذلك لما هرب اليها الناس من كل انحاء العالم
|
Post: #4
Title: Re: احبابنا في امريكا .. معقول الأولوية للبيض �
Author: بدر الدين الأمير
Date: 02-02-2021, 09:08 AM
Parent: #3
على ياود عبدالوهاب
اليوم مشيت اخد جرعة التطعيم
بمركز صحى الوعب بمنطقة السد
حيث مسكنى وكنت وغيرى من الجنسيات
الاخرى زينا وزى القطرين جنس اهتمام ومنجهة
يحددو الجرعة التانية ويطلبو منك تحدد الوقت
البناسبك
|
Post: #5
Title: Re: احبابنا في امريكا .. معقول الأولوية للبيض �
Author: Ahmed Yassin
Date: 02-02-2021, 09:42 AM
Parent: #4
استاذنا (ألي أبدالوهاب تود) إرسي ؟ ان هالون سرنل
وفي دراسة تانية مفادها ان الفايروس يصيب البيض اكثر من السود
..
في حاجة كانت محيراني شفتها في امريكا ادخل مطعم القى ليك السود قاعدين ياكلوا في ناحية والبيض متلمين في حتة تانية
ووسط البيض ديل بلقى واحد (اسود) قاعد في نصهم وبياكل ،، قلت كدي اشوف ليه يعني !!!
اول ما اقرب عليهو اكتشف انه سوداني .... طبعا هو قايل نفسه (ابيض)
|
Post: #6
Title: Re: احبابنا في امريكا .. معقول الأولوية للبيض �
Author: امتثال عبدالله
Date: 02-02-2021, 12:58 PM
Parent: #5
احتمال ده كان زمان في عهد ترامب العنصري ...
لكن الان في عهد بايدن ، عهد الحرية والسلام والعدالة مافي العنصرية دي،،،،
نعم البيض بياخدو نصيب اكبر في التطعيم لانهم اغلبية وانت بتشوفهم اكثرية في
في صفوف التطعيم لان عدد سكان امريكا حوالي ٣٥٠ مليون نسمة وعدد البيض حوالي
٣٠٠ مليون وعدد الملونين ٥٠ مليون نسمة...
وبعدين السود ما عندهم الصبر يقيفوا في الصفوف ، كسلانين زينا وينتظروا الصفوف تخلص
..والان تم تطعيم ٣٢ مليون فقط من سكان امريكا ...يعني الموضوع في بدايته....
العنصرية انتهت بانتهاء ترامب،،
|
Post: #8
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-02-2021, 01:05 PM
Parent: #5
Quote: ووسط البيض ديل بلقى واحد (اسود) قاعد في نصهم وبياكل ،، قلت كدي اشوف ليه يعني !!!
اول ما اقرب عليهو اكتشف انه سوداني .... طبعا هو قايل نفسه (ابيض) |
احمد امبس .. سيرناقمي .. ياسينتود ..
ما عارف في بلده لكن أنا لمن كنت شغال معاهم هنا في الجيش
كانوا أحلى ناس .. ما لاحظت اي حاجة يمكن أكثر 12 سنة معاهم
بعدين قصة ( سوداني ) أكثر حاجة في فجأتنا عندنا حضرنا الى الخليج
حتى عند الجنسيات الاخرى السوداني ( اسود ) إلا يكون لونه على مستوى الخليجيين
تحياتي الحبيب احمد ياسينتود ..
|
Post: #7
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-02-2021, 01:00 PM
Parent: #4
الامير الجميل تحياتي
أنا قبل ثلاثة اسابيع كملت التطعيم نهائي الجرعة الأولى والثانية
فايزر بين الجرعتين ( ثلاثة اسابيع )
برضو هنا الشغل منظم جداً أول مرة اكتشف أن الشابات السعوديات
ما شاء الله كفاءة وتنظيم وأدب واحترام
ضيافة ومياه صحة وعصيرات
الظاهر الخلايجة بدأوا طفرة في التنظيم
منتهى الرقة والتنظيم في المعاملة وزي خاص ( سترات )
تحياتي الحبيب الامير
|
Post: #9
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-02-2021, 01:10 PM
Parent: #7
Quote: وبعدين السود ما عندهم الصبر يقيفوا في الصفوف ، كسلانين زينا وينتظروا الصفوف تخلص
..والان تم تطعيم ٣٢ مليون فقط من سكان امريكا ...يعني الموضوع في بدايته.... |
الابنة امتثال تحياتي وسلامي للاميرات
هي دي المشكلة عدم الحرص وكمان صحيح ما عندنا صبر
ونسبة لتعداد البيض مقابل السود الحكاية معقولة
اذن نسبة الوفيات في الكورونا لسوء الاحتراز
تويتر ونشرات الاخبار اصبحت بدون اثارة بدون ترامب
تحياتي ابنتنا الاميرة
|
Post: #10
Title: Re: احبابنا في امريكا .. معقول الأولوية للبيض �
Author: سيف النصر محي الدين
Date: 02-03-2021, 01:23 PM
Parent: #9
سلام استاذنا علي
يدور في امريكا حاليا نقاش واسع حول الموضوع ده.
قيل ان ثقة الملونين والسود بالتحديد في المؤسسة الطبية medical establishment
ضعيفة لاسباب تاريخية مثل تجارب السفلس المعروفة بتجارب Tuskegee study
وهذا الامر خلق لديهم ما يطلق عليه vaccine hesitancy.وده السبب في احجام
كثير منهم عن الذهاب لمراكز التطعيم.. ازمة ثقة يعني.
|
Post: #11
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-03-2021, 01:30 PM
Parent: #10
دكتورنا الحبيب سيف تحياتي
شكرا على التحريك الموضوع
كمان ألاحظ ليس هناك تحريك الاعلامي للموضوع
مداخلتك مهمة بالنسبة لنا ..
الموضوع كما لخصت ( أزمة ثقة )
شكرا دكتورنا على التوضيح
تحياتي
|
Post: #12
Title: Re: احبابنا في امريكا .. معقول الأولوية للبيض �
Author: سيف النصر محي الدين
Date: 02-03-2021, 02:55 PM
Parent: #11
بالعكس يا علي.. الموضوع مطروح بشدة في الاعلام الامريكي وفي
تحركات جادة لعمل حلول.. مثل مراكز تطعيم فيها اطباء وتمريض من الافريكان امريكان
فقط لكسر حاجز عدم الثقة ومناقشة مخاوف الناس مباشرة والرد على اسئلتهم.
|
Post: #13
Title: Re: احبابنا في امريكا .. معقول الأولوية للبيض �
Author: جلالدونا
Date: 02-03-2021, 03:13 PM
Parent: #12
ييا شيخ علي
ح احدثك عن اريزونا بس
نزل جدول التطعيم و تم التوزيع مجموعات
استعملو كلمة face بديلا لى كلمة group
فى الفيس الاول الاطباء التمريض و بيوت التمريض
والفئة العمرية 75 فما فوق
الفيس التانى برضو الناس الليها صلة بالحقل الصحّى
الصيدليات ترحيل المرضى و الفئة العمرية من 56 فما فوق
انا واقع فى الفيس التانى و تم تطعيمي قبل تلاتة يوم
و الجرعة التانية يوم 22/2
الشغل ما خاضع لى ده ابيض و ده اسود و ده لاتيني
خاضع بس لى نسبة احتمالات التعرّض للاصابة
و افتكر ده هو الوضع العادل
اقول ليك حاجة بتخش مركز التطعيم و انت سايق
بتمر على تلاتة محطات بتاعات مراجعة بالعربية
بتخش الهنقى بعد داك و تقيف قدام تربيزة الدكتور
يفتحوا باب العربية
انت قاعد فى عربيتك يطبوزك بالطبّازة و تتخارج
|
Post: #14
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-03-2021, 06:04 PM
Parent: #12
Quote: بالعكس يا علي.. الموضوع مطروح بشدة في الاعلام الامريكي وفي
تحركات جادة لعمل حلول.. مثل مراكز تطعيم فيها اطباء وتمريض من الافريكان امريكان
فقط لكسر حاجز عدم الثقة ومناقشة مخاوف الناس مباشرة والرد على اسئلتهم. |
شكرا دكتورنا على الحضور
ممكن يكون حل اطباء وممرضين من أصول افريقية
لكسر عدم الثقة .. حبيبنا ترامب يبدو أنه عقد الامور أكثر من اللازم
الامريكان ناس جميلين ..
لكن يبدو يا دكتورنا الاصول الافريقية في الانتخابات الماضية كانوا مؤثرين
جداً أرجو أن يسيروا على هذا النسق .. شكرا أوباما
تحياتي الدكتور .. شكرا على الحضور الرائع
حتى لو قرأت في الصحف أو نشرات الاخبار أنا دائما أحب اسمع الحقائق
من أحبابنا هناك ( امريكا ) لأنهم هم الأصدق
تحياتي
|
Post: #15
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-03-2021, 06:31 PM
Parent: #14
حبيبنا جلالدونا .. كيفك يا جميل
تذكر المصطلح (نقونتود )
ربما يختلف الأمر من ولاية الى اخرى
أو حسب الشخص
هنا في السعودية الموضوع منظم جداً انا اخذت الجرعة الاولى والثانية قبل شهر تقريبا
هنا أيضا في ناس غير جادين من جماعتنا مهما اتناقش معهم الواحد ينظر كأنه متخصص
في اللقاحات كل هؤلاء عندما يتم الربط بين اللقاح والسفر وتجديد الاقامة يمكن أن يتحركوا
شكرا كثير الحبيب جلالودنا .. كما ذكرت أنا أحب اسمع مثل هذه الاخبار من أهلنا
تماما كأخبارالسودان اقرا بوستات احبابنا في الداخل
تحياتي الحبيب جلالدونا
|
Post: #16
Title: Re: احبابنا في امريكا .. معقول الأولوية للبيض �
Author: Elhadi
Date: 02-03-2021, 06:41 PM
Parent: #15
| Quote: لكن الان في عهد بايدن ، عهد الحرية والسلام والعدالة |
يا امتثال بايدن ده لو ماخصمو ماترامب ما كان فاز أساساً :)
تحياتي أخونا الجميل علي عبد الوهاب
|
Post: #17
Title: Re: احبابنا في امريكا .. معقول الأولوية للبيض �
Author: علي عبدالوهاب عثمان
Date: 02-03-2021, 06:45 PM
Parent: #16
تحياتي الحبيب الهادي
شكرا على الحضور
تحياتي
|
|