يا أخواننا العفو والعافية

09:32 PM January, 30 2021

سودانيز اون لاين
عبد الصمد محمد-السعودية
مكتبتى
رابط مختصر

سأكون غير موجود بالمنبر
ومن له أي باقي كلام ما تميناه
ممكن يراسلني في الماسنجر
أو بالوسائل الأخرى لمن يملكون الإيميل والهاتف
أنا بخير

سلام يا عبد الصمد
يا حبيب نعل مافي عوجة.
نتمناك دائماً بخير ونتمنى إنك ما تطول الغياب

لا والله مافي عوجة أشكر الله أولاً وهذا المنبر ثانياً الذي جمعني بأكرم الناس
الذين عرفتهم في حياتي
وإستفدت كثيراً من هذا المنبر ومنك انت كأحد أعلامه

أخ عبد الصمد
تحياتي
ربنا يديك العافية ويحفظك انشالله وحيث ما تكون بخير أنشالله
وانت الذي تعفو عنا وتدعو لنا بصالح الدعاء
مع كل التقدير

مغفوا وعافية
ما رايت منك الا جميلا
ما طول الغياب

و تمش ليه يا عبد الصمد
عشان بوست اتحذف !!!!
المشكلة زولك داك بيعتبرو انتصار
مع انو عندو مداخلة فى بوست الوالية جري
رغم انفه و عدّلا
خليك قاعد و واصل كفاحك

سلمات يا عبدالصمد

لو سبب مشيك ما كتبه جلالدونا فى المشاركة السابقة
ما عندك حق لانك بتدّى فرص من ما فى للناس ديل
اقعد وحكّها معاهم بالمنطق طريق تفتيح دروب الاستنارة
دائماً وعرة وتحتاج الى كفاح واصل يا زول .
( وبصراحة انا مش عارف سبب مغادرتك ولا شئ عن البوست المحذوف )

أخي عبدالصمد
لك كل التحايا الطيبات
إسمك يمر علي كثيراً جداً فيما أطلع عليه في هذا المنبر ويؤسفني جداً
أن يكون الذي قرأته بسبب ماذكره الأخ جلالدونا وهنا أردد عليك ماقاله
الأخ علاء سيد احمد من أننا لا نعرف شيئاً عن السبب الحقيقي وراء
مغادرتك ولم نطلع أيضاً على البوست المحذوف وغاية مافي الأمر أن
مغادرتك بهذه الطريقة تحزننا وتجعلنا نقدم لك رجاءً بأن تكون صامداً
يا (عبدالصمد) ....

اهم شىء انك تكون والاسرة الكريمة وجميع احبابك بخير

السلام عليكم جميعا
ويا عزيزاً ذا لباقة وحُسنَ علاقة ومركوز عراقة،
صديقي العزيز عبدالصمد،

تغاااادر كيف؟
الكلام دا ماااااابجي قطعاً قطعا..

وإن كان ولابد، فيا عزيزنا غييييب و تعال..

وافر التحايا والوُد والعَشم الشديد في بقائك..

فالمرحلة لا تحتمل..

Quote: فالمرحلة لا تحتمل..

معذرة ابو جودة على السؤال الانصرافي بس النصيحة لله احترت وقدر ما وديت يمين وجبت شمال ما فرزت المرحلة التي لا تحتمل دي ياتو مرحلة ولا تحتمل شنو بالضبط؟
فا لوتكرمت بامزيد من الضوء و التفصيل عن هذه المرحلة

Quote: النصيحة لله احترت وقدر ما وديت يمين وجبت شمال ما فرزت المرحلة التي لا تحتمل دي ياتو مرحلة ولا تحتمل شنو بالضبط؟ فا لوتكرمت بامزيد من الضوء و التفصيل عن هذه المرحلة

مرحب عزيزي ودالبُشرى،

المرحلة التي نعيشها بالطبع سياسي-انتقاليّاً هذه الأيام Nowadays
لاتحتمل تغيّب "رأي أخيك" باعتباره يحمل (+) و( -) النصف تكاملياً integritial مع رأيك
لاسيما، وفي اعتقادي، أن رأي أخينا عبدالصمد، من الآراء المرجوّة بصرف النظر
عن الاتفاق أو الاختلاف .. وتعلمون!! أن اختلاف الرأي لا يُفسِد للوُدِّ قضية ..

الحبيب عبد الصمد.. سلامات

بالسلامة والتوفيق ان شاء الله لك في مقبل ايامك ..
سأظل استمتع بكل خياراتك الموفقة للاغاني على اليوتيوب..

تحياتي

Quote: نقدم لك رجاءً بأن تكون صامداً يا (عبدالصمد) ....

أثنّي.

يببب ..

إلي عودة