Post: #1
Title: نموذج التناغم.. ديكتاتورية عسكرية مغلفة بعملاء مدنيين.
Author: Mutasim Idris
Date: 01-31-2021, 06:53 PM
05:53 PM January, 31 2021 سودانيز اون لاين
Mutasim Idris-Sacramento
مكتبتى
رابط مختصر
في الاخبار..
البرهان يهدد بتكوين حكومة (طوارئ) برئاسة المتناغم حمدوك..
تحليل الخبر.. حمدوك ارررح ياااخ نواصل تناغمنا..
|
Post: #2
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 01-31-2021, 07:04 PM
Parent: #1
احساس العسكر بالضغوط المرتقبة من البيت الابيض والتغيير
المحتمل في المنطقة. عودة جريان مياه الخليج من جديد
تحت (جسر) الدوحه عجًل العسكر بايعاز من الكفلاء باستباق
الضربات بزيارة فريق الخلاء الامي للعاصمة القطرية.
|
Post: #3
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 01-31-2021, 07:21 PM
Parent: #2
دعوة البرهان (تهديده) لحمدوك بالاسم لاعلان حكومة (طوارئ)
يعني استهتاره وتصديقه بقيام (ثورة) فعلية اطاحت بنظام
الكيزان واقتلاعه وإنما (تصحيح) مسار للانقاذ.
حمدوك يقبل الإهانات. اما متناغم (متواطئ) او زولا طيب سااي
ضل طريقه لقيادة الثورة.. لا بتستقيل لا سااااي بلوح بيها.
الاثنين شينات..
|
Post: #4
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 01-31-2021, 07:26 PM
Parent: #3
قرار مجلس النواب بتسليم العسكر شركاتهم وقيام التشريعي
والتمهيد للانتخابات بعد الانتقاليه فيه رسالة واااضحة للمدنيين.
يعني بالعربي شغلكم دا نئ..
البرهان وعسكره وصلتهم اشارات الكفلاء (القادم اصعب) و
يلا استعجلوا..
|
Post: #5
Title: Re: نموذج التناغم.. ديكتاتورية عسكرية مغلفة ب�
Author: Asim Ali
Date: 01-31-2021, 07:41 PM
Parent: #3
Quote:
وإنما (تصحيح) مسار للانقاذ.
|
سلامات معتصم
ق ح ت تتوعد بتحريك الشارع فى حال تنفيذ البرهان لتهديده واعتباره انقلاب
السؤال الشارع اتفتت بسبب صراعات الكيانات وحتى الازمات كبرت قاده حزب الكنبه بسبب حاله الاحباط وعدم الثقه فى جدوى اى فعل ايجابى لاستعاده الثوره ناهيك عن استقطاب جزء باستخدام الجهويه والقبليه واستخدامها كاداه فى الحرب على الانتقاليه ونحنا شايفين خروج تدريجى لقيادات الكيزان من كوبر وتراخى عن تسليم البشير وباقى القائمه والطامه انو يتسرب للحكومه كوز كبير بذريعه قياده حركه مسلحه
غايتو مابعرف لكن الثوره دى مابتشوف عافيه وتغتسل من جنابه الشراكه الاثمه الابخط فاصل بين الثوره اى شكل من اشكال الوجود الكيزانى تحت اى واجهه او مسمى او بشكل فردى
|
Post: #6
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 01-31-2021, 09:22 PM
Parent: #5
عاصم سلامات..
قطار الثورة فرمل باتفاق الشراكة مع العسكر ما تسليمهم و
الابقاء علي قبضتهم العسكرية (دولة داخل دولة) وقادتهم
وغادر قضبانه بالتناغم ودكتاتورية النموذج عسكرمدنيين
بتمرير اجندة المحورين، (عمالة) مع الامارات واستيطان (تمكين)
مع الدوحة.
Quote:
غايتو مابعرف لكن الثوره دى مابتشوف عافيه وتغتسل من جنابه الشراكه الاثمه الابخط فاصل بين الثوره اى شكل من اشكال الوجود الكيزانى تحت اى واجهه او مسمى او بشكل فردى |
ما ملاحظ انه حمدوك لا احتج لا دق جرس للعسكر او حتي
انتقدهم؟ انما فااالح في انتقاد قوي الحرية عيان بيان.
|
Post: #7
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 01-31-2021, 09:28 PM
Parent: #6
قوي الحرية في زات نفسها هي بالكااااد خمسة (اشخاص)..
لا عندهم رؤية لا برامج في عضهم (احزابهم) لكن بقالعوا في
الكراسي للانتقالية (الصبة الابدية)..
الوثيقة الدستورية بقت في يدهم زي الاكورديون.. يفتحوها (هوي)
يعزف نغمة يتراقصوا عليها في لعبة الكراسي.
|
Post: #8
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 02-01-2021, 04:17 AM
Parent: #7
الانتقالية الابدية..
الوثيقة الدستورية (المعلومة او غيرها) الشغالين بيها شركاء الحكم
اكثر بند (فيهم) مطبق بحذافيره هو تابعية وزيري الداخلية و
الدفاع للعسكر.. باقي البنود حدًث ولا حرج بما فيها التحقيق
في مجزرة القيادة العامة وحق القصاص لسادتنا الشهداء.
الوثيقة في روحها (اتفتحت بالشركاء) ومن ديك وعييييك. ما عاد
ليه شرف القبول او حتي الاحترام..
تمديد الاتفاق وادخال بنود جديدة بقي يتم بليل في (قعدة) بعدما
كان ثمنه روح شهيد او دماء مغتصبات.
|
Post: #9
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 02-01-2021, 04:34 AM
Parent: #8
كل شركاء المشهد، عسكرهم بمدنيهم والحركات اجتنبوا قيام
التشريعي لاسباب ابسطها ما عندهم ممثلين للمقاعد من
قواعدهم لانه اسااااسا ما عندهم قواعد. اما اشراك الشارع
في ثورته بالتمثيل فااا دا معناها لف الحبل حول الرقبة.
وزراء حكومتين بحدد كفاءتهم للمنصب تزكية من (ناسهم)!!
حكومتين الاولي معينة وفشلت والتانية في الطريق نفسه و
القاسم المشترك بينهم هو حمدوك ولو طوارئ بأمر البرهان.
|
Post: #10
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 02-02-2021, 04:27 PM
Parent: #9
الانتقالية الصبة ابدية.. نظرة سريعة لشركاء الانتقاليه:
١- عسكر اللجنة الامنية للانقاذ حماة الكيزان (افراد ودوله).
٢- احزاب اسماء بقواعد ضعيفة او منعدمه لن يسعوا لانتخابات.
٣- جنرالات (الكفاح المشلح) شركاء مقاعد الانقاذ السابقيين.
٤- حميدتي. باحلام الفتي الطائر مع عمالة، تهريب وحق متفق.
٥- حمدوك حافظ خانة الجوكر لحين ظهوره.
والشارع.. ثورة واتسرقت.
التشكيل الوزاري والمقالعة في المقاعد ح تفضح الكثير..
الله يرحم اسيادنا الشهداء في عليائهم..
نواصل..
|
Post: #11
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 02-04-2021, 03:20 PM
Parent: #10
ابراهيم الشيخ الناطق المدني بأسم العسكر..
البرهان دق جرس وابراهيم الشيخ يطلع بيه مداعي..
ودا نفس الشخص اللي برأ الجنجويد من فض الاعتصام واتهم
هيئة العمليات قبل ما يتم اااي تحقيق او تعيين نبيل اديب زاتو.
غايتو يا سنابل الزول دا لسة محسوب عليكم..
قبل كدا استقال من العمل السياسي هههههههه.
في انتظار تكليف حكومة الصبة الابدية..
|
Post: #12
Title: Re: نموذج التناغم.. ديكتاتورية عسكرية مغلفة ب�
Author: Mutasim Idris
Date: 02-04-2021, 03:30 PM
Parent: #11
تصريح الاستاذ ابراهيم الشيخ يأكد محاولات العسكر احكام
القبضة علي مفاصل الحياة الاقتصادية والسياسية والعسكرية
بالتسريع بأعلان رئيس وزرائهم عبدالله حمدوك للحكومة.
عطس البيت الابيض في وجه عسكر مينامار واصابت الكرونا
عسكر الخرطوم..
قال نموذج عسكرمدني..
غااايتو.
|
|